Nuha emad أخصائيه التخاطب وتعديل السلوك

01/05/2026

اسباب تأخر الكلام لدى الأطفال 👌

1.مشاهدة التلفزيون لساعات طويلة وخاصة القنوات التي تتخذ طابع الأغاني والموسيقي الصاخبة تجعل الطفل متلقي سلبي لايهتم الا بالموسيقي والحركات ولا تجعله يبادر للكلام.

👍👍👍
2.إعادة الكلمات الخاطئه التي يتفوه فيها الطفل وعدم إصلاحها تجعل الطفل يسمع الكلمات الخاطئة تكراراً ويبقى يعيدها خطأ.
👍👍👍👍
3.عدم الإكتراث بموضوع السمع حيث هناك بوادر تنبهنا لوجود مشكلة في السمع كالإقتراب من الشخص المتكلم او النظر لحركة شفاهه حتى يدرك الكلام او عدم استجابته عند مناداتنا له من غرفة ثانية تجعل الطفل يفقد كتير من الأصوات ولا يدرك الكلام بشكل تام.
👍👍👍👍👍
4.عدم محاورة الطفل منذ الشهور الأولى ظناً أنه لايفهم كلامنا تجعل الطفل قليل المفردات ولا يختزن حصيلة لغوية كافية ليبدأ بها الكلام بعمر السنة.👍👍
5.عدم إدماجه مع الأطفال خارج نطاق المنزل -خوفاً عليه- خاصة عند عدم وجود أخوة او أطفال أقارب تجعل الطفل منطوي ولا يرغب بالكلام.
👏👏
6.إدخال أكتر من لغة للطفل بشكل عشوائي غير منتظم وبعمر صغير جداً تجعل الطفل متشتت بين اللغات وغير قادر على بناء منظومة لغوية كافية وقواعد سليمة لكل لغة على حده.
👍👍👍👍👍👍
7.الإفراط في دلال الطفل والاستجابة لطلباته بمجرد الإشارة لها تجعله اتكتالي حتى في كلامه لا يضطر للتفكير أو حفظ مسميات حتى حاجاته الأساسية.
👍👍👍👍👍👍
8.عدم تسمية الأشياء التي يشاهدها يومياً(معلقة. بنطلون.كرسي الخ ...)تجعل الحصيلة اللغوية للطفل فقيرة جداً و محدودة على بعض الكلمات.
👍👍👍👍👍👍👍
ومن أهم التوصيات قراءة القصص لأطفالنا و بناء حوار معهم منذ عمر الرضاعة واعطاء جمل كاملة و بسيطة و واضحة حتى يدرك الطفل الكلام ويكتسبه بشكل سليما
⁦❤️⁩⁦❤️⁩

29/04/2026

نصيحة تربوية ✨
لا تُكثر من الأوامر…
ثم تغضب لأنه لم يستجب!

فالطفل لا يحتاج كلمات أكثر…
بل يحتاج أسلوبًا أفضل.

اقترب منه، انظر في عينيه،
وتحدث معه بهدوء واحترام…

وستُفاجأ أن استجابته
ليست عنادًا… بل انعكاس لطريقتك معه.

تذكّر:
كلما قلّ الصراخ…
زاد السمع والطاعة 👌

23/04/2026

� حذار ان تُعلّم طفلك الكذب… دون أن تشعر!

الكذب عند الطفل لا يبدأ فجأة… بل يتعلّمه خطوة خطوة من بيئته 👇 وهذه منظومة الكذب احذر ان تقع فيها :-

🔹 1. تكذب عليه
تقول له: “لو ما نمتش الدكتور هييجي يديك حقنة!”
يكبر وهو فاهم إن الكذب وسيلة للسيطرة والتخويف.

🔹 2. تكذب أمامه
يرن الهاتف… تقول له: “قول له بابا مش موجود”
وهو شايفك قدامه!
يتعلم إن الكذب عادي طالما بيحل الموقف.

🔹 3. تطلب منه الكذب
تقول له: “لو حد سأل، قول إننا مش في البيت”
هنا أنت لا تبرر الكذب فقط… بل تأمر به.

🔹 4. تسكت على الكذب أمامه
يعرف إن ابنه كذب… ويسكت!
فيترسخ داخله: “مفيش مشكلة… محدش هيحاسبني”

💡 الرسالة الخطيرة:
الطفل لا يتعلم من كلامك… بل من تصرفاتك.

19/04/2026

✨ نشاط: ايه المختلف؟

نسأله: مين فيهم مختلف؟ وليه
✅ فوائد النشاط:

🧠 1- تنمية مهارة التصنيف
الطفل يجمع المتشابه ويستبعد المختلف.

🔍 2- تقوية الملاحظة والانتباه
يركز في التفاصيل ويقارن بين الصور.

💡 3- تنمية التفكير المنطقي
يفهم سبب الاختلاف مش بس يختار.

