Dr/ Eman El Sokkary

29/09/2025

هل تتذكر؟؟

عندما كنت طفلا صغيرا يستطيع بالكاد ان يمسك القلم بين اصابعه الصغيرة ..ثم ترسم له المعلمة الحروف والارقام بالتنقيط وتبدأ أمه بمسك يده ليستطيع اتباع النقاط فيتكون الحرف كاملا أمامه فيكتسب ثقة بنفسه ويفرح لأنه فعل !!!

ولكن هل هو فعلا من فعلها حقا؟؟
بل هناك من رسم الحرف ..وهناك يد اقوى من يديه ..احتوت مفه الصغير ودعمته حتى يستطيع أن يفعلها ...

ثم بعد ان يرسم الحرف يظن أنه لم يعد بحاجة لأحد يرسم له النقاط فيبدأ بكتابه الحرف وحده فيتفاجأ انه نسي كيف يكون شكله وينحرف القلم عن المسار لأنه لم يعد هناك مسار اصلا...

ثم ينفض يد الأم التى تمسك بيديه ظنا منه انه لا يحتاج لمن يدعم اعصاب يديه الضعيفة ...فيتفاجأ بأنه لا يحكم السيطرة على القلم ....فيجلس أرضا ويبكى ...قائلا...انا ضعيف أنا فاشل ....

ليسمع تلك الكلمات تتردد داخل رأسه...

يا صغيري أنت بدون الله ضعيفا عاجزا ...لا تستطيع فعل شئ
هو من يرسم لك الطريق ويدعوك إليه ثم يعطيك القوة لتقدر عليه ويجعل هناك من يدعمك من البشر ...وهو من يدبر الأمر ..

الحسنة منه والسيئة منك...
كلما نفضت يدك عنه وظننت نفسك قادرا وحدك ...هلكت وتعطلت مصالحك
وكلما توجهت اليه واتبعت شريعته ومساره الذى رسمه لك ..واستجبت له وجدت القوة والقدرة والتوفيق بحياتك...

وحتى ان خالفته لم يقطع عنك رزقه ...ومدده ولكن لن تجد السلام ابدا ..
وسيطاردك الخوف دوما .
لكن ان اتبعت شريعته ...مساره
واسلمت نفسك إليه . بين يديه...مستعينا به
وجدت يد الله فى كل شئ
وسكن الأمان قلبك

28/09/2025

انت اللى قاهرك....
ومعكنن عليك حياتك...

مش الاشخاص
ولا سلوكهم
لكن تفسيرك إنت لسلوكهم

او بمعنى أصح
وسوسة شيطانك اللى صدقتها

مثال
واحدة بتشتكى ان امها بتميز أبوها عنها وبتحبه اكتر منها فبقت من جواها بتكره ابوها وبتكره امها عشان ميزت ابوها فى الاهتمام

قولتلها تفسيرك إيه لتمييزها ده
قالتلى عشان بتحبه اكتر منى وشايفانى غير جديرة بحبها فهى كدة ست ظالمة

قولتلها وهل تفسيرك ده الحقيقة ولا مجرد استنتاج منك ؟

سكتت شوية وقالتلى أة الحقيقة هو ممكن يكون فى تفسير تانى لسلوكها؟؟

قولتلها طبعا...من احد التفسيرات المحتملة ان امك بتقدر تعب ابوكى لأنه الراجل اللى متبهدل بره البيت طول اليوم وطول عمره عشان يوفر ليكو حياة كريمة ..فاهتمامها بيه تقديرا لجهده ...وممكن رحمة بيه وبظروفه ...وممكن تقوى لله عشان الرسول صلى الله عليه وسلم قال كلكم راع وكلكم مسئول عن رعيته...

يعنى الموضوع ملوش دعوة بتهميشك ولا انها بتحبه اكتر ولا اى حاجة ...
وممكن تكون مامتك بتديكى اهتمام بشكل تانى لكن انتى عنيكى على اهتمامها بغيرك ومش شايفة اللى بتقدمه ليكى....فأنتى اللى جواكى المشكلة مش ماما ولا بابا
تصرف الام طبيعى جدا و معظم الزوجات بيهتموا بأزواجهم لأنهم محترمين وعارفين ما لهم وما عليهم ...مفيهاش حاجة غريبة

لكن الشيطان غرز جواكى بذرة من طفولتك لما اوهمك انك مش مهمة فى حياة حد
وبدأ ذي التعبان ينشر سمه بينك وبين الناس من خلال استغلاله للنقطة دى اللى زرعها جواكى زمان و خلاكى تفسري كل حاجة بتحصل بناء على المفهوم القديم اللى اخدتيه عن نفسك...

خلاكى تعيشي الوهم وتشوفى نفسك ضحية ويملا قلبك غل للناس اللى ربوكى وحبوكى من قلبهم وخلاكى جاحدة عليهم ...وتشوفى كل تصرف وكأنه بيأكد ليكى معتقداتك المزيفة القديمة عن نفسك.

لما تحسنى الظن وتشوفى الموقف انه تقدير هتبدأى انتى كمان تقدرى بابا وتشوفى تعبه وصبره ومجهوده...هتحترمى امك عشان بتقدر مجهود جوزها ...هتتعلمى منها تقدرى مجهود غيرك ...الشعور والسلوك هيختلف ...لكن لو فضلتى مسلمة دماغك للشيطان يلعب بيها الكورة فلا تلومن الا نفسك...

