S.M Psychologist

04/07/2025

"ليه جسمي بيتعب… وأنا مش مريض؟"

صداع بييجي ويختفي…
آلام في المعدة من غير سبب واضح…
نغزات في الصدر أو ضيق في التنفس…
وتقارير التحاليل تطلع "كل شيء سليم"، بس التعب حقيقي جدًا!

🧠 في علم النفس، ده اسمه: "الضغط النفسي اللي بيظهر في الجسد"
وليه اسم تاني: الاضطرابات النفسجسمية (Psychosomatic Disorders)

يعني الجسم بيعبر عن وجع… النفس مش قادرة تحكيه
الخوف اللي ما اتقالش، والضغوط اللي ما اتنفستش…
بيتحولوا لأعراض حقيقية على شكل تعب جسدي.

🎯 ومهما أخدت أدوية، هتفضل تلف في نفس الدائرة…
لحد ما تسمع لصوت نفسك، مش بس لجسمك.

🩺 مش كل وجع ليه علاج عضوي
بس كل وجع… ليه بداية من الفهم والدعم النفسي

📲 للحجز أو الاستفسار عبر واتساب:
](https://wa.me/201101211253)

26/06/2025

🌙✨ سنة هجرية جديدة 1447هـ ✨🌙
مش بس سنة بتبدأ…
دي فرصة نخلّي النية أوضح، والخطوة أثبت، والروح أنقى.

في سنة جديدة زي دي، خليك الشخص اللي بيهاجر من التشتت للتركيز،
من العادي للملهم، ومن الضغط للرضا.

كل عام وأنتم بخير، ويا رب تكون سنة سلام داخلي، إنجازات حقيقية، وتغيير بيفرق.

16/06/2025

4️⃣ الفرق بين القلق العام ونوبات الهلع

القلق ونوبات الهلع من الاضطرابات النفسية الشائعة، وكثير من الناس يخلط بينهما، رغم أن لكل منهما خصائص مختلفة.

🔹 أولًا: القلق العام (Generalized Anxiety Disorder - GAD)
- شعور دائم بالقلق والتوتر، حتى من غير سبب واضح.
- التفكير الزائد في كل الأمور، مثل: المستقبل، الصحة، العمل، العلاقات.
- الأعراض تكون مستمرة، وتشمل:
( شد عضلي - صعوبة في النوم - صداع - سرعة الانفعال
صعوبة التركيز)
- الشخص المصاب يدرك أنه قلق لكنه يجد صعوبة في التوقف عن التفكير.

🔸 ثانيًا: نوبات الهلع (Panic Attacks)
نوبات مفاجئة من الخوف الشديد، تأتي دون إنذار.
أعراضها جسدية قوية، مثل:
(تسارع ضربات القلب - ضيق في التنفس - دوخة أو شعور بالإغماء - تعرّق - رعشة - شعور بأن هناك خطر وشيك، أو فقدان للسيطرة)
- النوبة قد تستمر دقائق، لكنها تترك أثرًا نفسيًا كبيرًا وتجعل الشخص في خوف دائم من تكرارها.

الخلاصة
القلق العام = توتر مستمر وتأثير طويل الأمد.
نوبة الهلع = خوف حاد ومفاجئ، لكن مدته قصيرة.

#القلق #مشاعرنا

14/06/2025

3️⃣ الفرق بين الوسواس القهري واضطراب الشخصية الوسواسية

ناس كتير بتتلخبط بينهم، تعالوا نوضح الفرق بطريقة سهلة:

🔹 الوسواس القهري (OCD):
- الشخص بيعاني من أفكار مزعجة ومتكررة (وساوس).
- بيحاول يوقف الأفكار دي عن طريق أفعال متكررة (قهرية) - زي غسل اليدين أو التأكد من الأبواب.
- الشخص عارف إن الوساوس دي غير منطقية وبتسبب له توتر شديد.
- بتسبب خلل واضح في حياته اليومية.

🔸 اضطراب الشخصية الوسواسية (OCPD):
الشخص منظم جدًا، دقيق جدًا، وعنده هوس بالكمال.
- بيهتم بالتفاصيل لدرجة مبالغ فيها وبيعاني من صعوبة في التفويض للآخرين.
- الشخص عادةً مقتنع تمامًا أن طريقته في التفكير صحيحة ومنطقية.
- السلوك ده جزء من شخصيته، وما بيعتبرش نفسه بيعاني من مشكلة، لكن قد يؤثر على علاقاته مع الناس.

باختصار:
الوسواس القهري هو معاناة من أفكار قهرية غير مرغوبة، بينما اضطراب الشخصية الوسواسية هو نمط سلوكي
وشخصية تميل للمثالية المبالغ فيها.