🗣 4- تنمية اللغة
نخليه يشرح: “ليه دي مختلفة؟”

🎯 5- مهارة حل المشكلات

16/04/2026

إنها العائلة إما أن تصنع إنساناً، أو كومة من العقد ❤️

14/04/2026

✨ بداية جديدة في مكان جديد ✨
متحمسة أكون معاكم ونبدأ سوا رحلة تساعد أطفالنا بطريقة علمية وإنسانية ❤

كل طفل عنده مفاتيح... بس المفتاح مش دايما في ايدينا.
ومش عيب ابدا نسعى اننا نلاقي اللي يساعدنا نفتح الابواب دي .
الهدف : يكون الطفل سوي نفسيا ..... بتقدم لكل طفل معاها فرصه لتعديل وتوجيه اي سلوكيات غير مرغوبه بشكل سوي وبخطه مرتبه وواضحه...
مع اخصائيه التخاطب ((استاذه نهى عماد))
اخصائي نفسي. واستشاري اسري. اخصائي( تربيه خاصه وتعديل سلوك)🫡
هتكون معانا بأستمرار وبصفه دوريه
واول سيشن غدا بإذن الله
الثلاثاء الموافق ١٤ / ٤
في انتظار اطفالنا المميزين 🤗🫡

العنوان مساكن جامعة القاهرة بوابة ٣ عماره ٢٤ بجوار صيدلية الهواري
للاستفسار واتساب 010 63244592

14/04/2026

تطور المهارات الحركيه للطفل شهر بشهر

11/04/2026

10 سلوكيات لا يجب معاقبة الطفل عليها…
حتى لو كان الهدف تربيته 🤍

التربية ليست عقابًا على كل تصرف…
بعض السلوكيات طبيعية في نمو الطفل، وتحتاج فهمًا وتوجيهًا لا عقابًا

1️⃣ البكاء عند الانزعاج 😢
العمر الطبيعي: من الولادة حتى 6–7 سنوات
في السنوات الأولى هو وسيلته الأساسية للتعبير، وبعد ذلك قد يبكي لأنه لا يزال يتعلم تنظيم مشاعره.

2️⃣ قول “لا” أو الرفض 🙅‍♂️
العمر الطبيعي: من سنتين إلى 4 سنوات
مرحلة الاستقلال وتأكيد الذات (مرحلة العناد الطبيعية).

3️⃣ كثرة الحركة 🏃‍♂️
العمر الطبيعي: من 2 إلى 7 سنوات
جسمه يحتاج للحركة لاكتشاف العالم، والجلوس الطويل صعب عليه.

4️⃣ نوبات الغضب 😡
العمر الطبيعي: من سنتين إلى 6 سنوات
مشاعره قوية، ومهارات التحكم الانفعالي لم تكتمل بعد.

5️⃣ الخجل أو التردد 😶
العمر الطبيعي: من 3 إلى 8 سنوات
يحتاج وقتًا للشعور بالأمان مع الأماكن أو الأشخاص الجدد.

6️⃣ كثرة الأسئلة ❓
العمر الطبيعي: من 3 إلى 9 سنوات
مرحلة الفضول والتعلم السريع وفهم كل ما حوله.

7️⃣ ارتكاب الأخطاء (سكب، كسر، نسيان) 💧
العمر الطبيعي: من سنتين إلى 8 سنوات
التنسيق الحركي والتركيز ما زالا في طور التطور.

8️⃣ طلب الانتباه باستمرار 🤗
العمر الطبيعي: من 2 إلى 7 سنوات
حاجته للأمان العاطفي عالية، خاصة عند وجود تغييرات أو إهمال.

9️⃣ الخوف من أشياء بسيطة (الظلام، الأصوات) 🌙
العمر الطبيعي: من 3 إلى 8 سنوات
الخيال في هذه المرحلة نشط جدًا وقد يخلط بين الواقع والخيال.

🔟 عدم المشاركة أحيانًا 🧸
العمر الطبيعي: من سنتين إلى 6 سنوات
مفهوم الملكية قوي لديه، ويتعلم المشاركة تدريجيًا.

الخلاصة:
إذا كان السلوك ضمن عمره الطبيعي، فهو يحتاج تعليمًا وصبرًا وتوجيهًا… وليس عقابًا.
العقاب في هذه الحالات قد يزيد القلق أو العناد بدل أن يحسّن السلوك

