01/12/2025
فى حالة ذعر بين الامهات الفترة دى بسبب تعب الاطفال وبسبب ان فى ناس بتنشر حاجات مش صحيحه للاسف
طيب اية يا دكتورة اللى بيحصل!!!!!!؟
كده بقى ى يالا نفهم شوية حاجات:
🔵اولا اللى بيحصل الفترة دى طبيعى جدا وبيحصل كل سنة احنا بس اللى بننسى
🛑يعنى ايه يا دكتور يعنى ده مش حاجه جديده؟
🔵الاجابة لا يا فندم مش حاجه جديده ده بيحصل كل سنة فى بدايه تقلب الجو بيسمح بانتشار للفيروسات التنفسية وغيرها وطبعا عشان بيكون الاولاد دخلوا المدارس فبينتشر بين الاطفال بسرعة.
🛑طيب يا دكتور نعمل ايه؟؟
🔵الاجابة لازم طبعا اى ام ابنها ابتدى يتعب تروح تكشف عليه وعند دكتور الاطفال المتخصص ومتنزلش الطفل المدرسة لو الطبيب قال ليها انه معدى
ولازم نلعب على مناعة اطفالنا سواء بالاكل الجيد او ممارسة الرياضة
🛑طيب يا دكتور دى فيروسات ايه؟
🔵الفيروسات دى كتيرة واشهرهم فيروس الانفلونزا وهنا بيظهر اهميه اعطاء اطفالنا تطعيم الانفلونزا كل سنة والفيروس المخلوى اللى بيسبب معظم الالتهابات الشعبيه والرئوية فى الاطفال وفيروسات النزلات المعوية وفيروسات متحور كورونا اللى ملازمنا زى الانفلونزا
وفى الاخر ربنا يحفظ اطفالنا ويحميهم من كل شر
د/دنيا الفقى
استشارى طب الأطفال وحديثى الولادة
استشارى تغذية علاجية اطفال
استشارى حساسية صدر وانف
تواصل العيادة عبر رقم الواتس اب فقط 010 19900173
