11/05/2025
🔋🔋🔋ايا ترى ايه هولغسول المناسب لنوع بشرتك؟
ده سؤال مهم جدا و الإجابة عليه محتاجة تركيز لأن اختيار الغسول الصح و المناسب لنوع بشرتنا ده أول الطريق الصحيح في العناية بالبشرة
و دى أنواع البشرة و كل نوع له الغسول المناسب له
✨ البشرة الدهنية:✨
لو بشرتك دهنية (بتلمع بسرعة وفيها رؤوس سودة ) يبقى محتاجة غسول جل بمكونات زي:
👈الاحماض المقشرة (سالسيليك / جلايكوليك) عشان تنظف الطبقة الدهنية
👈 املاح البحر الميت لإزالة الرؤوس السودة
👈 مستخلص الجيرانيوم عشان يظبط افراز الغدد الدهنية
الهدف ايه من المكونات دى ؟ تقليل إفراز الدهون وتنظيف المسام بعمق، من غير ما يسبب جفاف.
😗😗البشرة الجافة🙃:
لو بتحسي بشرتك مشدودة أو فيها قشور، و حاسة بجفاف
هيبقى الحل فى غسول يرطب و ينظف زى غسول فيه :
👈 مستخلص شجرة الشاى
👈الجلسرين
👈حمض الهيالورونيك
هدفنا ايه ؟ هننظف البشرة بلطف وترطيب في نفس الوقت مع وقاية للبشرة من عوامل الجو اللى بتأثر على حيويتها
❤️ البشرة الحساسة:❤️
لو بشرتك بتلتهب بسهولة أو بتحمر بسرعة، هنا بقى لازم تاخدي بالك من مكونات الغسول
👈 لازم يكون خالي من العطور والكحول
👈 يكون فيه مكونات طبيعية زى مستخلص الخيار
علشان ما نعملش مشاكل للبشرة ، يعنى يدوب هننظف بلطف و نحافظ على الترطيب
💋 البشرة المختلطة💋:
لو عندك زيوت و لمعان في منطقة الـT-Zone ( الجبهة و الانف و بين العينين ) وباقي الوش جاف،
هنا هتستخدمي غسول:
👈 لطيف ومتوازن
👈 او هنجيب غسول مناسب لكل منطقة حسب احتياجها.
🌲🌲لبشرة العادية:🌲🌲
👈 هنحتاج غسول خفيف يحافظ على التوازن الطبيعي للبشرة. سائل او جل
👇👇👇 وأخيراً 👇👇👇
الغسول مش اختيارى ، ده لازم يكون روتين يومي لكل الناس عشان نحافظ على بشرتنا اللى هى أول حاجة بتتكلم عننا🚨🚨🚨🚨