فاللى قاهرك ومزعلك طول عمرك من كل اللى حواليك مش تصرفاتهم لكن تفسيرك وتحليلك الشخصي لتصرفاتهم

ماما تخلت عنى فى طفولتى...ليييه؟؟ اصلها كانت بتشتغل طول اليوم بره...لييييه؟؟ عشان تجيب حاجات فى البيت او تحوش فلوس...لييييه؟؟ هل هتاخد فلوسها القبر؟ لا...هل بتعمل عمليات تجميل و بتصرف كل فلوسها على نفسها؟ لا...اومااال ...بتصرفهم علينا او شايلاهم لمساندتنا وقت زنقة...يعنى امك بتشتغل عشانكم ..ليه؟؟ عشان بتحبكم مش عشان انتى مش مهمة

يبقي تفسيرك اللى قاهرك...مش امك
امك بريئة منك ومن ظلمك ليها ليوم الدين وليها حق عندك فى سوءظنك فيها السنين دى كلها...

وهكذااا

فوق قبل فوات الاوان...

انسي السلام النفسي والتوفيق فى حياتك طول ما انت مستجيب لشيطانك وظالم

27/09/2025

خلى بالك...
ليه عايش جوه دايرة الألم مش عارف تخرج منها؟؟؟

دور الضحية ودور الجلاد:
طول ما الشخص بيعيش بدور الضحية ويستسلم له، طبيعي جدًا يلاقي حواله ناس بتمارس دور الجلاد عليه.
🔹 خطوة عملية: اسأل نفسك: فين في حياتي بتصرف كضحية؟ إزاي أقدر أتصرف كإنسان مسؤول بدل ما أستنى حد ينقذني؟

المبالغة في تقييم المواقف:
في فرق كبير بين الإساءة البسيطة والعنف الحقيقي. المبالغة بتضاعف الألم.
🔹 خطوة عملية: اكتب الموقف زي ما حصل حرفيًا من غير مشاعر أو أحكام. بعدين قارن بينه وبين مواقف أشد عند ناس تانية.

أعمال المنزل:
الأعمال روتينية في أي بيت. اللي شايف الطلبات كتيرة ممكن يلاقي حلول عملية.
🔹 خطوة عملية: اعمل قائمة يومية بالمهام الضرورية فقط، وحدد وقت للراحة أو نشاط تحبه.

التغيير الداخلي وحده مش كفاية:
المشاعر مهمة، لكن محتاجة تتترجم لخطوات عملية على الأرض.
🔹 خطوة عملية: بعد أي جلسة تفريغ أو تسامح، اسأل نفسك: "إيه خطوة صغيرة عملية أقدر أعملها النهارده؟"

الخوف الزائد:
الخوف المبالغ فيه بيضاعف الإحساس بالعجز. مواجهته بالحزم يقلل من قوته.
🔹 خطوة عملية: تخيل الشخص اللي خايف منه قدامك، وخد نفس عميق وقل: "أنا أقدر أتعامل. أنا مش ضعيف." كرر التمرين لحد ما تهدى.

التعبير عن الاحتياجات:
مش منطقي نتوقع من الآخرين يعرفوا احتياجاتنا من غير ما نطلبها.
🔹 خطوة عملية: جرّب تكتب 3 احتياجات ليك، وصيغ جملة بسيطة لطلب كل احتياج باحترام.

التعامل القانوني:
لو حصل اعتداء حقيقي، فيه وسائل قانونية لحماية النفس.
🔹 خطوة عملية: اعرف حقوقك القانونية الأساسية (زي محضر عدم تعدي) حتى لو مش ناوي تستخدمها دلوقتي. المعرفة بتديك أمان.

تقدير مجهود الآخرين:
التقدير مش معناه تفضيل، لكنه اعتراف بمجهود إضافي.
🔹 خطوة عملية: فكر في شخص بيعمل مجهود لصالحك أو لصالح البيت، وجرب تقول له كلمة شكر مباشرة.

الامتنان بدلاً من التركيز على السلبيات:
التركيز على السلبيات بيزودها، والامتنان بيغير الطاقة.
🔹 خطوة عملية: كل يوم قبل النوم، اكتب 3 حاجات بسيطة أنت ممتن لها—even لو كوب شاي دافئ.

القلب الممتن:
القلب اللي يتملى شكوى ويتجاهل النعم بيحرم نفسه من السعادة.
🔹 خطوة عملية: زر مكان فيه ناس أقل حظًا (مستشفى – دار أيتام) علشان تشوف بعينك نعمك وتقدّرها.

الوعي والحقوق:
معرفة الحقوق هدفها العيش بكرامة مش للجدال.
🔹 خطوة عملية: جرّب تطلب حقك مرة واحدة بنبرة هادئة، وراقب النتيجة.

الواجبات المتبادلة:
زي ما في حقوق، في واجبات تجاه الأهل خاصة الوالدين.
🔹 خطوة عملية: اعمل حاجة صغيرة لأهلك من قلبك (كوب شاي، كلمة طيبة) من غير انتظار مقابل.

---

11/09/2025

ماله التخلى يا نظيمة؟
بقي الخوف من ان الناس تسيبك يخليكى قاعدة كدة سنين من غير صاحبة يا نظيمة؟؟

اة

ليه يا نظيمة؟؟ ماله التخلى ؟؟

مؤلم...

مش التخلى اللى مؤلم يا نظيمة ...ده عشمك اللى مش فى محله هو اللى مؤلم يا نظيمة...كونك فاكرة الناس مصادر للونس ولسد الاحتياجات...ومش شايفاهم على انهم وسيلة بس يا نظيمة....ولإنك شايفة الناس ملايكة مخلدين يا نظيمة ...ومتطلعش منهم العيبة يا نظيمة...وفاكرة نفسك أولوية عندهم ذى ما كانو اولوية عندك يا نظيمة...وانهم هيعاملوكى ذي ما بتعامليهم يا نظيمة...كل دى افكارك انتى وتوقعاتك انتى يا نظيمة ...

