What are the opening hours?

Monday 2:15pm - 10pm Tuesday 2pm - 10pm Wednesday 2pm - 10pm Thursday 2pm - 10pm Saturday 2pm - 10pm Sunday 2pm - 10pm

https://www.facebook.com/103476705841798/

Lunar Dental Clinic, 34 Gameat Eldwal Street Mohandseen, Giza (2025)

29/09/2022

مش كل أسباب تغيّر لون الأسنان في إيدك!

بعض الأسباب بتكون خارجة عن إرادتك زي تقدم السن والجينات، والجزء الباقي بتحدده عاداتك الغذائية واهتمامك بصحة أسنانك، والحل في الحالتين هو تبيض الأسنان.

طبيبك في Lunar بيساعدك بخبرته في اختيار درجة التفتيح اللي تليق عليك، وكمان تكنولوجيا التبييض المناسبة لطبيعة أسنانك ومتسببش ليك أي حساسية.

سواء اختارت التبييض الكيميائي، أو التبييض باستخدام الـ UV Light، أو باستخدام الـ Biolase EPIC laser أو محتار ومش عارف الأحسن ليك، تأكد إن طبيبك في Lunar معاك، والنتيجة هتكون ملحوظة ومبهرة بمجرد انتهاء الجلسة.

07/09/2022

على الرغم من إن الموالح زي البرتقال والجريب فروت من أكثر الفواكه الصحية اللي ممكن تاكلها عشان مليانة بفيتامين C ومعادن مهمة، إلا إنهم متهمين بزيادة ترسبات الجير على الأسنان!

مشكلة الموالح إنها حمضية جداً، والإفراط في تناولها ممكن يهدد طبقة المينا اللي بتحمي الأسنان، وبالتالي أسنانك بتبقى ضعيفة ومعرضة لمشاكل صحية كثيرة.

بشكل عام، مفيش أي حاجة ممكن تحمينا من ترسبات الجير على الأسنان، بس زي ما غسل الأسنان بشكل منتظم بيقلل الترسبات، فيه بعض الأطعمة اللي بتسرع من تكونها زي الحمضيات.

لازم زيارة لدكتور الأسنان كل 6 شهور عشان تطمن على أسنانك وتشيل ترسبات الجير، لأنه مش بس بس شكله سيء إنما كمان بيؤدي لتسوس الأسنان ومشاكل في اللثة.

تقدر تشيل ترسبات الجير من أسنانك في عيادة Lunar في جلسة واحدة وبدون ألم وتعمل كمان الكشف الدوري ليك ولأسرتك.

06/09/2022

البعض بيقول إن أجمل ابتسامة بتبقى عند الناس اللي أسنانهم الأمامية شكلها مستطيل، والبعض الآخر بيقول الشكل المربع هو الأجمل، بس كل ده مش حقيقي!

معايير الجمال بتختلف من وقت لوقت، ومن مجتمع لمجتمع، زمان مثلاً كان العرب بيشوفوا إن الفرق الواضح بين الأسنان الأمامية من علامات الجمال، دلوقتي ممكن يبقى الرأي مختلف.

الحقيقة إن أجمل ابتسامة هي اللي بتبتسمها وأنت مرتاح وواثق، أجمل ابتسامة اللي بتطلع من أسنان صحية من غير ألم أو وجع.. احرص ديماً على الكشف الدوري لأسنانك، ومعالجة المشاكل اللي بتظهر في أسرع وقت، عشان تفضل أسنانك صحية... وتفضل ابتسامتك جميلة.

06/09/2022

رغم إن الصور المنتشرة عن زراعة الأسنان ممكن تبقى مقلقة، إلا إننا بنطمنك أن زراعة الأسنان إجراء غير مؤلم أو خطير، ومش بيتطلب أكثر من البنج المستخدم في حالات الحشو العادية.

