Fitness for all

16/10/2025

واحده من السياسات المتبعه في بعض الشركات ودائماً بتكون ملهاش أي سبب بالشغل وتبقي دائماً لأسباب شخصيه أو نهج مدير مريض نفسياً.

11/10/2025

من أحلي وأبسط البوستات المكتوبه عن قسم الموارد البشرية

الأرقام في الـHR مش ديكور… دي بوصلة بتوجّه الشركة يا لقدّام يا للهاوية. لو قسنا الصح هنشوف الحقيقة، ولو لعبنا بـ“مؤشرات شكلية” هنكافئ السرعة وندفن الجودة. تعالوا نمسك أهم المعادلات اللي هتفّرق بجد بلهجة بسيطة وعلى الأرض:
1. معدل الاستنزاف (Attrition)
يقيس اللي بيمشوا طواعية.
المعادلة: عدد المغادرين طواعيًا خلال الفترة ÷ متوسط عدد العاملين × 100.
لو عالي = معرفة بتطير، توتّر بيزيد، وتكلفة تعويض بتنزف.
2. معدل الدوران (Turnover)
إجمالي اللي مشيوا (طوعي + إجباري).
المعادلة: إجمالي المغادرين ÷ متوسط عدد العاملين × 100.
ارتفاعه علامة على مشكلة ثقافة/إدارة/اختيار.
3. العائد على الاستثمار في رأس المال البشري (HC ROI)
هل الفلوس اللي بندفعها في الناس راجعة بقيمة حقيقية؟
المعادلة (مبسّطة): (المنافع/العائد المنسوب لتحسين الأداء − إجمالي تكاليف التعويضات والتدريب) ÷ إجمالي تكاليف التعويضات والتدريب.
سالب؟ يبقى عندك تدريب مش موجّه أو توظيف غلط.
4. القيمة المضافة لرأس المال البشري (HCVA)
قدّ إيه كل موظف بيضيف اقتصادياً؟
المعادلة: (الإيراد − تكاليف التشغيل غير المرتبطة بالأجور) ÷ عدد الموظفين بدوام كامل.
ترتفع = عمليات أذكى واستغلال أحسن للمهارة.
وبونص سريع عشان الصورة تكتمل:
– مدة شَغل المقعد (Time to Fill) = الأيام من فتح الشاغر لحد قبول العرض.
– تكلفة التعيين (Cost per Hire) = إجمالي تكاليف التوظيف ÷ عدد المعيّنين.
⚠️ تحذير مهم:
لو ركّزت على “حضور/انصراف” وتجاهلت الجودة، هتسلّم بدري وترجع تُصلّح بعدين. ولو حسبت الدوران من غير ما تفصل طوعي/إجباري، القرار هيطلع أعمى. الأرقام من غير سياق = ضباب.
الخلاصة: المعادلات دي مش مجرد نسب دي رادار يفضح مكان النزيف ويورّيك فين الدهب. اربطها بأهداف واضحة، وافصل بين السبب والنتاج، وراجعها شهريًا. لما تقيس الصح… هتعدّل المسار بسرعة، ترفع الرضا، وتقلّل التكلفة وساعتها، الشغل هيبان فرقُه في جيب الشركة قبل ما يبان في العروض التقديمية.

21/09/2025

👈خطوات ممكن تسرع من تحقيق نجاحك 👉

👈 مواجهه الواقع والحقائق
أسهل طريقه عشان تعرف مكانك فين بالظبط في السوق

👈 الإعتراف بالمشكله
عشان تعرف تلاقي الحل المناسب لكن تجاهل المشاكل اول طريق الفشل

👈 الخروج من دائره الراحه
ده لازم النجاح عايز مجهود وناس عندها إستعداد تتعلم وتغلط وتكسب خبره وتفيد نفسها وغيرها

👈 وضع حلول للمشكله وتنفيذها علي عدة خطوات
مفيش حاجه بتتحل مره واحده مفيش في البيزنس جزره وجطمها جحش 🤣
إنت مش جاي عشان تحقق أحلامك علي حساب الناس

👈 التعلم
مع كل غلطه بتتعلم مع كل جديد بتتعلم مع كل خطوه بتتعلم وبتكسب خبرات جديده وبتعلمها لغيرك

👈 طلب المساعده
مش عيب إنك تقول معرفش مهي أول خطوه عشان تتعلم الصح وتطلب المساعده من أهل الخبره العيب إنك تعمل نفسك عارف كل حاجه لأن مفيش حد عارف كل حاجه

