What are the opening hours?

Tuesday 5pm - 7pm Thursday 5pm - 6pm Sunday 5pm - 7pm

https://www.facebook.com/114377409982656/

Super Baby Clinic, Giza (2025)

25/12/2020

👈اعتقادات_خاطئة_عن_المشي_عند_الأطفال

⬅️١- الطفل يمشي بعمر السنة !!!
🗨 إعتقاد خاطئ😱
إن التطور الحركي يختلف من طفل للتاني... بعض الأطفال بيمشوا بدري عند ١٠ شهور
و البعض الاخر يتأخر في المشي لعمر ١٨شهر و هادا طبيعي كمان😊👦

⬅️٢- الطفل اللي بيسنن بدري بيتأخر في المشي !!!
🗨 إعتقاد خاطئ
الطفل ممكن يسنن على عمر ٦-٧ شهور وممكن تظهر بدري على عمر ٤ شهور و ظهورها يدل على صحة الطفل الكويسة و ان الكالسيوم و فيتامين د اللي في جسمه كافي و ما الو أي علاقة بتطور المشي أبداً 😉

⬅️٣- إستخدام المشاية يساعد على تعلم المشي !!!
🗨 إعتقاد خاطئ
إن وضع الطفل في المشاية يؤدي الى تأخر المشي لأن الطفل سيعتمد عليها ولا يوجد توافق بصري بين حركة الرجلين والدماغ😊

⬅️٤- اعطاء فيتامين د بجرعات عالية جدا بتساعد على المشي !!!
🗨 إعتقاد خاطئ
يجب عدم إعطاء جرعات عالية من فيتامين دال بدون عمل تحليل لفيتامين د عشان الجرعة الكبيرة ممكن تؤدي إلى خطر على صحة الطفل و الأفضل إعطاء فيتامين د بشكل يومي منذ الولادة بجرعة ٤٠٠ وحدة دولية لتساعد الطفل على تطور عملية المشي بشكل طبيعي ❤

⬅️٥- لبس الطفل الحذاء هيساعد على المشي
🗨 إعتقاد خاطئ
الدراسات بتوضح إن مشي الطفل حافي عند تعلم المشي أفضل و صحي أكثر من إستخدام الأحذية و خاصة للطفل اللي لسه هيبدأ يمشي .😉
👈وللتذكير
طبيعي الطفل يخطي أول خطواته حتى عمر السنة ونص
دمتم بخير

25/12/2020

هل يصاب الرضيع بالكورونا ؟
نعم الطفل الرضيع معرض للإصابه بفيروس كورونا ويجب حمايته من الاصابة من خلال:
- الرضاعه المطلقه حتي ٦ اشهر من العمر,
- بداية الغذاء التكميلي المتوازن ابتداء من الشهر السابع
-لبس الكمامه أثناء الرضاعه و تجديد الهواء بالمنزل باستمرار
-تنظيف لعب الطفل قبل اللعب وبعده وإبعاد الطفل عن أي شخص مصاب .
-الحرص علي إعطاء التطعيمات المقرره للطفل طبقا لعمره.
-الاهتمام بالنظافه الشخصية والمداومه علي غسيل الأيدي جيدا بالماء والصابون قبل الرضاعه وقبل العناية بالطفل.
وفي حالة ظهور أي اعراض علي الرضيع مثل ارتفاع درجة الحراره او ضيق بالتنفس او اسهال او قئ او ضعف بالتغذيه أو ضعف بالشهية لابد من استشارة الطبيب.

دمتم سالمين 🌹

#الكورونا

19/12/2020

سنة بتعدي علينا بحلوها و مرها
بأحداثها الحلوة و أحداثها اللي مش حلوة
و قبل ما نختم 2020 بننزل لكم إعلان بمواعيد و أماكن العيادات بتاعتنا
عيادات د. محمد عبد الفتاح محمد
:)
تقدروا تحجزوا من أي رقم من اللي موجود للمواعيد المتخددة قدامكم
للعلم بنبقى متواجدين في مستشفى الجابري في التلات عناوين الأولى
:D
مستنيينكم تزورونا🥰🥰🥰

