10/04/2026
ဟုတ်တယ် အမှောင်ကိုလင်းအောင်လုပ်ပေးရမှာမဟုတ်ဘူး။ အမှောင်ထဲက ထွက်လာရမှာပါ။
လူ့ပြည်မှာ နွေဆိုရင်
အခြားနေရာတွေမှာ ဘာများပါလိမ့်
ထိုင်နေရင်း သွားလို့ရတဲ့ ခရီးက ပိုခရီးရောက်တတ်တယ်
နာမည်ကျော် လောကသုံးပါး ကမ္ဘာ ၃ ခု ရှိတာမှာ
ဒီနေ့တော့ Under World ရဲ့ လေးလံမှောင်မိုက်မှုတွေ အကြောင်း ပြောပြချင်တယ်
Under World က လေးတယ် အေးစက်နေတယ်
မျက်နှာသေတွေနဲ့ လုပ်စရာရှိတာကို လုပ်နေတဲ့ သူတွေ ရှိနေတဲ့အရပ်
အပြစ်တွေရှိရင်လည်း ဆေးကြောဖို့ ရောက်သွားရတဲ့ အရပ်ပေါ့
အချို့သော Under World တွေက လူပြည်နဲ့ တလွှာထဲမှာ ပဲ ရှိနေပြီး အလွှာပါးပါးလေးနဲ့ပေါ့
Dimension ပဲ ကွာတာမျိုး
တစုံတယောက်ဟာ တနေရာရာကို ရောက်လာတယ်ဆိုတာ ဘယ်တော့မှ အကြောင်းမဲ့ မရှိပါဘူး
အဲဒီနေရာမှာ သူ့ရဲ့ Mission သူလုပ်ပေးရမယ့် တခုခုရှိတတ်တယ်
ဒါမှမဟုတ် သူဖြေရမယ့် မအောင်သေးတဲ့ စာမေးပွဲတခုရှိတတ်တယ်
မတူတာက
Mission လုပ်ရမယ့်သူဆို Power က ပါသွားပြီးသားပေါ့
Mission သမားတွေက အချိန်တန်မှ ရွေးချယ်စေလွှတ်ခံရတာကိုး
အဲ့နေရာမှာ ပစ္စည်းတိုင်းက ကိုယ့်လက်နဲ့ထိတာနဲ့ စွမ်းတယ်
ကိုယ့်မှာ တာဝန်ပါလာတာကိုး
ဥပမာ လေးလံနေတဲ့ အခန်းတခုထဲ ဆားခွက်တွေ လိုက်ချတယ် ဆိုပါစို့
ဆားက သူ့ဘာသူ စွမ်းပါတယ်
ဒါပေမယ့် ဆားခွက်လိုက်ချသူ ဘယ်သူလဲ ဆိုတာပေါ်မူတည်ပြီး
အဲဒီဆားကပဲ အစွမ်းထပ်ပြောင်းတယ် စွမ်းအင် ဆပွားတယ်
Witch Craft တွေက စီရင်ပေးတဲ့ Witch ရဲ့ တန်ခိုးပေါ်မူတည်ပြီး စွမ်းအင်ပါလာတာမျိုးပေါ့
ဒါက Mission သမားအကြောင်းပါ
နောက်တယောက်က စာမေးပွဲ ဖြေရမယ့်သူ အကြောင်း
သူကတော့ ပုံမှန်ထက် အားပိုနည်းသွားတယ်
မျက်နှာပေါ်မှာ အပြုံးဆိုတာ ပျောက်သွားတယ်
နှုတ်ခမ်းထောင့်စွန်းတွေ ကွေးကျသွားတယ်
မျက်နှာတွေလေး လက်ခြေတွေ အကြောသေသလို တန်းလန်းကျနေတယ်
ဘာအစွမ်းမှ မရှိတော့သလို ယုံကြည်မှုတွေ ပျောက်ကွယ် အောက်ဆုံးထိ ရောက်နေတယ်
ကဲ ဘယ်လိုပဲဖြစ်ဖြစ် အောင်အောင်သာ ဖြေပေတော့
ဒီစာမေးပွဲအောင်မှ ပြန်ထွက်ခွင့်ရမယ်လေ
ဒါကိုပဲ အဖန်ဖန်လည်နေတဲ့ ဝဋ်ကြွေးလို့ ခေါ်ကြပြန်တယ်
ဒါပေမယ့် သေချာတဲ့ နိယာမ တော့ရှိတယ်
Mission လုပ်ပေးဖို့ Under World ကို Power နဲ့ ပြန်သွားသူတွေဆိုတာလည်း
တချိန်က စာမေးပွဲအခါခါကျပြီး မှ အောင်တဲ့အခါ အဆင့်တက်ခဲ့ရသူတွေပဲ
ဒါဆို ဘာများ အားငယ်စရာရှိလို့လဲ
တချိန်မှာ အားလုံး ပန်းတိုင်ရောက်မှာ လေ
Under World ဆိုတာ တကယ်တော့ သင့်အတွက် လုံးဝ မစိမ်းဘူး
အခု ပြန်သတိရပြီ မဟုတ်လား
အမှောင်ထုကြီးထဲက အလင်းစက်ကလေးသိမ်းထားရာနေရာတခုဟာ
အလင်းရဲ့ တန်ဖိုးကို သိဖို့ အမှောင်ကို သင်ပေးခဲ့ရာနေရာ
ပေါ့ပါးမှုကို ချစ်တတ်ဖို့ လေးလံစေပြီး တမင် ဆွဲချထားခဲ့တဲ့နေရာ
သင်အခါခါရောက်ခဲ့ဖူးတဲ့ ကြောက်လန့်နေရင်း စွဲလမ်းမိနေတဲ့နေရာ
ကဲ ရအောင်ရုန်းလေ
သင့်ရဲ့ Spiritual Consciousness တက်လာစေဖို့ လေ့ကျင့်ရတဲ့ ကစားကွင်းဟာ Under World ပါ
အမှောင်ကို ရဲရဲကြည့်ပါ
သင့်ရဲ့အမှောင်ကိုပါ နားလည်လာမယ်
အဲဒီ နားလည်ခြင်းက သင့်အတွက် Under World ကနေ ပြန်တက်လာရမယ့် တံခါးပေါက်ကို ဖန်ဆင်းပေးပါလိမ့်မယ်
