Dr/Mostafa Azzazy child clinic د/مصطفي عزازي

31/08/2025

يعتذر الدكتور مصطفي عزازي عن العمل بالعيادات ابتداء من يوم الاتنين الموافق ١ / ٩ / ٢٠٢٥ و بدايه العمل ان شاءالله يوم السبت الموافق ٦ / ٩ / ٢٠٢٥

28/08/2025

و في سياق متصل ، فقد أفادت هايدي ( فتاه الشيبسي ) انها تركت كيس الشيبسي حينما تذكرت كلام الدكتور مصطفي عن ان الشيبسي مضر بالصحه

26/08/2025

متوفر الان في العيادات تطعيم الانفلونزا الفيروسيه الموسمية لشتاء ٢٠٢٥ / ٢٠٢٦

اهم الاسئله المتعلقه بالتطعيم

** التطعيم من سن كام

- التطعيم ابتداء من سن ٦شهور و بدون حد أقصي للسن ( يعني اي حد ممكن يتطعم )

** بيحمي فتره اد ايه ؟

التطعيم بيشتغل في جسم الإنسان بعد أخذه بأسبوع الي اسبوعين علي حسب استعداد الجسم و بيحمي الإنسان لحد شهر مايو السنه الجايه

** بيحمي من ايه بالظبط ؟

- بيحمي من مرض الانفلونزا بجميع انواعها ( يعني الرشح و احتقان الحلق و السخونة و تكسير الجسم )

** مين اللي المفروض ياخده ؟

- بناءا علي تعليمات منظمه الصحه العالميه يجب علي كل الأطفال أخذه لكي يحمي من مضاعفات الانفلونزا اللي بتحصل كل سنه و لكل كبار السن ، أما الشباب ف اللي مناعته ضعيفه او بيصاب بالانفلونزا كتير او لديه امراض مزمنه ف يجب عليه أخذه

** طب ليه بناخده كل سنه ؟

- مرض الانفلونزا مرض متجدد كل سنه بيتحور بسلاله جديده فلازم كل سنه ينزل تطعيم للسلاله الجديده دي بجانب السلالات القديمه بتبقي موجوده في التطعيم الجديد بردو

** طب جرعته اد ايه

- حقنه واحده علي جرعه واحده لكل الناس ، أطفال و كبار ، و الأطفال اللي اول مره ياخدوه و سنهم أقل من ست سنوات يجب اخذ جرعتين بينهم شهر

** طب ينفع الطفل ياخده و هو عيان ؟

- لازم الطفل يكون سليم تماما قبل أي تطعيم

** طب ممكن مامته تاخده ؟

ممكن طبعا بس لو بترضع طبيعي ف التطعيم ماينفعش للمرضعات

** طب هو مش التطعيمات الكتير دي بتقلل المناعه ؟

- بالعكس .. التطعيم بيقوي المناعه ، لأنه بيساعد جسمك علي تكوين الإجسام المناعيه ضد المرض.. علشان لما تتعرض للمرض يكون جسمك جاهز له

** طب في فرق زمني اد ايه بينه و بين تطعيم الصحه ؟

- تطعيم الانفلونزا لا يتعارض مع أي تطعيم اخر و يمكن أخذه في نفس الوقت او بأي فارق زمني مع أي تطعيم

20/08/2025

أما احنا في الحر و شهر ٨ و الواد سخن و بيرشح و بيكح ، أومال في الشتا ح نعمل ايه ؟

14/08/2025

ان شاءالله يوم السبت الموافق ١٦ / ٨ / ٢٠٢٥ في عياده ترسا

12/08/2025

- يعني يا دكتور ماينفعش نشربه و لو حتي شويه ميه صغيرين؟

= يافندم احنا بنستغل ان الطفل يبقي عطشان في الصيف علشان يرضع من مامته كويس

- يعني ايه ؟

= حضرتك الطفل في الشتا بيبقي جعان اكتر ف ده بيخليه يرضع كتير .. أما في الصيف الطفل بيعطش اكتر ف بيبقي عايز يشرب اكتر من الأكل .. احنا بقي بنستغل الحكايه دي ف انه يرضع من مامته كتير علشان عطشان ، يعني لو شربته ميه مش ح يبقي عطشان ف مش ح يرضع من مامته كويس ، و ده ح يأثر علي وزنه و نموه و تطوره

- كل ده من شويه ميه يشربهم ؟

= ايوه يافندم .. انتي عارفه ان الرضاعه الطبيعيه بتتغير مكوناتها من الصيف للشتاء و ان الرضاعه الطبيعيه بتبقي فيها ميه اكتر في الصيف عن الشتا ، و دي معجزه من ضمن معجزات كتيره للرضاعه الطبيعيه و غالبا بتبقي كميه الميه الاكبر بتنزل في أول الرضعه علشان تسد عطش الطفل ، و بعد كده بتنزل البروتينات و بعدها الدهون علشان يوصل لمرحله الشبع بعد ما يخلص الرضعه كلها

07/08/2025

طب ليه كده يا توتو 😍😍

80K likes, 1033 comments. Check out 𝒀𝒂𝒓𝒂𓆩♡𓆪’s video.

