Mental Health Hub

Home
Egypt
Giza
Mental Health Hub

It's about you! You in your thoughts, your feelings, your behaviors! https://linktr.ee/mental.health.hub.official

We tackle your psychological challenges that “you” face on a day to day basis that impact your wellbeing through science based educational content run by credible & certified experts

19/10/2025

بناء حدود صحية هو حق نفسك عليك.

17/10/2025

- مالك ؟
=مفيش

-ايه اللي مضايقك ؟
=مفيش

- حصل حاجة في الشغل؟
=مفيش

عملت حاجة زعلتك ؟
=مفيش

الحقيقة ان "مفيش" مش مجرد كلمة من ٤ حروف

"مفيش" هي حالة الانسان بيوصلها لما بيبقى كل حاجة بتضغط عليه وهو مش لاقي حل وكمان شايف ان لو اتكلم هيتفتح حوارات اكتر...مفيش طاقة!

الإنسان اللي متبني سياسة “مفيش" هو إنسان بيمر بحالة من الاحتراق النفسي بتنتهي في كتير من الأحيان بانفجار شديد على حاجة هايفة او بسيطة أو بعزلة وحزن شديد وابتعاد عن الناس.

لو بقالك فترة كل ما حد يسألك مالك تقوله “مفيش”

احنا ممكن نساعدك!
كلمنا و اسأل عن دورة الاحتراق النفسي و ال overthinking اللي هتبدأ خلال ساعات.

14/10/2025

الاحتراق النفسي هو ضياع في دوامة بتأثر على كل جوانب حياتنا.

11/10/2025

ازاي اهتم بصحتي النفسية؟ أبدأ منين؟
دا اكتر سؤال بيجيلنا حالياً بسبب تعدد العوامل اللي بتؤثر على نفسيتنا وعدم قدرتنا على التعامل مع مشاعرنا بصورة صح وبالتالي بتتأثر صحتنا الجسدية، علاقتنا باللي حوالينا، انتاجيتنا في الشغل وحتى نظرتنا لنفسنا في كل جوانب حياتنا

عشان كده بمناسبة اليوم العالمي للصحة النفسية قررنا نساعدك تبدأ من خلال العروض التالية:

خصم 60% لمدة 48 ساعة فقط عند استخدام Promo code: WMHD
على جميع دوراتنا الموجودة على موقعنا الالكتروني
وبعد الاشتراك بتتوفر الدورات طول الوقت.

أما لو مهتم بدورات المدرب كريم إسماعيل تحديداً فبنقدملك اشتراك سنوي شامل جميع ال 8 دورات اللي بيقدمها في باقة سنوية بتكلفة أقل من اشتراك الكورس الواحد.

وفتحنا جزء مجاني من كل الدورات بحيث تقدر تجرب كل الكورسات قبل الاشتراك.

زور موقعنا او تواصل مع فريقنا لمعرفة كل التفاصيل والدورات المتاحة.

09/10/2025

احنا عارفين ان "اختيار شريك حياتك" من أصعب قرارات الحياة بنختار مرة وكلنا بنتحمل مسئولية الاختيار ده سنين وسنين من عمرنا بنشارك بكل تفاصيلنا ولو الاختيار مش صح بندفع سنين كتير من الندم وعدم الراحة النفسية...

طب في معايير واضحة ممكن تساعدني في الاختيار؟

طب في علامات تحذيرية مهما كان الشخص كويس لازم ابعد عشان أحمي نفسي؟

طب في علامات تدل فعلاً ان الشخص دا كويس وبيتحمل المسئولية وهرتاح معاه؟

- ⁠هل ممكن علاقة تنجح رغم وجود red flags واضحة؟

- امتى أكمل؟ امتى اهرب؟ امتى أهدي السرعة؟

كل دي أسئلة بتدور في بالنا وقررنا نجاوب عليها مع خبير العلاقات حسام الغروري من خلال دورة القرار

تواصلوا معانا عشان تعرفوا التفاصيل وتستفيدوا بخصم الحجز المبكر.