زراعة الأسنان مش بس إجراء تجميلي، ده تدخل طبي في الأساس هدفه صحة الفم ككل، لأن خسارة الأسنان بتؤدي لتآكل عظام الفك تدريجياً، وممكن تسبب تحرك الأسنان المجاورة ليها، وأضرار تانية بتؤدي في النهاية لتغيير شكل الفك والتسبب في تجاعيد الوجه، وتعريض صحتك للخطر، عشان كده كل ما أخدت قرار الزراعة في وقت أقل، كل ما كان أفضل ليك.

تجاهل الصور المقلقة، وتوجه لعيادة Lunar وطبيبك المعالج هيشرحلك بالتفصيل كل الاختيارات المتاحة قدامك وبدائلها، وهيساعدك تختار الخطة العلاجية المناسبة طبقاً لحالتك، وتسترجع ابتسامتك في أسرع وقت.

06/09/2022

بتخاف من دكتور الأسنان؟

إحنا في Lunar بنقابل الخوف ده كتير؛ الإحصائيات بتقول إن أكتر من 40% من مواطني العالم عندهم Dental Anxiety، وحوالي 3% عندهم Dentophobia، دول بقى اللي بيرفضوا يروحوا لدكتور أسنان مهما كان حجم مشاكلهم وتعبهم!

أول ما بدأ طب الأسنان الحديث في القرن الـ 18، كانت عيادات الأسنان فعلاً مكان مخيف؛ مفيش أجهزة متطورة ولا تكنولوجيا ولا خبرة كافية، وفضل خوفنا من عيادة الأسنان يتورّث من جيل لجيل.

الأخبار السعيدة أن معظم الحاجات اللي بنخاف منها عند دكاترة الأسنان مبقتش مؤلمة في عصرنا الحديث، الأجهزة والتقنيات المستخدمة في تطور مستمر، كمان خبرة الدكتور وتفهمه للقلق والخوف عليهم عامل كبير.

الوعد بتاعنا ليك في Lunar إن القلق من عيادة الأسنان هيقل بالتدريج، وهتستبدلهم بالثقة والاطمئنان.

كلمنا واحجز ميعادك: 01100013005

05/09/2022

الأسنان الجميلة هي الأسنان الصحية، اللي بتخليك مرتاح وواثق في مظهرك.

تقدر تحافظ علي ده بسهولة وتتجنب أي آلام أو تكاليف كبيرة في المستقبل بإجراءات بسيطة، زي إنك تغسل أسنانك على الأقل مرتين يوميًا كل مرة مش أقل من دقيقتين، وتستخدم خيط التنظيف لإزالة أجزاء الطعام والبكتيريا بين الأسنان.

وأهم حاجة الخطوة اللي معظمنا بينساها، وهي الزيارة النصف سنوية لدكتور الأسنان، حتى لو مش بتشتكي من أي حاجة، في الزيارة دي هتعمل تنضيف عميق لأسنانك، وتكتشف أي مشكلة في مرحلة مبكرة.

شاركنا في التعليقات، إيه طقوسك الخاصة عشان تحافظ على صحة أسنانك؟

05/09/2022

قرار إنك تعمل تقويم لأسنانك ممكن يغير حياتك للأحسن بشكل يفوق توقعاتك.

ولأنه قرار مهم هتستثمر فيه ماديًا وكمان من وقتك وطاقتك، إحنا كمان بنتعامل معاه بمنتهى الجدية.

في عيادة "Lunar" الدكتور بياخد وقته في دراسة وضعك الحالي، وبيجهزلك عرض تقديمي كامل عشان يساعدك تاخد القرار المناسب ليك؛ خلال العرض بتفهم خطة العلاج بالكامل، وتعرف الحلول البديلة وتكلفتها الكاملة قبل ما تاخد أي خطوة، بتعرف كمان النتائج المتوقعة، ومدة العلاج، وجدول الزيارات، والرد على أي استفسارات محتاجها.

