20/04/2026
نشرت فيديو للزميل عمر عز بيشرح للسيدات في محاضرة أنهم محتاجين مايقاطعوش الزوج و هو بيشتكي و ضربلهم مثل أنهم بيقاطعوه هو شخصيا 😭😭 و أنه زي الزوج محتاج يكمل الجملة 🤣🤣
كلنا محتاجين احتواء وقت الأزمات..خلينا نعرف نقدم الاحتواء لبعض ازاي و نفهم أكتر نفسنا و شريكنا و احتياجاته
لما زوجك يبقى عنده أزمة و محتاج يحكي و ياخد دعم
محتاج تعملي ٥ حاجات و تمتنعي عن ٥ حاجات
تعملي 👌👌👌
👌تسمعي كويس من غير مقاطعة بس باهتمام و تفاعل واضحين و بدون تمحور حول الذات
👌سيبيه يعرض حلوله هو في النهاية متبادريش بالحلول الا لو اتطلبت
👌 تطبطبي و تهدي و تتفاعلي و تدعمي و ده طبعا بجانب التلامس الجسدي بأشكاله خاصة لو واقع في ورطة كبيرة
👌تبشري بالخير و الفرج من عند رب العالمين جل و على
👌تكلميه كويس عن نفسه لأن الإنسان في الوقت ده بيبقى ثقته بنفسه منخفضة و محتاج كلام يحسسه بالقيمة و التقدير و بيفرق معاه أوي الشخص اللي يعمل كده و يحسسه بالأمان
تمتنعي عن
👌النقد و الاتهام
👌البدء بطرح حلول أو القفز فورا لمرحلة الحلول قبل الفضفضة ..هو ادرى بالحلول غالبا ..و لو معندوش فالحلول بتكون في جلسة تالية بعد التطمين في الجلسة الأولى و السماح له بعرض حلوله هو اولا ..و ده بيساعده يستعيد ثقته بنفسه كمان
👌التقليل من الأزمة و أثرها عليه
👌الاستخفاف بمشاعره أو التجاهل أو إبداء الملل السريع
👌عدم إشعاره بالأمان و اختلاق أزمات و نكد غير مبرر
ملحوظة للرجال لو بعد كل ده ..بمعنى كل ده ..يعني تم احتوائك بالشكل المذكور ده .. و حسيت انك مش شاعر بالرضا يبقى في مشكلة من ٢ اما أن عندك مشكلة ذاتية في الرضا محتاج تعالجها مع نفسك اولا .. أو إنك تكون اختارت لا شعوريا تلقي آلام أزمتك على زوجتك و توصفها بالتقصير لأن ده مريح اكتر و بيقلل استرجاعك للمشاهد المؤلمة من غير ما يمحي حقك في الألم
طيب لو المشكلة عند زوجتك تعمل ايه 🤔🤔 قدم ٦ و امتنع عن ٥
قدم ده
👌تسمع و تحتضن و تطبطب كأنها طفلة
👌تشعرها بالأمان و تراضيها باعتبارك مسئول عنها و عن كل ما يؤلمها
👌تستخدم كلمة حاسس بيكي و تبادلها المشاعر تجاه المشكلة
👌معلش كتييييير 🩷🩷
👌انتي يريحك تعملي ايه؟ ..خليها هي تقول حلها بنفسها و علق عليه لو عندك تعليق او اعرض عليها تاخد وقتها في التفكير او ادعمها و شجعها لو حلها مناسب و معقول
👌كلمها كلام إيجابي عن نفسها و رجع ثقتها بذاتها و تفكيرها
امتنع عن
👌الحلول المباشرة
👌الاستخفاف و التنمر و التقليل من حجم مشكلتها
👌اتهامها بالنكد و التهويل
👌الاستخفاف بمشاعرها أو تجاهلها أو تجاهل الأمر
👌عدم اشعارها بالأمان سواء باللمس و الطبطبة أو بالمعلشة
ملحوظة للسيدات .. ممكن بعد كل ده متتقبليش أو متشعريش بالرضا لانك عندك مشاكل نفسية شخصية محتاجة تحليها مع نفسك و مهما هو حاول مش بتحسي بالرضا واجهي نفسك بده و حلي مشاكلك
مفيش راجل هيقدم الاحتواء ده الا لو انت بتقدميله الاحتواء المطلوب فوق ده اولا☝️☝️ و بدون ردود نسوية و مقارنات و هجوم 😉😉 ده كلام علمي و دي طبيعة ..لأن الاحتواء جزء أصيل من الأنوثة بينما هو جزء مكتسب عند الرجل ..بيتعلمه من أهله أو من منك و ده الأقرب للواقع إنما مش فطري ..و ده كلام المتخصصين رجال و سيدات مش كلامي لوحدي ..جننتونا 🤣🤣🤣
