28/09/2023
..
🧕 يعنى ايه ارتجاع عند الرضع ؟
🧑⚕️ يتقيأ معظم الأطفال الرضع يوميًا ويعرف هذا بالارتجاع وهو أمر طبيعي شائع في الأطفال الرضع ونادرًا ما يكون خطيراً.
ويحدث الارتجاع عند ارتداد حمض المعدة مرة أخرى إلى المريء.
🧑⚕️الارتجاع ممكن يكون واحد من ٣:
١ _ ارتجاع
٢_ ارتجاع مرضى
٣_ ارتجاع مرضى مع حساسيه الألبان
🧕طب نفرق بينهم ازاى؟
🧑⚕️
1️⃣ الارتجاع :
-اي طفل حديث الولادة بيقشط أو بيرجع اللبن الزياده.
-لو طفلك بيزيد في الوزن و بينام كويس و معندوش اي اعراض من اللي هنقولها تحت يبقى الطفل تمام و ما فيش مشكله من الترجيع ده.
2️⃣ الارتجاع المرضي :
-الارتجاع المرضي يعنى الطفل عنده حموضه
-طفلك عنده حموضه يعنى رافض الرضاعه و مش هينام طول اليوم و هينام متشال بعد ما يكون تعب من العياط و كمان هيخس فى الميزان.
-ممكن كمان يكون عنده التهابات في الصدر متكررة و كحة ليلية مش بتستجيب لاي علاج.
-طبعا الطفل لازم ياخد ادوية الارتجاع ( النيكسيم و الجافيسكون).
3️⃣الارتجاع المرضي مع حساسية الالبان :
-يعني كل كل الاعراض السابقه و معاها كمان👇👇
اسهال او امساك او تسلخات غير مستجيبة للعلاج او اكزيما او دم في البراز او ثبات في الوزن، يعني من الاخر ارتجاع و معاه عرض تاني من اعراض الحساسية .
-أو ارتجاع مش معاه اي اعراض تانية بس غير مستجيب نهائيا لاي علاج لا نيكسيم و لا الجافسكون .
وقتها هنبدا نعالج حساسيه الألبان و ده طبعا بالمنع.
🧑⚕️ملحوظة اخيره:
- لازم تمنع الام اكل البهارات و الحوامض و الكافيين لو طفلك عند ارتجاع.
#امهات اطفال الارتجاع المرضى انتو ابطال 💪💪 ربنا يعنكوا
#دكتورة نهى عبد البصير
وأمراض الدم وأورام
#عيادات بست كير ١٢ شارع الليبينى، اول نفق فيصل
المواعيد ايام السبت والاتنين والاربع الساعه ٦ إلى ٩ مساءا
للحجز 01141294329
[ ] #عيادات عنايه Enaya Clinics: الحى ١٦ سنتر بدر الدين ، الشيخ زايد
