عيادة السموم و المخدرات ، دكتور احمد صلاح جودة

16/01/2025

تنبيه هام !! 🛑🚨🛑🚨🛑🚨
عشان ناس كتير اتظلمت أوممكن تتظلم بسبب تحاليل المخدرات
فيه أدوية كتير ممكن تسبب نتيجة إيجابية للمخدرات وتتسبب في فصل الموظف
بس من اشهرها دلوقت
١- دواء التليفاست (Telfast) لعلاج الحساسية بيخلى التحليل إيجابي لمخدر الترامادول
٢- دواء المعدة (controloc) ممكن يخلى التحليل إيجابي لمخدر الحشيش
٣- أدوية البرد وبعض قطرات الحساسية اللي فيها (pseudoephedrine) بتخلي التحليل ايجابي لمخدر الأمفيتامين
٤- دواء ليبراكس للقولون بيخلي التحليل ايجابي لمخدر البنزوديازيبين
وكتير غيرهم من الأدوية
فلازم نحاول نبطل أي دواء قبل التحليل ب ٣ ايام على الاقل الا اذا الحالة الطبية منعت ذلك
ونبلغ المعمل قبل التحليل بكل الأدوية قبل التحليل

19/04/2023

ناكل فسيخ ولا لأ
الفسيخ بيموت ازاي
#الفسيخ

#عيدالفطر

17/04/2023

وفاة ٥ عمال صرف صحي في بيارة حلوان
سبب الوفاة وايه هو غاز الهيدروجين سلفايد
لازم نواجه الحقيقة عشان متتكرش

11/12/2022

الشتا بدأ وحالات وفيات كتير من سخان الغاز...الحاجة الاهم اللي ممكن تنقذ حياة الناس .....اللي بيموت من سخان الغاز ما بيموتش مخنوق !!!!!!

24/10/2022

لو عضك كلب أو قطة......تاخد مصل السعار ولا لأ؟

05/02/2022

التدخين و المفاهيم الخاطئة
"التدخين ده تعود"
"انا بدخن بس عشان انفخ همومي"
"انا لما أعوذ ابطل ببطل و بطلت كذا مرة"
"التبطيل سهل بس انا مش جاهز ولا رايق دلوقت"
يمكن المفاهيم دي السبب في فشل تبطيل التدخين لأغلبية المدخنين
المعلومة الصحيحة ان التدخين ده نوع من الأدمان علي مادة و هي النيكوتين
"احتياجنا للسيجارة هو احتياجنا للنيكوتين"
بدليل ان السجاير الالكترونية بتكون نفس التأثير بالظبط
النيكوتين مادة ليها تأثير سريع و قوي علي الأعصاب و خصوصا الطرفية
و بيحصل منه تعود عادي (في الأول ممكن سيجارتين يكفوا الواحد بيحصل تعود في الاعصاب لحد ما نوصل لأكتر من علبة)
وطبعا ممكن تبطيلها بدون اي مساعدة زي برضه اي نوع ادمان ولكن هيحتاج معاناة و مجاهدة نفس و عصبية فترة مش قليلة
بس ممكن برضه نبطلها بكل سهولة من غير اي معاناة او عصبية لو استخدمنا مساعدة
قليل جدا الناس اللي بتفكر تبطل التدخين باستخدام مساعدة سواء دوا او غيره
كتير مستسهلين موضوع التبطيل يمكن عشان عرفوا يبطلوا اسبوع ولا اتنين و انتكسوا فافتكروا ان الموضوع سهل
"طالما لسه ما بطلتش انت فشلت" حتي ولو امتنعت شوية فعقلك في الفترة دي ما بطلش
مع ان تجربة التبطيل بمساعدة دوا تجربة سهلة جدا لو اتعملت صح
اغلب الناس ما بتفكرش تستشير
و ناس كتير بتقرا شوية عن دوا في النت تبتديه لوحدها و بتنجح او تفشل
ولو ان كل دوا يناسب شخص غير التاني و بروتوكول معين
فممكن دوا يناسب شخص و التاني لأ
المهم هو اختيار الدوا المناسب و المشورة الصح لبدء التبطيل
وقرار التبطيل طبعا هو الاهم
لو انت معتقد ان التبطيل صعب يبقي ما جربتش الدوا الصح المناسب ليك
العالم كله و في كل البلاد بتوفر كل الادوية المساعدة للمدخنين للتبطيل
والدليل ان الادوية دي ناجحة جدا ان دلوقتي ان نسب المدخنين في البلاد اللي وفرت الادوية دي مجانا نزلت لدرجة تكاد تعدى ال ٩٠٪
البوست الجاي هاشرح كل ادوية علاج التدخين و كل دوا مناسب لمين و غير مناسب لمين
الموضوع كله سهل بس هو مشكلته قرار البداية
طيب لو انا ضمنتلك ان الموضوع سهل جدا لو بدأت بالدوا الصح بالطريقة الصح. هل عندك النية؟