طيب اعمل ايه دلوقت ...

التخلى حلو يا نظيمة...البعبع اللى انتى بتجرى منه ده معملش فيكى حاجة وحشة يا نظيمة...تعالى اقولك عشر فوايد للتخلى يا نظييييمة ..

اولهم...بتعرفى ان الدنيا مش بتقف على حد يا نظيمة...وان الله هو الباقي

تانيهم...بتفكرى فى بدايل وحلول وتشغلى مخك بدل ما هو مركون عالرف وجامد يا نظيمة

تالتهم...بتحسي بالامان بعد ما بتعرفى انك قادرة تعيشي لوحدك يا نظيمة ولما بتشوفى وسايل ربنا العجيبة اللى مش بتخلص ومدده اللى مش بينتهى يا نظيمة

وتالتهم...بتقدرى تعيدى ترتيب الناس فى حياتك يا نظيمة وتعرفى مين الاصيل من الندل يا نظيمة

رابعهم بتعرفى قدر نفسك يا نظيمة وبتبقي هى اولوية عندك مش الناس يا نظيمة.

خامسهم...بتبدأى تحافظى على طاقتك بعد ما كانت مستنزفة لاجل ارضاء الناس يا نظيمة

سادسهم...مش بتخافى تحطى حدود للناس وتحمى نفسك يا نظيمة لأنك مبقيش خايفة على زعلهم يا نظيمة

سابعهم....بتنزلى الناس منازلهم اللى يستحقوها فعليا يا نظيمة مش ذي ما كان خيالك واسع وشادة لحاف الوفاء والامل على الجميع يا نظيمة

ثامنهم ...نضجتى وكبرتى وبقيتى تعرفى اللى مصاحبك مصلحة واللى مصاحبك وفاء وصدقا وعرفتى ان العلاقات هات وخد مش خد بس يا نظيمة.

تاسعهم ...بقيتى تطلبي حاجتك من الله ثم من البشر يا نظيمة وعارفة انهم لو خستعو ربنا بيسد و بيكفيك يا نظيمة

عاشرا ...عرفتى ان العلاقات طبيعى تتبنى على الاحتياجات المتبادلة عند البشر وده ميقلش منك ابدا بس ده قانون عادل فى الحياة ...

بعد كل ده وتقوليلي خايفة من التخلى...تعالى يا تخلى ...اقعد معانا شوية واسمع اللى بيتقال عنك يا تخلى...

اخرجى للدنيا وصاحبي ومتخافيش من التخلى بعد النهاردة ..انتى قوية جدا بالله وبعد الله هتخافى من مين يسيبك؟؟

اللى ليه ضهر مينضربش على بطنه واللى ليه رب محدش يقدر عليه ...

سلام يا تخلى...



سؤال الحلقة...

كم مرة قلت كلمة ( نظيمة)؟؟

🫣😂😂

09/09/2025

وقفت المعلمة تنظر بغيظ الى ذلك التلميذ النجيب الذى صار نسخة منها فى ذكاؤه ونباهته وحسن تعبيره ...

وصارت تتجنب رؤياه او الحديث معه ...او الاجابة على تساؤلاته...
وفجأة سمعت صوت يبكى داخلها ...حاولت ان تعرف مصدر ذلك الصوت ولكنها لم تنجح فى ذلك.. وبعد يوم عمل شاق وطويل استسلمت للنوم

وهناك غاصت فى الاعماق ورأت نفسها طفلة صغيرة لا يتعدى عمرها الاربع سنوات ...
فاقتربت من نسختها الصغيرة التى كانت تبكى فى ألم قائلة لها:
ما الذى يبكيك؟؟

قالت بعد تردد واضح فى عينيها ...
أنا احب ذلك الفتى الطيب الصغير وأريد أن اساعده ليستمر فى نجاحه ولكن هناك ما يؤلمنى ويمنعنى من ذلك.

قلت فى شفقة واضحة على حالها وفضول فى نفس الوقت لمعرفة السبب:

ما هو ..ما هو ذلك الشئ الذى يؤلمك؟؟

قالت:
لقد كنت أظن اننى وحدى من يعرف ذلك العلم وتلك المعلومات التى علمتها له ولكننى فوجئت بأنه يتوصل لكل ما توصلت إليه سابقا...اشعر أنه سرق منى تميزى ...اشعر بجانبه أننى لست مميزة وليس لى قيمة اطلاقا.

تنهدت تنهيدة طويلة بعد أن فهمت الأمر على حقيقته قبل ان انظر إلى عينيها وانا ثابتة على ركبتاى امامها واضع كفاي على ذراعيها الصغيريتين بلطف...قبل ان اقول:

حبيبتى ..قيمتك ليست فى العلم الذى تتحصلين عليه...اعلم ان مجتمعك واسرتك قد غرسوا فى رأسك ان قيمتك تساوى تلك الدرجات فى شهادتك ...ولكنهم كانوا مخطئين تماما.

ثم اشرت الى قلبها الصغير باصبعى وانا اقول...هنا تكمن القيمة الحقيقية يا صغيرتى
ليس العلم ولكن ما ستفعلينه بالغلم؟؟ هل ستمنحيه للمحتاج؟؟ ام تتاجرين به فقط؟؟ هل ستتاجرين به مع الله؟؟ تزكين به نفسك والاخرين ؟؟ ام ستتكبرين به على خلق الله.