14/12/2020

#نقول #من #الاخر
الواد يبقي عنده دور برد .. واضح للاعمي .. يعني فيروس و هيروح لحاله
يجيلي يكشف .. اكتبله دوا سخونية و حاجة كده اعشاب للكحة و ساعات مش بكتب و اطمن الام و يروح
يقعد 3 ايام و لا 4 و يجيلي يعيد كشف .. لسه الاعراض موجودة .. اطمن الام و اقولها متقلقيش و اقعد نص ساعة اشرحلها
تخرج من عندي .. تاني يوم الواد لسه بيكح و بيرشح .. تروح للصيدلي او لدكتور تاني .. يقوم رازعها 4 حقن يونيكتام بالعدد .. او 4 حقن سيفوتاكس .. ازاي ده بدل ده معرفش
المهم .. الواد ياخد ال4 حقن على يومين .. علي تالت يوم يكون خف و بقي كويس :D
قوم ايه بقي .. يبقي المضاد الحيوي هو اللي خففه :D
شوف ازاي :D :D

خليني اقولك ايتها الام الغلبانه .. ان ابنك خف لوحده .. اه و النعمة .. ولو كنتي خدتي ال4 حقن دول قبل ما تجيلي مكنش هيخف .. وده بيحصل فعلا .. ساعات انتي بتروحي للصيدلي الاول .. يرزعك ال4 حقن و الواد يفضل تعبان .. فتجيلي بقي .. اقوم انا كاتبلك برضه دوا سخونية .. يقوم الواد بعد 3 ايام ولا 4 يخف :D

يبقي هو خف لوحده حضرتك .. بس هو ساعات يصادف ان وقت ما بياخد الحقن بيكون الدور بيخلص

و خلينا نقول
عدم كتابة المضاد الحيوي مهياش شطارة مني و لا من غيري .. اصل في ناس هتطلع تقول ان دي موضة و اي دكتور حابب يقول للناس انه فاهم يقولهم انا مبكتبش مضاد حيوي
كده يعني بقي شبح و ماشي زي ما الكتاب بيقول
لا مش كده .. في دور زي اللي ماشي في عيال مصر كلها ده .. المضاد الحيوي مطلوب لنسبة قليلة جدا جدا .. لان اغلب الحالات يا اما ادوار برد يا اما حساسية صدر او انف .. و في الاتنين المضاد الحيوي ملوش لزمة

و خليني اقولك حاجة كمان .. معندناش كحة بتخف ب 4 حقن يونيكتام :D
اه والله .. الواد لو فعلا صدره تعبان و عنده التهاب رئوي مثلا .. جبتلك البعيدة خالص اهي.. يبقي علاجه اكتر من ال4 حقن بتوعك .. لا ده هيجيلي و اكتب له ١٠ حقن و في الوريد كمان.. و ممكن نحجزه ياخد علاجه فب المستشفي.. شفت بقي ؟ لكن لو عنده دور برد عادي يبقي مش محتاج لا حقنة و لا اربعة
يبقي يا ندي المضاد الحيوي زي ما بيقول الكتاب يا اما منديش
لكن مفيش حاجة اسمها ياخد حقنتين يونيكتام و يخف
#د. #محمد #عبدالفتاح

29/11/2020

من سلسلة #حلقات 🤒🤒

😘 #خلاصة #البرد 😘

٥. الرشح اللي بيطوّل ..!!
دفيتى الواد ؟؟
عالجتي الرشح ؟؟
غيبتيه من الحضانة أو المدرسة ؟؟
اتأكدتى انها مش حساسية أنف واستخدمتى بخاخات الأنف ؟؟
بعدتيه عن أى "حدّ" بيكح او عنده برد ؟؟؟
ممكن تبقى لحمية و ساعتها هنحتاج كشف أنف و أذن و حنجرة و ساعتها هينطلب منك أنك تعملي آشعة عاللحمية ونتأكد أنها مش لحمية؟؟