05/10/2025

في الارتباط احنا بنتشارك كل حاجة

أهلنا، عمرنا، مستقبلنا، أهدافنا والأثر اللي بنسيبه في أطفالنا و دي حاجات ما تتعوضش!

احنا مش بنقول تختار مين... ولكن بنقول إن علم النفس فهمنا معايير واضحة بشكل عملي تساعدنا في الاختيار.

في دورة القرار احنا بنشتغل على توضيح كل المعايير الاساسية لاختيار شريك الحياة عشان نقدر عالأقل ناخد الخطوة على أساس ثابت.

تواصل مع فريقنا عشان تستفيد بخصم الحجز المبكر وتتعلم اكتر عن نفسك وعن الضروريات اللي محتاجها في شريك حياتك عشان تبني حياة مستقرة.

03/10/2025

علم النفس بيقدم حلول كتير يمكن تطبيقها بشكل عملي للاحتراق النفسي والتفكير المفرط؛ فلو عايز تعرف معلومات أكتر تواصل مع فريقنا وهنشاركك كل التفاصيل

24/09/2025

عن الشعور الدائم بالعصبية والاستنزاف والضغط النفسي...

19/09/2025

طبيعي تركز على تصرفات اللي حواليك بس الأهم إنك تركز على تصرفات نفسك الأول...

15/09/2025

عمرك لاحظت إنك بتكون مهدود من التعب طول اليوم وبرغم كده تلاقي نفسك قبل ما تنام ماسك الموبايل بتقلب فيه من غير توقُف؟
الموضوع مش "عادي"

إرهاق بلا راحة
العقل في حالة الضغط النفسي ساعات بيرفض يدخل في حالة هدوء ونوم. بيعتبر السكون معناه مواجهة كل الأفكار اللي هرب منها طول اليوم فبنختار الموبايل كمصدر إلهاء وتشتيت

الهروب من اليوم
الموبايل نفسه بيبقى وسيلة نهرب بيها من الواقع. بدل ما نواجه إحباط أو تعب أو فراغ نفتح Reels أو posts ونغرق في عالم تاني احنا فيه مش محور الأحداث ومش مطلوب مننا حاجة مجرد بنراقب من بره.

الهروب من النوم نفسه
النوم ساعات معناه إن اليوم خلص من غير ما نعمل حاجة لنفسنا. وكمان معناه إن بكرة جاي بنفس المسئوليات والدوامة. فنمسك الموبايل ونأجل اللحظة دي كأننا بنهرب من بداية يوم جديد.

تأجيل المواجهة
لحظة النوم بتطلع كل اللي خبّيناه طول اليوم: القلق، الإحساس بالعجز، الأفكار السلبية. فنفضل نقول "دقيقة كمان" مع الموبايل ونهرب. والدقيقة تتحول لساعات.

إحساس زائف بالسيطرة
وإحنا بنختار اللي نشوفه ونحرك الشاشة… بنحس إننا ماسكين زمام الأمور. لكن الحقيقة إننا غرقانين في دوامة مش عارفين نخرج منها.

النوم اللي بيتسرق
الضوء الأزرق من الشاشة بيبعث إشارة للعقل إن "لسه النهار موجود" لسه في فرصة تعمل حاجة لنفسك تخصك إنت تفرحك إنت؛ بس النتيجة نوم متأخر ومتقطع، مزاج أسوأ في اليوم اللي بعده، واحتراق نفسي أعمق.

إدمان الدوبامين
كل Scroll صغير بيدّي جرعة متعة سريعة فيديو يضحك، صورة ملهمة، إشعار جديد. العقل يتعود على الجرعة دي، فيتمسك في الموبايل كأنه طوق نجاة.

حلقة مفرغة
بدل ما التعب يقل بالنوم بنأجل النوم اللي محتاجينه عشان عقلنا يرتاح وجسمنا يعيد التوازن لنفسه عشان نقدر نركز في شغلنا ومسئولياتنا تاني يوم ونهرب بالموبايل، فيتضاعف التعب ويتحول الهروب لعادة يومية وتقل الانتاجية ويزيد الاحتراق النفسي.