العرض التقديمي والخطة العلاجية المفصلة حقك تمامًا، وهما أحد الحاجات اللي بتميز التقويم في Lunar.
ابدأ رحلتك مع التقويم باتصال على: 01100013005

05/09/2022

امتى الطفل يعمل تقويم؟

مفيش إجابة واحدة صحيحة للسؤال ده، لأن كل طفل ليه معدل نمو ووضع أسنان مختلف، بس القاعدة العامة بتقول إن دكتور التقويم لازم يفحص الطفل أول ما يتم 7 سنين، عشان يحدد لو في مشاكل محتملة هتحصل لأسنانه الدائمة، ولكن نادرًا ما بنحتاج نعمل تقويم للطفل في السن ده.

الفحص بيحدد احتياج الطفل للتقويم من عدمه وبيحدد السن اللي هنبدأ فيه ودي نقطة مهمة؛ لأن لو عملنا التقويم للطفل بدري عن ميعاده المظبوط ممكن ياخد وقت أطول وتحصل بعض التعقيدات، ولو بدأناه متأخر ممكن نخسر بعض اختيارات التقويم اللي بتعتمد على نمو الفك.
عشان كده أفضل وقت نعمل فيه تقويم للأطفال هو قبل ما يفقد المجموعة الأخيرة من أسنانه اللبنية وده غالبًا بيحصل من سن 12 - 14 سنة.

مشاكل الأسنان بتأثر على النطق، والأكل، وصحة الأسنان، وثقة الطفل في نفسه، استشير أخصائي التقويم في عيادة Lunar عشان طفلك يستحق ابتسامة رائعة.

وشاركنا، فكرت تعمل التقويم لطفلك امتى؟

05/09/2022

عيادة Lunar هي إعادة إطلاق لمركز أسنان عمره أكثر من 5 سنوات، بنقدمه بشكل مختلف عشان يتناسب مع الخدمات الجديدة اللي هنقدمها.

في Lunar اتجمع أطباء من كل التخصصات، إجمالي سنين خبرتهم أكتر من 30 سنة، كل طبيب متخصص في جزئية معينة في طب الأسنان بيتقنها، وبيحبها، وبيستمتع بشغلها.

كل الأطباء اتفقوا على معايير أخلاقية واحدة، وتعاهدوا يقدموا أفضل تقنيات في تخصصاتهم، عشان كده اختيارك لـ Luner بيضمنلك الوصول لخدمات طبية عالية الجودة.

تابعونا عشان تتعرفوا عليها.

05/09/2022

كل حاجة متعلقة بالقمر ساحرة تمامًا!

شكله، ولونه، ومراحل اكتماله أثرت في البشر لدرجة إنه بقى رمز للجمال في كل الثقافات، من الوهلة الأولى قد يبدو إن القمر بسيط، لكن من غيره مفيش حياة على الأرض، وسر سحره وجماله هو أنه غير مثالي!

القمر ألهمنا إننا نطلق مفهوم جديد لخدمات طب الأسنان في مصر، بعيدًا عن معايير الجمال المثالية التجارية؛ معيار الجمال الوحيد اللي بنؤمن بيه هو مدى ارتياحك في ضحكتك وتقبلك ليها.

بكل فخر بنقدملكم "The Lunar Dental Clinic".

المكان الوحيد اللي هتحتاجه لكل الخدمات المتعلقة بطب الأسنان للأطفال والبالغين (تقويم وجراحة الأسنان، حشو العصب، زراعة الأسنان) بالإضافة للخدمات التجميلية المتقدمة (ابتسامة هوليوود Hollywood Smile ، تركيب الفينير Veneer، تبييض وتلميع الأسنان) وإجراء الكشف الدوري الاحترازي.

تابعونا عشان تتعرفوا أكتر على عيادة Lunar.

Lunar Dental Clinic

29/09/2022

07/09/2022

06/09/2022

06/09/2022

06/09/2022

05/09/2022

05/09/2022

05/09/2022

05/09/2022

05/09/2022

Address

Opening Hours

Telephone

Website

Alerts

Shortcuts

Share

Category

Monday	2:15pm - 10pm
Tuesday	2pm - 10pm
Wednesday	2pm - 10pm
Thursday	2pm - 10pm
Saturday	2pm - 10pm
Sunday	2pm - 10pm