16/06/2025
عارف ايه اللي بيخلي عدوى العظام بعد العمليات صعبة في العلاج
المشكلة مش بس في البكتيريا
المصيبة الاكبر انها لما توصل للعظام بتلزق فيها وبتبدأ تبني حواليها حاجه اسمها الغشاء الحيوي
الحاجه دي بتتكون في حوالي اسبوعين
وبتكون شبه جدار بيحمي البكتيريا من جهاز المناعة ومن المضادات الحيوية
البكتيريا بتستخبى ورا الجدار ده وتبقى في حالة هدوء ومفيش علاج يقدر يوصلها ساعتها
وساعتها الحل بيكون الجراحة علشان نشيل كل حته البكتيريا مستخبية فيها
طيب نتجنبها إزاي وهل ممكن دكتور العلاج الطبيعي يتسبب في ده !؟؟
في الحقيقة أيوه وشوفته أخر فترة كتير وده بسبب تسخين المفصل بالأجهزة اللي بتعمل حرارة عالية لمدة طويلة وتكرار ده بيخلي المفصل يورم ويصاب بعدوي بكتيرية
علشان كده افضل شيء بعد الجراحة التلج ثم التلج ثم التلج