القيمة ليست فى الوسائل الخارجية يا حبيبتى انما ماذا ستفعلين بما وهبك الله إياه؟؟
هل ستزيدك نعم الله تواضعا وكرما وسخاء ورحمة ...ام ستزيدك طمعا وجشعا وجحودا وانانية؟؟

ذلك القلب النقى هو قيمتك الحقيقية...
هل يمتلئ بالخير والعطاء أم بالحقد والغيرة ؟؟

اخلاقك و روحك الطيبة ..هل ستظل محركك الاول ام ستحركك اطماعك ونفسك الأمارة بالسوء؟؟

علمك الذى علمتيه لذلك الصبي. هو نور وصدقة جارية يتصل بك ..كلما زاد عدد المنتفعين به زاد نورك وكلما كبر الصغير وعلم غيره زادت رقعة نورك ..دون تعب منك ..انه رزق يسير من الله يأتى لك دون جهد ...ان نجاحه يعنى انك نجحتى معه ..نجاحه جزء من نجاحك...

بل على العكس كلما ساعدتيه ..لتثبت قدميه ويثق فى قدراته اكثر فأنت بذلك تساعدين نفسك ...

نظرت الى الطفلة وكأنها لا تفهم ما اقول ...فابتسمت وخفضت رأسي قليلا لأفكر كيف ساوضح لها الامر قبل ان اقول:

هل تعرفين الشجرة؟؟

قالت بحماس: نعم

قلت لها:
يظل جذع الشجرة ينقل الماء من التربة لباقى اجزاء الشجرة حتى تنمو الفروع سريعا وتتغذى ويزداد عددها؟؟ ام انه يحتفظ بالماء لنفسه ويترك بقية الاغصان تموت؟؟

قالت:
بل انه ينقل الماء للافرع كى يساعدها على النمو والزيادة فى العدد

قلت لها :
وماذا يحدث لشكل الشجرة عندما تنمو افرعها وتزداد؟؟

قالت:
تزداد جمالا ومنافع للناس و تزداد جذورها فى الارض ...

قلت لها وانا اتنهد تنهيدة ارتياح:

حبيبتى الصغيرة ها أنت قد فهمت المغزى الآن ..أنت فرع فى تلك الشجرة ..قد ساعدك احد الافرع يوما ما كى يصل من خلاله الماء والعلم اليك وانت تقومين بدورك لإيصاله للآخرين حتى تزداد المنفعة و ينتشر النور بين الجميع ...فلا سباق هنا ولا تميزا او انفرادا ولكن هناك تعاون حتى نكون قنوات لتوصيل الخير والدعم لبعضنا البعض...هكذا ننمو وهكذا ترسخ جذورنا فى الارض وهكذا نقترب من الله ونرضيه وتزداد قيمتنا كلما زاد نورنا وعم الاخرين ...وظل ذلك القلب نظيفا طاهرا يمتلئ بالنوايا الطيبة ويحمل الخير للجميع.

والآن سأعطيك هديتى...تاج على رأسك يحمل ذلك النور فى قلبك...كلما نظرت إليه تذكرت حقيقتك ...انت نور...خير...جاء ليعم على الجميع ...وهذا هو سر تميزه ...



بسم الله الرحمن الرحيم
﴿ أَلَمْ تَرَ كَيْفَ ضَرَبَ اللَّهُ مَثَلًا كَلِمَةً طَيِّبَةً كَشَجَرَةٍ طَيِّبَةٍ أَصْلُهَا ثَابِتٌ وَفَرْعُهَا فِي السَّمَاءِ
(24) تُؤْتِي أُكُلَهَا كُلَّ حِينٍ بِإِذْنِ رَبِّهَا وَيَضْرِبُ اللَّهُ الْأَمْثَالَ لِلنَّاسِ لَعَلَّهُمْ يَتَذَكَّرُونَ (25) وَمَثَلُ كَلِمَةٍ خَبِيثَةٍ كَشَجَرَةٍ خَبِيثَةٍ اجْتُثَّتْ مِنْ فَوْقِ الْأَرْضِ مَا لَهَا مِنْ قَرَارٍ (26) يُثَبِّتُ اللَّهُ الَّذِينَ آَمَنُوا بِالْقَوْلِ الثَّابِتِ فِي الْحَيَاةِ الدُّنْيَا وَفِي الْآَخِرَةِ وَيُضِلُّ اللَّهُ الظَّالِمِينَ وَيَفْعَلُ اللَّهُ مَا يَشَاءُ (27)﴾

08/09/2025

https://youtu.be/XYUQTbu-7s0?si=vF-ufTSLi-0WLoWc

حلقات توعوية فى العلاقات الانسانية

04/09/2025

العربية المركونة

لاحظت ان فى عربية قديمة راكنة ع طول قصاد بيتنا بقالها سنين فسألت عن صاحبها وبقول : هو ليه صاحبها سايبها كدة؟؟ لا منه بيصلحها ويستخدمها ولا منه يبيعها ويستفيد بفلوسها بدل ما هو واخد ركنة ثابتة ممكن يستفيد منها اى شخص تانى ...فلاقيت الاجابة إن صاحبها عايز مبلغ معين فيها وطول مابيجيش الرقم اللى عايزه فهو رافض يبيعها...وصراحة كنت مستغربة جدا من الاجابة ...الراجل كدة ممكن يعيش ويموت وعربيته مركونة وميستفيدش منها ولا يسيب غيره يستفيد منها.

