عيادات كندر لطب الأطفال بالطالبية

19/09/2025

📢 حبايبنا، ، بمناسبه العودة للمدارس
يوم صحي جديد ،
،، قياس الهيموجلوبين مجاني ،،
وهدايا 🎁🎁 🎈🎈، ووكمان في مفاجأة🎉🎉 هيكون معانا معمل تحاليل هيقدم تحاليل مجانيه ، واسعار مخفضه ،، ،،
👍 هدفنا نطمن هلي صحه أولادنا قبل الدراسه

شرفونا في عيادة الهرم ان شاء الله بكرة يوم السبت ٢٠ / ٩
من الساعة ٢ الي ٦ مساء
عيادة الهرم الطالبيه ١.٩ شارع عثمان محرم برج السعد بجوار التوحيد و النور 01024909661


#صحه #تغذيه #انيميا

07/09/2025

❤️ قلب صغير… بس مسؤول عن حياة كاملة
في أطفال بيكون عندهم مشاكل قلب خفية، وممكن ما نلاحظهاش غير متأخر.
علشان كده مهم نكون منتبهين لأي علامة ممكن تشير لمشكلة…
خاصة إن بعض الحالات بتحتاج تدخل مبكر جدًا.
🛑 4 علامات تحذيرية لازم تنتبهي لها:
1️⃣ نهجان غير طبيعي أو تعب مع أي مجهود بسيط
لو طفلك بيتعب بسرعة جدًا أو نفسه بيقطع وهو بيلعب، ده مش طبيعي
2️⃣ زرقة في الشفايف أو أطراف الأصابع
اللون الأزرق ممكن يكون علامة على نقص الأكسجين اللي بيوصّل للقلب أو الجسم.
3️⃣ فقدان الوعي المفاجئ أو دوخة متكررة
خصوصًا لو بتحصل بعد مجهود أو من غير سبب واضح.
4️⃣ تأخر في النمو أو ضعف الوزن مقارنة بعمره
القلب لو مش شغال بكفاءة، بيوصل الأكسجين والغذاء بشكل أقل… وده بيأثر على النمو.
لو لاحظتي أي من العلامات دي، لازم تروحي فورًا لدكتور متخصص في قلب الأطفال.
وفي عيادات كندر، عندنا
عيادة قلب أطفال متخصصة ،،،، تحت إشراف
د. خالد أبو بكر –
مزودة بجهاز الإيكو وموجات صوتية وتشخيص دقيق من أول زيارة.

🕒
▪️ عيادة الهرم:
🕒 من 12 ظهرًا إلى 6 مساءً
📌 الطالبية، ش عثمان محرم 109، برج السعد بجوار التوحيد والنور.
📞 01024909661

22/07/2025

يا دكتور، أنا شايفة ناس كتير بتتكلم عن التهاب السحايا على السوشيال ميديا، وقلقانة جدًا…
يعني لو ابني سخن أو جاله صداع أروح بيه المستشفى فورًا؟ ولا إيه الصح؟

👨‍⚕️ :
قلقك طبيعي يا ماما، لكن مهم نفرّق بين الحالات العادية والحالات اللي فعلاً تستدعي تدخل سريع.

ان شاء الله في البوست دا هنجاوب بهدوء علي كل الاسئله اللي شاغله بال الاهالي وهنطمنهم وهنوعييهم بطريقه عمليه من غير رعب وفزع

⸻
⸻

🧠 ايه الالتهاب السحائي هو (Meningitis)؟

هو التهاب في الأغشية المحيطة بالمخ والنخاع الشوكي، وبيكون غالبًا بسبب:
• عدوى فيروسية (أشهر سبب)
• أو عدوى بكتيرية (أخطر نوع)
• وأحيانًا فطرية أو غير معدية (نادرة جدًا في الأطفال)

👩‍🦰: طب إمتى أشك إن ده التهاب سحائي؟

👨‍⚕️:
بصي، لو الطفل عنده حرارة عالية ومعاها واحد أو أكتر من الأعراض دي:
• صداع شديد مش بيتحسن
• ترجيع متكرر من غير إسهال أو سبب واضح
• تصلب في الرقبة (مش قادر يلمس صدره بذقنه)
• خمول أو نوم زيادة عن الطبيعي
• حساسية من النور
• تشنجات (خاصة لو لأول مرة)
• تغير مفاجئ في السلوك أو الوعي

👈 هنا لازم تتوجهي لأقرب طوارئ فورًا، ما نضيعش وقت في التفسير أو نعالجه في البيت.

