د. يحيى النجار استشاري الأنف والأذن والحنجرة

  • Home
  • Egypt
  • Giza
  • د. يحيى النجار استشاري الأنف والأذن والحنجرة

د. يحيى النجار استشاري الأنف والأذن والحنجرة الصفحة الخاصة بالدكتور يحيى محمد النجار
لجراحات ومناظير الأنف والأذن والحنجرة

" يا دكتور جربت أدوية وبخاخات كتير وبرضه مناخيري مسدودة ومش بعرف أنام"شكوى مريضة متكررة بعد عدة سنوات من تجربة الأدوية و...
10/10/2025

" يا دكتور جربت أدوية وبخاخات كتير وبرضه مناخيري مسدودة ومش بعرف أنام"
شكوى مريضة متكررة بعد عدة سنوات من تجربة الأدوية وإدمان نقط الأنف أوتريفين وأخواتها
بالفحص بالمنظار ثم الأشعة المقطعية: تبين وجود انحراف شديد بالحاجز الأنفي (اللون الأحمر) وتضخم شديد بغضاريف الأنف السفلية (اللون الأزرق)

يمكن تصغير غضاريف الأنف واستعدال الحاجز الأنفي بالمنظار دون فتح خارجي وتعود المريض لحياتها الطبيعية خلال أيام أسرع من أي علاج أصبح غير مُجدي

د. يحيى النجار

انحراف الحاجز الأنفي مع تضخم غضاريف الأنف السفلية من أشهر أسباب انسداد الأنف الدائم الذي لا يستجيب للعلاج الدوائيانحراف ...
10/10/2025

انحراف الحاجز الأنفي مع تضخم غضاريف الأنف السفلية من أشهر أسباب انسداد الأنف الدائم الذي لا يستجيب للعلاج الدوائي
انحراف الحاجز الأنفي عادة ما يكون بدرجة بسيطة غير مؤثر على المريض
ولكن لما يكون شديد وكمان المريض عنده حساسية أنف عملت تضخم في الغضاريف بيتحول الحال إلى مأساة

العلاج بسيط جدا: استعدال الحاجز الأنفي مع تصغير غضاريف الأنف السفلية.. العملية تتم بالمنظار دون جراحة أو فتح خارجي
والمريض يتعافى خلال أيام وينام مستريح بدون انسداد الأنف المزعج

د. يحيى النجار

03/10/2025

سمعت قبل كده عن التهاب الأذن الخارجية الخبيث؟
لو مريض سكر أو كلى فالفيديو ده مهم جدا جدا ليك

- هل الطفل بيتولد باللحمية؟- الإجابة هي لأ. البلعوم الأنفي بيكون فيه طبقة من الخلايا اللمفاوية اللي بتشتغل زي كاميرا الم...
29/09/2025

- هل الطفل بيتولد باللحمية؟
- الإجابة هي لأ. البلعوم الأنفي بيكون فيه طبقة من الخلايا اللمفاوية اللي بتشتغل زي كاميرا المراقبة. بيعدي عليها الهوا المحمل بالميكروبات فتلقط منه أجزاء وتمررها لجهاز المناعة.
لكن لو حصل تكرار التهاب لهذه المنطقة بيحصل نمو وتضخم للخلايا اللمفاوية وتعمل لحمية البلعوم الأنفي = لحمية الأطفال = اللوزة التالتة (بلغة اخوانا السودانيين)

- هل اللحمية ممكن ترجع؟
- ممكن لو ما اتشالتش كويس وكان باقي جزء منها فترجع تكبر تاني مع تكرار أدوار البرد والالتهابات

- إزاي نمنع رجوع اللحمية بعد استئصالها؟
- أولا : إجراء العملية باستخدام التقنيات الحديثة زي المنظار والكوبليشن. كده مش هيكون ليها أساس تطلع منه تاني
وثانيا بالسيطرة على أسباب الالتهابات المتكررة زي حساسية الأنف واستخدام تطعيمات مقوية للمناعة

د. يحيى النجار

عام دراسي جديد. نسأل الله فيه التوفيق لأبنائنا الطلابعشان ابنك يستفيد من مشوار المدرسة محتاج يكون بأفضل صحة. اتأكد إن طف...
22/09/2025

