22/03/2022
الأمراض الفيروسية للكلاب هي اخطر حاجة ممكن تصيب الكلب أو الجرو في مراحل عمره المختلفة، وأخطر أنواع الفيروسات هو
فيروس البارفو هو فيروس شديد العدوى بيتنقل للجراوي الصغيره اللي مخدتش أي تطعيمات، او اللي مخدتش مناعة كافية من الكلبة الأم لانها مخدتش .
أعراض فيروس البارفو مختلفة وأشهرها الإسهال الدموي والترجيع المستمر و الاعراض كالتالي:
✅ خمول شديد ورفض الأكل واللعب والنوم المستمر.
✅ ارتفاع درجة الحرارة ووجود رعشه في الجسم.
✅ ترجيع مستمر لاي أكل، وأحيانا الترجيع بدون أي اكل وبيكون أصفر.
✅ اسهال شديد ومستمر، وبيتحول للون الأحمر مع الوقت ووجود نزيف دموي.
فيروس البارفو بيهاجم المعدة والأمعاء، وبيسبب نزيف شديد وللأسف حالات كتير ممكن تموت لو متمش التعامل معاها بشكل سريع.
عشان كدا لو ظهر أي اعراض على كلبك زي الترجيع او الاسهال او حتى الخمول ورفض الأكل لازم يتم فحصه بشكل سريع عشان تعرف سبب المشكلة، لأن كل ما بدأ العلاج بدري كل ما كان فرص الشفاء أعلى.
طريقه علاج الكلب من فيروس البارفو بتكون كالتالي:
✅ وقف أي أكل عن طريق الفم, لأن الاكل بيسبب زيادة النزيف و زيادة سيطره الفيروس وانتشاره في الجسم.
✅ استخدام المحاليل عن طريق الوريد (كانيولا) لتعويض فقد السوائل اللي بيحصل بسبب الاسهال والترجيع.
✅ ممنوع استخدام اي ادوية بشرية او اي ادوية بدون معرفه اسمائها بشكل دقيق، لأنها في اوقات كتير بتسبب تدهور الحاله بشكل سريع.
✅ بيستخدم مع المحاليل أدوية للسيطره على النزيف، والترجيع وتعويض الجسم عن فقد أي عناصر أساسية.
للاستفسار كلمنا على : 01148128305
العنوان :13 شارع ابو الهول - الهرم
لوكيشن المكان: https://maps.google.com/?q=29.981785,31.143267
