Dr.Ibrahim El-Menshawy

Dr.Ibrahim El-Menshawy Contact information, map and directions, contact form, opening hours, services, ratings, photos, videos and announcements from Dr.Ibrahim El-Menshawy, Health & Wellness Website, Giza.

أخصائي التغذية العلاجية وتغذية الرياضيين | Clinical & Sports Nutritionist

3 ميداليات في بطولة العالم 2026 مع منتخب مصر للووشو كونغ فو 🥇🥈🥉

هنا مش بنكتب دايت ، أحنا بنكتب تاريخ

ابدأ التغيير دلوقتي حالا 🚀

11/01/2026

بتاكلي وبتجوعي بعدها بساعة؟ الحل هنا 👇
#صحه #دايت #تخسيس #جوع

22/07/2025

وجبة قبل التمرين وأهميتها ومكوناتها

البروتين إكسيرالحياههل فكرت للحظه ايه هي أهميه البروتين بالنسبه لجسمك ؟وعلشان تعرف إجابة السؤال ده فلازم تعرف الأول ان ج...
02/02/2023

البروتين إكسيرالحياه
هل فكرت للحظه ايه هي أهميه البروتين بالنسبه لجسمك ؟
وعلشان تعرف إجابة السؤال ده فلازم تعرف الأول ان جسمك بيرفض يفرط في البروتين اللي بيملكه جوه العضلات الا لما بيلاقي تهديد قوي انه يظل على قيد الحياه فبيضطر مجبرا انه يستخدمه كمصدر للطاقه ، وده مبيحصلش الا في حالات المجاعه.
اما في الحالات العاديه ف البروتين مهم جدا في عدة وظايف منها:
1- بناء العضلات
2- يدخل في تكوين الهرمونات والأجسام المضادة و الانزيمات
3- يساعد في تنظيم توازن السوائل
ولما بيحصل نقص في استهلاكك للبروتين اليومي بيكون فيه مشاكل كتيره بيقابلها جسمك
عرفت بقى مدى أهميه البروتين بالنسبه لجسمك ؟






السبع وصايا في خسارة الوزندايما أهم حاجه ف الرحله هي وجود البوصله اللي تدلك على الطريق الصح وعلشان كده البوست ده ليك لو ...
02/02/2023

السبع وصايا في خسارة الوزن
دايما أهم حاجه ف الرحله هي وجود البوصله اللي تدلك على الطريق الصح
وعلشان كده البوست ده ليك لو كنت مهتم/ه بخسارة الوزن ركز/ي معايا بقى وخد/ي الوصايا بالترتيب.
1- استهلاك كميات أكل أقل من اللي جسمك محتاجها.
2- شرب كميات مياه بكميه مناسبه لإحتياجات جسمك.
3- النوم عدد ساعات لا يقل عن 7 ساعات
4- ممارسه أي نوع من العاب الكارديو و تمارين المقاومه
5- البعد عن الأكلات السريعه و المعلبات و الحلويات
6- الحد من تناول المشروبات ذات المحتوي العالي من السعرات
7- تناول كميات مناسبه من الألياف لزيادة الإحساس بالشبع خصوصا فترة الشتاء.
لو التزمت/ي بالوصايا السبعه دول هتلاقي تغيير كبير في مقاسات هدومك وشكل جسمك ووزنك على الميزان هينزل حوالي 4 ل 6 كيلو في الشهر.
إبدأ/ي التحدي من النهارده واكتبلي في الكومنتات وزنك كام دلوقتي وهدفك تنزل لوزن كام






يا ترى أيهم قيمته الغذائيه أفضل كمصدر للبروتين ؟علشان أقدر أجاوبك ع السؤال ده لازم نعرف ايه هو البروتين وايه هي أنواعه. ...
23/01/2023

