بيت التعافي لعلاج الادمان

28/06/2023

19/06/2023

مساء الخيرات عليكم

طبعا اهم مشكله في التبطيل هي افكار الضرب ..

بمعني اصح الأفكار السلبيه الاسهل
لان المخدر موجود و متوافر و هايخلصك من الالم اللي يستهلك اعصابك لغايه ما تروح تضرب

اي حجه و خلاص علشان تلاقي سبب انك تضرب

عشان الشغل
عشان الجنس
عشان عندي ميتينج
عشان Bla Bla Bla

اللي انت بتفكر فيه ده بيهدم تماما فكره انك بتحاول تبطل عشان تتغلب علي كل ده اصلا

انت أساسا عاوز تبطل عشان تستغني عن المخدر في الحالات دي
و ماتكونش مكتئب من اول كام يوم. لا. اجمد. لسه السكه طويله

فوق بسرعه الدنيا بتجري حواليك وانت محلك سر
بل بتستنزف حياتك و فلوسك و صحتك

افكار الضرب هي نفسك الاماره بالانتخه بالسوء بالسهل بعكس كل الصح اللي انت بتحاول تعمله

عشان كده ...كود التبطيل...
اعمل الصح...!!!!

اعمل الصح في حق نفسك
و ان هانت عليك نفسك

اعمل الصح في حق اهلك
و ان هان عليك اهلك

اعمل الصح عشان ربك
ان هان عليك ربك

اعمل الصح و جرب
اعمل الصح و حاول
اعمل الصح و خليك راجل
اعمل الصح و اجمد
اعمل الصح و استرجل مع نفسك

و ان نسيت كل ده

اعمل الصح و تبتدي تجربه جديده في الحياه تستمتع بيها اكتر من حياه المخدر

حوش و اشتري اي حاجه جديده

جدد حياتك

غير مكان سكنك لو تقدر وابعد عن ذكريات الضرب و أصحاب الضرب و الدنيا دي كلها تنساها تماما

ده ماضي و راح لحاله

واتاكد أن في قوه عليا معاك و هتساعدك و هتنصرك في معركتك مع نفسك الاماره بالسوء دي

و علي فكره. انت مريض محتاج يتعالج
و بعد ما يتعالج هو خلاص خف
لو انتكس يتعالج تاتي
و يخف

انت زيك زي اي مريض عاوز يخف
انت مش مجرم ولا مذنب ولا اي حاجه من دول

انت مرييييض محتاج رعايه طبيه
عشان يخف بجد
والعلاج بتاع مرضك اسهل من علاج السرطان
يعني لو سمحت اجمد زي مرضي السرطان اللي بجد كفاحهم في رحله علاجهم عباره عن حاجه مبهره
مع انهم أضعف منك
محتاجين المخدر اكتر منك
اصلا المخدر اللي انت بتاخده معمول علشانهم
و رغم كده كتير بيرفضوا حقنه المورفين

اجمد و قاوم و فكر و استخدم عقلك و فوق لنفسك و للدنيا اللي بتجري قدامك 👌👍👌 تحياتي ابو عمار