Dr.Mohamed Reda Super Baby Clinic

20/12/2021

⛔⛔ هاااااام وعاجل .. الحمله دي مهمه فوق الوصف بجد
👈👈👈 يوم ١٩ ديسمبر ٢٠٢١ ولمدة ٤ أيام
🛑 من سن يوم حتى ٥ سنوات
🛑التطعيم عبارة عن نقطتين بالفم
🛑الحملة عباره عن جرعتين بفاصل شهر
🛑الحملة هتكون فرق متنقلة من شقه لشقه وفرق ثابته بالمكاتب والوحدات الصحيه
🛑التطعيم مجانا
تجميع لاغلب الأسئلة ال ممكن تتسأل ؟!
(( الحملة القومية للتطعيم ضد مرض شلل الأطفال ))
س/ موعد الحملة ؟
ج/الأحد ١٩ ديسمبر ٢٠٢١

س/مدة الحملة ؟
ج/ ٤ ايام

س/الاطفال المستهدفون من الحملة ؟
ج /من سن يوم وحتى ٥ سنوات

س/ الحملة عباره عن كام جرعة ؟؟
ج/ عبارة جرعتين بفاصل شهر ودى اول جرعة فيهم ان شاءالله

س/نوع التطعيم ؟
ج/ شلل أطفال سابين نمط ٢ أحادي التكافئ .

س/كيفية التطعيم ؟
ج/ نقطتان بالفم

س/التطعيم هتمروا على البيوت ولا فى الصحة ؟
ج/ الأثنين تتواجد فرق ثابته فى مكاتب الصحة والوحدات الصحية وفرق ستمر من شقة ل شقة بالمنازل .

س/ابني او بنتى اطعمت تطعيم
او ليها ( الشهرين او - ٤ شهور -او ٦ شهور او ٩ شهور او عام او عام ونصف او تطعيم الروتا او تطعيم المكورات الرئوية.. الخ ) ؟
ج/ لايتعارض مع تطعيم شلل الأطفال سابين نمط٢ ولا توجد اى مشكلة من التطعيم فى الحملة .

س/الفترة البينية بين اى تطعيم وتطعيم الحملة ؟
ج/لا توجد اى فترة بينية ← طعم شلل الأطفال سابين احادي التكافئ نمط ٢ لا يوجد فى التطعيمات الأجبارية منذ عام ٢٠١٦

س/ ما هى اهمية التطعيم بهذا التطعيم ؟
ج/ توجد سلالات شلل اطفال نمط ٢ وافده من دول خارج مصر وتاكدت بعينات بيئية أيجابية وبالتالى يجب تحصين الأطفال من نمط ٢ لانه يحمي الطفل ويقوم بعمل مناعة مجتمعية .

س/ابنى او بنتى ليها تطعيم يوم ١٩ او ٢٠ او ٢١ او ٢٢ ديسمبر ٢٠٢١ ؟
ج/التطعيمات هتكون متوقفه خلال اسبوع الحملة فطعم تطعيم الحملة وبعدها طعم التطعيم الأساسي ولا توجد فترة بينية بين تطعيم الحملة واى تطعيم اخر .

س/شلل الاطفال له علاج ؟
ج/حتى الان لم يتم كتشاف علاج لمرض شلل الأطفال
لا يوجد غير الوقاية باللقاحات .

س/ الكورتيزون من موانع التطعيم ؟
ج/ اى نوع كورتيزون اكتر من ١٤ يوم من موانع التطعيم معادا البخاخات .

س/موانع التطعيم ؟؟
ج/ مرض نقص المناعة الأولى
مريض السرطان

س/هل يمنع المضاد الحيوي التطعيم ؟
ج/بامكانك التطعيم ولا توجد اى مشكلة

س/ التطعيم بيسخن او بيتعب
ج/ لاتوجد اثار جانبية للتطعيم التطعيم أمن جدا

س/هل تطعيم بالدفاتر ولا من غير ؟
ج /من غير الدفاتر او شهادة الميلاد

19/12/2021

خبو العيال👌
الجو بشع والعيال كلها بتكح 😥
بلاش مدارس اليومين الجايين ☝️
ومننساش فيتامين سى والسوائل الدافئة 👌
لو عيل من عيالك تعب اعزله عن اخواته 🥺
وربنا يستر اليومين دول ويعدوا ع خير 🙏🙏

دمتم سالمين
د. محمد رضا

19/12/2021

لكحة اللي منتشره حاليا
💢أدوار حاليا صعبة ومتكررة وبتطول وعلاجها صعب ومش بسيط💢
🚩🚩ولو لقينا العلامات دي ننزل نكشف فوراً :
💥حرارة مستمرة فوق ٣٩°
💥 نهجان (صدره طالع نازل) باستمرار
💥 كحة مستمرة أو غريبة أو صوت "تزييق" في الصدر
💥💥 (للأطفال اقل من سنة) رفض الرضعة تماما أو "تقطيع" الرضعة عشان ياخد النفس، أو ترجيع الرضعة ببلغم
🚩🚩حالات الشتا نزلات البرد والنزلات الشعبية والالتهابات الرئوية بتكتر