👈 الأخذ بالأسباب
حاجه وقالها ربنا عز وجل يبقي خلاص تسمع الكلام وإنت ساكت وتنفذ

👈 العمل الجماعي
وده كلنا مفتقدينه كل واحد عايز يظهر إن هو إلي بيعرف يعمل كل حاجه مع إن كل الشركات الكبيره بتشتغل بطريقة العمل الجماعي وبعض الشركات المصريه طبعاً لكن في صناعه الفتنس في مصر عندنا أذمه حقيقيه في النقطه دي

👈 التخطيط الجيد
ده إذا كان في تخطيط أصلاً من الأول🤣

👈 عدم وضع أي معايير
متحطش معايير عاليه لنفسك وتحاول تحققها وإلا هتصاب بالإحباط بسرعه لكن حاول دائماً الوصول لأفضل المعايير والنتائج بالمجهود

14/09/2025

الساده المسئولين عن الأندية الصحيه (جيم)
إذا الميديا فضلت متحكمه في إختيارتنا مع علمنا إن الميديا لا تظهر إلا جانب واحد وأحياناً يكون غير حقيقي عن الأشخاص هنوصل لحد فين أصبح للأسف
النجاح بقي للأشهر مش الأشطر
للأسف
الشهره والمعارف غلبت الشاطر والكفؤ

10/09/2025

الساده المسئولين عن الأندية الصحيه (جيم)

الميزه التنافسيه☝️

ممكن تكون إيه مثلاً
ممكن تكون المساحه أو تنوع الخدمات المقدمه من خدمات أساسيه وخدمات مكمله أو تنوع الأجهزه أو عدد الأجهزه أو مستوي الخدمه أو خدمات تقدمها ولا يقدمها أحد غيرك

المهم إنك لازم تحط لنفسك ميزه تنافسيه من أول يوم هاه من أول يوم

وفي سؤال مهم لازم تسأله لنفسك

👈إيه إلي هيخلي العميل يجيلك وميروحش جيم تاني👉

جاوب بالطريقه إلي تريحك أو في حدود إمكانياتك🤑

07/09/2025

الساده المسئولين عن إدارة الأنديه الصحيه (جيم)

وجود رسومات هندسيه لكل حاجه من بداية أي مشروع مهمه

مفيش حاجه ملهاش مواصفات خاصه بيها زي إيه مثلاً

👈تقسيم ومساحه أماكن تغيير الملابس والحمامات والشاور وعددهم

👈غرف تدريب الإيروبكس

👈عدد الألات وبتخدم أي عضله ومساحة كل جهاز

👈المكاتب سواء إداريه أو الخاصه بالأقسام

👈مكان الإستقبال (الريسيبشن)

👈ألات التدريب المستخدمه بتختلف في الحجم والوزن والأداء ف مش كل الألات إلي مناسبه ل فندق مثلاً هتناسب جيم كبير علي ضغط عملاء أكبر

👈الخلاصه👉
كل مكان وله طبيعته إلي بتفرض إنك تلتزم ب منوال إنشائي وتشغيلي مختلف عن أي مكان أخر طبقاً لطبيعه المشروع ومكانه ومساحته.

👈ومهم تعرف العمر الإفتراضي لكل شيء داخل الجيم وضمانه قد إيه وتقسيم الضمان ده إذاي علي سبيل المثال بعض الأجهزه الضمان علي البدي الخارجي غير الويرات غير البكر غير القطع الثابته غير القطع المتحركه في كل جهاز

04/09/2025

الساده المسئولين عن إدارة الأنديه الصحيه (جيم)

👈التطوير و التعلم👉

👈لازم تعرف إن كل يوم في جديد في أساليب الإداره والبيع والتسويق والتنظيم والتأسيس والتخطيط

👈لازم تعرف العمر الإفتراضي لكل قطعه عندك في الجيم حتي لو كانت حنفيه أو سجاده تدريب أو حبل مقاومه

👈لازم تعرف إن مش كل مدير شاطر لوحده

👈لازم تعرف إن في صناعة الفتنس مفيش حد بيحقق أي نجاح لوحده

👈لازم تعرف إن إلي هيأسس معاك مشروعك مش بالضروره يكون مدير مشروع شاطر وناجح

👈لازم تعرف إن في فرق بين التأسيس والتشغيل

👈لازم تعرف إن إلي بياخد قرار إستراتيجي بيغير من طريقه تنظيم العمل وسير العمل وسياسات التشغيل مش بالضروره يكون نفس الشخص التنفيذي إلي بينفذ القرارات دي

👈لازم تعرف إن كل غلطه وكل خطوه وكل نجاح وكل أزمه وكل مشكله وكل تحدي هو ده إلي بيكون شخصيه ناجحه

