Dr. David George Psychiatry Clinic عيادة د.ديفيد جورج للطب النفسي-واحة حياة

09/10/2024

تعلن العيادة عن فخرها بالتقدم المستمر لأفراد الفريق العلاجي..
ونهنئ أ. كرستينا رسل بمناقشة رسالة الماجستير الخاصة بها يوم السبت القادم، متمنين لها كل النجاح والتوفيق
ألف مبروك

16/08/2024

عايزين تعرفوا أكثر عن القلق الاجتماعي..؟
تدعوكم أ. هبة شعراوي، إحدى أعضاء الفريق العلاجي المتميزين بالعيادة، لحضور ندوة مجانية اليوم الساعة ٧م بساقية الصاوي، قاعة الكلمة..
تعال وقول لغيرك، خلي الكل يستفيد

07/10/2023

بمناسبة هنحط البوست ده هنا من النهاردة لحد يوم ١٠ اكتوبر، نستقبل فيه كل أسئلتكم عن الصحة النفسية والأمراض النفسية والعلاج النفسي، وأي أسئلة متعلقة بالمجال..
وهنحاول نرد على أسئلتكم في بوستات او فيديوهات لاحقة..
هدفنا نستغل فرصة اليوم ده عشان نساعد في ومساعدة اللي محتاج مساعدة ومش عارف الطريق..
شاركونا بأسئلتكم واستفساراتكم، ولما أسئلتكم تتجاوب هتستفيدوا، وغيركم كمان هيستفيد

عيادة فيصل 01112387123
عيادة التجمع 16850
وتقدر تملا بياناتك في الفورم ده وهنكلمك

https://forms.gle/kecTZLLXwJk19H5Y9

20/09/2023

يعتذر د. ديفيد جورج عن التواجد بالعيادة اليوم لظروف صحية. عذرا سيتم الغاء كافة المواعيد الخاصة ب د. ديفيد اليوم

19/09/2023

من أكتر الجمل اللي بسمعها من عميل اول مرة ييجي العيادة، انه يقولي: انا متلخبط.. جوايا تناقضات كتير.. كأني جوايا شخصين مش عارفين يتفقوا..!!
هل فعلا وجود تناقض جوانا حاجة مرضية ومحتاجة تتعالج؟؟
مانقدرش ننكر ان ادراك وجود تناقضات جوانا كتير بيكون مش مريح، بل وأحيانا مزعج.. بس الحقيقة ان المزعج هنا مش "وجود" التناقض في حد ذاته، انما في "الفكرة" اللي احنا مكتسبينها اللي بتقول: "بما ان عندي تناقضات، اذن انا انسان سيء/ فاشل / متذبذب/ مزيف....." وأحكام تانية كتير بنصدرها على نفسنا لما نكتشف وجود حاجتين متناقضتين جوانا..
بس الحقيقة مش كدة.. العكس هو الصحيح.. مفيش انسان عنده سمة كاملة من حاجة معينة، انما هو دايما بيتحرك على "طيف spectrum" مابين طرفي النقيض للسمة دي.. على سبيل المثال: مفيش شخص ناجح بنسبة ١٠٠%، انما هو بيتحرك على مقياس النجاح بين الصفر وال ١٠٠، فهو لو عنده ٨٠% نجاح، بالضرورة يبقى عنده ٢٠% فشل.. مش كدة ولا إيه..! 😊
ده مثال بسيط يوضح ان عدم قبولنا للتناقضات اللي جوانا ساعات بيكون هو المشكلة اصلا، اننا طالبين من نفسنا نكون مُطلَقين في كل حاجة.. ونشعر بالخزي الشديد لو اكتشفنا في نفسنا جزء من سمة مش بنحبها.. بس طبيعي الكريم يكون عنده شوية حرص، والمسالم عنده شوية شك، والواثق بنفسه عنده شوية قلق..
طيب لو انا مش مرتاح مع تناقضاتي، ايه الحل؟
الحل موجود، هيحتاج منك شوية مجهود بس هيفرق معاك جدا.. حقك تكون مش مرتاح من وجود التناقضات دي، ووظيفة المعالج النفسي انه يساعدك تقبل وجودها كخطوة أولى، بعدين يساعدك انك تتحرك على كل طيف من أطياف السمات المختلفة لحد ما توصل لنقطة التوازن المناسبة ليك، وتقبل بوجودك فيها، وتعرف كمان انها مش ثابتة، لكن تقدر تغير مكانك في اي وقت لما الوضع يستلزم ده..

