Consolto Dento-Facial Clinics

27/03/2026

التخطيط الجراحي لازاله كيس بالفك السفلي
وتصميم شريحة مخصصه للمريض لدعم الفك

05/12/2025

سن واحد ممكن يغيّر ابتسامتك… وزراعة الأسنان هي أسرع طريق للثقة ابتسامة_صحية DentalImplants Dentist OralSurgery

24/10/2019

عمرك سألت نفسك ليه اغلبنا مابنحبش عيادات الاسنان 😱
احنا سألنا نفسنا السؤال ده كتير ووصلنا فى الاخر ان عيادات الاسنان بتفكرنا كلنا بالالم
الم سنانك اللى بيخليك تضطر تروح العياده والالم وانت بتكشف والالم وانت بتخلع او بتحشى سنانك
وده خلانا نقرر ننسيك الالم اللى حسيته قبل كده ونقولك ان اسنانك معانا فى الأمان
بنوعدك بمعامله خاصه ودرجه عاليه جدا من النظافه والتعقيم وده هيخليك ماتقلقش خالص على نفسك
بنوعدك باستخدام اعلى تكنولوجيا فى الحشو وخصوصا العصب وفى الشغل عموما وده هيخليك ماتشعرش بأى الم اثناء تواجدك معانا
استخدامنا للتكنولوجيا ساعدنا اننا نكمل حشو العصب فى جلسه واحده وده هيوفر عليك المشاوير رايح جاى
وكمان هيوفر عليك وجع كل جلسه - هتروح مره واحده تخلص فيها الكلام
ضيف لمعلوماتك اننا متخصصين فى زراعه الاسنان والتركيبات بكل انواعها بطريقه هتنسيك كل الوجع اللى فات
مستنى ايه تواصل معانا دلوقتى واحجز او استفسر عن كل اللى انت محتاجه وبنوعدك هتنسى الالم وهتعرف يعنى ايه

29/09/2017

فائدة وطريقة وضع الدعامه فالضروس بعد حشو العصب

24/03/2017

زراعة الأسنان بدون جراحة...

قبل ما نتكلم عن زراعة الأسنان بدون جراحه هنشرح بشكل بسيط زراعة الأسنان..

زراعة الأسنان هي افضل وسيلة لتعويض الأسنان والضروس المخلوعه

بتم عن طريق وضع مسمار مصنوع من مادة التايتانيم في عظام الفك

طبعا المسمار بيكون ليه طول وقطر معين بيتم اختياره على حسب جودة وسماكة العظم والطول بيكون على حسب المسافه المتاحه للزرعة والاعضاء الحيويه مثل الأعصاب والجيوب الهوائيه

بعد تحديد الزرعه بيتم فتح اللثه حتى يظهر العظم للتأكد من مكان وضع الزرعه وسماكة العظم

وبيتم ترك الزرعه قبل تركيب الطربوش عليها لمدة تتراوح مابين 3 الى 5 شهور بيتم فيهم التحام الزرعة بعظام الفك

هنتكلم دلوقتي عن الزراعه بدون جراحة

بيتم فيها عمل اشعه مقطعية مخروطيه للمريض ودي اشعه ثلاثية الأبعاد بقدر من خلالها احدد مقاسات الزرعات من طول وقطم وكمان بعمل محاكاه على الاشعه على الكمبيوتر لأماكن الزرعات بدقة عالية

بعد ما بتم المحاكاه على الكمبيوتر بيتم عمل طباعه للمحاكاه اللي تم عملها دي وبيكون الناتج قالب جراحي

القالب الجراحي بيتم وضعه في فم المريض اثناء الزراعه وده بيحددلي بدقة الأماكن اللي هيتم الزراعه فيها وبيحدد اتجاهات الزرعات والقطر والطول لكل زرعه

وبكده بتم الزراعه بدون جراحة

ولفهم الموضوع بشكل افضل ممكن تشوفوا الفيديو التوضيحي

https://youtu.be/q2qmtJ8wX7U

------------------------------------------------------------------------

د/ محمد السيد
زمالة جراحة الفم والوجه والفكين
عضو جمعية الاسكندرية لزراعة الأسنان