06/08/2025

- ممكن الطفل يرضع اكتر من كده بسبب العطش في الجو الحر
- ممكن البول يقل بسبب العرق في الجو الحر
- ممكن الطفل ينام اكتر لو مفرهد في الجو الحر
نخلي بالنا دايما من العلامات دي

30/07/2025

يعتذر الدكتور مصطفي عزازي عن العمل بالعيادات يوم الخميس الموافق ٣١ / ٧ / ٢٠٢٥ و سوف يتواجد ان شاء الله يوم السبت الموافق ٢ / ٨ / ٢٠٢٥

29/07/2025

والفرق بينه وبين الإمساك المرضي

الإمساك من الحاجات اللي بتقلق أي أم، خصوصًا لو البيبي لسه مولود، لكن مش كل تأخير في التبرز معناه إن في مشكلة خطيرة. في نوعين من الإمساك لازم نفرّق بينهم: الإمساك الوظيفي والإمساك المرضي.

** أولًا: إيه هو الإمساك الوظيفي؟

الإمساك الوظيفي هو إمساك مش ناتج عن مشكلة عضوية أو مرض، وغالبًا بيحصل بسبب تأخر نضج حركة الأمعاء أو بسبب التغيير في نوع اللبن (رضاعة صناعي مثلاً)، أو إن الطفل مش بيشرب كفاية. و غالبا الإمساك ده بيتحسن لوحده قبل الشهر السادس من العمر وفيه بيكون:

الطفل بيرضع كويس.

البطن مش منفوخة قوي.

مفيش استفراغ متكرر.

الطفل ممكن يعمل حركة "الحزق" أو يبان عليه تعب قبل التبرز، بس في الآخر بيخرج البراز عادي حتى لو كل يومين أو تلاتة.

البراز بيكون طبيعي أو ناشف شوية، بس مش حجر ولا في دم.

ده بيكون شائع جدًا في أول شهور الحياة، خصوصًا لو الطفل بيرضع صناعي أو فيه تغيير في الروتين.

** ثانيًا: طب إيه هو الإمساك المرضي؟

الإمساك المرضي بيكون نتيجة مشكلة عضوية حقيقية، زي:

مرض هيرشسبرنج (غياب الأعصاب في جزء من القولون).

مشاكل في فتحة الشرج.

اضطرابات عصبية أو عضلية.

نقص في الغدة الدرقية.

وفي الحالات دي بيظهر:

تأخر في خروج أول براز بعد الولادة (أكتر من ٤٨ ساعة).

البطن منفوخة جدًا.

استفراغ متكرر.

البراز بيكون ناشف جدًا أو على هيئة كتل صغيرة زي الحصى.

الطفل مش بيكبر كويس أو مش بيرضع كويس.

إزاي نفرق بينهم؟

-- وقت نزول البراز بعد الولاده

الامساك المرضي : البراز بيتأخر في النزول اول ٤٨ من العمر

الامساك الوظيفي : البراز بينزل عادي اول ٢٤ ساعه من الولاده

--حالة الطفل العامة

الامساك الوظيفي : الحاله طبيعية، بيرضع ووزنه بيزيد

الامساك المرضي : الحاله فيها تعب، استفراغ، ضعف في النمو

-- شكل البراز

الإمساك الوظيفي : عادي أو ناشف بسيط

الامساك المرضي : ناشف جدًا، أو شبه الحصى

-- وجود نفخة في البطن

الامساك الوظيفي: بسيط أو مش موجود

الامساك المرضي : شديد

-- هل محتاج تدخل طبي عاجل؟

الإمساك الوظيفي : غالبًا لأ، بس نتابع ..

الامساك المرضي:
لازم نروح للدكتور فورًا

** إمتى نروح للدكتور؟

- لو الطفل لسه مولود ومخرجش براز خلال أول يومين.

- لو في استفراغ متكرر مع إمساك.

- لو البطن منفوخة جدًا ومشدودة.

- لو البراز في دم أو ناشف جدًا على طول.

- لو الطفل مش بيرضع كويس أو وزنه مش بيزيد.

** طب ازاي اتعامل مع الطفل اللي عنده إمساك وظيفي و اعالجه ازاي ؟

طبعا اهم حاجه ان ده إمساك وظيفي يعني غالبا مش محتاج ادويه، محتاج بس اني أساعد الطفل علي خروج البراز ... و المساعده دي بتبقي بطرق تقليديه عاديه .. زي ايه ؟

-- تمارين البطن

بنعمل تدليك بسيط علي بطن الطفل بطريقه دائريه مع اتجاه عقارب الساعه بشكل منتظم و لمده ١٠ دقايق علي الاقل من ٤ الي ٦ مرات في اليوم ، و التدليك ممكن يتم علي جسم الطفل مباشره من غير الهدوم و مع استخدام زيوت زي زيت زيتون

-- تمرين العجله

بنيم الطفل علي ظهره و نحرك رجليه في اتجاه بطنه بحركه تبادليه زي العجله

-- التحفيز

و دي من أنجح الطرق لمساعده الطفل علي خروج البراز ، و هي استخدام الترمومتر بعد غمس جزء منه في الزيت ( زي زيت زيتون ) و إدخال هذا الجزء ( ٢سم ) داخل فتحه الشرج و اخراجه و تكرار هذه الحركه عده مرات ..

** و اخيرا

مش كل إمساك معناه مشكلة خطيرة، بس لازم نتابع العلامات ونفهم جسم الطفل. الإمساك الوظيفي شائع وممكن يتحسن مع الوقت والرضاعة السليمة، لكن لو في أي علامة من علامات الإمساك المرضي، لازم نتوجه لطبيب الأطفال فورًا عشان الفحص والتشخيص السليم.

27/07/2025

مازال غسل اليدين بالميه و الصابون العادي هو أفضل الطرق للتخلص من الميكروبات

24/07/2025

يا دكتور حضرتك شغال الجمعه؟
لا و الله الجمعه انا عندي ماساج