⸻

👩‍🦰: طيب هو الالتهاب السحائي خطير قوي كده؟

👨‍⚕️:
النوع البكتيري منه آه، ممكن يبقى خطر جدًا، لكن الحمد لله مش هو النوع المنتشر في أغلب الحالات.

💉 الوقاية:

التطعيمات المتاحة في مصر:

1 تطعيم الهيموفيلس إنفلونزا B (Hib) – موجود في التطعيمات الأساسية (الـ 6 شهور)
2 تطعيم المكورات الرئوية (Pneumococcal) – (Prevenar) ودا اختياري

3 تطعيم السحائي الرباعي (MenACWY) – موجود في المصل والقاح (اختياري)

4 تطعيم السحائي B (MenB) – اختياري ))

اسألي دكتورك عن التطعيم المناسب خصوصًا لو:
• فيه تاريخ لحالات سحائي في المنطقة
• الطفل داخل مدرسة أو حضانة مزدحمة
• أو هيسافر بره

✅ الأطفال اللي بيدخلوا مدارس خاصة أو دولية أحيانًا بيتطلب منهم تطعيم السحائي الرباعي.

🤔 ليه الناس الآن مهتمة؟

• فيه رعب بسبب تداخل الأعراض مع نزلات البرد أو الإنفلونزا الصيفية.
• تداول بوستات عن وفيات أو إصابات مفاجئة بدون تأكيد رسمي.
• تشابه الأعراض مع حالات فيروسية منتشرة هذه الأيام.

⸻

👩‍🦰: يعني لو ابني سخن بس، من غير أي أعراض تانية، أستنى؟

👨‍⚕️:
لو الحرارة بس من غير علامات خطورة، نتابعه في البيت، نرطّبه، ندي خافض حرارة، ونشوف هل فيه تحسن ولا لأ.
لكن لو ظهرت الأعراض اللي قلنا عليها، لازم كشف فوري.

⸻

✅ القاعدة الذهبية:
“كل سخونية مش معناها التهاب سحائي…
بس كل شك في التهاب سحائي لازم تقييم طبي عاجل.”

⸻

📌
📌

09/06/2025

📢📢 يوم صحي جديد 📢📢
لو ابنك ضعيف ⁉️ ، ومعندوش شهيه للأكل⁉️، وعايزه تتطمني علي وزنه وطوله، ،
تشرفونا ان شاء الله في عيادة الهرم ،، ويوم صحي جديد ،،،
📣هنعمل فحص الهيموجلوبين مجانا 💥 مجانا 💥

🍏وتوعيه عن التعذيه السليمه🫒🍏
، وهدايا 🎁🎁

من عمر سنه فيما فوق
يوم الأربعاء القادم الموافق ١١ / ٦

من ١ ظهرا ل ٦ مساء في عيادة الهرم


#تغذيه

05/06/2025

كل عام وانتم بخير 🌹🌹
عيد اضحي سعيد عليكم جميعا وعلي أولادكم

الاجازة هتبدأ من انهاردة ان شاء الله ٥ / ٦ والعودة ان شاء الله من يوم الثلاثاء القادم ١٠ / ٦

▪️ عيادة الهرم:
🕒 من 12 ظهرًا إلى 6 مساءً
📌 الطالبية، ش عثمان محرم 109، برج السعد بجوار التوحيد والنور.
📞 01024909661

▪️ عيادة فيصل:
🕒 من 7 إلى 10 مساءً
📌 ش فيصل، أول العشرين من ناحية فيصل الرئيسي، رقم 7 برج السلام، بجوار مدرسة حسام الدين.
bit.do/eQCrV
📞 01140592990 - 01093570120

31/05/2025

� مع دخول الصيف.. النزلات المعوية بتزيد! إزاي نحمي أولادنا؟

مع حرارة الجو، بتزيد فرص انتشار النزلات المعوية عند الأطفال – سواء الفيروسية أو البكتيرية – وده بيخلينا ناخد بالنا أكتر من نظافة الأكل والشرب وروتين أولادنا اليومي.