👈لازم تعرف إن الإنسان بيتعلم من أخطأه أكثر من نجاحاته

👈لازم تعرف إن إذا كل واحد معملش دوره بشكل كامل ف النتيجه الكليه هتكون سيئه

👈لازم تعرف إن نتائج كل الأقسام مرتبطه ببعضها وضعف قسم بيأثر علي المشروع بالكامل

👈لازم تعرف إن نقص السيوله كارثه علي مشروعك وحلوله مش سهله

👈لازم تعرف إن نقص المبيعات أو الربح مش كارثي زي نقص السيولة

03/09/2025

الساده المسئولين عن إدارة الأنديه الصحيه (جيم)
كلمتين فيهم سر نجاحك

👈الإنضباط و الإطمئنان👉
إستحاله تنجح وأنت شخص معندوش أي إحساس بالإلتزام تجاه نفسك ومستقبلك وشغلك وعندك إنضباط في حياتك تجاه عملك وإلتزماتك.

إستحاله تحقق أي نجاح وإحساس الخوف مسيطر علي مشاعرك وتفكيرك الخوف من المجهول شيء صعب إذا سيطر علي أي إنسان.

هما دول سبب فشل أي مدير أو قسم أو موظف هيأ الظروف المناسبه وبعد كده دور علي النتائج مش العكس

👈عامل الناس كما تحب أن تعامل 👉

01/09/2025

👈الساده العاملين في الفتنس في مصر👉
أمراض مزمنه وكنسر بيقضي علي صناعه الفتنس في مصر

١/ تأخير المرتبات والنسب بشكل متكرر ومنتظم بدون أي أسباب
٢/ سفر الكثير من الخبرات إلي دول الخليج وخاصتاً السعوديه والإمارات
٣/ تحريف كل ما هو أصول للشغل وإهمال جميع الخبرات
٤/ الغيره الغير مبرره من أصحاب العمل تجاه المديرين وخاصتاً إذا وجدوا طاعه من الموظفين للمدير
٥/ إعتماد المعارف بدل من الخبرات
٦/ إعتماد سياسات تشغيل فاشله مثل فرق تسد و أهل الثقة أفضل من أهل الخبره و تعيين من يحقق للإداره رغباتها حتي وإن كانت في غير مصلحه العمل وما هو علي شكيله هذا
٧/ التقليل والتشكيك الدائم في العاملين بجميع درجاتهم
٨/ عدم وجود إلتزام من أصحاب العمل بحقوق العاملين سواء الأدبيه أو ما أقره قانون العمل

أسباب ترقي لمسمي السرطان الوظيفي إلي بيكون سبب في إنهيار أي منظومه

30/08/2025

الساده المسئولين عن الأندية الصحيه (جيم)

👈الشغل مش بيقف علي حد👉

إلي تسمعه بيقول الجمله دي أعرف إنه يا إما غبي أو جاهل أو متغافل عن قصد

و قوله لأ بيقف وبيعطل وبيخسر
ليه
عشان الشغل بيقف علي الخبره والكفاءه والإحترافيه في تقديم مستوي الخدمه وإذا مش مصدق أقرأ عن شركه نيسان وكارلوس غصن هتعرف إن وجود شخص واحد في مكان قيادي بياخد قرارات إستراتيجيه بتأثر علي مستقبل شركه عالميه له فرق كبير جداً وحساس ما بالك ب مكان (جيم) بيتعامل يومياً علي تأدية خدمات بمستوي وكفاءة عالي.

28/08/2025

الساده المسئولين عن الأندية الرياضية (جيم)

الثقه والإحترام والولاء لا يمكن تشتريهم بمرتب أو عموله لأن دي صفات بتكتسب من التعاملات 🤝 أما بالنسبه للمرتب والعموله في دول يدوب تشتري بيهم مجهود الموظف فقط.
ليه! لأن أي حاجه ليها ثمن ممكن أي حد يجي يزايد عليها ولأن الأخلاق أثمن من أن تثمن بالمال ولو لبعض الوقت🤏
ممكن أديك نصيحه تحافظ بيها علي نجاحك 👇👇👇
👈عامل الناس كما تحب أن تعامل 👉

27/08/2025

الساده مسئولي الإداره في الأنديه الصحيه (جيم)

من أهم الخطوات للنجاح

👈مواجهه الواقع
👈الإعتراف بالمشكله
👈الخروج من دائره الراحه
👈وضع حلول للمشكله وتنفيذها علي عدة خطوات
👈التعلم
👈طلب المساعده
مش عيب إنك تقول مش عارف
👈الأخذ بالأسباب
👈العمل الجماعي
إلي إحنا مش بنعمل بيه بس بنتكلم عليه كتير
👈التخطيط الجيد والقابل للتعديل
👈عدم وضع معايير عاليه مسبقاً وإلا هتصاب ب الإحباط وإنما محاوله الوصول لأفضل المعايير الممكنه والمتاحه