09/04/2026

🛡️ إزاي أوعّي طفلي عن التحرّش؟
دليل عملي لكل أم وأب يحافظوا على أمان أولادهم
كتير من الأهالي بيخافوا يتكلموا في الموضوع ده…
يقولوا: “لسه صغير”
أو “الكلام ده هيخوفه”
أو “عيب نتكلم في الحاجات دي”
لكن الحقيقة التربوية والنفسية بتقول:
السكوت مش حماية… التوعية هي الحماية الحقيقية.
🧠 أولًا: إمتى نبدأ نكلم الطفل؟
من سن صغير جدًا نقدر نزرع مفاهيم بسيطة عن الأمان الجسدي والخصوصية،
بأسلوب يناسب عمره ومن غير تفاصيل مخيفة أو غير مناسبة.
🔍 ثانيًا: نكلم الطفل في إيه؟ (نقاط أساسية)
✅ 1️⃣ جسمي ملكي
علّمي طفلك إن جسمه ملكه،
ومفيش حد من حقه يلمسه بطريقة تضايقه.
قولي له:
“لو أي حد لمس جسمك وحسّسك بعدم راحة، ده غلط.”
✅ 2️⃣ في مناطق خاصة
اشرحي ببساطة إن في أجزاء في الجسم “خاصة”،
ومحدش يشوفها أو يلمسها غير في وجود ماما أو بابا ولسبب ضروري زي الكشف الطبي.
✅ 3️⃣ اللمسة المريحة واللمسة المزعجة
علّميه يفرّق بين لمسة تخليه مرتاح ولمسة تخليه متضايق،
وأكّدي له إن إحساسه مهم.
✅ 4️⃣ حقك تقول (لا)
طفلك لازم يعرف إن من حقه يقول “لا” لأي حد حتى لو شخص كبير أو قريب،
لو حس بعدم راحة.
✅ 5️⃣ السرّ اللي يزعل مش سر
فهميه إن أي حد يقول له:
“ده سر بينا وماتقولش لماما وبابا”
ده تصرّف غلط،
وإنه لازم يحكي فورًا.
✅ 6️⃣ احكيلي فورًا ومش هتتعاقب
طمني طفلك إن لو حصل أي حاجة تضايقه وحكاها،
إنتِ مش هتزعقي ولا تعاقبيه،
بل هتحميه وتساعديه.
🗣️ ثالثًا: نكلم الطفل إزاي؟ (الأسلوب الصح)
بهدوء
من غير تخويف
من غير تفاصيل غير مناسبة
بأسئلة بسيطة
وبشكل متكرر على فترات
مش مرة واحدة وخلاص
❌ أخطاء شائعة لازم نتجنبها
التخويف المبالغ فيه
الصراخ أو الإحراج
تجاهل كلام الطفل
السخرية من شكواه
إجباره يسلم أو يتحضن لو مش مرتاح
⚠️ علامات ممكن تحتاجي تاخدي بالك منها:
تغيّر مفاجئ في سلوك الطفل
خوف أو انعزال
مشاكل نوم
تراجع دراسي أو لغوي
عصبية غير مبررة
دي إشارات لازم تتاخد بجدية،
ومش معناها اتهام حد،
لكن معناها “نسمع ونحتوي ونتحرّك صح”.
🌱 الخلاصة المهمة:
توعية الطفل مش هتضيع براءته…
اللي بيضيع البراءة هو الجهل والخوف.
الطفل الواعي، المحمي نفسيًا،
أقدر يقول “لا”،
وأقدر يطلب مساعدة بدري.

04/04/2026

👩‍👦 إمتى أقول إن ابني محتاج تخاطب؟
يا ماما، لو لاحظتي واحدة أو أكتر من الحاجات دي، يبقى
لازم تقييم تخاطب:

🔹 عند سنة ونص
▪️ مش بيقول كلمات مفهومة (ماما – بابا)
▪️ مش بيحاول يقلّد الأصوات

🔹 عند سنتين
▪️ كلامه أقل من 10–20 كلمة
▪️ بيعتمد على الإشارة أكتر من الكلام
▪️ مش بينفذ أوامر بسيطة

🔹 عند 3 سنين
▪️ كلامه مش مفهوم للي حواليه
▪️ مش بيكوّن جُمل
▪️ بيتلخبط في أسماء الحاجات

🔹 في أي سن
▪️ مش بيرد على اسمه
▪️ تواصله البصري ضعيف
▪️ بيكرر كلام من غير فهم
▪️ حصل تراجع في الكلام بعد ما كان بيتكلم
▪️مش بينفذ الأوامر

💡 معلومة مهمة
الانتظار مش حل
والتدخل المبكر بيفرق جدًا في سرعة التحسن

03/04/2026

03/04/2026

إزاي تخلي طفلك واثق من نفسه؟

1- خدي رأيه دائما وحسسيه إن رأيه مهم.
2- خليه يختار حاجته الخاصة به بنفسه.
3- علّميه إزاي يتحمل مسئولية تصرفاته.
4- ساعديه في اختيار أصدقائه.
5- امدحيه وخصوصًا عندما تشاهديه يفعل شيًا حسنًا كمساعدة أخيه أو ترتب ألعابه.
6- اسمعيه لما يتكلم ولا تقاطعيه أو تنهي حديثه قبل الانتهاء منه.
7- لا تكثري من نقده
8- تصرفي بثقة أمام طفلك فثقتك بنفسك وصدقك في تعاملك مع الآخرين سوف يعزز ثقته بنفسه أكثر.
9- اكتشفي مواهب طفلك وشجعيه عليها ووفري له الظروف الملائمة والأدوات التي تساعده على إظهارها (الرسم - القراءة - ....... )
10- لا تبالغي في خوفك عليه وتتجاوزي حدود الحماية المعقولة مما يخيفه في التعامل مع الآخرين، وخوض أي تجربة في التعامل مع الآخرين مما يضعف شخصيته ويقلل من ثقته بنفسه.
11- امنحي طفلك واجبات ومسئوليات وكافئيه عند أدائها لتدعيم ثقته بنفسه حتى يشعر أنه شخص مؤثر.