05/06/2025
زوجه بتحكي
"أحيانآ ببص لزوجي وهو نايم وظاهر على ملامحة اثر الإرهاق والتعب وأقول ياااه لو ماكانش حصل بيننا مشاكل قبل كدة !؟
يعني إيه إللي يخلي حد فينا ياخد موقف ضد التاني فـ وقت غضب !!ممكن كان ينهي علاقتنا ببعض للأبد😔
ما كل واحد فينا قايم بدورة على أكمل وجه، ليه حصل مشاكل أصلا!!
يااااه لو كانت الذاكرة بيننا كلها ود وحب ومواقف إمتنان زي مانا مُمتنه له وهو نايم دلوقتي وشقيان علينا ومش قادر يقف على رجلة من التعب علشانى .
يصحى تاني يوم ناكل ونخرج ونهزر ونضحك وألاقيني مش فاكرالة غير كل جميل مهما كان السئ اللي مرينا بيه
مش شايفة قدامي غير الراجل اللي بيفضّل تعبة وجرية ورا لقمة عيشة وسد احتياجاتنا وتلبيتها عن انه يرتاح ويشيل ايدة
ترك النفس للهوى والفراغ بيخليك تدور جواك عن اللي ينغص معيشتك ، ويقلّب عليك المواجع، ويفكرك بمواقف ماصدقت نسيتها
_ماتسيبوش نفسكم لشيطانكم ، وانفسكم، واشغلوا بعض ببعض ، هوّنوا على نفسكم صعوبة الأيام ، تخطوا السئ بالحسن ، والوِحش بالحلو ، غلّوشوا عالضباب اللي فات بالصفو اللي حاضر واللي جاي
افتكروا لبعض الجَميل، والجِميل ❤🌟
إبعدوا عن شياطين الإنس واستعيذوا بالله من شياطين الجن
استعينوا بالله على حياتكم، وصعابكم، وتربية ولادكم، ومعيشتكم، ومشاكلكم، وعدّوا ، وتخطوا ، والتمسوا ، وسامحوا ، واغفروا 🌿
وبالله ابعدوا عن رأي الناس في أزواجكن وزوجاتكم"❤
