Dr. Nevein Hamdy

03/11/2025

✍️معلومة علي الماشي✍️
من الاخطاء الشائعة جدا ان السيدة اللي بتولد قيصري مش بيجيلها طلق .. لو جاتلي مريضة تشكو من الآم شكيت انها طلق و قولتلها كده بتعترض و تقولي طلق ازاي و انا باولد قيصري .. السيدة التي تلد قيصري بيجيلها طلق عادي زي اي امرأة ..و لذلك بنحدد موعد للقيصرية بدري شوية قبل بداية الطلق الطبيعي حتي لا نضطر لإجراء القيصرية في وجود طلق و ده خطر علي الرحم و الطفل
✍️دمتم سالمين✍️

11/08/2025

منقول من د. سماح نوح
ازاي اتصرف بعد كسر الترمومتر الزئبقي:
معظمنا بيكون عنده في البيت علشان نقيس الحرارة لأي حد في البيت أثناء تعبه لا قدر الله ، و أحيانًا الترمومتر بيقع على الأرض و ينكسر، طيب أيه هي الطريقة السليمة للتخلص من الزئبق اللي وقع على الارض ؟

1- لازم نعرف أن الزئبق خطير جدًا على الصحة علشان كده لازم نتعامل بحرص شديد جدًا معاه ، كمان نخللي بالنا أن الزئبق لو جه على أي معدن بيتفاعل معاه علشان كده أول حاجة لازم تعملها إنك تخلع أي حاجة دهب إنت لابسها لإن الزئبق لو جه عليه هيبوظه.

2- بعد كده أوعى تحاول تلمسه بإيدك لأنه مادة خطرة زي ما قلنا ، ألبس في أيدك جوانتي طبي أو لو مفيش ممكن تلبس كيس في أيدك

3- بعد كده إمسك الأجزاء المكسورة من الترمومتر و حطها في كيس محكم الغلق ، كده هيتبقى الزئبق بس على الارض ، أوعى تكنسه بالمقشة أو المكنسة او تستعمل فوطة مبلولة ، كل ده غلط .. أومال هنعمل أيه ؟؟

4- هنجيب علبة بلاستيك بغطا صغيرة نكون مش محتاجينها و هنملى نصها مياه ، و بعدين هنجيب سرنجة من غير إبرة و نبتدي نقربها من حبيبات الزئبق اللي على الأرض و نسحب الحبيبات داخل السرنجة زي ما نكون بنملى السرنجة

5- بعد كده نغطس السرنجة في المياه اللي في العلبة و نبتدي نفضّي الزئبق تحت سطح المياه ، و بعدين نقفل العلبة كويس

ملحوظة : طبعًا في حبيبات بتكون صغيرة أوي مش بتتسحب بالسرنجة ، دي بقى هنستعملها بلاستر طبي ، نحطه على مكانها و نشيله فهتلزق فيه

6- بعد كده هنحط كل حاجة استعملناها سواء الجوانتي أو الكيس و السرنجة و العلبة اللي فيها مياه و البلاستر و الزجاج بتاع الترمومتر جوه كيس تاني و نقفله كويس . و لو قدرنا نوديه اقرب مستشفى أو مركز طبي علشان هم عندهم طرق صحية للتخلص من مخلفات الزئبق ، لو معرفناش نكتب على الكيس خطر و نرميه في الزبالة بعد ما نقفله كويس . ياريت كمان لو نقدر نكون لابسين ماسك اثناء ازالة آثار الزئبق

لو استفدت من المعلومة ما تنساش تشاركها مع أهلك وأصدقائك :) :)

19/11/2024

السلام عليكم ورحمة الله و بركاته
اولا: شكرا جزيلا لكل السيدات الفضليات اللي سالوا عليه في فترة مرضي السابقة اللي انقطعت فيها عن العيادة
ثانيا : باذن الله سيتم استئناف العمل بالعيادة يمشيئة الله من يوم الخميس القادم 21/11
و اعتذ لكل مريضة تاخرت في مراجعتها و كل من لها استشارة مؤجلة ستحصل عليها باذن الله

10/08/2024

05/06/2024

العيانة الحامل بعد ما كلمتني الساعة ٥ الفجر علشان تعبانة و جيالي العيادة تاني يوم و العيلة كلها مسنداها👇
نفس العيانة : ينفع يا دكتورة اروح اصيف😐😐😐

29/05/2024

احمد حبيبي اللي اتولد علي ايدي .. ♥️♥️

09/05/2024

لما اكتب دوا للعيانة و الاقيها اشترت البديل

07/04/2024

لأول مرة اكتب بوست و أنا في قمة الغضب ... مين يقول ان طفل في الشهر الثامن وزنه لا يتعدي ١٢٠٠ جرام المية حواليه قليلة جدا و ضغط الام عالي و الام مصممة تصوم .. نفسي اعرف عن اي دين تتحدثون .. حرام عليكم .. أطفالكم امانه وضعها الله في اعناقكم .. ربنا أعطي رخصة للحامل ان تفطر اذا كان في ذلك ضرر عليها او علي الجنين .. ليه الاصرار علي الخطأ !! انتو كده ابطال يعني .. لما كلية الجنين تتأثر .. لما نموه يتأثر .. لما بتيجوا تعيطوا بعد الولادة الطفل مش بيعمل حمام الطفل عنده صفراء احنا نقدر نعمل ايه .. لما الدكتور يقولك النمو مش كويس ..المية قليلة ..الحركة ضعيفة ..الضغط عالي ..كل ده و تصومي !!! و لما الطفل يتولد تعبان تقولوا الدكتور هو السبب .. الدين بيقول لا ضرر و لا ضرار .. استقيموا يرحمكم الله

16/02/2024

مؤتمر UEARE 2024 لأحدث الدراسات في اللحقن المجهري و تأخر الانجاب
من احلي المؤتمرات و اكثرهم إفادة .. شكرا لكل الاساتذة القائمين علي هذا العمل العظيم

19/07/2023

كل عام و حضراتكم جميعا بخير ♥️♥️

03/06/2023

الاهتمام مابيتطلبش يا دكتور