دمتم سالمين
د. محمد رضا

19/11/2021

كتير بيسئل على مكان العيادة ومواعيدها
📌الفرع الاول عيادة حدائق الاهرام عيادات فاميلى كلينك
🚗العنوان :٣١٣ ل شارع مدرسة اسباتس أمام بوابة ٦ الدور الارضى
🕟مواعيدها :
يوم الاحد ٥_٧ مساء
يوم الاثنين من ٣_ ٧ مساء
يوم الاربعاء من ٥_٧ مساء
يوم الخميس ٣_٧مساء
📞الحجز مسبق برقم العيادة ٠١٠١٩٧٠١٠٠٦
__________________________________________________
📌الفرع الثانى عيادة فيصل عيادات المستقبل التخصصية
🚗العنوان ١٤ ش سليم - عمارات البيومى- الدور الاول
🕟مواعيدها :
يوم الاحد من ٧_١٠ مساء
يوم الاثنين من ٧_١٠ مساء
يوم الاربعاء من ٧_١٠ مساء
يوم الخميس ٧_١٠ مساء
📞الحجز مسبق برقم العيادة او الحضور ٠١٠٦٠٢٩٨٨٤٣
__________________________________________________
للتواصل مع الطبيب
رقم الواتس ٠١٥٥٤٨٧٧١٠٨

19/11/2021

وصل وصل وصل فصل الشتاء العظيم بأدوار البرد والكحة التى لاتنتهى
هنقول النهارده شوية نصايح عشان اولادنا
1- عودى اولادك على غسل أيديهم قبل الأكل وبعده وبعد اللعب وبعد العطس أو السعال، ومن الأفضل استخدام الصابون السائل

2- اغسلي لعب الأطفال وأدواتهم باستمرار
اهتمي بنظافة أدواتهم الشخصية سواء أدوات المائدة أو غيرها

3- خصصي لكل منهم أدوات نظافة شخصية خاصة به ولتكن لكل فرد من أفراد الأسرة أدوات خاصة عشان نقلل فرص العدوى

4- علميهم مايحطوش الأقلام أو العملات في الفم

5- علميهم استعمال المناديل الورقية عند العطس أو السعال

6- احرصي على نظافة منزلك وتهويته باستمرار

7- لا للتدخين داخل المنزل

9- الحرص على التغذيه بشكل سليم عودي الصغار على تناول الكثير من الفواكه والخضراوات البرتقال والليمون والكيوي والفراولة والليمون بالنعناع والفلفل وكل ما يحتوي على فيتامين سي

10- عودي الصغار على تناول الماء بكثرة

دمتم سالمين
د. محمد رضا

08/11/2021

07/11/2021

📢📢📢الـــفــــــطـــــام

⚠️ تعبت وعاوزة افطم ابني 😭😭
⚠️عايزة افطم البنت وخايفة 😫
⚠️ افطم الطفل عند سنة ولا سنتين 🤔

💢💢 اسئلة كتيرة بتتسال و بنسمعها من الامهات بالنسبة للفطام هنحاول ان شاء الله نبسط الأمور ونرد علي التساؤلات دى

💖 مبدأيا تعريف الفطام، يعني ايه فــطـــــام:

#الفطام هو إضافة الطعام تدريجيا للرضيع مع لبن الأم أو اللبن الصناعي وغالبا يكون بعد الشهر الخامس

هنتكلم هنا عن الفطام النهائي اللى هى مرحلة توقف الرضاعة والإعتماد علي مصادر تغذية أخري غير الرضاعة
إتمام الرضاعة يكون عامين هجريين كاملين ✌️

🚫 الحمل 🤰في حد ذاته ليس سببا لإيقاف الرضاعة وفطام الرضيع
◀️فالحامل في حالة عدم وجود مشاكل صحية تستطيع إرضاع رضيعها يفضل اول 3 او 4 شهور بدون أي ضرر علي الرضيع
⏪ احب أأكد ان الفطام بيكون عملية تدريجية تبدأ من عمر ست شهور إلي عامين من عمر الطفل

✳️ شوية كلام بقى عن الفطام النهائي
✅لازم الفطام يكون تدريجي وليس بشكل مفاجئ (إلا في حالة واحدة هنتكلم عنها) .. لان كدا حماية للأم و الطفل..ازاى بقى؟؟؟
⭕حماية الطفل من صدمة نفسية بابتعادة فجأة عن الأم مما يفقده الاحساس بالأمان وفقد شعور حنان الأم في حالة الفطام المفاجي
⭕وحماية للأم من حدوث احتقان بالثدي وبالتالي التهابات وآلام ....