31/12/2021

السبب الحقيقي اللي يخلي سخان الغاز مميت

شرح سبب وفاة ناس نتيجة الأختناق بغاز ثاني أكسيد الكريونوازاي نأمن نفسنا

18/01/2020

فتحة التهوية هي الحل
المفهوم الخاطىء:
الوفاة أثناء الأستحمام نتيجة الاختناق من البخار
الوفاة أثناء الأستحمام تكون في الغالبية العظمي نتيجة استنشاق غاز أول اكسيد الكربون حيث يندر الوفاة نتيجة البخار إلا في بعض الحالات المرضية حيث أن الشخص الصحيح يمكنه أن يحس بنقص الأكسجين و الأختناق و النهجان و يمكن أن يخرج بسهولة وقتها من الحمام أما وجود غاز أول أكسيد الكربون فتكون الوفاة سريعة ولا يحس الشخص بالأختناق الا متأخراً ووقتها يكون لا يستطيع الحركة.
أسباب وجود غاز أول أكسيد الكربون بالحمامات هو وجود سخان غاز مع عدم وجود عوامل الأمان الضرورية
فوجود سخان غاز يجب أن يكون له مدخنة و أن يوجد كمية أكسجين كبيرة متجددة بالحمام تساعد علي الأشتعال
فللأسف لاحظنا أن أكثر أسباب الوفاة هي كالأتي:
سخان قديم (انسداد مدخنته مع توالي الفصول و مع وجود قش للطيور داخل المدخنة).
سخان جديد (مع عدم وجود مدخنة كالمتزوجين حديثاً مع تركيب السخان علي الأنبوبة دون مدخنة أو للأسف نتيجة التعليمات الجاهلة لبعض الشركات أن السخان الصغير لا يحتاج لمدخنة) مع العلم أن أي اشتعال يجب وجود له مدخنة.
لا يوجد فتحات تهوية (للأسف يقوم الكثيرين بتوجيه من السباكين الجهلة بسد أو عدم فتح تلك الفتحة الدائرية الصغيرة بالحمام) وحيث أنه أي شخص عاقل يقوم بالأستحمام عاريا في فصل الشتاء بالماء الدافىء سيقوم بغلق النوافذ تقوم هذه الفتحة بتوفير الأكسجين الكافي للأحتراق لعدم تكوين هذا الغاز السام.
لذا يجب التنويه عن تعليمات الوقاية اللازمة عند وجود سخان غاز بحمام المنزل:
عدم تركيب سخانات الغاز لغير المختصين
يجب وجود مدخنة مصممة بحيث لا يستخدمها الطيور كعش في فصل الصيف
صيانة تلك المدخنة كل عام.
وجود فتحة التهوية (وليس شفاط) الموضحة بالصور في جميع الحمامات التي بها سخان الغاز.
وجود جهاز كاشف لغاز أول أكسيد الكربون (و هو جهاز رخيص يباع بسهولة و تحذر بعض الدول المتقدمة تركيب أي جهاز بالمنزل يعمل بالأشتعال إلا بوجوده).... فوجود هذا الجهاز سوف يحمي الكثير سنويا من الوفاة بهذه الطريقة و يمكن إصدار التعليمات بعد بيع السخانات الا معها هذه الأجهزة.

21/04/2018

https://www.youtube.com/watch?v=43kj_V7M5hM

اشترك في القناة: http://bit.ly/AlhadasElyoumYT نتمنى لكم مشاهدة طيبة وممتعة علي قناه الحدث اليوم عبر تردد: 11823 (رأسي) 27500 على نايل سات تابعنا علي مواقع ا...

21/04/2018