DR.Hatem Elgendy Kids Clinic

02/01/2026

2026
اللهم اجعله عاما تتبدل فيه أحوالنا الي أحسن حال 🤲🏻

16/11/2025

العالم كله عموما ومصر خصوصا بقينا عايشين في ضغط شديد
وللاسف ده اثر على الكل
فبقى الطبيعي اننا نعيش في ضغط
كلنا بنجري بسرعة وكل واحد بيضغط على اللي حواليه
سنين فاتت بحاول ارضي الكل
بس الأساس اني بحاول في حياتي وشغلي اعمل احسن حاجة اقدر عليها
بقيت بحاول دايما اعمل اكتر
اساعد اكتر
ارد اكتر
اشتغل اكتر
وتدريجيا ده تحول مع كتير من الناس لواجب عليا
بدأ الكل يضغط عليا اكتر
ويطلب مني اكتر
وانا اضغط على نفسي زيادة
وللاسف اضغط على بيتي وولادي زيادة
تمدد شغلي حتى ابتلع حياتي كلها
بدأت ب ٨ ساعات في اليوم
تحولوا لشغل ٢٤ ساعة ٧ ايام
لحد ما صحيا ونفسيا وقعت
فقلت خلاص
هسيب كل حاجه واقعد في عيادتي وابعد
بدأت اني اشتغل واحدد مواعيد تناسب صحتي واسرتي
وبدأ الكل يضغط عليا
فبدأت اضغط على نفسي واسرتي
تدريجيا لحد ما وصلت بين العيادة والواتساب والشغل لاكتر ١٦ ساعة أو اكتر كل يوم
بحاول ارضي الكل و ارد على الكل
واسعف اللي اقدر عليه
وكل ما احاول احط قاعدة منظمة او مساعدة الناس ميعجبهاش
وانا وحيد تماما في شغلي
ولقيت نفسي مسئول عن شغل بتعمله مؤسسات كاملة والله
والناس بتطلب مني لبن العصفور
وتحويلات لاطباء واماكن طبية في مصر
ومتابعة حالات في مستشفيات بالتليفون
وطمأنة ناس معرفهاش اصلا
برد على ٥٠٠ ل ٧٠٠فرد في اليوم غير شغل ١٢ساعة مع الناس
ومش عارف ارضي او اوصل لمرحلة مرضية للكل
انا بقيت بخاف من الموبايل
بفتح عيني اشتغل لحد ما انام
والله العبيد ارحم من كده
حتى الجمعة فيه ٤ او ٥ ساعات على الاقل بتكلم او برد او بناقش في الشغل
مش قادر اتكلم في شئ تاني
جزء جوايا مات
مبقتش عارف اتكلم مع ولادي حتى ده لو شفتهم اصلا
حتى بحاول اعمل اي نظام حجز يقلل الضغط بلا جدوى
لاني ببساطة فرد واحد
مقدرش اكشف على كل الناس بضمير
وانا مش سوبر مان
والكمال لله وحده
فأنا مقدرش اكشف على الكل و ارد على الكل
بني آدم واحد ميقدرش يشوف ٥ أضعاف قدرته في يوم واحد مهما عمل
فالنتيجة ان واحد مش هشوفه هيزعل
فكل يوم ناس زعلانة
وانا مش مستحمل ده
ان كل يوم ناس زعلانة مني
وانا مش قادر فعلا ارضيهم
حتى وقت نومي وده اللي باقي خلاص بدأ يقل عشان احاول الاحق
وطبعا زي اللي بيحفر في مياه
مفيش حد يقدر يلاحق اصلا على كل ده
وبقى ٩٩.٩ %من حيز تفكيرك وحياتك وكلامك عن الشغل.
انا بحاول ارضي الكل وولادي مش راضيين .. وهم اولى .
المشكلة اني فعلا مكنتش لاقي حلول غير اني اضغط على نفسي اكتر
مخدتش بالي اني ضغطت ولادي وعيلتي معايا لأقصى مدى
وان النهاردة شخص يدخل علي الواتس علشان الحجز يشتمني ويدعي عليا وعلي اولادي لا دي قلة ذوق وقلة ادب وكان لازم وقفة
الحل؟

اني افهم اني بشر ومبقتش اقدر ارضي الكل
و إني هساعد قد وقتي
وهظبط الحجز بالطريقة اللي تناسبني
وهقلل عدد الحالات اللي هاخدها
ومعلش يا جماعة مش هقدر اشوف ولا ارد على الكل
واي ضغط او اعتراض على الحجز هيتبعتلي
هضطر اسفا مردش عليه
لاني نفسيا والله مبقتش بني آدم
بقيت بالونة مليانة ضغط وهفرقع والله
واي حد هيكلمني بطريقة مش كويسة مش هرد عليه

