عيادة دكتور/ عبد الستار سيف للأمراض الصدرية

17/12/2025

تحية خاصة لأحدث المتابعين لي! يسرني انضمامك! أم الأمير عواوده, Islam Elgohary, خالد رياض رياض, خالد محمود ف*ج الهنداوي, ابو محمد, Gamal Saleh

17/12/2025

الطيور ممكن تسبب تليف فى الرئتين

طفل ٩ سنوات يعانى من نوبات ضيق بالتنفس وكحه جافه وراح لأطباء الأطفال مرات عديده واتشخص التهاب رئوى كذا مره .. وآخر مره دخل عنايه الأطفال . وتم عرضه علي . وبعد رؤيه الاشعه المقطعيه تبين وجود تليف فى الرئتين . وسألت الام عن تعرض الطفل للطيور . قالت فعلا هو طول النهار فى الحوش بيلعب جنب الفراخ . وكمان لما كان مفيش فراخ مدة ٣ شهور كان كويس .
الاشعه المقطعيه لتليف الرئتين نتيجه التعرض للطيور مميزه ولها خصائص واضحه .
تم التشخيص بفضل الله بعد فتره طويله من المعاناه .
و تم النصح بعدم التعرض للطيور واعطاؤه علاج المناسب .

الرساله . التاريخى المرضى مهم جدا فى التشخيص والعلاج الصحيح
وأسأل الله لنا ولكم العافيه والسعاده

د عبدالستار سيف
أستشارى الصدر والحساسيه والعنايه المركزه
فاقوس : خلف مجمع الشرطه
٠١٠٠٨٥٣٥٧٤٥ ( اتصال - واتس )

14/12/2025

13/12/2025

حساسيه الصدر

بتعاني من كحة مستمرة أو بتزيد مع التعرض لعوامل زي الغبار، الدخان، أو التغيرات الجوية؟

دي ممكن تكون أعراض حساسية الصدر.

ازاي تقدر تفرق بين الكحة العادية وأعراض حساسية الصدر، وإيه الخطوات اللي ممكن تاخدها عشان تحمي نفسك وتخفف الأعراض.

الفرق بسيط: الكحة العادية بتروح لوحدها بعد فترة قصيرة أو مع العلاج البسيط.

لكن كحة الحساسية بتيجي مع عوامل زي الغبار أو الروائح، وممكن تكون ناشفة وبتيجي مع العطس وبتزيد في وقت معين أو في أماكن معينة. وكمان بتكون مصحوبه بتزييق فى الصدر وبتزيد فى الليل .

في عيادتنا بنقدم لحضراتكوا الفحص الطبي والعلاج المناسب لضمان صحة أفضل بعون الله تعالى .

ـــــــــــــــــــــــــــــــــــــــــــــــــــــــــــــــــــــــــــــــــــــــــــ
د / عبدالستار سيف
أستشارى الصدر والحساسيه

فاقوس : خلف مجمع الشرطه ، برج طعيمه
٠١٠٠٨٥٣٥٧٤٥
اتصال- واتس

09/12/2025

إرتقاء الوعى الصحى

إرتقاء الوعى الصحى يوفر فلوس ويحافظ على الحياه ويقصر فترة المرض بفضل الله .

سبل ارتقاء الوعى الصحى

ـ مفيش حاجه اسمها أن الناس بيقولوا كذا ، فيها أن الطبيب المتخصص شايف كذا .
- الطبيب الصيدلى بيعالج الأعراض وليس الأمراض .
- الطبيب المتخصص اكتر واحد حيعملك الصح من الآخر .
- المريض لازم يستوعب ويفهم مرضه كويس . عشان يساعد الطبيب اللى حيكشف عليه بعد كده .
- الأمراض المزمنه تستلزم علاج مستمر ومنتظم ذى الضغط والسكر والربو وأمراض القلب والكبد والمناعه.
- اتباع تعليمات الطبيب ذى التوقف عن التدخين وتناول المشروبات الدافئه وكمان تجنب السكريات والحلويات لمرضى السكر وتجنب الأملاح لمرضى الضغط .
- تجنب عمل أشعات مقطعيه دون استشارة الطبيب لتجنب التعرض إلى جرعه عاليه من الإشعاع .
- الاحتفاظ بالاشعات والتحاليل السابقه لتسهيل تقييم الحاله المرضيه فى المستقبل .
- مفيش حاجه اسمها أن المريض يفضل يكح لمده شهرين وياخد علاج من الصيدليه وبعدين يطلع عنده مرض الدرن مدمر الرئتين بعد ما سبب عدوى لكل الناس اللى حوليه . ذى ما قلت قبل كده : كحه اكتر من أسبوعين لازم تشوف طبيب متخصص لمصلحتك ولمصلحه أحباءك .
- المرض لو بيتكرر مش ينفع تكرر العلاج وخلاص . لازم تدور على حل نه‍ائى .
- الكورتيزون دواء رائع ومفيد ولكن يتاخد بمعرفه الطبيب المتخصص لتجنب أخده لفتره كبيره أو تكرار تناوله .
- تربيه الحمام والطيور ممكن يعمل مشاكل خطيره فى الصدر .
- فيه فرق كبير بين تخصص طبيب القلب وجراح القلب وطبيب الصدر وجراح الصدر . الطبيب عنده علم ومعرفه ومقدره على تشخيص وعلاج المرضى أفضل من الجراح واللى متخصص فى عمل العمليات . اللهم بلغت .
- الناس اللى بتعرضوا للأتربه والأدخنه ممكن يعانوا من أمراض فى الجيوب الانفيه والصدر .
- الاطفال اللى عندهم برد ورشح مستمر لازم يستشيروا طبيب انف واذن . لأن المشكله غالبا بتمتد إلى الصدر .

ولو فيه حد من حضراتكوا عنده أى ارشادات إضافيه يتفضل يكتبها فى التعليقات .
وأسأل الله العظيم للجميع الصحه والعافيه .

د عبدالستار سيف .
أستشارى الصدر والحساسيه والعنايه المركزه
فاقوس : خلف مركز الشرطه . برج طعيمه
٠١٠٠٨٥٣٥٧٤٥ ( اتصال - واتس )

09/12/2025

06/12/2025