Dr.Mustafa Mohammed Abbas Clinic

01/12/2025

الوجع الناتج عن الالتصاقات ممكن يضايقك في كل تفاصيل يومك…
بس هل ليه حل فعلاً؟ 🤔

اعرفي أكتر في الحلقة الجديدة من البودكاست مع
د. إيمان إبراهيم و د. مصطفى عباس 🎙️

👇 ماتفوّتيش الحلقة دي
هتغيّر نظرتك لجسمك… والاستعداد للولادة

#الحمل #الولادة #بودكاست

28/11/2025

العيادة في ثوبها الجديد 🤍
ودايماً بنتطور علشان تجربتكم تكون أحسن.
اكتبولنا في كومنت إنت منين…
وإحنا هنقولّك أقرب عيادة ليكِ بكل سهولة 👌🏻

✍️د. مصطفى محمد عباس
مدرس أمراض النساء والتوليد
كلية الطب – جامعة عين شمس

27/11/2025

سعيد إني كنت جزء من اليوم العلمي للتمريض بجامعة حلوان
تحت عنوان:
Rewriting the Birth Story: Empowerment, Evidence, and the Future of Maternity Care

اليوم ده كان فرصة مهمة نتكلم فيها عن مستقبل رعاية الأم والولادة…
إزاي نرجّع للست حقها في الاختيار، ونوفّر لها ولادة مبنية على الأدلة العلمية، مش على الخوف أو العادات المتوارثة.

اتكلمنا عن:
▫️ تمكين المرأة قبل وأثناء الولادة، ودورها في اتخاذ القرار.
▫️ أهمية الرعاية الإنسانية اللي بتشوف الست كإنسانة قبل ما تكون حالة طبية.
▫️ ازاي الأدلة العلمية الحديثة بتغيّر شكل الولادة في العالم، وبتعيد تعريف الطبيعي.
▫️ دور الفريق الطبي والتمريض في تقديم ولادة آمنة، محترمة، ومبنية على المعرفة الدقيقة لكل حالة.

وشرفت إنّي أشوف شغف حقيقي عند طلاب التمريض…
شغف للتعلم، والتطوير، وإنهم يكونوا جزء من تغيير حقيقي في مستقبل رعاية الأمهات.

وفي النهاية… إعادة كتابة قصة الولادة مش مجرد محاضرات
ده حياة كلنا بنشارك فيها
علشان كل أم تولّد وهي مطمئنة، فاهمة، ومختارة.

وشكرًا لجامعة حلوان على الدعوة والتكريم، وشكرًا لكل فريق التمريض الرائع على المجهود والدعم.


✍🏻د. مصطفى محمد عباس
مدرس أمراض النساء والتوليد كلية الطب جامعة عين شمس

27/11/2025

البوست ده كلام غير صحيح تماما

اولا منظمة الصحة العالمية أصدرت كتيبها الجديد لاستخدام وسائل منع الحمل و عادي الوسائل ثنائية الهرمون موجودة فيه عادي و اللي حابب يدخل ينزله و يتاكد هو متاح مجانا للجميع
ثانيا الوسائل دي مش بتسبب السرطان او انها مواد مسرطنة انما في بعض انواع السرطانات اللي بتكون السيدة مصابة بالفعل به لا يفضل استخدامها
على العكس تماما بتحمي من بعض انواع السرطانات زي سرطان المبيض
برجاء تحري الدقة في نقل المعلومات

رسميا ⚠️

• المنظمة العالمية للصحة تصنف حبوب منع الحمل ثنائية الهرمون (لي فيها هرمون الأستروجين و البروجسترون)كمادة مسرطنة من الدرجة الأولى

• هذه الدراسة لا تخص الحبوب أحادية الهرمون (فيها هرمون البروجسترون فقط)مثل حبوب الرضاعة و الشريحة المانعة للحمل 👌

• حبوب منع الحمل ثنائية الهرمون تزيد خطر سرطان الثدي بنسبة 30%

26/11/2025

بطانة الرحم المهاجرة… اسمها بيتكرر كتير،
بس هل فعلًا عارفه بتأثر إزاي على جسمك وحياتك؟ 🤔