يا ترى أيهم قيمته الغذائيه أفضل كمصدر للبروتين ؟

علشان أقدر أجاوبك ع السؤال ده لازم نعرف ايه هو البروتين وايه هي أنواعه.
البروتين بيتكون من 20 حمض أميني شبه لعبة المكعبات، اللي لما بتتجمع مع بعض بعدد وترتيب معين بتكونلي البروتين.
الأحماض دي 9 منها أساسيه ودي لازم ناخدها من الأكل علشان الجسم مش بيصنعها.
و باقي الأحماض غير أساسيه يعني الجسم بيقدر يكونها داخليا.
البيض وكل المصادر الحيوانيه زي اللحوم و الفراخ و الأسماك بيكون فيها كل الأحماض الأمينيه الأساسيه اللي الجسم محتاجها بكميات كبيره وبقدرة أمتصاص واستفاده أعلى .
على عكس المصادر النباتيه زي البقوليات ومنها (العدس والفول والحمص والفاصوليا ) اللي مش بيكون فيها كل الأحماض الأساسيه وبالتالي لازم أخلطها بأي نوع من الحبوب الكامله زي (دقيق القمح الكامل و الارز و البرغل) علشان يكملو بعض نسبيا ويبقو وجبه بروتين متكامله نوعا ما زي الارز مع الفاصوليا وزي الفول مع العيش البلدي وزي الكشري الاسكندراني (رز مع عدس)
يا ترى بقى بعد المعلومات دي، عرفت أيهم قيمته الغذائيه أفضل ؟




💥الأنسولين هرمون السمنه الأوللو صدقت الجمله دي يبقي لازم تكمل البوست للأخر بداية الرحله:رحلة الجلوكوز بتبدأ لما بناكل اي...
18/10/2021

💥الأنسولين هرمون السمنه الأول
لو صدقت الجمله دي يبقي لازم تكمل البوست للأخر

بداية الرحله:
رحلة الجلوكوز بتبدأ لما بناكل اي مصدر كارب (نشا)
بتبدأ عمليه تكسير النشا بدايه من الفم (بتتحول النشا لديكسترين اللي هو جزيئات اقل)
و مرورا بالمعده ووصولا للامعاء الدقيقه اللي بيكون فيها معظم الانزيمات المسئوله عن باقي عملية التكسير (بتحول الديكسترين لمالتوز وبعدها بيتكسر لجلوكوز كصوره نهائيه)

الأوفر دوز بيزعل
⛔ معروف طبعا ان زياده تناول النشويات عن حاجه الجسم بيرفع سكر الدم (الجلوكوز) فوق الطبيعي.
- والزياده دي لو استمرت لفتره أطول من اللازم بيسبب تلف لاعضاء حيويه زي العين و الأعصاب الخ.
- فبالتالي لازم الجلوكوز ده يخرج من الدم بأي شكل علشان ينزل لمستواه الطبيعي.
ميل ع اخوك وقت الزنقه
- لما بيزيد الجلوكوز ف الدم تيجي البنكرياس توجب و تفرز انسولين يفتح للجلوكوز و يدخله جوه خلايا (العضلات الهيكليه)

حبيبتي افتحي شباكك انا جيت
ده لسان حال الجلوكوز لما بيوصل ع باب الخلايا مع الأنسولين، وبمجرد دخوله جوه الخلايا بيكون قصاد اختيار من اتنين :
١- يتحرق علشان ينتج طاقه
٢- يتخزن ع هيئه جليكوجين ف الكبد والعضلات ، أو ع هيئه خلايا دهنيه جوه الانسجه الدهنيه.
- خلينا نفترض الاول انه هيتحرق لإنتاج طاقه، في الحاله دي هيكون الجلوكوز قصاد حل من اتنين:
١- لو كان فيه وفره من الأوكسجين(شدة تمرين منخفضه إلى متوسطه ووقت طويل نسبيا زي المارثون )
- ف الحاله دي الجلوكوز بيتكسر ويدخل الميتوكوندريا يتحرق علشان يطلعلنا طاقه ع هيئة ATP⚡
٢- مفيش اوكسجين كافي (شدة تمرين عاليه ووقت متوسط، سباق 400م )
وفي الحاله دي بيتجه الجسم لتكسير الجلوكوز بصوره سريعه و إنتاج طاقه متمثله في اللاكتيك اسيد ومعاه بيتراكم ايونات الهيدروجين اللي بتسبب احساس الحرقان في العضله (ممكن نستخدم مكمل بيتا الأنين علشان نتلاشى الاحساس ده)

