27/06/2025
تحدي الوضوح مع نفسي ✨
يمكن من أكتر الحاجات اللي ساعدتني أرجع أتوازن نفسيًا الفترة اللي فاتت، إني وقفت مع نفسي بصدق ووضوح، وبدأت أكتب.
مش مجرد كتابة عشوائية، لكن كتابة بأسئلة محددة زي اللي في الصورة دي.. كل سؤال بيفتح لي باب جديد جوايا.. ساعات بيخليني أواجه حاجة كنت بهرب منها، وساعات بيساعدني أشوف اللي عندي بنظرة أوضح وأهدى.
الوضوح مع النفس مش رفاهية، ده جزء أساسي من أي توازن نفسي أو راحة داخلية.. وده اللي خلاني أشارك معاكم التمرين ده النهاردة.
إزاي تستخدم التمرين ده؟
✔️ كل يوم خد سؤال واحد، اقعد مع نفسك، واكتب بكل صدق ومن غير ما تجمّل الكلام.
✔️ حتى لو الإجابات مش كاملة أو مش واضحة، استمر.. مع الوقت هتلاقي إن أفكارك بتترتب، ومشاعرك بتهدى، وحياتك بتتوازن أكتر.
أنا د. دينا جلال، وبأمانة.. التمرين ده كان نقطة فارقة معايا في رحلة التوازن النفسي اللي لسه مكملة فيها.
ابدأ النهاردة، وخليك صادق مع نفسك.. يمكن تكتشف إن الحل أبسط من اللي متخيله.