لكن اكتشفت ان ناس كتير حالها من حال العربية المركونة وعقليتها نفس عقلية الراجل ده ....ازااى؟؟
اللى عنده قدرات ومواهب وراكنها على جنب عشان عايز فلوس قصادها ورافض يستخدمها الا بمقابل مادى. فورى وبالشكل اللى هو عايزه.

حد بيعرف يطبطب ع غيره لكن عايز طبطبة من نفس الشخص بنفس الشكل اللى قدمه ولا اتقابل مجهوده بالخذلان والنكران بطل يطبطب....وكأنه بيشترط على ربنا لو مش هاخد قصاد اللى بعمله بالشكل اللى انا محدده فأنا مش عامل...

هتعيش وتموت وموهبتك مركونة جواك لا منك استخدمتها عشان ربنا يردهلك فى الدنيا ولا منك حوشت ليك حاجة فى الاخرة وفى النهاية انت اللى خسران...ربنا قادر يخلق اللى بيطبطبوا غيرك ..ويستخلفهم فى الارض بموهبتهم...

هَا أَنتُمْ هَٰؤُلَاءِ تُدْعَوْنَ لِتُنفِقُوا فِي سَبِيلِ اللَّهِ فَمِنكُم مَّن يَبْخَلُ ۖ وَمَن يَبْخَلْ فَإِنَّمَا يَبْخَلُ عَن نَّفْسِهِ ۚ وَاللَّهُ الْغَنِيُّ وَأَنتُمُ الْفُقَرَاءُ ۚ وَإِن تَتَوَلَّوْا يَسْتَبْدِلْ قَوْمًا غَيْرَكُمْ ثُمَّ لَا يَكُونُوا أَمْثَالَكُم (38)

قيس على ده اللى عنده علم ...ومش عايز يطلعه الا بالمقابل اللى هو محدده...واللى عنده صحة ومش عايز يخدم غيره ...وهكذا لغاية الابتسامة اللى ممكن تبخل بيها ع غيرك...

لما بتقدم خير...ربنا بيقدمهولك تانى فى الدنيا بس فى شكل تانى ومن اتجاه تانى...انا ساعات حد بيطلب منى حاجة ( بقوله من عنيا) والله ما بيخلص اليوم الا لما بتتردلى بنفس التعبير من شخص تانى لدرجة انى بفضل متنحة شوية عشان استوعب ازاى ربنا دقيق للدرجادى...بتترد بالمللى وساعات بشكل احسن لكن مش من نفس الشخص...ممكن اقدم خدمة لحد ويخذلنى هو لكن بلاقي ناس متعرفنيش وبتخدمنى فى المقابل ..

فأنت اخرج لربنا الواسع ...وخليه هو يختارنتيجه فعلك ويردهالك بطريقته لأنه هيبهرك...ده بالاضافة للثواب فى الاخرة طالما عاملها لوجه الله ...

واحيانا تقوم بعمل انت مستنى منه تقدير وقيمة ونجاح ..لكن ربنا يديك القيمة الحقيقية مش المزيفة اللى انت بتسعى اليها فيمنع عنك كل الاشكال القيمة اللى انت بتجرى وراها عشان يوصلك للاخلاص والتقوى لله فيرفعك فى قيمتك الحقيقية وهى مقدار قربك من الله عز وجل...

اختيارات ربنا دايما افضل من اختياراتنا ...
فبلاش تركن عربيتك وتخسر...
شغلها وتوكل على الله المهم تكمل سعى
وتعرف ان رضا ربنا كافى وربنا مش طالب منك اكتر من انك تشغل عربيتك وبس
وسيب الباقي عليه...

28/08/2025

ضحكوا عليك ...

فى خدعة كدة بيلعبها الشيطان علينا بمهارة وخاصة بعد ما ظهر مفهوم الطفل الداخلى وجراحه ...
وهى انه يزين المعصية ومخالفة أوامر الله ورسوله ويحط حجج مستغلا مفاهيم العلم الحديث...

فيزين عقوق الوالدين من خلال ايه؟؟
هم مش أذوك؟؟ من حقك تغضب ...

تمام ..

ومن حقك تتألم..

تمام ...

ومن خقك تبعد عنهم وتخاصمهم ومتعملش ليهم اى حاجة ما هو الاذى اللى عملوه فيك لازم يتردلهم وده مفيهوش حاجة ما هم بردوا لم يعينوك على برهم ..

كدة بقي مش تمام..

فى فعلاحق ليك فى التفريغ عن غضبك لنفسك ولله ...لكن مش عليهم ...لأن ده يخالف ( ولا تقل لهم أف) وربنا لما يحط القاعدة دى فهو اعلم منك بالوالدين وقدرهم وقيمتهم وجراحهم وتعبهم...

فأنت لما تستسلم للتفسيرات الخاطئة اللى قالهالك شيطانك كدوافع للوالدين فى ايذاءك ده اللى ولد الغضب اصلا وكونك مصدق ومكمل فى طريقه لغاية ما بقي فى سلوكك معاهم فدى بردو مشكلتك انت...

لما الرسول صلى الله عليه وسلم يقول لا تغضب...يبقي معناه انك متحكم فى غضبك من خلال مراقبة افكارك والاستعانة بالله على وساوسك...فلما تستسلم للغضب انت اخترت حزب الشيطان...فطبيعى يجرك لإرتكاب الكبائر اللى منها عقوق الوالدين ...وده اثره محو البركة من رزقك و حرمانك من السلام النفسي فى حياتك ثم رده إليك من خلال اولادك...