282 شارع فيصل الرئيسي محطة المطبعه فوق مطعم عروس البحر

للحجز : 01151030220
01018490928

أو عن طريق فيزيتا :
https://www.vezeeta.com/ar/dr/%D8%AF%D9%83%D8%AA%D9%88%D8%B1-%D9%85%D8%AD%D9%85%D8%AF-%D8%A7%D9%84%D8%B3%D9%8A%D8%AF-%D8%A7%D9%84%D8%A7%D8%B3%D9%86%D8%A7%D9%86

15/08/2016

14/08/2016

تبيض الأسنان بالليزر والفرق بينها وبين تلميع الاسنان وتنظيف الجير

هنتكلم الاول عن تنضيف الجير وتلميع الاسنان

تنضيف الجير بيكون بازالة الجير المتكون على اللثه واللي بيكون شبه الجير فتكوينه ودا بيأدي لالتهاب اللثه وبالتالي لونها بيكون احمرغامق مع العلم ان اللون الطبيعي للثه اللون الاحمر الفاتح او الزهري وطبعا اللثة بتكون معرضه لنزول الدم مع ابسط المؤثرات عليها ودا بيحصل مع الاكل وتنظيف الاسنان بالفرشه بالاضافة الى رائحة الفم الغير مستحبه وطبعا تنضيف الجير من الضروري عمله كل فتره من 3 الى 6 شهور.

اما تلميع الاسنان فا بيكون الهدف منه ازاله الصبغات من على السطح الخارجي للأسنان وبالتالي لون الاسنان بيرجع لطبيعته الاولى

تبيض الاسنان بالليزر بيكون الهدف منه تبيض الاسنان عن درجة بياضها الطبيعيه

ودا بيتم عن طريق مادة مخصصه للتبيض بتوضع على الاسنان وبيتم تسليط الجهاز الضوئي عليها لمدة تتراوح من 15 الى 20 دقيقه وبيتم عمل الموضوع ده 3 مرات متتاليه في نفس الجلسه ودا طبعا للحصول على افتح درجة تبيض للأسنان

أسيبكم مع الصور لحالة تم عمل تلميع للأسنان الاول ثم تبيض بالليزر

د/ محمد السيد
زمالة جراحة الفم والوجة والفكين

10/08/2016

حالة اليوم بتشتكي من شكل اسنانها الاماميه ومدى تاثيرها على ثقتها فنفسها وعلى عدم قدرتها على الابتسامه.

كانت عملت فيما سبق علاج جزور للأسنان الاماميه بالاضافه الى حشوات بيضاء ولكن كانت الحشوات بلون مخالف للون الاسنان وكانت بتشتكي من وقوع الحشوات اكثر من مره

بالاضافه الى ان الاسنان العلويه كانت اكثر بروزا من الاسنان السفليه

كان هناك اكثر من حل لعلاج الحاله وتم اتخاذ القرار النهائي لعمل طرابيش اي ماكس ل الست الاسنان الاماميه لتنسيق شكل الاسنان مع بعضها وتقليل البروز وايضا لأن الاسنان تم عمل علاج جزور ليها فيما سبق

والحمد لله النتيجه النهائيه كانت مرضيه جدا للحاله وتم تحويل ابتسامتها لأبتسامة هوليوود مع شكل متناسق للأسنان ولون ناصع البياض وعلاج بروز الاسنان الاماميه

أسيبكم مع الصور
د/ محمد السيد
زمالة جراحة الفم والجه والفكين

07/01/2016

فيديو توضيحي لتطور تسوس الاسنان والاماكن المعرضة للتسوس وطريقة الحفاظ على الاسنان سليمه باستخدام فرشاة الاسنان والخيط الطبي.

This animation illustrates pit & fissure and interproximal tooth decay, and how to avoid getting them. It uses special visual effects, including transparent ...