16/08/2025
📌 بيقولوا عليك دماغك صغيرة أو بتكبر المواضيع ؟!
انت ممكن يكون عندك نقص في النضج العاطفي 💔
و النضج العاطفي ده مش معناه إنك ما تتضايقش أو ما تغلطش، لكن معناه إنك تبقى فاهم مشاعرك كويس، وتقدر تديرها من غير ما تسيبها تتحكم فيك، وتختار رد الفعل المناسب في الوقت المناسب، وكمان تفهم إحساس اللي قدامك وتتعامل معاه بعقل وهدوء حتى وانت متضايق. 🥰
🔍 نقص النضج العاطفي بيحصل غالبًا بسبب عوامل قديمة في حياتنا زي:
التربية اللي ما بتديش مساحة للتعبير عن المشاعر، أو اللي بتربط المشاعر بالعيب والضعف.
الصدمات أو التجارب القاسية اللي تخليك يا تهرب من الإحساس يا تنفجر في أي موقف.
غياب القدوة اللي توريلك إزاي تتعامل مع مشاعرك بطريقة صح.
الاعتماد الزايد على الناس في الإحساس بالأمان أو اتخاذ القرارات.
ضعف الوعي الذاتي، إنك ما توقفش مع نفسك وتفهم أنت حاسس بإيه وليه.
📚 وده مش كلام وخلاص أو مجرد وجه نظر ، فيه دراسات علمية عن الذكاء العاطفي بتأكد إن البيئة الأسرية والتعليمية ليها دور أساسي في مستوى النضج العاطفي، وإن غياب مهارات فهم وإدارة المشاعر بيخلي الشخص أكتر عرضة للتقلبات المزاجية والمشاكل في العلاقات ، وغير كمان مشكلات نفسية زي الإكتئاب أو اضطرابات في الشخصية 🤷🏻♀️
💡وعلامات نقص النضج العاطفي الأساسية :
( التقلبات المزاجية، الاندماج في دور الضحية وإلقاء اللوم على الآخرين، الرفض المستمر للاعتراف بالغلط ، التصرف باندفاع دون تفكير)
و اخيرا... النضج العاطفي مش موهبة، دي مهارة بتتعلمها وتطورها مع الوقت. وخطوة صغيرة النهاردة ممكن تغيّر حياتك بكرة وتحسن علاقاتك بشريك حياتك والناس .
📞 لو حاسس إنك محتاج تبدأ الرحلة دي، أنا هنا هساعدك ... احجز جلستك النفسية دلوقتي وخلي أول خطوة هي الأهم.
للحجز والاستفسار :
01558337545
____________
نانسي هشام
أخصائية الإرشاد النفسي.