يعنى إنت الخسران ...عمرك ما هتلاقي توفيق فى حياتك وانت عاق لأبويك

لو اساليب تربيتهم كانت غلط وأذتك نفسيا..فدى كانت طاقتهم ومعرفتهم وحدود وعيهم وقتها...لكنهم بذلوا قصارى جهدهم بنية طيبة ومحبة عشانك ..فتيجى انت عشان عرفتلك معلومتين والشيطان استغلهم عشان يفسد قلبك تجاه اكتر حد واجب عليك احترامه وتقديره..
مهما كان خطأه او عيوبه ..لأن اخطاؤه وعيوبه ناجمة عن جراحه اصلا فأنت بتلومه على جراحه اللى ملوش ذنب فيها؟؟ ولا بتلومه على طريق التغيير اللى مكنش يعرفه اصلا؟؟

هو انت لما ربنا يديك علم تستغين بيه على اذية اقرب الناس اليك؟؟ ساعتها ربنا يسترد نعمته منك ويخليك فى دايرتك مش عارف تتوفق ولا تخرج منها...لإنك مستخدمتش النعمة صح...

فأصحى وفوق واعرف انك مبقتش الطفل الصغير بتاع زمان انت كبرت وبقيت عاقل بالغ مسئول
انزل من على حجر امك وابوك و متقولش فين احتياجاتى؟؟ لأن ربنا سدلك احتياجاتك من زمان لكن انت شيطانك مخليك مش شايف ده ومركز بس على التقصير وعجز والديك عشان تفضل تلومهم..ومتوصلش لمرحلة الرضا عن القدر فتفضل محبوس داخل دايرة السخط

والدايرة دى الشيطان هو الملك بتاعها وانت داخل فى حضنه ..
ابوك وامك لما بيكبروا بتبقي انت اللى مسئول عن سد احتياجاتهم النفسية والمادية وليس العكس ..

( أنت ومالك لأبيك)

فى قصة كدة محبوكة بيستخدمها الشيطان ...بتقول ايه؟؟
مش اهلك هم اللى اختاروا وجودك هنا وانت مخترتش ؟؟ صح يبقي هم مسئولين عنك مسئولية تامة ؟ صح...ويبقي ده واجب عليهم ومش بيجبوا عليك بحاجة وانت كدة مش مديون ليهم بشئ...( غلط)

هنا الجملة الاخيرة تخالف قول الله عز وجل عن دائرة الاحسان ..وهل جزاء الاحسان الا الاحسان...حتى ان المقصود مش رد احسان العبد فقط لا ده رد احسان الله للعبد فى عباد الله...يعنى ربنا احسن اليك واعطاك صحة فانفق منها على عباده وبكدة تبقي رديت جزء من احسان الله لك...وهكذا فى باقي النعم...واظن ان الابوين هم الاكثر تعبا علينا وهم الاحق برد الاحسان...

واللى يقول امى وابويا معملوش ليا حاجة يبقي اختار الجحود ببراعة ...واستحق الا يتم تقدير جهوده فى الدنيا ايضا ..مهما فعل...
شغل ابوك وتعبه واللقمة اللى كان بيوفرها من صحته ووقته وشبابه ليها قيمة ..وان مكنش ليها قيمة عندك فهى ليها قيمة عند اللى خلقه...امك اللى حملت ورضعت وكبرت وربت حتى وان اخطأت فى بعض الامور فهى تعبت وشقيت عليك...فلو مش هتقدر تعبها ربنا مقدره

لكن اقعد انت بقي عيط فى الدنيا وقول انا ليه محدش بيقدر تعبي؟؟ انا ليه مش متوفق فى حياتى؟؟ انا ليه شايل الهم ع طول؟؟ وما تنساش تقول للشيطان اللى واقف فى دماغك ومسيطر عليك ...انت ودتنى فى داهية

لأنه ساعتها هيرد عليك ويقول

وَقَالَ الشَّيْطَانُ لَمَّا قُضِيَ الْأَمْرُ إِنَّ اللَّهَ وَعَدَكُمْ وَعْدَ الْحَقِّ وَوَعَدتُّكُمْ فَأَخْلَفْتُكُمْ ۖ وَمَا كَانَ لِيَ عَلَيْكُم مِّن سُلْطَانٍ إِلَّا أَن دَعَوْتُكُمْ فَاسْتَجَبْتُمْ لِي ۖ فَلَا تَلُومُونِي وَلُومُوا أَنفُسَكُم ۖ مَّا أَنَا بِمُصْرِخِكُمْ وَمَا أَنتُم بِمُصْرِخِيَّ ۖ إِنِّي كَفَرْتُ بِمَا أَشْرَكْتُمُونِ مِن قَبْلُ ۗ إِنَّ الظَّالِمِينَ لَهُمْ عَذَابٌ أَلِيمٌ

وهتشيل الشيلة لوحدك يا عسل...

سلام

21/08/2025

مش عايز حد ينتقدنى...

الناس نوعين ...نوع بيغضب ويثور اول ما تيجى تنصحه او تنتقده ونوع بيتقبل نقدك ظاهريا وهو جواه من داخل معاميعه رافضه ومتضايق منه ...

ده نفس النوع اللى بيقولك انا اشتغل شغل حر افضل ألف مرة من انى اشتغل وحد يتحكم فيا ...

