03/01/2026
أنا قلقان على كل واحد… وبقولها بصراحة
أنا قلقان على كل واحد
عارف إن السكر عالي
وبرضه مأجّل التظبيط.
قلقان على كل واحد
التراكمي عنده طالع
ومستني ينزل لوحده.
قلقان على اللي
خايف من الأنسولين
ومش فاهم إنه علاج
مش عقاب.
قلقان على اللي
يزعل فيعلي السكر
ومش بيحاول يظبط أكله
ولا نومه
ولا حركته.
قلقان على اللي
فاكر إن الدوا لوحده يكفي
وناسي إن المشي والأكل
جزء من العلاج.
بس خلّيني أقولها كمان:
أنا مطمّن.
علشان اللي عارف المشكلة
لسه قدامه فرصة كبيرة.
ابدأ بحاجة واحدة بس:
مشّي يومي
قياس مظبوط
التزام بالعلاج.
السكر بيتظبط
لو إنت قررت.
دمتم بصحة وعافية
أستاذ سكر 🌿