عام دراسي جديد. نسأل الله فيه التوفيق لأبنائنا الطلاب
عشان ابنك يستفيد من مشوار المدرسة محتاج يكون بأفضل صحة. اتأكد إن طفلك: ⚠️⚠️
1- بيشوف كويس: ضعف ومشاكل الابصار هتخليه مش شايف المدرس والسبورة كويس 👓
2- بيسمع كويس: ضعف السمع هيخليه يسرح وما يتابعش الشرح. ممكن بسبب حاجة بسيطة زي شمع زيادة أو ارتشاح خلف طبلة الأذن. 👂🏻
3- بيتنفس كويس: انسداد الأنف في الفصل هيخلي بقه مفتوح ومزكم وعمال يكح ويشن وبالتالي يفقد التركيز 👃🏻
4- بينام كويس: لو بيشخر وهو نايم أو بيتخنق فنومه هيكون ذو جودة منخفضة. هيبقى نعسان في الفصل وممكن ينام على نفسه خصوصا في الحصص الأخيرة. 😴
5- بياكل كويس: نوع وكمية الأكل المناسبة (بروتين حيواني يوميا - القليل من الرز والمكرونة - الحلويات والتسالي تبقى تفاريح مش يوميا) ولا مانع من عمل تحليل هيموجلوبين 🩸
6- مناعته كويسة: تكرار الالتهابات والحرارة هتخليه يغيب أيام كتير من المدرسة ويفقد شرح المدرسين ويتراكم عليه واجبات ودروس كتير.. من أسباب تكرار الالتهابات هو التهاب اللوزتين المزمن - التهابات الصدر - حساسية الصدر - حساسية الأنف والجيوب الأنفية 🩻😷

لا تنسى أن لك اخوانا بقالهم سنتين قاعدين في الشارع وبيوتهم و مدارسهم وأعمالهم اتدمرت .. ادعولهم
د. يحيى النجار

يا دكتور مش عارفين نقرب من الولد.. فيه ريحة معفنة جاية من مناخيره بقالها 10 أيام 🤢🤮وبتجيب افرازات ودم بقالها كام يوم 🩸با...
18/09/2025

يا دكتور مش عارفين نقرب من الولد.. فيه ريحة معفنة جاية من مناخيره بقالها 10 أيام 🤢🤮
وبتجيب افرازات ودم بقالها كام يوم 🩸

بالفحص: الناحية اليمنى فيها حاجة معفنة
الولد كان غير متعاون وبيرفس ويخبط ويعيط.. والحمد لله بعد عدة محاولات باستخدام الأدوات المناسبة تم استخراجها في العيادة بدون الحاجة لدخول عمليات

اسفنجة معفنة وعاملة التهاب وخراج في الأنف

هل تعرف حد حط حاجة في مناخيره أو أذنه قبل كده؟ واتصرفت إزاي؟

د. يحيى النجار

الخريف ثم الشتاء على الأبوابالمدارس هتبدأوده كولكشن ممتاز لأدوار البرد والالتهابات والحساسية.. وخد معاها حرارة وغياب من ...
17/09/2025

الخريف ثم الشتاء على الأبواب
المدارس هتبدأ
وده كولكشن ممتاز لأدوار البرد والالتهابات والحساسية.. وخد معاها حرارة وغياب من المدرسة وانسداد الأنف والنوم الغير منتظم للأطفال
أحد أهم أسباب المرض في الخريف والشتاء هو التهاب اللوزتين الصديدي

لو كان طفلك بيتعب من اللوز الشتاء اللي فات فغالبا هيتعب منها الشتاء الجاي واللي التوقعات بتقول إنه هيكون شديد البرودة

الحق اكشف على ابنك ولو عملية استئصال اللوزتين واللحمية مفيدة لحالته فيقدر يعمل العملية بالكوبليشن قبل معمعة الدراسة ما تبدأ. الكوبليشن بيسهل ويسرع تعافي الجرح إن شاء الله

يمكن الكشف في عيادة فيصل - أكتوبر
العناوين بالتعليقات
د. يحيى النجار

الطب متداخل لإن أعضاء جسمك متداخلة مع بعضزي تداخل الضروس مع الجيوب الأنفية 🦷زي ما واضح في الأشعة : تقدر تشوف إن أرضية ال...
15/09/2025

الطب متداخل لإن أعضاء جسمك متداخلة مع بعض
زي تداخل الضروس مع الجيوب الأنفية 🦷

زي ما واضح في الأشعة : تقدر تشوف إن أرضية الجيب الأنفي هي الفك اللي راكب فيه الأسنان (اللون الأحمر)
هذا الفك ممكن يكون رفيع شوية وبالتالي جذور الأسنان تبقى داخلة داخل الجيب الأنفي
لما يحصل التهاب أو خراج بالضرس فممكن ينقل الخراج للجيب الأنفي (اللون الأصفر) حتى قبل أو بدون ما تشتكي من ألم بالضرس المصاب