#مشاعرنا

13/06/2025

2️⃣ الفرق بين التواضع و جلد الذات:
اللي بيقلل من نفسه مش دايمًا متواضع!

🔹 التواضع:
- وعي قوي بنفسك من غير تكبُّر.
- بتعرف نقاط قوتك، وبتقبل ضعفك من غير ما تخجل.
- مش بتستعرض ولا بتدّعي الكمال.
- عندك احترام للآخرين ولروحك.

🔸 جلد الذات:
- صوت داخلي بيقسو عليك باستمرار.
- بتحس إنك دايمًا مقصّر، حتى لما تعمل مجهود.
- بتهون من إنجازاتك وكأنها ولا حاجة.
- ممكن تمنع نفسك من فرص كتير لأنك شايف إنك "ما تستاهلش".

📌 الفرق؟
التواضع نابع من قبول، جلد الذات نابع من نقص.

#مشاعرنا #تواضع

11/06/2025

1️⃣ الفرق بين الاحتياج العاطفي و التعلق المرضي:

كل إنسان طبيعي بيحتاج حب واهتمام، بس مش كل احتياج يبقى تعلق مرضي.

🔹 الاحتياج العاطفي:
- طبيعي وصحي.
- بيعني إنك بتقدّر الارتباط وبتحب تشارك مشاعرك.
- بتعرف تستمتع بالحب من غير ما تعتمد عليه بالكامل.
- مشاعرك مستقرة حتى في غياب الشخص مؤقتًا.

🔸 التعلق المرضي:
- بتربط سعادتك بالكامل بوجود شخص معين.
- بتحس إنك مش موجود من غيره.
- بتخاف جدًا من الهجر أو البُعد، حتى لو العلاقة مؤذية.
- بتتعلق أكتر لما الشخص يبعد، مش لما يقرب.

📌 الفرق؟
الاحتياج بيغذيك.. التعلق بيستهلكك.

05/06/2025

🌙 كل عام وانتم بخير 🌙
عيد أضحى مبارك،
نسأل الله أن يتقبل طاعاتنا وطاعاتكم،
وأن يملأ أيامنا جميعًا بالفرح والسعادة،
وأن يكتب لنا ولكم في العيد أجرًا، وفي الأيام القادمة فرجًا،
وأن يُعيده علينا وعليكم أعوامًا عديدة،
بقلوبٍ مطمئنة، وذنوبٍ مغفورة، وهمومٍ مرفوعة.
كل عام ونحن جميعًا إلى الله أقرب ❤️🐑🌸

عيدكم مبارك 🌸

26/05/2025

#الصحة هي الصحة_النفسية
عيادة الطب النفسي والمخ والأعصاب M.S.A Clinic
المواعيد طوال أيام الأسبوع من 3م الي 6م
واتس او فون
01101211253

العنوان 448 شارع الهرم الرئيسى أعلى نفق نصر الدين أمام مترو الجيزة فوق كافيه شيخ العرب دور 2
برج القباني بجوار أبراج نصر الدين
ام اس اي للعلوم النفسية _ مصر _ ملف ضريبي رقم243_662_643
-


#الصحة هي
عيادة المخ والأعصاب والطب النفسي
مدير العيادة د.جيهان طاهر
إستشاري الطب النفسي
والمخ والأعصاب بمستشفي الشرطة

Psy.Soher Mohamed

17/05/2025

اضطراب الشخصية الاجتنابية: لما الخوف من الرفض يخليك تعيش على الهامش

هل بتحس إنك دايمًا بتبعد عن الناس عشان مش واثق إنهم هيقبلوك؟
هل بتتجنب العلاقات أو الشغل اللي فيه تفاعل اجتماعي خوفًا من الإحراج أو الانتقاد؟
ده ممكن يكون أكتر من خجل… ده ممكن يكون "اضطراب الشخصية الاجتنابية".

طيب يعني إيه؟
الشخص اللي بيعاني من الاضطراب ده بيبقى نفسه يتواصل ويكون علاقات، لكن خوفه من الرفض أو النقد بيشلّه. بيفضل العزلة على إنه يواجه احتمال إنه يتحرج.

أهم العلامات:
1. بيتجنب الشغل أو الأنشطة اللي فيها تفاعل اجتماعي كبير.
2. بيخاف يتكلم أو يتقرب من الناس إلا لو متأكد 100% إنهم هيقبلوه.
3. بيخاف من الإحراج أو السخرية بدرجة مبالغ فيها.
4. شايف نفسه أقل من الناس أو مش كفء.
5. بيحس إنه غير محبوب أو مش مرغوب فيه، وده بيخليه ينعزل أكتر.
6. مش بيشارك في الأنشطة الجديدة لأنه بيخاف يفشل أو يتحط في موقف محرج.