الزياده بتروح فين
لو الجلوكوز مش هيتحرق بسبب قله نشاط الشخص وعدم الحاجه اليه ، ايه بقى اللي هيحصل؟
- الجلوكوز وقتها هيتخزن زي ما قولنا ف الكبد ١٠٠جم والعضلات ٣٠٠جم تقريبا
(الكميه تقريبيه وبتختلف من شخص لآخر وبتتوقف ع عده عوامل)
- و لو كانت كميه الجلوكوز زياده عن القدره الاستيعابيه للكبد والعضلات ومفيش خلايا محتاجه ليه ، بيبدأ الجلوكوز يتجه للنسيج الدهني ويتخزن جوه الخلايا الدهنيه في صورة دهون بعد ما ياخد خواصها ويتحول من جلوكوز لحمض دهني.

أجدع من أحمد السقا
- الانسولين بيعمل كل ده علشان ميحصلش تراكم للجلوكوز ف الدم ويسبب مشاكل.
فبالتالي الجلوكوز بيفضل انه يتخزن ع هيئه دهون ع انه يتراكم ف الدم ويدمر الأعضاء الحيويه.

هل الدهون خطر في المطلق؟
الدهون ليها فوائد كتير طالما كانت في النطاق المقبول.
ولكن إذا زادت عن الحد الطبيعي بيبدأ تأثيرها السلبي في الظهور مثل انها:
١-بتتراكم داخل الأعضاء الداخليه زي الكبد و القلب الخ و بتعمل ضغط عليهم.
٢- بتساعد في تكوين التهابات بتسبب في أمراض الأوعية الدمويه زي تصلب الشرايين والجلطات وقد تؤدي للوفاه.
٣- بتعوق دخول الجلوكوز بواسطه الأنسولين داخل الخلايا مما يؤدي لحدوث مقاومة للأنسولين (Insulin Resistance) اللي بتعتبر السبب الرئيسي في السكري من النوع التاني وحدوث السمنه.
وبكده نكون فهمنا ان الأنسولين مش هو البعبع اللي يتخاف منه لانه واحد من أهم هرمونات البناء (Anabolic Hormones) وبيعتبر الغذاء الرئيسي ل الجهاز العصبي المركزي (CNS)
إبراهيم المنشاوي

🌟 ١٢ كيلو خلال ٨ اسابيع ده المعدل اللي محمد خسه من كتلته و كتله دهونه. مش بس كده ، ده كمان زادت كتلته العضليه و لياقته ا...
05/12/2020

🌟 ١٢ كيلو خلال ٨ اسابيع ده المعدل اللي محمد خسه من كتلته و كتله دهونه.
مش بس كده ، ده كمان زادت كتلته العضليه و لياقته البدنيه بشكل ملحوظ💪🏼🔥
🔥لو حابب تخوض التجربه زي محمد، يبقى متضيعش وقت وابعتلنا على الخاص و استفيد بخصم الفورمه الشامل لنظام غذائي و تدريبي خاص بهدفك.
⛔ ١٨٠٠ جنيه بدلا من ٣٠٠٠ جنيه لمده ٣ شهور
🔥ابعتلنا رساله دلوقتي ع رسايل الصفحه
او ابعت رساله ع رقم 0096598564460 وهيتم الرد عليك ف الحال
يالا مستني ايه 👇🏼

💪🏼
08/07/2020

💪🏼

٩٩٪ من حضراتكم بتصوموا صيام متقطع علشان متحفزوش الأنسولين ، صح ؟؟ و بتقضوها قهوه و شاي بدون سكر.⭕طيب ايه رأيكم ان (الإفر...
05/07/2020

٩٩٪ من حضراتكم بتصوموا صيام متقطع علشان متحفزوش الأنسولين ، صح ؟؟ و بتقضوها قهوه و شاي بدون سكر.

