10/05/2024
فى ٢٠٠٨ أمريكا اعلنت انت شهر مايو هيبقى شهر التوعية وقرروا يعملوا حملات تعرف الناس #بالاضطراب #واعراضه وطرق #العلاج الفعالة وده لانهم لاحظوا انتشاره بنسب كبيرة بين الناس.
احنا كل حد فينا ليه #شخصية مختلفه عن غيره حتى لو توأم متماثل كل واحد ليه تركيبه وتكوين مختلف (استعداداته النفسية مختلفة امكانياته مختلفه، واحتياجاته وقدراته العقلية وتصرفاته) وهكذا يعنى حتى لو تشابهنا في بعض الاجزاء هيفضل كل واحد فينا عنده جزء مختلف
حاجه كده شبه مكونات الاكل ممكن صنف واحد تعمل منه اكتر من اكله لكن كل واحده فيهم ليها اضافات مختلفه ف بالتالي النتيجة هتطلع مختلف سواء من طعم او شكل او ريحه. لحد هنا تمام.
طيب امتى تظهر المشكله؟
لما يبدء يحصل تخير حاد فى مكون المكونات دي اما بالزيادة او النقصان او الغياب او موجود بس بكفاءة او جودة اقل
وقتها تظهر المشكلة او اعراض الاضطراب واللي بتبدء تظهر فى وقت المراهقة ويدخل الشخص في صراعات وخلافات سواء مع نفسه او اللي حواليه واللي بتبان فى تصرفات وردود افعال مختلفة وغريبة عن المتعارف عليها (عنيفة_عدوانية_متكررة_مستمرة)
الاشخاص اللي بيعانوا من
في ٣ صفات بتميزهم 👇
١_بيتأثروا بسرعة جدا بالمواقف
(حساسية عاطفية عالية)
٢_ردود افعالهم عاطفية وعالية
(زعيق وخناق وتكسير وخصام وبلوكات)
٣_بياخدوا وقت طويل جدا عشان يرجعوا للحالة الطبيعية
(يعنى اللي يخلص في ساعتين زمن ممكن ياخد معاهم اسبوع)
وده ليه اسباب كتير وعشان البوست مايطولش بزيادة هكتبها في بوست تانى لوحده (الاسباب _ الاعراض)
#ج١
ا.هبه سعيد
اخصائي نفسي اكلينكي
ممارس للعلاج الجدلي السلوكي
H.S
