27/09/2023
لاتنسوا👈 ...ده وقت تطعيم الإنفلونزا الموسمية 💉💉
دمتم بصحة وهناء
د. هناء سيد الجهمي Dr. Hanaa Sayed
عنوان العيادة
٤١ ش المدرسة أمام الوحدة الصحية وسنترال المنيب-المنيب-جيزة 👇
https://maps.app.goo.gl/juuGgmqjpHFTasay6
مصل الانفلوانزا الموسمية وبعض الأسئلة الشائعة 🤔🧐🤨
___ ___ ___ ___ ___ ___ ___ ___ _
س 🤔 : إيه هو مصل الأنفلونزا ؟
ج 🙂 : ده مصل أو تطعيم ضد الإنفلونزا (الفيروسية) وبينزل كل سنة عشان يحصن ضد الميكروبات المسببة للإنفلونزا واللى ممكن تتحور سنوياً ، وضد أكثر السلالات إنتشاراً ☃
-------------------------👇-------------------------------
س 🤔 : هو فى إنفلونزا فيروسية وإنفلونزا بكتيرية؟
ج 🙂 : أيوه فيه .. أولا الإنفلونزا الفيروسية ودي سببها فيروس الإنفلونزا ؛ وهى اللى كلنا عرفينها وجاتلنا كتير وأعراضها زى دور البرد🤧 بس بتكون أشد شوية ومعاها كمان كحة 😷وسخونة🤒 وتكسير شديد فى الجسم🛌
إنما الإنفلونزا البكتيريةوسببها بكتريا اسمها (Haemophilus Influenzae ) بتكون أخطر شوية☠☠ لإنها ممكن تسبب إلتهاب رئوى أو إلتهاب الأذن الوسطى 👂 أو لا قدر الله إلتهاب سحائي 😯 والحمدلله أن النوع ده تطعيمها بيتاخد فى الصحة (إجبارى) عند شهرين و٤ و ٦ شهور ضمن مايسمى (التطعيم الخماسي) 🖐
أما تطعيم الإنفلونزا الفيروسية فده إختياري (optional) يعني مش فى جدول التطعيمات الإجبارية
--------------------------👇-----------------------------
س 🤔 : يعني يادكتور هو مهم ؟
ج 🙂 : بص حضرتك هو مش بيمنع أدوار البرد والإنفلونزا إنها تيجي لكنه بيدى حماية حوالي ٨٠٪ من ناحية أنه :-
👈بيقلل شدة الأعراض
👈بيقصر مدة التعب
👈بيمنع المضاعفات وده أهم حاجة 👍👍👍
------------------------👇-------------------------------
س 🤔 : طب مين اللى لازم ياخده ؟
ج 🙂 :بالظــــــبط ! هو ده السؤال 😇
⏪ الطفل اللى بيعانى من حساسية_الصدر لاااازم ياخده 👌 لإن دور الإنفلونزا والبرد من المثيرات اللي ممكن تدخله في نوبة الحساسية ويحصله ضيق وتزييق فى صدره ويحتاج جلسات وممكن يحتاج يتحجز بالمستشفى
⏪ الأطفال اللى بيعانوا من حساسيةالأنف 👃
⏪ الأطفال اللى مناعتهم ضعيفة اللى مجرد مابيجيلهم برد بيقلب بسخونة وجيوب انفية وكحة وإلتهاب فى الأذن 😫 أو اللى أعراض البرد بتطول معاهم أكتر من إسبوع مثلاً وعلطول في الشتا تعبانين 🤕
⏮ وبصراحة بأنصح بيه كل الأمهات لأن البرد والإنفلونزا رخمين فى الأطفال 😔 والعدوى بتنتشر في المدارس بسهولة ! فإيه المانع إن كل الأطفال تاخده ❔
⏮وفي الكبار أكيد ولاسيما ( كبار السن _ مرضي السكر والقلب_ مرضي حساسية الأنف أو الربو أو إلتهاب الجيوب الأنفية المزمن )
⏮جميع العاملين في المجال الطبي كوقاية من العدوى 🚑
-------------------------👇------------------------------
س 🤔 : طب المفروض يتاخد إمتى ؟
ج 🙂 : المفروض المصل بيبدأ ينزل من شهر 9 ويفضل إعطاءه قبل دخول فصل الشتا ماتبدأ عشان مفعوله يبدأ يظهر عند بداية موسم البرد ☔ (بيستغرق من إسبوعين إلي ثلاثة أسابيع لظهور تأثيره)
يعني افضل توقيت 🔄
سبتمبر و أكتوبر و نوفمبر ..
ولاننصح بإعطاءه أثناء أدوار البرد لكن مش ممنوع 🚫
-------------------------👇------------------------------
س 🤔 : الجرعة إيه يادكتور ؟ وهل ينفع لكل الأعمار !
ج 🙂 : النقطة دى بقى مهمة جدا 👉
1⃣ قبل ٦ شهور >> لا يؤخذ
2⃣من ٦ شهور ل ٣ سنين >> ياخد (نص المصل)
3⃣فوق ٣ سنين >> (المصل كله)
4⃣الطفل اللى أول مرة ياخده فى حياته ((يُفضل يكررالجرعة بعد شهر )) ؛ ولكن الكلام ده لحد 9 سنوات فقط ! يعنى طفل 10 سنين وهياخده لأول مرة ياخده مرة واحدة ☝
5⃣يعطى فى العضل (وأقل من سنة في عضلة الفخد ) أو تحت الجلد (في الذراع مثلا)
---------------------👇---------------------------------
س 🤔 : هل فى موانع للتطعيم ؟ أو أعراض جانبية ؟
ج 🙂 : ممنوع فقط للى بيعانوا من حساسية البيض إنما مفيش موانع تانى !
بالنسبة للاعراض الجانبية 🔻
⏺فى بعض الحالات وجع بسيط وإحمرار أو تورم مكان الحقنة 💉
⏺نادرا ما يسبب سخونة أو صداع وآلام بالجسم
⏺وحالات نادرة جدا جدا يحدث حساسية أو طفح جلدى ❕
☸ وبالمناسبة ↩ مفيش أى #
تعارض بين تطعيم الإنفلونزا الموسمي وأى تطعيمات أخرى ☸
--------------------------👇----------------------------
س 🤔: تمام يادكتور يعنى أتكل على الله وأديه لإبنى 🙂
ج 🙂 : اكيد 😎 بس خلى بالك وإتأكدى إنك واخداه ساقع يعنى طالع من التلاجة او حطيه في Ice box لو مش هيتاخد في ساعتها ..
⚕ ولو هيتحفظ لاااازم في باب التلاجة أو علي الرف