٦. الكحة اللى بتطوّل ..!!
اتأكدتى انها مش سببها "الحنفية اللى فوق" الأنف ؟؟
قفلتى الحنفية ؟؟
لسه في كحة ؟؟
الدكتور اداكى موسعات شعب ومهدئات سعال ومفيش فايدة ؟؟
الكحة بتتكرر ومعاها نهجان او تزييق والدكتور سامع الصدر مقفول وبدأ علاج حساسية الصدر ؟
برضه مستمرة ؟؟
هنا قدامنا مجموعة طرق و لازم نمشي فيها لحد ما نوصل للآخر
لو كان الطفل تحت السنة
ممكن نشك فى ارتجاع للمرئ و ممكن حمض المعدة أو اللبن يدخل على الصدر و ساعتها لازم ناخد مضادات ارتجاع
طيب افرض أخدتي و لسه الكحة مستمرة ؟؟ لازم ساعتها نطمن على القلب ، علشان في عيوب خلقية مستترة و متبانش الا بالكحة فقط
طيب افرض لا ده و لا ده و كل اللي فوق ده مش موجود
لأ كده أشعة على الصدرسواء عادية أو مقطعية على الصدر ونكشف تانى ونجيب استشاريين صدر أطفال يكشفوا معانا !

دمتم بخير سالمين🌹🌹 تابعونا مع باقي حلقات
#خلاصة _ #البرد

27/11/2020

من سلسلة #حلقات 🤒🤒

😘 #خلاصة #البرد 😘

٤. أخطاء قاتلة تخلى البرد يستمر مع طفلك !
) من واقع الممارسة الطبية(
استمرارك فى مرواحه للمدرسه أو الحضانه رغم الكحة والرشح .
الخروج بيه بدرى جداً أو بالليل فى الهوا المباشر
الاستحمام والخروج في مكان بارد او هوا من غير ما نلبس الطفل .
ترك الرشح والبرد والكحة فترة طويلة بدون علاج او كشف باعتبار ان دا الطبيعي بتاع ابنك ،، لأ يا مدام دي حساسية !
التقبيل من الفم ، السماح للغير أصلاً بالتقبيل وانتى مش عارفه عنده برد ولا جاى منين وجايب معاه ايه !
ممنوع البوس من الفم أصلا
التواجد ربع ساعه في غرفة مغلقة مع أى شخص بيكحّ ، او القرب مسافة ١٥ سم من الفم !
اعطاء مضاد حيوى بدون أى تلاتين لازمة وبالذات أدوية الستريم و أشباهه اللى كل الأمهات اتفقوا مع بعض انه مطهر للحلق 😡 وعائلات الأزيثروميسين اللى برضه الأمهات أجمعوا انه مضاد "خفيف" 😁 وانتو عارفين طبعاً الأمهات لا تجتمع على ضلالة 😂
" الآراء الخزعبلية " في تخفيف وتتقيل الهدوم خصوصا مع الجو المتقلب ده !! الحسبة بسيطة ،، متخففيش الا لو في البيت او خارجة بالنهار وضامنه ترجعى بالليل ، لو هتليلّ عليكى خدى حاجة تقيلة !!
"هوس الحموم" ٣ مرات يومياً بحجة النضافة المبالغة وتعريضه للهوا بعدها وحاجات كده استغفر الله العظيم تودى ف التهاب رئوى عدل 😭

دمتم بخير سالمين🌹🌹 تابعونا مع باقي حلقات
#خلاصة _ #البرد

26/11/2020

من سلسلة #حلقات 🤒🤒

😘 #خلاصة #البرد 😘

١. جميل جداً لما الأم تكون ناصحة وفاهمة طبيعة ابنها ،، في أطفال بيجيلهم برد عادى - وفي أطفال حساسة (حساسية أنف أو صدر) ،، يعنى لما البرد بييجى بيطووووول سواء رشح أو كحة .

مهم كمان تلقطى ايه اللي بيتعب طفلك ؟
#هوا ساقع ؟؟ يبقى خروج الصبح بدرى بكوفية وغطا رأس ..
#شهر ٣-٤ ؟؟ يبقى حساسية ربيع وحبوب لقاح نبعد عن الجناين الوقت دا..
#قطط وكلاب وريش حيوانات ؟؟ نخلص منهم ..
#حشرة فراش ؟؟ لأ كل الأمهات أصلاً لازم تغلى الملايات واكياس المخدات وغطا الفرش على ٧٠ درجة اسبوعياً !