اعرفي كل حاجة عنها بالتفصيل في الحلقة الجديدة من البودكاست مع
د. إيمان إبراهيم و د. مصطفى عباس 🎙️

👇 ماتفوّتيش الحلقة دي
هتفهمي منها حاجات يمكن أول مرة تعرفيها ❤️

#الحمل #الولادة #بودكاست

25/11/2025

لو اهتميتي بعضلات قاع الحوض طول فترة الحمل،
ممكن توصلي للولادة من غير ما تحتاجي شق عجان 💪👶

اعرفي أكتر عن البرنامج التأهيلي للحمل والولادة
في الحلقة الجديدة من البودكاست مع
د. إيمان إبراهيم و د. مصطفى عباس 🎙️

👇 ماتفوّتيش الحلقة دي
هتغيّر نظرتك لفكرة الاستعداد للولادة 💭

#الحمل #الولادة #بودكاست

23/11/2025

بوست مختلف شوية النهاردة 😇
حابب اعبر بكل الشكر والتقدير والامتنان لمعالي الدكتورة عبلة الألفي
نائبة وزير الصحة المصرية🌹

الحقيقة إن في شخصيات وجودها بيغيّر المشهد كله… مش بس لأنها في موقع مسؤولية، لكن لأنها بتحوّل المسؤولية لرسالة.
ودكتورة عبلة من الناس اللي حطّوا بصمتهم بوضوح في صحة الأمهات والأطفال في مصر.💕

في مشروع الألف يوم الذهبية شُفت بنفسي إزاي تبنّت الموضوع بعاطفة “الأم” قبل ما تكون مسؤولة.
هي ما جتش تنفّذ أجندة الوزارة… هي اللي جابت حلمها ورؤيتها للوزارة، وحوّلت الحلم لأجندة وطنية.
وده الفارق الحقيقي بين “قيادة” و“منصب”.👏🏻

و اكبر دليل لو حد قعد يركز معاها و هي بتتكلم، هياخد باله انها مش بتقرا من ورق، ولا نص محطوط قدامها، انما بتتكلم من دماغها و كل حرف طالع من قلبها حرفيا 🌹

وأحب أشكرها بشكل شخصي على دعمها الكبير لواحد من أهم أحلامي المهنية:
خفض معدلات الولادة القيصرية غير المبررة طبياً
ودعمها الدائم لجهدي في نشر الوعي وتشجيع الولادة الطبيعية الآمنة.🙏🏻

إيمانها بشغلي، وتشجيعها المستمر، وثقتها الكبيرة… كانوا دايمًا مصدر قوة وقدّروني أكمل الطريق بحماس أكبر.

شكرًا دكتورة عبلة…
شكرًا لرسالتك، ولقلبك، ولإيمانك بالعلم…
وشكرًا لأنك نموذج نادر لقيادة بتحلم… وبتحقق.

22/11/2025

هل السقوط الرحمي في كبار السن حله دايمًا جراحة فقط؟ 🤔
الحقيقة لأ… مش كل حالة لازم تدخل غرفة العمليات.
السقوط الرحمي له درجات، وقرار العلاج بيعتمد على:
✅ شدة السقوط
✅ الأعراض ومدى تأثيرها على حياة السيدة
✅ الحالة الصحية العامة

🎙️ اعرفي أكتر في البودكاست لد. إيمان إبراهيم و د. مصطفى عباس

👇و متفوتيش الحلقة

#الحمل #الولادة #بودكاست

22/11/2025

كان ليّ شرف كبير إني أشارك في مؤتمر قسم الأورام بجامعة عين شمس وأقدم كلمة بعنوان:
“الحفاظ على الخصوبة في مريضات السرطان: من القرارات العاجلة إلى أمومة آمنة”

اتكلمت عن لحظات صعبة بتعيشها المريضة من أول لحظة تشخيص… وإزاي رغم ضغط الوقت والعلاج، لسه فيه مساحة نخلق فيها فرصة وأمل، ونقدر نحافظ لها على حلم الأمومة للمستقبل.
العلم دلوقتي بقى أقوى، والخيارات بقت أوضح، ومسؤوليتنا إن أي مريضة تعرف إن العلاج مش نهاية الحلم… بالعكس، ممكن يكون بدايته الجديدة.