لو محتاج مساعدة، احنا موجودين عشان نساعدك، بفريق كامل من الأطباء والمعالجين في خدمتك
عيادة فيصل: 01112387123
عيادة التجمع: 16850
او املا بياناتك وهنكلمك

https://forms.gle/1wwc9wwpbaA8qhtd9



#تناقضات

13/09/2023

ايه اللي هستفاده من جلسات العلاج النفسي؟ هل العلاج النفسي قاصر بس على مرضى الاكتئاب والقلق والوسواس القهري؟؟
الحقيقة لأ.. العلاج النفسي عملية نمو ممكن اي حد فينا يحتاج لها حتى لو ماعندوش "اضطراب نفسي" بالمعنى المفهوم اللي هو تشخيص طبي من تشخيصات الأمراض النفسية المختلفة الموجودة في دليل DSM 5 او ICD 11 (ايه دول اصلا يا دكتور؟؟ هنتكلم عليهم بعدين ماتقلقش 😊)

في حاجات كتير ممكن تستفيد منها من جلسات العلاج النفسي، هنذكر منها على سبيل المثال وليس الحصر:
* اكتساب القدرة على وضع وحماية حدودك
* اكتساب القدرة انك تكون حاسم في قراراتك
* تحسين جودة وعمق علاقاتك
* التعامل مع مشاعر القلق
* التعامل مع الضغوط المختلفة
* التعامل مع صدمات الماضي
* زيادة الثقة بالنفس
* استعادة التوازن العاطفي بعد التعرض لصدمات عاطفية

محتاج مساعدة؟
تقدر تتواصل معانا
عيادة فيصل: 01112387123
عيادة التجمع: 16850
او املا بياناتك وهنكلمك

https://forms.gle/UYVcNM1ZEAQ4c2VAA




#مشورة

08/09/2023

كتير بنسمع عن إساءات الوالدين للأبناء، وأغلب اعتقادنا ان الإساءة للأطفال بتبقى جسمانية، او لفظية.. لكن في أنواع كتير من الإساءة للأطفال بتبقى مش واضحة رغم ان تأثيرها على الأطفال بيكون كبير ومؤلم جدا..
أهم جزء عايزين نناقشه النهاردة هو نوع الإساءة للأطفال ان الأطفال يشيلوا مسئولية مش بتاعتهم..
هو ينفع الأطفال يشيلوا مسؤوليات مش بتاعتهم؟؟ اه طبعا، وهي دي الإساءة أساسا.. لأن الطفل مابيكونش فاهم انه مش أد المسئولية دي، بالتالي بيحس انه مقصر وياخد فكرة سلبية جدا عن نفسه رغم انه ملوش ذنب..
طيب، ايه أشكال أو أمثلة عن تحميل الأطفال مسئولية مش بتاعتهم؟
* لما الطفل يتحمل مسئولية حماية اخواته، يعني يتقاله في كل مرة يخرجوا فيها او يكون مع اخواته (أخوك/اختك مسئوليتك)
* ان الوالدين هم اللي يعتمدوا على أطفالهم في تقديم الدعم العاطفي ليهم، لأن المفروض هو العكس.. كمثال: لما الأم تبقى بتفضفض لبنتها الصغيرة عن مشاكلها الزوجية او المالية.. او ان الأب يطلب من ولاده انهم يتحملوا عصبيته مثلا عشان راجع من الشغل تعبان..
* لما يكون البيت غير مستقر ماديا، ويتطلب من الطفل انه يقوم هو بمهمة دعم البيت ماديا.
* لما يضطر الطفل انه هو اللي يحط قواعد للبيت، لأن الوالدين ماعندهمش الوعي او الحزم الكافي لوضع قوانين للبيت
* لما يقف الأطفال كحاجز في خناقات الوالدين، ويبقوا مسئولين عن تسوية خلافات الوالدين
* لما يكون في اعتداء بيحصل على الطفل او تنمر، والوالدين يقولوله انه مسئول يحمي نفسه من إساءات الآخرين ليه او اعتداءهم عليه
* لما الوالدين مايعلموش الطفل ازاي يواجه العالم، ومايدولوش الأدوات السلوكية والمعرفية الكافية انه يتصرف ازاي لما يكبر، فيضطر يعلم نفسه بنفسه

الإساءات دي كلها بتؤثر بشدة سلبا على نفسية الطفل وتكوين شخصيته، وممكن يصاب بالاكتئاب، او القلق، او اضطرابات الشخصية المختلفة، كمان ممكن تتأثر رؤيته لنفسه وثقته في قدراته..

