20/07/2025
نصائح مهمة جداً للى بيجهزوا لحدوث حمل
💧أولا المقبلين على الزواج
👈 تحاليل بسيطة قبل الزواج للإطمئنان مش أكتر
🔴الشاب
تحليل السائل المنوي وده له شروط هنوضحها بعدين
تحليل بول عادى جدا
لاستبعاد الأملاح والصديد
ولو موجودين
هيكون معاه وقت كافى يتعالج منهم
🔴 الفتاه
تحاليل الهرمونات FSH ,LH, prolactin
ولهم شروط هنوضحها
💧ثانياً للمتزوجين حديثا
👈 بلاش تدور قبل سنة
بعد سنة نبدأ بالزوج 👌👌
🔴 الزوج
⭐تحليل السائل المنوي
⭐تحليل البول
⭐تحليل بعض الهرمونات اللى لها علاقة بعملية تكوين الحيوان المنوي
⭐تحليل بعض الفيتامينات والمعادن اللى نقصها ممكن يؤدى إلى أى خلل فى مراحل تخليق الحيوان المنوي
خلصنا مع الزوج
واموره كلها بقت تمام
نبدأ ندور على المشكلة عند الزوجة
⭐ تحاليل الهرمونات FSH,LH, prolactin
⭐ تحليل البول لاستبعاد وجود صديد واملاح
⭐ متابعة التبويض بدون منشطات 🤚
⭐ تحليل مخزون التبويض
وده اخر حاجه ممكن نفكر فيها لما كل النقط اللى تم ذكرها تكون مفيش فيها أى مشكلة
🔴🔴🔴شروط تحليل السائل المنوي
👌3-5 ايام بدون ج**ع أو إنزال للسائل
أقل من 3 ايام بيكون الحيوان المنوي غير ناضج
وبالتالى النتيجة هتتأثر
اكتر من 5 ايام بيكون الحيوان المنوي داخل ع مرحلة التكسير والنتيجة هتتأثر
يبقى تلتزم بالوقت
ونفضل اليوم الرابع يكون تمام النضج والخصوبة والفاعلية
👌عبوة معقمة من المعمل
👌يفضل العينة تكون فى المعمل خلال 15 دقيقة مش اكتر
👌العبوة ممنوع تتغسل بالمية نهائى
👌تتفتح لإحضار العينة
👌توضع فيها كل الكمية بدون ما حاجة تقع بره العبوة تماماً
👌تغلق باحكام
🔴🔴🔴 شروط تحاليل هرمونات التبويض والخصوبة للزوجة
🤚يشترط سحب العينة فى اليوم التانى أو الثالث من بداية الدورة الشهرية
لأن معدل الهرمون وقتها بيكون له مدلول مهم جدا ع مؤشر الخصوبة
🔴🔴 هرمون اللبن prolactin لو زايد هيمنع حدوث حمل
ع كده بنقيس معدله
🔴🤚🤚🤚 نصيحة مهمة جداً
بلاش نستسهل وناخد منشطات بدون داعى
🤚🤚🤚🔴🔴 يشترط متابعة مع طبيب الذكورة وطبيب النساء
المعمل دوره أننا نساعد الطبيب أنه يشخص حالة المريض صح
ويبدأ معاه رحلة العلاج حسب المرحلة اللى هو فيها
طلب اخير بقى من العملاء بتوعنا😘😘
بلاش تستعجلونا ع نتيجة التحليل الحمل
اكتر حالات بتضغطنا بجد 🤚
مش لازم الزوج والحما والخالة وأصحابك يتصلوا كل 5 دقائق يستعجلونى 😁
الموضوع مش طوارئ والله
الهدوء مطلوب مطلوب مطلوب
النفسية مهمه جدا لاتمام الأمور ع خير
ربنا يرزق كل مشتاق
يارب تكون المعلومات واضحة والناس تستفيد منها بجد
ومرحبين بأى استفسار
معمل د فاطمة حسن الغريب
💧دكتوراة واستشارى الكيمياء الحيوية الإكلينيكية
💧جامعة المنصورة
🌏 مصيف جمصة ناصية قرية البستان أعلى صيدلية د محمد مصطفى عبد الرؤوف
📱 01062695162
لسنا الوحيدون ولكننا متميزون بفضل الله ❤️❤️💪💪