🤢 إيه هي أعراض النزلة المعوية؟
• ترجيع
• إسهال
• مغص
• حرارة
• فقدان شهية
• خمول وجفاف أحيانًا

🛡️ إزاي نحمي أولادنا؟ خطوات الوقاية:

1 🧼 غسل الإيدين قبل الأكل وبعد الحمام
2 💧 شرب مياه نظيفة أو معدنية، ويفضل غليها لو من الحنفية
3 🍉 غسل الفاكهة كويس جداً قبل الأكل
4 ❄️ عدم أكل أكل مكشوف أو من برّه البيت بدون ثقة،، ولو عايزين الصراحة بلاش الأطفال تأكل اكل برة البيت نهائي خاصة في الصيف و مواسم انتشار النزلات المعويه، لأن بصورة عمليه تجنب العدوي من اكل شارع صعب جدا

5 🍽️ حفظ الأكل البايت في التلاجة بسرعة
6 ❌ تجنب العصائر والأطعمة المحفوظة في الشمس أو في أماكن غير نظيفة


⚠️ لو حصلت النزلة.. نتصرف إزاي؟
✅ الراحة التامة
✅ شرب سوائل باستمرار لتعويض الفقد (مياه – محلول معالجة الجفاف – شوربة خفيفة)
✅ وجبات خفيفة وسهلة الهضم (بطاطس مسلوقة – رز – تفاح مسلوق – زبادي)
🚫 تجنب اللبن والسكريات والأكل الدسم أول يومين
🚫 ممنوع نهائي مضاد حيوي من نفسنا – لأنه في الغالب السبب فيروسي ومش محتاجه

🏥 امتى نروح للدكتور؟

• لو الطفل مش قادر يحتفظ بأي سوائل
• لو فيه علامات جفاف (جفاف فم – قلة بول – خمول شديد)
• حرارة عالية مش بتنزل
• إسهال أو ترجيع مستمر لأكتر من يوم
• دم في البراز أو الترجيع

👶 والوقاية دايمًا أسهل من العلاج 💙

20/05/2025

📍 كل يوم بنشوف أطفال رُضع جايين بحرارة عالية، وسببها بسيط:
الجو حر جدًا – اللبس كتير – مفيش تهوية كويسة.

👶 جسم الطفل حديث الولادة مش بيعرف يبرّد نفسه كويس،
وأقل حرارة أو لبس زيادة ممكن تعرّضه لسخونة أو جفاف!

⸻

✅ نصايح سريعة لحماية طفلك في الحر:
🌬️ التهوية مهمة جدًا:
• افتحي الشباك مرتين يوميًا على الأقل.
• استخدمي مروحة لتجديد الهواء (بس ما تكونش مباشرة على الطفل).
• أو شغلي تكييف على حرارة 25–26 ووجهي الهواء بعيد عن السرير.

👕 اللبس المناسب:
• البسيه طبقة واحدة قطنية خفيفة.
• نخفف اللف بالقماط الكتير أو اللبس الثقيل، حتى بالليل!

💧 الرضاعة:
• كترّي الرضاعة لأنها أهم وسيلة لترطيب جسمه.
• لو فيه عرق كتير أو سخونة، لازم تتابعي الحرارة.

🚨 لو لقيتي:
• حرارة فوق 37.5 بدون سبب واضح
• ضعف في الرضاعة أو كسل
⬅️ توجهي للطبيب فورًا.

🩺 الصيف مش لازم يكون خطر… بس محتاج وعي!

12/05/2025

📢📢 يوم صحي جديد 📢📢
لو ابنك ضعيف ⁉️ ، ومعندوش شهيه للأكل⁉️، وعايزه تتطمني علي وزنه وطوله، ،
تشرفونا ان شاء الله في عيادة الهرم وفيصل ،، ويوم صحي جديد ،،،
📣هنعمل فحص المعادن والفيتامينات بجهاز ال inbody مجانا
🍏وتوعيه عن التعذيه السليمه🫒🍏
، وهدايا 🎁🎁

من عمر سنه فيما فوق
يوم الثلاثاء الموافق ١٣ /٥
من ١ ظهرا ل ٦ مساء في عيادة الهرم

العنوان الهرم الطالبيه شارع عثمان محرم ١٠٩ برج السعد بجوار التوحيد والنور
تليفون 01024909661


#تغذيه

20/12/2024

25/11/2024