05/12/2025
أقوى هدية ممكن الأم تديها لبناتها…
مش ذهب ولا جهاز ولا وصفات أكل…
أقوى هدية هي إنها تعلّمهم يهتمّوا بنفسهم.
تعلّمهم إن النظافة الشخصية احترام قبل ما تكون عادة…
وإن الصحة مش "تفصيلة" في الحياة… دي أساس كل حاجة.
وتعلّمهم إن بشرتهم وشكلهم مش علشان حد يشوف…
لكن علشان هما يحسّوا إنهم مرتاحين في جلدهم…
واقفِين قدّام المراية وهما راضيين عن نفسهم.
وتعلّمهم كمان إن الإهمال مش قوة…
وإن البهرجة مش أنوثة…
الاهتمام الحقيقي بيحفظ للأنثى وقارها ورونقها وهيبتها.
الاهتمام بالنفس مش للزواج…
ولا لفت نظر…
ولا لكلام الناس اللي ما بيخلصش.
الاهتمام بالنفس علشان سلامتها النفسية والجسدية…
علشان صحتها ما تقعش… ونفسيتها ما تتكسّرش…
وهو أصلاً حق ليها شرعًا قبل ما يكون اختيار:
«وإن لبدنك عليك حق».
علّمي بنتك إن الأنثى مش ماكينة إنجاب…
ولا خادمة في البيت…
ولا مشروع لإرضاء الآخرين.
الأنثى جمال ونضارة ورقي…
والاهتمام بالنفس مش رفاهية…
ده وعي… وكرامة… وتقدير لقيمتها.
كل بنت تستحق تعيش وهي حاسة إنها جميلة… من جوّه قبل بره
واهتمامها بنفسها هو أول خطوة في السكة دي.