📢 أنواع الفطام
الأنواع بتبقي علي حسب نظام او توقيتات دخول الوجبات واستبدال الرضعات

1️⃣
2️⃣
3️⃣
4️⃣

🚩 أولا الفطام المفاجئ
♦️إنهاء الرضاعة كليا وبشكل مفاجئ
مش بنلجأ للطريقة القاسية دي إلا لو مضطرين لكدا في حالة حدوث مرض او اى شئ للأم يمنعها من الرضاعة الطبيعية
وبالتالي الطريقة دي للاطفال الى بيرضعوا طبيعي بس مش للى بيرضع صناعي

🚩ثانيا الفطام التدريجي
♦️نستبدل الرضاعة بالغذاء تدريجيا....
◀️ يعنى:
كل اسبوع نستبدل رضعة بوجبة حتي نصل تدريجيا إلي الإستغناء الكلي عن الرضاعة
مهم جداااااا المحافظة على رضعه قبل النوم لآخر مرحلة بحيث تكون هي آخر رضعة يتم الإستغناء عنها

🚩ثالثا الفطام الجزئي
♦️بينفع جدااا النظام ده الأم اللى بتشتغل اوالغير متواجده مع طفلها لفترات طويلة اثناء اليوم....
◀️ بنقلل عدد الرضعات في اليوم إلي رضعة أو رضعتين ونستبدلهم بوجبات غذائية وبرضو تكون اخر وجبه للطفل هي رضعة قبل النوم

🚩رابعا الفطام بشكل طبيعي
♦️هنا الأم بتترك الطفل يفطم نفسه بنفسه وهنا هو اللى بيختار الوقت المناسب لانهاء الرضاعة الطبيعيه
◀️‼️ بس طبعا لو تجاوز مدة الرضاعة الطبيعية والطفل متعلق بالرضاعة جدا لازم تلجأ هي للفطام بالطريقة المناسبة

⚠️⚠️⚠️ شوية نصايح مهمة جدا عند الفطام ✅

🔴 بالنسبة للطفل 👶
1️⃣ تشتيت الانتباه: نخلى الطفل ينشغل عن الرضاعة بألعاب مسلية
2️⃣ تعويد الطفل علي شرب اللبن بواسطة كوب للأطفال أقل من عام في حالة الرضاعة الصناعي
3️⃣ بلاش ❌ فصل الصيف ☀️ للفطام عشان نتجنب النزلات معوية
4️⃣ بلاش ❌ الفطام خلال الفترات التي لا تناسب الطفل مثل فترات المرض 🤒🤕 أو التسنين
5️⃣ تعويد الطفل علي الجلوس علي مقعدة وقت الطعام وسط الاسرة ويشاركهم الطعام، دا بيساعده كتيرعلي الاكل والشبع و علي الاستغناء بالتدريج عن رضعات النهار
6️⃣ تحضير الطعام بشكل جذاب للطفل سواء شكل المأكولات أو حتي شكل الاطباق والأكواب تكون ملونة وذات رسوم جميلة.... ويجب أن نشجعة علي الاستقلالية بأن يعرف اطباقة وأكوابة ونمنع اخوته الآخرين من استخدامها مما يكون بينه وبينها رابط ويجعله يحب تناول الطعام فيها في موعد كل وجبه

🔴 بالنسبة بقي للأم 👩🤰
1️⃣ إحرصي خلال مرحلة الفطام علي عدم إرتداء ملابس مفتوحة من الصدر لمساعدة الطفل علي نسيان الرضاعة
2️⃣ عند النوم يجب أن تحرص الأم علي أن لا يكون هناك أي مثير للرضاعة عند الطفل كما عليها إشباعه جيدا عند وجبه الغذاء طالما استبدلت أخر رضعه بالغذاء حتي ينام بسرعه دون التفكير بالرضاعة
3️⃣ خلال فترة الفطام أغمري طفلك بالحنان وضمية بسبب وبدون سبب حتي لا يفتقد الحنان بتركه للرضاعه الطبيعيه
دمتم سالمين
د.محمد رضا

29/10/2021

#كرتون #تعليمي #للاطفال #عن #اهمية #غسيل #الاسنانتنظيف الأسنان إنّ عملية تنظيف الأسنان من #أهمّ #العادات #الصحية التي يجب على الإنسان اتّباعها ثلاث مرات يو...

25/10/2021

مداومة غسل اليدين بالماء والصابون مهم جدا للحفاظ على صحة أطفالنا
حفظو الاولاد النشيد وعلموهم الطريقة الصحيحة لغسيل الأيدى ☺️
دمتم سالمين
د. محمد رضا

أُغَسّل يديَّ - تشجيع النظافة🧼✋🏼🤚🏼🧼‏‎فلتُنشِد هذا النشيد وأنت تغسّل يديك، وحين ينتهي النشيد تكون قد انتهيت من غسل يديك لمدة ٢٠ ثانية‏‎تعلّم أفضل طريقة ل...

25/10/2021

تابعونا عشان نعرف معلومات اكتر عن الرضاعة الطبيعية
صباح الفل 💮

24/10/2021

صباح الخير 🌞🌺
نصيحتين على الماشى ☺️