طلب استغاثة
دي مش مجرد عادة بسيطة، ده في الغالب طلب استغاثة من جسمك وعقلك إنك محتاج تتعامل مع الاحتراق النفسي من جذوره.
لأن الاستمرار بالشكل ده معناه استنزاف بدني ونفسي وإحساس دائم إنك غرقان في نفس الدوامة من غير مخرج وهتفضل على أعصابك طول الوقت.

لو بتعاني من ضغط نفسي مستمر تواصل مع فريقنا وهنشاركك كل التفاصيل اللي خاصة بدورة الاحتراق النفسي والتفكير المفرط مع المدرب كريم إسماعيل وخد خطوة ناحية استقرارك النفسي وزيادة انتاجيتك.

13/09/2025

أوقات كتير بنحس إننا عالقين في دائرة مفرغة من التفكير المرهق ..كل ما نفكر أكتر، بنغرق أكتر!
والحل مش إننا نمنع نفسنا من التفكير…

الحل إننا نلاحظ أفكارنا من بعيد
زي ما تكون بتتفرج على فيلم مش شرط تتدخل في أحداثه ولكن الأكيد إنك بتقيمه...
اسأل نفسك بعد التفكير وصلت لايه؟
حاسس بإيه؟
التفكير خد منك وقت قد ايه؟

متخليش عقلك يضحك عليك.

08/09/2025

سألناكم: "إيه أكتر حاجة بترهقكم نفسيًا؟"
ودي كانت الإجابات وبتتكرر:

"التعامل مع الناس بسوء نيتهم وكلامهم"
"الخوف من الشغل الجديد"
"تكاليف الحياة وضغط المسؤوليات"
"جلد الذات وكثرة التفكير"
"التعلق بشخص مسحني من حياته"
"الوحدة حتى وسط الناس"
"علاقتي بنفسي وجلد الذات المستمر"
"معاملة الأهل وكلامهم المؤلم"
"الجدال وعدم مراعاة المشاعر"
"عيالي، شغلي، وضغوط الحياة كلها"

يمكن وإنت بتقرأ لقيت نفسك في كلمة أو جملة ودي الفكرة إن دا طبيعي جدًا
مشاكلك مش دليل ضعفك، ومشاعرك مش عيب.
كلنا بنتألم بنفس الطرق وإن اختلفت الحكايات ويمكن ده أكتر شيء يطمنك: إنت مش لوحدك.

نصيحة صغيرة بس تأثيرها كبير:
-اسأل نفسك ازاي أقدر أغير من إحساسي الحالي؟ احياناً جزء من حل المشكلة هو تقبل إن ملهاش حل بإيدي وبالتالي استحضر قيمة او هدف او معنى من اختباري بيها.
-اسمح لنفسك تحس من غير جلد ذات، من غير لوم او استنكار انك مضايق او تعبت برغم ان كل الناس مضغوطة.
-قسّم مشاكلك لأجزاء صغيرة عشان تقدر تتعامل معاها واحدة واحدة.
- من وقت للتاني خد فترات راحة من كل شيء… حتى من نفسك.
-اكتب أو احكي لحد بيسمعك بصدق، لأن الكلام بيريّح أكتر مما تتخيل.

والأهم؛ رفقاً بنفسك إنت مش لازم تتعامل مع كل حاجة طول الوقت، أحيانًا القوة في إنك تعترف بتعبك وتوقف تستنى شوية.

Address

MQR October
Giza
12573

Website

http://www.mentalhealthmena.com/

Alerts

Be the first to know and let us send you an email when Mental Health Hub posts news and promotions. Your email address will not be used for any other purpose, and you can unsubscribe at any time.

Contact The Practice

Send a message to Mental Health Hub:

Shortcuts

Want your practice to be the top-listed Clinic in Giza?