17/04/2025
في موسم شم النسيم، الرنجة والفسيخ بيتصدّروا المائدة المصرية، لكن السؤال الأهم: "مين فيهم أفضل من الناحية الصحية؟
"البيانات بتقول إن الرنجة تتفوّق غذائيًا:✅ تحتوي على بروتين أعلى (25 جم/100 جم)، وأحماض أوميغا-3 مفيدة للقلب (1.8 جم)، وسعرات حرارية أقل.بينما الفسيخ:🔻 بروتينه أقل (18 جم)، ونسبة الأوميغا-3 لا تتعدى 0.5 جم، وسعراته أعلى، ما يجعله خيارًا أقل فائدة صحية.
أما بالنسبة للصوديوم (الملح)، فالفرق واضح:📌 الفسيخ يحتوي على 1500 ملجم صوديوم لكل 100 جم (يعني وجبة واحدة ممكن ترفع ضغطك من غير إذن مسبق!)📌 الرنجة أقل ضررًا: 900 ملجم فقط.
طب ايه الفرق بينهم من حيث الصلاحية واحتمالية حدوث التسمم الغذائى اللى بنسمع عنه؟
🔬 دراسة اتعملت قريب فى جامعة بنها (الرابط فى اول تعليق) قامت بتحليل 90 عينة من الأسواق (30 رنجة، 30 سردين مملح، و30 فسيخ)، وأظهرت النتائج أن الفسيخ سجل أعلى نسب فساد:
TVB-N (مركبات النتروجين المتطايرة): 28.73 ملجم/100 جم
TMA (ترايميثيل أمين): 9.04 ملجم/100 جم
TBA (ناتج أكسدة الدهون): 3.54 ملجم/كجم
محتوى الملح: 7.15%وده باختصار بيقول إن الفسيخ "مخزن تخمير متنقّل" 😅
وعن المعادن الثقيلة:📍 الرنجة فيها زئبق أكثر (0.72 ملجم/كجم)📍 لكن الفسيخ فيه رصاص أكثر (0.46 ملجم/كجم)... يعني كل واحد فيهم عنده مفاجآته الخاصة!
🦠 أما بالنسبة للسلامة الميكروبية، ففي بعض المراجعات فى امريكا وايران (الرابط فى اول تعليق) بتقول:– الأسماك المدخنة والمملحة ممكن تحتوي على بكتيريا زي Listeria monocytogenes، Vibrio، Salmonella، وE. coli– المنتجات المدخنة على البارد بالأخص كانت أكثر عرضة للتلوث، وده بيفسّر ليه تناولها نيئة أو بدون تسخين بيشكل خطر حقيقي على الصحة.
📌 الخلاصة :الرنجة تعتبر خيارًا أفضل نسبيًا من الفسيخ، خاصة لو كانت من مصدر موثوق وتم تسخينها قبل الأكل.أما الفسيخ، فهوا أكلة "للقلوب القوية وأصحاب المعدة الحديدية" – ومش مستحب لمرضى الضغط أو الكلى أو أي شخص بيخاف من كلمة "تسمم غذائي".
👨⚕️ نصيحة "الوقاية خير من التمليح! اختار الرنجة المشوية وقليلة الملح، وابعد عن الفسيخ، والصحة دايمًا أولى من المزاج."
دمتم بصحة
د. السيد السقا
