08/10/2024
من الاسئلة المهمة جدا
هو انا ممكن اعمل دايت و برضه ماخسش ؟
الاجابة ايوة ممكن , لو بتعمل غلطة من الغلطات دى 👇
1 - لو بتزود فى حاجات فى النص فاكر انها مابتحسبش سعرات و هى سعراتها عالية جدا زى الصوصات باختلاف انواعها
2 - لو مش بتشرب مياه كفاية , دى حاجة بتوقف معظم عمليات ال metabolism جوه الجسم , ف أى عملية حيوية جوه الجسم ممكن تقف
3 - لو مفيش نوم كفاية , لو نوم مش منتظم
ده بيخلى الجسم يفرز هرمون الكورتيزول , و ده بيحبس ميه في الجسم
و بيزود تكوين الدهون , بالاضافة عدم انتظام النوم بيقلل فرصه تكوين الكتلة العضلية اللى هى بدورها بتزود سرعة الحرق
4 - لو بتاخد يوم بحاله فرى كل اسبوع , بالطريقة دى ضيعت كل عجز السعرات اللى انت عملته طول الاسبوع و كأنك معملتش اي حاجة
حاجات صغيرة بتفرق جدا
الدايت منظومة اكل صحى و حياة صحية على بعضها
هى مش عذاب علشان يبقي الفرى مكافأة
و هى مش مرحلة قاسية بادخلها علشان اخلص منها
احنا بنتكلم في صحة افضل