⭕طيب ايه رأيكم ان (الإفراط) في تناول الكافيين ممكن يؤدي لنشاط الغدة الكظريه و بالتالي تحفيز الكورتيزول اللي قد يؤدي لنشاط الإنسولين
فبكده فكرة صيامكم باظت.

نصيحتي هي انكم تنظموا سعراتكم ومتعذبوش نفسكم
وممكن تصوموا صيام مسلمين عادي كل اتنين وخميس.
بعيدا عن الصيام المتقطع فنسبة الكافيين الموصى بها لكل فرد (سليم) هي
من ٤ ل ٦ ملجم لكل كجم من وزنك
يعني ممكن تبدأ ب ١٠٠ ملجم لو مبتشكيش من أي مرض.
و الجرعه القصوى هي ٥٠٠ ملجم ودي مننصحش بيها الا لو كنت مدمن و الكافيين مبيأثرش معاك و تكون بالمتابعه مع طبيب تغذيه.

https://www.ncbi.nlm.nih.gov/pmc/articles/PMC6260577/

10/05/2020

🧶 طبعا كلنا عارفين ان تناول المغذيات الكبرى/الصغري (Macro\Micro nutrients)
لازم تكون محصوره بين حد أقصى و حد أدنى لضمان صحة الأفراد.

✨علشان كده عندنا مفهوم في علم التغذيه اسمه المرجع الاستهلاكي للمغذيات او
⭕Dietary Reference Intake (DRI)

و علشان يكون المرجع ده صحيح و واقعي، كان لزاما على علماء التغذية بالتعاون مع علماء الإحصاء انهم يتوصلوا لعده مفاهيم منطقيه أخرى تحت مظلة المفهوم الرئيسي (DRI) ؛ للوصول للأوزان اللي بنستخدمها في قياس كميه اي نوع من المغذيات لضمان الوجود داخل منطقه اللا خطر.

✨و المفاهيم كالتالي هي :

⭕1- EAR (Estimated Average Requirement)
- وهو المتوسط التقديري للمتطلبات الغذائيه ل ٥٠٪ من السكان.
"يعني الكميات اللي يجب ع نص السكان انهم يستهلكوها لضمان عدم تعرضهم الي المخاطر الغذائيه."
⚠️ طب وبالنسبه لل٥٠٪ الباقيين من السكان هنحددلهم متطلباتهم ازاي

- وقتها ييجي دور المفهوم الثاني وهو
⭕2- RDA (Recommended Dietary Allowence)
-و فيه بنزود ٢٠٪ علي المتطلبات الغذائيه اللي ف النقطه السابقه ، علشان نغطي احتياجات حوالي ٩٧٪ من الناس كأفراد اصحاء.

🚫طب لو معرفناش نحدد (EAR) لنقص المعلومات الكافيه للدراسه، ساعتها مش هنعرف نحدد(RDA)

- الحل وقتها اننا نقوم بدراسه ملاحظيه او تجريبيه (واتكلمت على الفرق بينهم في بوست سابق) على اكتر الأفراد الأصحاء في السكان و نلاحظ هما بيستهلكوا كميات اد ايه من المغذيات و وقتها بنحدد الكميات على هذا الأساس و بنسميه
✨المدخول الكافي او
⭕3- AI (Adequate Intake )

✨وزي ما كل شيء المفروض يكون محدد بحد أقصى زي ما هو محدد بحد أدنى
جاء دور المفهوم الاخير وهو
4-⭕TUL (Tolerable Upper Intake Level )
و ده اكتر كميه ممكن يستهلكها الأفراد الطبيعيين بدون ما يدخلوا في مخاطره صحيه

⭕الشاهد في كل الكلام ده هو معرفه السبب اللي بيخلينا نتحرك بأريحيه داخل نطاق محدد في كميات المغذيات الموجوده بالأنظمه الغذائيه المختلفه أياً كان إسمها.

