18/06/2021
اسئله هامه جدا لكل مامي جديده 📕📕💡💡💁♀️💁♀️
🔶 ️ايه السوائل المسموح بيها اول يوم ولاده لو اللبن مش كفايه 🥤🥤❓❓❓❓❓
ج .غلط جدا نعطي الطفل جلوكوز أو رضعة أعشاب لحد ما ماما تفوق ...❌❌
نساعد الأم و نحطه على صدرها لإن الطريقه دي نفسها بتزود إفراز اللبن... ✅✅
و الكمية اللي بتنزل للطفل من اول يوم كافية تشبعه لإن معدِته صغيره و يعادل حجمها حجم البيضة البلدي الصغيرة 🥚🥚🥚....✅✅
أول لبن بينزل من ث*ي الأم ( السرسوب ) على الرغم من إنه لونه خفيف و زي الميه الا انه مهم جدا لاحتوائه علي أجسام مضاده ✅✅
🔶️ ما هي الادويه المهم الطفل ياخدها في اول يوم ولاده ؟❓❓❓❓💊💊
ج. حقنه فيتامين (ك) كوناكيون 💉وتطعيم التهاب الكبد الوبائي (ب)💉
اما الام لا قدر الله المصابه بالتهاب الكبدي الوبائي طفلها بياخد التطعيم + الاجسام المضاده اول ٢٤ ساعه ( غير متوفره في وزاره الصحه )افضل وقت لاعطائها اول ٢٤ ساعه
🔶 ️ما هو التوقيت الطبيعي للبراز والبول لحديثي الولاده ❓❓❓🚾🚾
ج. البول لازم اول يوم ولاده ولو اتاخر نعمل فحص لكن البراز ممكن يتاخر لحد ٤٨ ساعه .
🔶️ما عدد مرات البراز الطبيعيه اول ٤ شهور ❓❓❓❓🚽🚽
ج. الطبيعي بعد كل رضعه يعني ممكن من ٦ الي ١٢ مره عادي جدااا... المهم انه يتم تنضيفه علي الحوض بماء فاتر وجل كويس وفوطه ناعمه منعا للتسلخات وطبعا لازم كريم واقي للمنطقه دي بعد كل غيار عشان نحافظ علي جلد الطفل لانه اهم مدخل للبكتريا والفطريات لو حصل التهابات قدر الله 🧻🧴👼👼
🔶️ ما هي لفيتامينات اللي لازم ياخدها من السنة ❓❓❓❓💊
ج. فيتامين (د) من اول يوم لحد اول سنه كل يوم ٤ نقط والسنه التانيه ٦ نقط لو الطفل بيرضع طبيعي
اما لو بيرضع صناعي مش محتاج الا بعد الرجوع للطبيب.
🔶️ ايه الإجراءات لو الطفل عنده فتق سُرِّي ❓❓❓
غلط جدا نربط بطنه بحزام السُرة أو نجيب جنيه معدن و نربطه برباط على الفتق علشان يروح👵👵🩹🩹 ❌❌❌
الفتق السري موجود في نسبة مش قليلة من المواليد و سببه ضعف جدار البطن و مع الوقت عضلات البطن بتقوي والفتق بيروح لوحده خلال ٦ شهور ✅✅
🔶️ايه الإجراءات لو لا قدر الله ظهرت صفرا ما بعد الولاده ❓❓❓❓
غلط جدا نحطيه تحت لمبه نيون لانها تسبب جفاف 💡💡 او إديله ميه بسكر بتعمل عسر هضم وتزود الصفرا🍼🍼❌❌
اوعي تهملي الصفرا لانها خطر جدا علي المخ وممكن تسبب لا قدر الله تدميره في النسب العاليه ❌❌
نِستشير طبيب الأطفال نقيس عنده الصفراء بالذات لو ظهرت في أول يوم بعد الولادة 🩸
ما تخافيش التحليل مش عينه دم دلوقتي متوافر تحليل صفرا عن طريق الجلد في معظم المستشفيات....✅✅
و حسب النسبة و حالة الطفل الدكتور هايحدد هيحتاج حضانه ولاهنتابع النسبه تاني بعد ٤٨ ساعه✅✅
🔶️ ما تعليمات ما قبل التطعيمات الفمويه ❓❓❓❓❓💉💉
ج. قبل التطعيم بساعه بلاش اي رضاعه وبعد للتطعيم بساعه علشان اتاكد انه شرب كل الجرعه
🔶️ حراره ما بعد. التطعيم الطبيعيه كام ❓❓❓❓
ج. لو ٣٨ ونص طبيعي وندي خافض اكتر من كده نكشف خصوصا لو عدت يومين
🔶️ فطريات اللسان ❓❓❓❓❓🥼🥼
ج. اول سنه كتير اوي بتحصل وخصوصا مع الرضاعه ممكن نجيب شاش وتلف الام بيه صباعها وننضف فم الطفل ونحافظ علي نضافه الحلمه للام وممكن ندهن مراهم مضاده للفطريات
🔶️هل مسموح ندي مياه في اول ٦ شهور ❓❓❓❓❓
المياه مع بدايه إدخال الأكل غير كده لبن الام بيبقي فيه كميه كافيه جدا من المياه .
دمتم سالمين ❤
عنوان العياده ٥٠ شارع النصر ارض الجمعيه - امبابه
مواعيد العياده يوميا من ٧ الي ١٠ مساءا كل الأيام ماعادا الجمعه