٢. الأحلى لما نبقى فاهمين أكتر طبيعة التعب ...
هل هوا على مستوى الأنف (رشح ، خنفرة،زكام ، هرش ، عطس ) وهل هوا بسيط محتاح تسليك بس بمحلول ملح أو ماء بحر ،، ولا متوسط محتاج نقط الاحتقان (محلول الملح) مع أدوية احتقان الحلق مثلاً ،، ولا شديد محتاج بخاخات أو جلسات بخار سواء كورتيزون أو موسعات شعب
ولا هوا أصلاً البرد نزل على الصدر ومحتاج ادوية كحة زى موسعات الشُّعب أو الكورتيزون أو حتى جلسات بخار بال Nebulizer ..

٣. النقطة المهمة هنا جداً ...
ان ناس كتير بتحكم ابنها محتاج مضاد من عدمه بوجود حرارة ... سخن = مضاد ..
لأ ممكن جداً يكون مش سخن ولازم ادى مضاد ،
تعالوا نشوف البروتوكولات الصح في إعطاء المضاد لأطفال "التهاب الجيوب الأنفية ":
لو الحرارة ٣٩ مع رشح أصفر (مش أخضر) ٣ ايام متتالية .
لو الطفل تعب وبعدين حصل انتكاسة حادة فى الاعراض (رشح وكحة وحرارة) شديدة حتى لو يوم واحد .
لو الاعراض (زكام ، كحة ، رشح) استمرت ١٠ ايام متتالية رغم العلاج .

الفكرة هنا ان الكلام ده محتاج "تقييف" عالطفل "وتظبيط" على الحالة !! ودكتور صبور ميبدأش بالمضاد.

دمتم بخير سالمين🌹🌹 تابعونا علي
#خلاصة _ #البرد

22/11/2020

1- الخنفرة طالما الطفل بيرضع و ينام كويس

2- الحزق مفيهوش قلق

3- الإرتجاع طالما الطفل بيزيد فالوزن

4- زيادة عدد مرات البراز بعد كل رضعة ممكن يوصل ل من 8 ل 12 مرة يوميا طالما بيزيد فى الوزن

5- الإمساك حتى ٣ ايام عادى طالما بيعمل براز لين

6- تورم الثديين سواء عند الذكور او الاناث ده نتيجة هرمونات من الام و بيتحسن لوحده و بلاش تعصير عشان ده هيعمل خراج للطفل

7- افرازات من المهبل عند الاناث سواء افرازات بيضاء او حتى نقط دم ده برضه نتيجة هرمونات الام اللى بتقل بعد الولادة عند الطفل و بتسبب كده غالبا فى الاسبوع الاول و بتقف لوحدها

8- لون برتقالى ممكن نلاقيه فى البامبرز فى الايام الاولى بعد الولادة دى املاح يورات بتنزل فى البول خاصة لو الجو حر و الطفل مبيرضعش كويس

9- الزغطة حاجة طبيعية بنشوفها فى معظم الاطفال خاصة فى اول شهر و احيانا بتتكرر كتير

10- قشرة الشعر او قبعة المهد ووقوع الشعر ده طبيعى مفيش قلق و مش محتاجين علاج

11- المغص طبيعى فى اول 4 شهور

12- الخضة فى اول 3 شهور سواء عند سماع اصوات عالية او احيانا عند لمس الطفل او ممكن لوحده و بيتحسن لما الجهاز العصبى ينضج عند من 4 شهور

13- الحول فى اول 6 شهور غالبا نتيجة ضعف فى عضلات العين بيتحسن لوحده

14- السرة مش لازم تقع فى اول اسبوع عادى طبيعى لحد 45 يوم اكتر من كده لازم فحص دم لاستبعاد امراض اضطراب المناعة LAD

15- افرازات العين و زيادة الدموع و سيلانها من الحاجات المشهورة فى الاطفال اول 6 شهور نتيجة ضيق القنوات الدمعية كل المطلوب الصبر و عمل مساج للقنوات الدمعية

22/11/2020

أسرة البيدج تهنئ دكتور. محمد عبدالفتاح بمناسبة عيدميلاده 🎂وبنتمناله الصحه والسعاده وربنايجعل مساعدته للناس ف ميزان حسناته ويارب ف نجاح دائم🎂 وعقبال سنين حلوة كتير وحضرتك بالف صحة وخير 🎉🎉

Super Baby Clinic

25/12/2020

25/12/2020

19/12/2020

14/12/2020

29/11/2020

27/11/2020

26/11/2020

22/11/2020

22/11/2020

Address

Opening Hours

Telephone

Website

Alerts

Shortcuts

Share

Category