🧶ملخص البوست :
- يجب مراعاة وجود حد أدنى للمغذيات EAR
وحد أقصى TUL
واحنا بنلعب في الكميات داخل المنطقة الواقعه بينهم اللي بتعتبر المنطقه الآمنه.

🚫دي بعض الصور اللي ممكن تسهل في الفهم
و في النهايه أتمنى يكون الشرح مبسط

✨المصدر: مركز أبحاث و جامعة واجنينجين بهولندا
⭕وده لينك موقع تدخل عليه بياناتك و هيطلعلك كل فيتامين و عنصر وكميته اليوميه المناسبه ليك ولحالك
https://www.consumerlab.com/m/RDAs/Iron/Adult/

#قرفه #تخسيس #سكر عاوز تخس ؟ تظبط مستوى السكر ؟ تقلل الكوليسترول ؟؟ بترضعى وعاوزه حاجه تدر اللبن؟؟ تكيس مبايض ؟؟ عاوز...
05/05/2020

#قرفه #تخسيس #سكر
عاوز تخس ؟ تظبط مستوى السكر ؟ تقلل الكوليسترول ؟؟
بترضعى وعاوزه حاجه تدر اللبن؟؟ تكيس مبايض ؟؟
عاوزه حاجه تزود المناعه ؟؟ نزلة برد ؟؟
مضادات اكسده ؟ بتقلل الاصابه بالسرطان ؟
حاجه تنعش المخ ؟ تنعش الذاكره ؟ ؟ وتقلل فرص الاصابه بالزهايمر ؟
مشروب فيه حديد وكالسيوم و بوتاسيوم وماغنسيوم ؟؟

اشربوا قرفه ⁦❤️⁩
دمتم اصحاء 🌷

⛔ ٩٠ ٪ من الناس كل شويه يطلع و معاه توصيات غذائيه غريبه و يتكلم بثقه كبيره و لما حد يتكلم معاه و يرفض كلامه يقوله انا مع...
03/05/2020

⛔ ٩٠ ٪ من الناس كل شويه يطلع و معاه توصيات غذائيه غريبه و يتكلم بثقه كبيره و لما حد يتكلم معاه و يرفض كلامه يقوله انا معايا دراسه معموله بتؤكد كلامي

✨طيب مبدأيا ايه هي انواع الدراسات في العلوم عامة و التغذيه خاصة؟

✨حضرتك فيه حاجه اسمها
⛔an experiment study or invention study
يعني دراسه تجربيه ودي اللي بيؤخذ بيها ف علم التغذيه كدليل على قوه الدراسه.

وبتكون معموله تحت إشراف علماء الإحصاء للتأكد من نجاح عينة الدراسه المأخوذه، وبتكون قائمه على شريحة معينه من الناس، لفتره معينه و بظروف محدده.

✨لكن هناك أيضا شئ يسمي
⛔observation study
اللي هي الدراسات الملاحظيه
✨مثال للدراسه الملاحظيه :
تمت ملاحظه انخفاض نسبة حوادث السيارات في دول الاتحاد الأوروبي اللي بيستهلكوا نسبه كبيره من الكحوليات

مقارنة بدول الشرق الأوسط اللي فيها نسبه مرتفعه من حوادث سيارات و نسبة استهلاك كحوليات اقل

⛔فتطلع الدراسه الملاحظيه بنتيجه وهي ان كلما زاد معدل استهلاك الكحوليات قلت نسبة الحوادث
✨وده شئ غلط جدااا لان مفيش علاقه وطيده بين الحدثين.
فياريت لما نستشهد بدراسه تبقى دراسه تجريبيه قويه.
شكرا

Address

Giza

Opening Hours

Monday 8am - 11pm
Tuesday 8am - 11pm
Wednesday 8am - 11pm
Thursday 8am - 11pm
Sunday 8am - 11pm

Telephone

+201017876257

Website

Alerts

Be the first to know and let us send you an email when Dr.Ibrahim El-Menshawy posts news and promotions. Your email address will not be used for any other purpose, and you can unsubscribe at any time.

Contact The Practice

Send a message to Dr.Ibrahim El-Menshawy:

Shortcuts

Share

Category