ليه بقي؟؟
هل الشخص ده مجنون كفى الله الشر؟
هل مغرور أو متكبر؟؟
لا...
هو بس عنده هسهس ....محتاج يعرف جذوره ويعالجها
إيه هو مصدر الهسهس ده؟

نقد الأبويين له فى الصغر ...مبدأ افعل ولا تفعل....
الارشادات والتوجيهات المستمرة من الأبويين وتقويم السلوك اللى كان غالبا بيصاحبه صراخ او تكشيره او عقاب...

ده ادى انطباع للأطفال وخلاهم يحسوا بالمشاعر التالية

انا غير كافى لماما او بابا او لأى حد
انا مش كويس
انا فاشل
انا مقيد مقدرش اجرب واخطأ
انا مسجون ومراقب دائما
انا محدش بيحبنى
الخطأ معناه ألم ورفض
يجب ان اكون مثالى
الخطأ محرم وممنوع

عشان كدة اول حاجة بيعملها الطفل لما يدخل مرحلة المراهقة هى التمرد على التوجيهات والارشادات للأبويين والمعلمين ورفض السلطة فى حياته...
ومهما تكلمه بالعقل والمنطق تلاقيه مندفع بمشاعر الغضب المكبوتة جواه تجاهك ورافض يسمع منك أى كلمة...

ولو زعق فى سيادتك فهو بيردلك جميلك اللى عملته فيه زمان وما زلت بتعمله ..الصراخ فيه والزعيق والغصبية عليه فى كل غلطة وهفوة بيعملها وبسبب وبغير سبب...فأنت محتاج تقوم سلوكه لكن وانت جواك عارف ان اللى بيحصل عدل من الله ...وانك محطوط دلوقت مكانه وحاسس باللى كان بيحس بيه وهو صغير اثناء الصراخ والعصبية ..

حاسس انك مش متقدر واللى قصادك مش محترمك
حاسس بالخوف انه هيخرج عن طوعك ويبارزك ويسيبك لوحدك
هو كمان كان حاسس انه مرفوض وانه عليه ميغلطش ويطيعك فى كل حاجة والا هتتخلى عنه وتسيبه لوحده...

نرجع لموضوع الهسهس تانى ..

طيب يبقي كدة ارتبط عندك التوجيه بمشاعر سلبية جواك عشان كدة انت كرهت التوجيه مهما كان اسلوبه كويس او الشخص كويس معاك...

يبقي الحل إيه؟؟

التصالح مع سلوك التوجيه نفسه...
ازاااى؟؟

انت طول الوقت مركز على الجانب السلبي للتوجيه والاوامر...وهو الرغبة فى التحكم والسيطرة عليك ...لكن عمرك ما فكرت فى الدافع الحقيقي للتوجيه ...

امك وابوك بيوجهوك وينتقدوك ليه؟؟

عشان بيحبوكىوعايزينك احسن منهم
عايزين ينقلوا كل خبراتهم ليك عشان مش عايزينك تكرر اخطائهم وتمر بالألم اللى شعروا بيه فى حياتهم...
عايزين يختصروا عليك متاعب الحياة ...

يبقي انتقادهم ليك مش ذي ما انت فهمت ..انك قليل ومش عاجبهم ومش بيحبوك ورافضينك...لا

يبقي تقويم الاخطاء مهم جدا ...لأنه فعلا بيوفر عليك كم من الخبرات المؤلمة والفاشلة وبيحميك وبيوصلك من اقصر الطرق وربنا نفسه استخدم التوجيه فى النواهى والاوامر فى القرآن الكريم ...وكذلك رسول الله صلى الله عليه وسلم..

لكن المشكلة عند الابويين بتكمن فين؟؟
كانو متمسكين بالنتائج يعنى للزم ابنى يطيعنى ويسمع الكلام...
وهو ناسي ان ربنا كلفه بالتربية يعنى الارشاد والتوجيه وانهم يتقوا الله فى افعالهم عشان ربنا يحفظلهم ولادهم و يكونو نموذج صالح للاولاد ..بس
لكن ربنا قال للرسول نفسه ..لست عليهم بمصيطر
وليس عليك هداهم ..

يعنى استجابة ابنك مش بتاعتك ...لأن ابنك عند ربنا كائن مخير ذيه زيك...من حقه بعد ما تبينله الصح من الغلط إنه يختار الصح أو الغلط...ويتحمل نتايج اختياره...

مش كل الناس بتتعلم من الطرق المختصرة فى كتير منهم لازم يمر بالخبرات عشان يتعلم حتى لو كانت مؤلمة ..هو مش هينضج ولا يقتنع الا اذا جرب بنفسه ..فخلاص سيبه...
لكن سيبه كمان يتحمل نتايج اخطائه ما تشيلهاش عنه ..ده العدل وده اللى هيخليه يتعلم...

يبقي محتاجين نفهم ان النقد كويس وحلو ومفيد وخاصة لو اتقال باسلوب كويس وفى وقت مناسب وانه ضرورى لتزكية أنفسنا وتزكية اولادنا ...وانه ملوش دعوة بقيمتنا خالص...

ولو جواك غضب و ألم نفسي تجاه أبويك بسبب النقد ...طلع ورقة وقلم واكتب كل اللى جواك ليهم وبعد كدة قطع الورقة و قول سبحان الله وبحمده ألف مرة ...حتى ترضي ويذهب عنك غضبك...

وقوم اتنطط واعملك رياضة عشان جسمك يطلع منه الغضب او اتوضي وصلى ركعتين لله

ويبقي كدة انت تعافيت من الصدمة على المستوى الروحى والعقلى والنفسي والجسدى...

وكله بإذن الله
بالشفا إن شاء الله
والسلام ختام

20/08/2025

إن تنصروا الله ينصركم ويثبت أقدامكم .

