دكتور ايهاب قابيل استشارى و رئيس قسم النسا و التوليد و العقم

09/09/2025

رحلة الحمل والولادة خلصت😍 ... وبدأت رحلة ما بعد الولادة 🤱👩‍🍼
#النفاس #الولادة #نسا #نساءوتوليد #بيبي

02/09/2025

الاجابه علي سؤال ... ليه مفيش حمل لحد دلوقتي 😥
#الحمل
#نساءوتوليد #نساء

30/08/2025

الــ.ــم وحرقان وقت التبول خلال فترة الحمل ؟🙂 مش عارفه السبب ؟
وخايفه تاخدي علاج علشان خايفه ع الجنين ؟
#نساء #الحمل

25/08/2025

عايزة تولدي بدري قبل ميعادك؟؟🤨🤔
قبل م تقرري او تفكري .. شوفي الفيديو ده 😮
#الولاده #الولادة #الحمل

21/08/2025

يعنى ايه مشيمة متقدمة ، و مشيمة ملتصقة ، و ايه خطورتهم
#الولاده #القيصرية #المشيمه

14/08/2025

اقراص السيوله للحامل ما بين الممنوع و المسموح 🤰🤔
#السيولة

11/08/2025

لو بتحسي إن في حاجة مش مظبوطة في الحمل؟
ف دي 5 علامات ممكن تدل على إن الحمل ضعيف🤰😔

ممكن تكون أعراض طبيعية… وممكن تكون علامات لحمل ضعيف ومحتاجه متابعة دقيقة


✅أولًا: يعني إيه "حمل ضعيف"؟
يعني الجنين مش بينمو بالشكل الطبيعي أو احتمال استمراره بيكون ضعيف، وده بيحصل غالبًا في أول 3 شهور من الحمل، وممكن يكون سببه هرموني، أو بسبب عيب فى البويضة او الحيوان المنوى ، أو ظروف صحية عند الأم.

🔎طيب إيه العلامات اللي ممكن تنبهك او تخليكى تقلقى و تستشيرى دكتورك؟

1️⃣نزيف خفيف أو نقط دم
مش طبيعى ان ينزل عليكى أى دم أثناء الحمل ، علشان كده لو ده حصل لازم تتوجهي للطبيب فورًا.
❗نزيف في أول الحمل ممكن يكون إنذار بإجهاض أو حمل كيميائي.

2️⃣ألم شديد ومستمر أسفل البطن و خصوصا على أحد الجانبين
لو الألم مش شبه ألم الدورة، وحاد ومستمر، خصوصًا لو معاه دم أو دوخة – لازم متابعة دقيقة.
ممكن يكون مؤشر على حمل خارج الرحم - لا قدر الله.

3️⃣اختفاء مفاجئ لأعراض الحمل
لو كنتي بتحسي بالغثيان، الدوخة، تقلبات المزاج، وفجأة كل ده اختفى في وقت مبكر جدًا – لازم تسألي الدكتور.
❗أحيانًا بيكون طبيعى، و احيانا بسبب توقف نمو الجنين فجأة.

4️⃣انخفاض هرمون الحمل في التحاليل
معدل HCG(هرمون الحمل) الرقمى المفروض يتضاعف كل يومين تقريبًا في أول الحمل.
لو التحليل مش بيزيد أو بيقل– ده ممكن يكون مؤشر لحمل ضعيف أو اجهاض.

5️⃣نبض الجنين مش واضح أو متأخر
في الأسبوع السادس أو السابع، المفروض نبتدي نسمع نبض الجنين بالسونار.
لو اتأخر أكتر من كده، الطبيب بيبدأ يراجع السبب ويقيم الحالة.

⚠لكن مهم جدا تعرفي:
مش لازم كل علامة معناها إن الحمل ضعيف، لكن كل علامة تستحق إنك تستشيري دكتورك فورًا علشان تطمنى.


ودول بقي 5نصايح لو حسيتي إن الحمل ضعيف:

🔹ما تهمليش التحاليل والمتابعة مع الدكتور
🔹الراحة في أول 3 شهور
🔹خدي الأدوية اللى الدكتور وصفها بانتظام
🔹ابعدي عن التوتر والضغط العصبي
🔹كلي كويس ونامي كويس



💬وأخيرًا…

حملك محتاج متابعة… بس كمان محتاج طمأنينة.
اكتشاف المشكلة بدري = فرصة أكبر نحافظ على الحمل.

كل ست مختلفة… وكل حمل مختلف…
بس دايمًا في أمل… والطبيب الشاطر في المتابعه بيفرق جدًا.





# #الحمل

04/08/2025

04/08/2025

يلا بينا هنكون لايف دلوقتي🚀🚨
إلحقي جهزي أسألتك وابعتيهالي💬

01/08/2025

لايف جديد يا ست الكل هجاوب فيه علي كل أسئلتك وأطمنك 💜
هنكون علي الفيسبوك😍
📅الميعاد : الاتنين الجاي 4 أغســـــطس
⏰الساعه 10 مساءً
اعملى منشن لأصحابك وجهزي اسألتك وانتظريني ...
علشان راحتك تهمنا 🩷
#الحمل #لايف

23/06/2025

😮 عندك ٣٠ سنة وبقت دورتك مش منتظمة؟
أو حسّيتي بهبّات سخنة وقلتي يمكن ضغط شغل؟
خلي بالك! ممكن تكون دي إشارات من جسمك إنه بيدخل في مرحلة انقطاع مبكر للدورة!”
تعالي نعرف أكتر عن سن اليأس المبكر👇