طيب الإساءات دي ليها حل ولا خلاص كدة؟؟ ليها حل طبعا.. هنا بييجي دور الطب النفسي اللي بيقدر من خلال تقنيات علاجية مختلفة انه يساعد الأشخاص اللي تعرضوا للإساءات دي انهم يرجعوا يعيشوا حياتهم تاني بشكل مريح ومشبع..

لو محتاج مساعدة، تقدر تشرفنا بالاتصال واحنا هنساعدك
عيادة فيصل: 01112387123
عيادة التجمع: 16850 (عيادات داوي)
او تقدر تسيب بياناتك هنا وهنتواصل معاك
https://forms.gle/UYVcNM1ZEAQ4c2VAA

عيادة د.ديفيد جورج للطب النفسي والادمان والاستشارات النفسية والأسرية

31/08/2023

كتير بنسمع عن إيذاء الذات self harm وأول صورة بتيجي في بالنا ان حد بيؤذي نفسه جسديا.. يعني يسبب لنفسه ضرر جسدي زي جروح وحروق وحاجات تانية..
لكن الحقيقة ان إيذاء الذات المعنوي له وجود وتأثير أكبر بكتير من الأذى الجسدي..

هو ينفع حد يؤذي نفسه معنويا..؟؟ اه طبعا ممكن، وبسلوكيات تبدو بسيطة، وأحيانا كمان تبدو سلوكيات فيها شهامة ونبل..!!
زي ايه؟
* لما ترفض او ماتقبلش الشكر من حد، على حاجة تستحقها
* لما ماتطلبش مساعدة وانت محتاج لها
* لما تبعد الناس اللي عايزين يقربوا منك
* لما تفتح قلبك بسرعة جدا لناس لسة ماختبرتش صدق نواياهم
* لما ترفض تعمل حاجة معينة لو ماكنتش هتعملها بشكل مثالي
* لما تلاقي نفسك بتؤجل حاجات مهمة في حياتك (التسويف)
* لما تحط احتياجات الآخرين دايما كأولوية قبل احتياجاتك
* لما تنتقد نفسك بشكل مستمر
* لما تبعد وتعزل نفسك لما تحس بالألم، فماحدش يعرف يساعدك..

لو لاحظت انك بتعمل كذا حاجة من الحاجات دي، فأنت غالبا واقع في إيذاء الذات، ومحتاج مساعدة..
واحنا موجودين عشان نساعدك

عيادة فيصل: 01112387123
عيادة التجمع: 16850 (عيادات داوي)

28/07/2023

يسعد د. ديفيد جورج ان يعلن انضمامه لفريق عيادات "داوي" ابتداء من الثلاثاء القادم ١ أغسطس ٢٠٢٣
سيتواجد د. ديفيد بعيادة "داوي" بالتجمع الأول في المواعيد التالية:
الأحد من ٧م إلى ١٠م
الثلاثاء من ١١ص إلى ٢ظ
الخميس من ٣ظ إلى ٦م

الحجز عن طريق الاتصال بخدمة عملاء داوي على رقم 16850

Dawi Clinics - عيادات داوي

#التجمع



https://maps.app.goo.gl/J2EEneEqNvV6qMn38

ملحوظة: د. ديفيد مستمر في التواجد بعيادته بفيصل بالجيزة في المواعيد الآتية:
الأحد من ٩ص الى ٦م
الاثنين من ٩ص الى ١١م
الثلاثاء من ٣ظ إلى ١١م
الأربعاء من ٩ص الى ١١م
الخميس من ٩ص الى ٢ظ

عيادة د.ديفيد جورج للطب النفسي والادمان والاستشارات النفسية والأسرية

22/07/2023

تفخر العيادة بأن أ. كرستينا رسل (الأخصائية النفسية بالعيادة) قد أتمت الجزء الأول من تدريب العلاج الزواجي بنموذج جوتمان.
متمنين لها دوام التوفيق والتقدم

حاجة كده على الماشي ❤️💪🏻 نموذج جوتمان
المبادئ السبعة الأساسية لعلاقة زوجية ناجحة