25/12/2025
قرار سليم + توفيق ربنا = ابتسامة الصحة
محمد شاب في مقتبل العمر،
وجع الصدر صاحبه أكتر من سنة كاملة.
رغم إنه كان مُصاب بجلطة من سنتين،
ورغم اللف الكتير، وتجربة كل أنواع العلاج…
الوجع كان لسه موجود،
وبيسرق من يومه وراحته وأمانه.
قررنا ناخد خطوة أبعد…
وقررنا نعمل قسطرة.
النتيجة؟
شريان جديد مقفول تمامًا،
والأصعب إن الانسداد كان في مكان حرج جدًا.
لحظات مش سهلة…
تركيز، حسابات دقيقة،
ودعاء في القلب.
وبفضل الله،
الشريان اتفتح،
واتعملت بالونة دوائية،
والنتيجة كانت فوق الممتازة.
أجمل لحظة؟
مش صورة القسطرة اللي تحت …
ولا نجاح العملية
أجمل حاجة كانت ابتسامة محمد أول ما خلصنا،
نظرة بتقول من غير كلام:
“ياااه… كأن جبل واتشال من على صدري”.
اوقات بتكون القسطرة هي الحل الوحيد
لأنها أحيانًا بتشيل وجع،
وترجّع نفس،
وتدي أمل.
ربنا يتم شفاء محمد على خير