وتلاقي شكوتك هي ألم بعظام الوجه مسمع في العين وانسداد بناحية واحدة من الأنف وافرازات كريهة من الأنف.. فلا تستعجب لو كان التشخيص هو مشكلة بالأسنان
#أسنان #أنف #تسوس
د. يحيى النجار

تضخم غضاريف الأنف السفلية من أشهر أسباب انسداد الأنف سواء المؤقت (زي دور برد) أو الدائمفي الأدوار العارضة والمؤقتة بيتم ...
12/09/2025

تضخم غضاريف الأنف السفلية من أشهر أسباب انسداد الأنف سواء المؤقت (زي دور برد) أو الدائم

في الأدوار العارضة والمؤقتة بيتم التعافي من هذا الانسداد خلال أيام
أما في الانسداد المزمن بنحتاج نحدد السبب ونجرب علاجه. وأشهر سبب هو حساسية الأنف
بعض المرضى بيفضلوا متضايقين من انسداد الأنف حتى مع العلاج. وبيكون الحل هو تدخل جراحي بسيط لتصغير غضروف الأنف بالمنظار واللي بيتم حاليا بدون فتيل الأنف المزعج بتاع زمان

لا تنسوا الدعاء لإخوانكم المستضـ ـعفين
د. يحيى النجار

عدد 2 راس دبوس طلعوا من أذن آنسة ودانها كانت مقفولة ومفكرة إنه شمع وخلاصالحمد لله ربنا ستر والطبلة كانت سليمةرجااااء ما ...
08/09/2025

عدد 2 راس دبوس طلعوا من أذن آنسة ودانها كانت مقفولة ومفكرة إنه شمع وخلاص
الحمد لله ربنا ستر والطبلة كانت سليمة

رجااااء ما تدخلوش أي حاجة في الأذن.. لا دبوس ولا بنسة ولا عود كبريت أو مفتاح.. سيبوها في حالها

تعرف مين بيلعب في أذنه بحاجة من الحاجات ده؟ 😂

د. يحيى النجار
لا تنسوا الدعاء لإخوانكم المستضعفين

كل عام وأنت بخير بمناسبة المولد النبوي الكريمولا تنسوا أن اللحمية الكبيرة اللي عاملة شخير وخنفان و ممكن كمان انقطاع نفس ...
04/09/2025

كل عام وأنت بخير بمناسبة المولد النبوي الكريم

ولا تنسوا أن اللحمية الكبيرة اللي عاملة شخير وخنفان و ممكن كمان انقطاع نفس أثناء النوم لازم تتشال. ما ينفعش تستنى لما الطفل يكبر إذ لاربما الأعراض تخف
لإن هيكون خلاص نموه اتأثر وأسنانه باظت وشفايفه شكلها اتغير
في الأشعة باللون الأصفر حجم اللحمية الكبير قافل مجرى النفس باللون الأزرق
د. يحيى النجار

الأطفال بتحب تحط حاجات في أنفها وأذنهاعشان كده لو طفلك اشتكى من ألم بالأذن أو مش سامع أو فيه افرازات فممكن يكون مدخل حاج...
01/09/2025

الأطفال بتحب تحط حاجات في أنفها وأذنها
عشان كده لو طفلك اشتكى من ألم بالأذن أو مش سامع أو فيه افرازات فممكن يكون مدخل حاجة فيه ومش قايل

د. يحيى النجار

Address

3 Faisal Street
Giza

Opening Hours

Monday 7pm - 9pm
Tuesday 6pm - 8pm
Thursday 8pm - 10pm
Saturday 8pm - 10pm
Sunday 6pm - 8pm

Telephone

+201114023531

Website

Alerts

Be the first to know and let us send you an email when د. يحيى النجار استشاري الأنف والأذن والحنجرة posts news and promotions. Your email address will not be used for any other purpose, and you can unsubscribe at any time.

Contact The Practice

Send a message to د. يحيى النجار استشاري الأنف والأذن والحنجرة:

Shortcuts

Share

Share on Facebook Share on Twitter Share on LinkedIn
Share on Pinterest Share on Reddit Share via Email
Share on WhatsApp Share on Instagram Share on Telegram

Category