طب هو ليه بيحصل كده؟
🔸تربية فيها نقد مستمر أو تجاهل لمشاعره.
🔸تجارب سابقة فيها رفض أو تنمر.
🔸استعداد وراثي أو عوامل بيولوجية.

طب وايه الحل ؟
العلاج النفسي -وخاصة العلاج المعرفي السلوكي (CBT)- بيساعد الشخص يفهم أفكاره السلبية عن نفسه ويغيرها، ويدربه على مهارات التواصل الاجتماعي تدريجيًا.
في بعض الحالات، ممكن الأدوية تساعد لو في قلق أو اكتئاب مرافق.

لو كنت دايمًا بتحس إنك عايش على الهامش ومش قادر تندمج... اعرف إن ده مش ضعف، وإنك تقدر تتغير وتعيش حياة فيها علاقات صحية وحب وقبول حقيقي.

16/05/2025

اضطراب الشخصية الاعتمادية: لما تبقى مش قادر تاخد خطوة من غير ما حد يوجّهك

في ناس بيكون عندهم احتياج مفرط ومستمر للاعتماد على الآخرين، مش بس في القرارات الكبيرة، لكن كمان في أبسط الأمور اليومية. بنسمي ده "اضطراب الشخصية الاعتمادية".

يعني إيه؟ وإيه اللي يخليني أشك إن عندي أو عند حد بحبه الاضطراب ده؟

أهم العلامات:
1. صعوبة في اتخاذ القرارات اليومية من غير الرجوع لناس تانية تطمّنه.
2. بيسيب المسؤوليات للي حواليه حتى لو كان يقدر يقوم بيها.
3. بيخاف يعارض الناس عشان مش يخسر دعمهم.
4. صعوبة في بدء أي حاجة جديدة أو تنفيذ أفكار من نفسه.
5. بيعمل حاجات مش عايزها لمجرد يرضي اللي حواليه.
6. بيحس إنه ضعيف أو عاجز لو لوحده.
7. لو علاقة انتهت، بيجري بسرعة على علاقة تانية عشان يحس بالأمان.
8. خوف شديد من إنه يتساب لوحده.

ليه بيحصل كده؟
الأسباب ممكن تكون:
🔸 تربية فيها سيطرة زائدة أو حماية مفرطة.
🔸تجارب سابقة فيها إهمال أو نقد مستمر.
🔸استعداد جيني.

طيب هل في علاج؟
أيوه طبعًا. العلاج النفسي -خصوصًا العلاج المعرفي السلوكي (CBT)، بيساعد الشخص يفهم نفسه أكتر، ويطور ثقته بنفسه، ويبدأ ياخد قرارات بشكل مستقل. أحيانًا بنحتاج تدخل دوائي لو في قلق أو اكتئاب مصاحب.

لو بتحس إنك دايمًا محتاج حد يفكرلك ويطمنك، أو بتتعب من خوفك من الوحدة... اعرف إن في طريق للعلاج وإنك تستحق تعيش باستقلال وراحة نفسية.

#وعي

16/03/2024

تخرب خطّتك، تبكى، ثُمَّ بعد قليل تُدرِك أنّ هنالك أفضل ثُمَّ يأتيك مُناك بلا أىّ تخطيط!
لاتبتئس، سل الله الصبر والبصيرة، وسترى النعيم يتسلّل من الشقاء كما تتسلّل الفراشة من الشرنقة 💜

15/03/2024

مركز الياسمين🌸
(للصحة النفسية والتخاطب)
💥خصم خاص بمناسبة شهر رمضان الكريم🌙🕌

📍تخاطب
📍تنمية مهارات
📍صعوبات تعلم
📍تعديل سلوك
📍حالات الcp والتوحد
📍لدغات
📍فرط الحركة
📍تلعثم
أ/ياسمين محمد حسين
أخصائية تخاطب
وتربية خاصة
للحجز عن طريق 01015959800📲
أو رسايل الصفحة أو الواتساب

✍🏻إحجز جلسات العلاج النفسي و الإرشاد النفسي
📍أو أونلاين من البيت
📍يوجد زيارات منزلية لكبار السن
📍علاج الإضطرابات الشخصية
📍علاج الإضطرابات النفسيةمثل:-
_ الإكتئاب
_ القلق
_الوسواس القهري
_الذهان
.الخ
📍العلاج النفسي للكبار والأطفال والمراهقين والمسنيين
📍الإرشاد الأسري والزواجي
📍الدعم النفسي لحالات الكرب والصدمات النفسية
سهير محمد حسين
إختصاصي نفسي
باحث ماجستير في علم النفس الإكلينيكي

⭐مواعيد العيادة النفسية طوال ايام الاسبوع
(الحجز مسبقا)

للحجز عن طريق 01101211253📲
أو رسايل الصفحة أو الواتساب

#مركزالياسمين 🌸