اللي مش هيتغير ان طول ما الطفل قدامي مش هسيبه الا لما اطمن عليه
وهفهم اهله مصلحته فين
ومش هتنازل عن ضميري عشان أنجز واخد حالات اكتر
و ده في وقت العيادة بظروفي و شروطي ووقتي المحدود
عارف ان ده هيزعل ناس مني اكتر ما هما زعلانين اصلا
واني ممكن اخسر اطفال من عيالي اللي متابعهم من يوم ولادتهم ويعزوا عليا جدا والله

بس انا خلاص... تكة وهخسر صحتي واسرتي

وده اخر كلامي في الموضوع ده

سلام

22/08/2025

07/05/2025

🔴 النزلات المعوية
العيال متبهدلة اسهال وترجيع
تعالوا نشوف اغلب الحالات سببها ايه الايام دي
للاسف فيرس الروتا والفاكهه المرشوشة
الاعراض وعلاج بالتعليقات 👇👇

29/04/2025

اللهم إنا نستودعك أولادنا في مكان غابت عنهم أعيننا وعينك لم تغب فاحفظهم حفظاً يليق بعظمتك وجلالك.

اللهم احفظهم من بين أيديهم ومن خلفهم و عن أيمانهم و عن شمائلهم و من فوقهم و نعوذ بعظمتك أن يغتالوا من تحتهم

اللهم يسر لهم كل عسير ووفقهم واجعل التوفيق حليفهم إنك على كل شئ قدير.

30/03/2025

❤️❤️ كل عام وانتم بخير ❤️❤️

25/03/2025

🤲🏻🤲🏻

28/02/2025

❤️ كل عام وانتم بخير ❤️
🌹المواعيد الرمضانية 🌹

26/02/2025

❤️كل عام وانتم بخير ورمضان كريم ❤️
تعديل يا جماعة
الصورة من باب الفكاهة أنا في الوقت ده هكون بفطر في البيت ان شاء الله 😂😂😂
كل عام وانتم بخير

15/11/2024

اجابة علي سؤال من احد الامهات عندي في العيادة 👇👇👇

✍️ هل الأم المصابة بـ Hepatitis B أو C مسموح لها بالرضاعة؟

📖 وفقًا لتوصيات المنظمات الصحية الموثوقة، مثل منظمة الصحة العالمية (WHO) ومراكز السيطرة على الأمراض والوقاية منها (CDC)، يمكن للأمهات المصابات الرضاعة الطبيعية مع الالتزام بالإرشادات التالية:

1️⃣ التهاب الكبد الوبائي B (Hepatitis B):

✅ لا يمنع الرضاعة الطبيعية، ولكن يجب اتخاذ الاحتياطات اللازمة:
🍼 اللقاح والمناعة: يجب أن يتلقى المولود جرعة لقاح التهاب الكبد B خلال أول 12 ساعة من الولادة، بالإضافة إلى الجلوبيولين المناعي (HBIG) إذا كانت الأم مصابة.
👌 الرضاعة بعد التطعيم: يمكن إرضاع الطفل طبيعيًا بأمان، حيث لا ينتقل فيروس التهاب الكبد B عبر حليب الأم.
‼️ استثناء: إذا كانت هناك تشققات أو نزيف في الحلمة، يُنصح بالتوقف عن الرضاعة مؤقتًا حتى تلتئم الحلمة، لتجنب انتقال الفيروس عبر الدم.

2️⃣ التهاب الكبد الوبائي C (Hepatitis C):

✅ لا يمنع الرضاعة الطبيعية، حيث لم تثبت الدراسات وجود انتقال للفيروس عبر حليب الأم.
‼️ استثناء: إذا كانت الحلمة متشققة أو تنزف، يُفضل التوقف عن الرضاعة مؤقتًا لتجنب خطر انتقال الفيروس من خلال الدم.

🏷️ الخلاصة:
🟢 يمكن للأمهات المصابات بـ التهاب الكبد B أو C إرضاع أطفالهن طبيعيًا إذا تم اتباع الإرشادات الصحية المناسبة.
⚠️ احتياطات مهمة:

• العناية بصحة الحلمة والتأكد من خلوها من الجروح أو النزيف.
• الحرص على تلقي المولود التطعيمات اللازمة (في حالة التهاب الكبد B).