✨ إيه هو الانقطاع المبكر للدورة؟
انقطاع الدورة الشهرية قبل سن 40 سنة بيُسمّى “سن اليأس المبكر
وبيحصل لما المبيض يوقّف شغله بدري عن الطبيعي،
وده بيأثر على الخصوبة، الصحة النفسية، والعظام

✅ الأسباب الممكنة:
1. 🔹 عوامل وراثية
2. 🔹 أمراض مناعية
3. 🔹 جراحات في الرحم أو المبيض
4. 🔹 العلاج الإشعاعي أو الكيماوي
5. 🔹 خلل في الغدة الدرقية أو الغدة النخامية
6. 🔹 أو بدون سبب واضح (Idiopathic)

🛑 الأعراض اللي ممكن تلاحظيها:
• انقطاع أو اضطراب الدورة
• هبّات سخنة وتعرق ليلي
• توتر وتقلبات مزاجية
• جفاف مهبلي
• ضعف التركيز
• مشاكل في النوم
• صعوبة في الحمل

🩺 ازاي بنشخصه؟
• تحليل هرمونات (FSH / LH / Estrogen)
• سونار مهبلي
• تقييم الحالة الصحية العامة

💊 إيه العلاج أو الحل؟
1. 💉 العلاج الهرموني التعويضي (لو مفيش موانع)
2. 🥗 التغذية السليمة (غنية بالكالسيوم وفيتامين D)
3. 🏃‍♀ الرياضة المنتظمة لتحسين الحالة المزاجية وكثافة العظام
4. 💊 مكملات للحفاظ على صحة العظام
5. 👩‍⚕ المتابعة مع طبيب نسا متخصص

💬 نصيحة:
لو حسيتي بأي من الأعراض دي وانتي أقل من 40 سنة، ما تستنيش!
الكشف المبكر يفرق جدًا في العلاج ويمنع مضاعفات كتير زي هشاشة العظام وتأخر الحمل.

شاركي البوست مع أي واحدة تعرفيها ممكن تكون بتعاني ومش عارفة السبب ❤

‎ ‎ ‎ # #صحةالمرأة #الخصوبة #نساء #نساءوتوليد

18/06/2025

رايحه تصيفي وانتي حامل؟ 😎🏝️😶‍🌫️
شوفي البوست ده الأول وبعدين قرري👇

شايفك ياللي زهقانه من نفسك ومن الحر وعايزه تساليني .. 😐
هو انا ينفع وانا حامل اروح المصيف يا دكتور ؟
🧑‍⚕️أنا هجاوبك قبل م تسألي بقي
بصي يا ست الكل… روحي واتبسطي وأهربي من الحر ده 🤝
ولو عايزة تنزلي البحر او البسين كمان مفيش اي خطورة 🏖
ولكن هقولك أهم 7حاجات تبعدي عنهم :

❌التعرض لأشعة الشمس بشكل مبالغ فيه،
خاصة في أوقات الذروة من 10 صباحاً إلى 4 عصراً
✅الصح ارتداء قبعة ونظارة شمسية وكريم واقٍ من الشمس و يجدد كل ساعتين (كريم فيزيائى مش كيميائى ، و ده تسألى عنه دكتور الجلدية)
وشرب كميات كافية من الماء والسوائل.

❌التعرض لمياه ملوثة أو غير نظيفة
خاصة في المصايف المزدحمة أو ذات التصريف السيء او بسين الاطفال
ده ممكن يؤدي إلى الإصابة بالتهابات بكتيرية
أو فطرية في المهبل أو المثانة
✅الصح اننا نتأكد من نظافة المياه فى البسين و تعقيمها جيدا قبل النزول فيها،
✅وتجنب بلع أي ماء من البحر،
وتغيير الملابس الرطبة بأخرى جافة بعد الخروج ✅ من الماء

❌التعرض لقناديل البحر أو غيرها من المخلوقات البحرية الخطيرة
وده اللى بيعرضها إلى لدغات أو جروح أو حساسية أو تسمم
✅الأفضل تجنب المناطق اللى من المشهور فيها تواجد هذه المخلوقات

❌التعرض للأمواج العالية أو التيارات القوية
أو الغطس تحت الماء. لان ده يؤدي إلى خطر الغرق
أو الضغط على البطن أو الجنين أو تقلصات الرحم.
✅الصح انك تكونى في المناطق الهادئة من المياه ،
✅وعدم الغطس تحت الماء أو كتم النفس،
✅والابتعاد عن الأماكن التي تحتوي على صخور .
✅ارتداء الملابس الواسعة علشان تقدرى تاخدى راحتك
✅تقليل الحركة والمجهود

✅ينصح ان السفر يكون لمسافات قريبة (ساعه او اتنين) مش مسافات بعيدة ,ولو مسافات بعيدة
تكونى بوسيلة سفر مريحة زى القطر او الطيارة
ومحاولة الابتعاد عن السفر بالعربية او الاتوبيسات لتجنب الجلطات

🧑‍⚕️وبنصحك بعدم السفر في الحالات دي :
👈أول 3 شهور وده لأن الحمل لسه مثبتش
👈آخر شهرين لأنك معرضه للولاده في الفتره دي
👈لو حصلك نزيف او نزول مياه قبل كده .. او معرضه للولادة المبكره .
🧑‍⚕️بردو قبل م تروحي المصيف تزوري الدكتور المتابع لحالتك
علشان يفحصك ويطمن عليكي
أو لو كان عندك مشاكل صحية مزمنة أو مضاعفات محتاجه متابعة مستمره من الدكتور

دكتور / إيهاب قابيل
استشاري ورئيس قسم النساء و التوليد و العقم بمستشفيات القوات المسلحة


#الحمل
#المصيف