سعيد وفخور إني كنت وسط زملاء أعزاء من قسم الأورام، في يوم علمي محترم كل هدفه إنه يقدّم أفضل رعاية ممكنة لكل مريضة.

وفي النهاية… رسالتي لكل أم، وكل بنت، وكل مقاتلة:
السرطان ممكن ياخد وقت… لكن ماياخدش حلم.
ومدام في علم… وفي أمل… الأمومة عمرها ما بتضيع
الأمل مش رفاهية—الأمل حق. والعلم دلوقتي كفيل يحميه

21/11/2025

الجمعة… اليوم اللي المفروض فيه الراحة والنوم والتجمّع العائلي.
بس الحقيقة؟ عندنا في النسا والولادة مفيش حاجة اسمها “أجازة” 😄
الجمعة عندي دايمًا صباحها مختلف… بين دعوة مستجابة وصرخة حياة جديدة.

النهاردة بقيت على صوت اتصال الفجر…
وبعد ساعات بسيطة كنت مع أم جاية من السويس، مصمّمة تعيد كتابة قصتها بنفسها.
رغم إنها ولدت قيصريتين قبل كده… كانت مؤمنة إنها قادرة تحقّق حلمها في ولادة طبيعية.
ومش بس كده… ده كمان بنوتة وزنها ٤ كجم!

والأحلى؟
ولادة طبيعية بعد قيصريتين… ومن غير أي ألم.
هدوء… تركيز… دعم… وثقة ما بينا من أول لحظة لحد آخر صرخة.

كل مرة باتفرّج فيها على أم بتدخل “شايلة خوف” وتخرج “شايلة بنتها”،
بتأكد إن قوة الأم مش كلام بيتقال… دي حقيقة بنشوفها قدام عينينا.

مبروك للأم الشجاعة اللي قطعت المسافة من السويس بإصرار…
ومبروك للبنوّتة اللي بدأت حياتها بانتصار 💛
ولسه كل يوم بيعلّمنا إن الولادة الطبيعية ممكنة… وآمنة… ومبهرة لما تكون في مكان صح ومع فريق صح.

صباحكم سعيد و جمعتكم مباركة🌹

و دايما 💪🏻

د مصطفى محمد عباس
مدرس أمراض النساء و التوليد بجامعة عين شمس

20/11/2025

الـ9 شهور؟
يمكن صوته مش مسموع، بس إحساسه حاضر في كل لحظة ❤

من أول نبضة قلب صغيرة،
لحد أول مرة يسمع فيها صوتك،
لكل لحظة خوف، وراحة، وضحكة حس بيها جواكي...
كل شهر له حكاية، وكل نبضة ليها معنى 🫶

رحلة الحمل مش مجرد شهور بتعدي،
دي حكاية بتتكتب بين أم وطفلها قبل ما يشوفوا بعض 👩‍🍼

💭 تابعي رحلة جنينك خطوة بخطوة،
علشان كل تفصيلة في الحمل بتفرق في حياته من أول يوم.

👈 منشنّي أحلى مامي هتبقى مامي قريب 💚
وخليها تبدأ رحلتها وهي عارفة إن كل لحظة ليها معنى.

✍🏻
د. مصطفى محمد عباس
مدرس أمراض النساء والتوليد – كلية الطب – جامعة عين شمس

19/11/2025

الامساك مشكلته كبيرة جدا و مش كلها ليها علاقة بالاكل
في الحلقة دي من البودكاست، د. إيمان إبراهيم و د. مصطفى عباس
هنتكلم عن العلاقة بين الإمساك وعضلات قاع الحوض،
وإزاي التأهيل العضلي بيساعد في حل المشكلة من جذورها 👇

حلقة مهمة جدًا… فيها توعية هتغيّر طريقة تفكيرك في جسمك وصحتك.
متفوتيش الحلقة!

#الإمساك #بودكاست