15/07/2025
يعنى ايه الكلام ده ؟!
لأن المواطن العادى هايفهم كلام الصحافه بشكل تانى لأنه عادة بيكون مش صريح أو واضح بشكل كافي.
اللى حصل إن الهيئه ومن قبلها وزارة الصحه ومن بعدهم الشركات تقاعصوا عن دورهم فى سحب الادويه الاكسبيرد من الصيدليات لمده تزيد عن ١٢ سنه.
وفى خطوات لتسجيل هيئه الدواء المصريه عالميا من أجل السماح للشركات المصريه بتصدير منتجاتها للخارج ، وجب عده اشتراطات منها خلو السوق من أى دواء منتهي ... فقامت الهيئه بهذا القرار بجمع كل الأدويه الاكسبيرد بدون قيد ولا شرط ... مع العام انه لم يتم تعويض الصيدليات حتى الآن وغير متوقع ان يتم التعويض .
طيب السؤال لماذا الصيدليه تحتفظ بالأدوية منتهيه الصلاحيه؟!
وما الضرر الواقع على المواطن ؟!
•لأن ممنوع أن يتم التخلص منها إلا بمحاضر إتلاف وبطرق معينه . يعنى الصيدليه لو اتلفت أو تخلصت من الدواء من نفسها خطأ و مشكله.
اما المواطن فهو خارج هذه الدائره ، لأن الصيدليه تمتنع عن عرض او بيع أى دواء منتهي وكما ذكرنا آنفاُ أنها كراتين (توالف معدومه) مخزنه اعلى الدواليب ولا تستعمل بأي شكل بالعكس ، تمثل عبء على تنسيق المكان . لو كانت الصيدليه هاتبيع الدواء ده للمواطن ماكانتش سابته مرمي ١٢ سنه ، ولا ايه ؟!
اللى حصل إن الهيئه يا دوب سمحت لنا نتخلص من ال ١٠ كراتين اللى مرميه فى كل صيدليه من ١٢ سنه شرايط وعلب ، شركات قطاع عام واستثماري ومستورد لكن بدون مقابل (حتى الآن) يعنى حتى الآن العمل ده تطوعي من الصيادله وقد تكلفوا عناء كبير جدا لتسجيل آلاف الأصناف عده مرات على المنصه ثم اعاده تسجيلها على منصات مختلفه لمده تجاوزت ال ٤ شهور ا، ثم اعاده تسجيل وتوجيه لأن لازالت الأصناف غير مسجله على سيستم الشركات انها قابله للارتجاع .وعليها فالصنف الواحد يتم محاوله اعاده تسجيله عشرات المرات على منصات مختلفه .
🔺️ يعنى الارقام دى مش ادويه (معده للبيع) ... دى ادويه توالف وتم تجنيبها فى اماكن مخصصه للتخزين طويل الامد وغير معده للبيع ، وفى والشركات بتسحبها وتتلفها بموجب محاضر رسميه ويتم تعويض ما اتلفته الشركه فى سعر المنتج الجديد ... لكن الصيدليه ليست طرف مطلقا فى هذه القضيه ... وغير مستفيده ؛ ولا حتى المواطن نفسه طرف أو مستفيد .. دى ناحيه تنظيميه تخلصنا فيها من مخلفات وغالبا بدون مقابل .
وطبعا كل الادويه دى كانت وقتها غاليه ، لكن مع التضخم وزياده الأسعار فكل ال ١٠ كراتين اللى خرجوا من كل صيدليه لو تم تعويضها عن السعر ، مش هايجيب ٥ علب دواء بالسعر الجديد وده من ضمن الظلم الواقع على اقتصاديات الصيدليات إن لو كانت الادارات سحبت الادويه من وقتها كان كل صيدلى قدر يجيب مكانها علبه غيرها ومايتأثرش اقتصاديا.
اما الشركات فهي لا تتأثر اصلا بتجميع التوالف لأنه داخل فى التسعيره كما انه يخصم من الوعاء الضريبي للشركه .
https://www.facebook.com/share/p/16SYfXbT5h/?mibextid=oFDknk