السؤال ...هو ربنا محتاج حد فينا ينصره؟؟ لا
اومال ازاى ننصر الله ؟؟

تنصر ربنا على هوى نفسك وضعفك وعجزك وشيطانك...

انت فى كل لحظة بتمر عليك بتتحط فى اختيار. إما تنصر شريعة الله والحق والخير ولو على نفسك او تستجيب لهوى نفسك وتتبعه...

من اول الهيافات ذي هتشرب بيبسي ولا عصير طبيعى بدون سكر؟
هى دى فيها نصرة لله؟؟
ولا تلقوا بأيديكم إلى التهلكة....
قيس كل حاجة تهلك صحتك ولو على المدى البعيد...

عندك علاقة كويسة مع حد لكن الحد ده ظالم وانت عارف وظلم حد تعرفه...انت هنا مخير...هتنصر الله ولا تنصر هوى نفسك؟؟ وتفضل محافظ على مصالحك الشخصية فى مقابل انك تخذل الحق؟؟

بنتك مش عايزة تلبس الحجاب ...ولا بتسمع اغانى طول اليوم...
هيكون ليك موقف معاها تفهمها الصح من الغلط ولا هتقول مش عايز اخسر رضا بنتى عنى وهخليها تعمل اللى هى عايزاه؟؟

وهكذا...هتلاقي طول الوقت انت فى جهاد ما بين الحق والباطل ..بين ما يريده الله ويرضاه وما تريده نفسك ...وهيبقي فى سؤال دائم قصادك
هتنصر مين؟؟

اللى هانصره هحدد عليه مصيري....
بمعنى انت اخترت رضا البشر لازم يخذلوك
اخترت تهلك صحتك هتهلك فعليا
اخترت رضا ولادك هيبقوا عاقين ليك ...

وهكذا لأن اللى يختار رامى الاقدار هو فى أمان ....وإن اخترت العكس فاخترت ان تكون مع العدو...

ما هو الكون كله مفيهوش غير ربنا والشيطان وآدم
انت آدم...يبقي فاضل مين؟؟
فمتعملش نفسك عبيط وتفضل مكمل فى اللى انت فيه
عشان هتخسر كتيير أوى

اللهم بلغت

15/08/2025

تحب تلاقى خروج آمن من دائرة الشخص النرجسي اللى بيأذيك وبقالك سنين بتحاول معاه عشان يتغير ومفيش اى تغيير؟؟؟ وكل ده خلال ست ساعات تفاعلية فقط هتحضرهم وأون لاين كمان وأنت قاعد فى بيتك مرتاح؟؟ وبسعر مناسب وبسيط؟؟

كل واحد منّا في حياته شخص نرجسي أو أكثر…
معظم المنشورات تنصح بالابتعاد عن النرجسي وتجنّبه، لكن ماذا لو كان هذا النرجسي هو أمك، أو أبوك، أو أخاك، أو حتى ابنك او زوجك او زوجتك؟ كيف ستبتعد عنه إذن؟

وبما أن لكل ما يحدث في حياتنا حكمة وخير قد لا ندركه، فإن وجود النرجسي في حياتك رسالة تشير إلى جوانب في داخلك تحتاج إلى تغيير.

الخطأ الذي يقع فيه معظم الناس هو التركيز على محاولة تغيير النرجسي، وهنا تبدأ رحلة الاستنزاف التي تستهلك طاقتك وتغرقك في الألم والإحباط، وتُبقيك في دور الضحية العاجزة عن حماية نفسها.

أما الحل الصحيح، فهو أن تفهم رسالة النرجسي في حياتك، وتبدأ في التغييرات المطلوبة في شخصيتك. عندها لن يكون للنرجسي أي سلطة عليك، وسيبتعد عنك تلقائيًا.

ولهذا أعددنا لك هذا الكورس…
حتى تعرف تمامًا مع من تتعامل، وما هي الطريقة الصحيحة للتعامل معه، وكيف تستفيد من وجوده في حياتك لتطوير نفسك، والخروج من دائرة الألم والإحباط إلى النجاح والسلام النفسي

---

في هذه الدورة المكثفة، ستشارك في ثلاث جلسات، مدة كل جلسة ساعتان، بمجموع ست ساعات من التدريب العملي والتفاعل المباشر.اون لاين
سأرافقك خطوة بخطوة لتتعلم كيف تحدد سلوكيات النرجسي، وتتعامل معها بوعي وثبات، دون أن تفقد سلامك الداخلي أو ثقتك بنفسك.
ستخرج من التدريب وأنت تملك أدوات عملية واضحة، تساعدك على إدارة المواقف الصعبة، ووضع حدود صحية تحميك من أي استغلال أو تلاعب.

🌟 بادر بحجز مقعدك الآن، فالمقاعد محدودة!
لمزيد من المعلومات تواصل عبر رسائل الصفحة

---

أسأل عن خصم المجموعات ...وخصم الحجز المبكر
المحاضرة الأولى...مجانية لمن يرغب فى الحضور عليه الاشتراك بقناتنا على التلجرام

15/08/2025

نعتذر نحن لا نقطع صِلة الرحم!، وإنما نقطع خُبث القريب وذو الوجهين نقطع الحقد والكذب والحسد والقيل والقال، نقطع من قال عنّا ما ليس فينا، ومن سمحت له نفسه بإيذائنا حتى ولو بكلمة في غيابنا أو حضورنا

“ووالله لا نكره أحدًا أبدًا، نكره الافعال
ونتجنب اصحابها ليس إلا “.