Better Change - التغيير للأفضل لعلاج الإدمان

  • Home
  • Egypt
  • Giza
  • Better Change - التغيير للأفضل لعلاج الإدمان

Better Change - التغيير للأفضل لعلاج الإدمان نحن في دار التغيير للأفضل نقدم خدمات التعافى من الإدمان والتأهيل السلوكى المعرفى
هنساعدك ترجع لنفسك

التغيير للأفضل - Better Changes
هي دار نقاهه تقدم خدمات التعافى من الإدمان والتأهيل السلوكى المعرفى في مصر
هنساعدك ترجع لنفسك

*2 نفسكاللى بتقول عليها ( ماعنديش ثقة فيها) او حد قالك كدا، فا صدقت و ( بتقول نفسي احبها) او حد قالك فصدقت انك مش بتحبها...
29/05/2025

*2
نفسك

اللى بتقول عليها ( ماعنديش ثقة فيها) او حد قالك كدا، فا صدقت و ( بتقول نفسي احبها) او حد قالك فصدقت انك مش بتحبها

قرب منها…!!!؟

اسمع صوتها اللي بتكتمه جواك
بص في ملامحها اللي ناسيها .. سيبها تكلمك و اسمعها. .. اذاى؟:
( " اقعد مع نفسك شوية و فكر بامانة" بدون تشتيت)

إتعرف عليها و إعترف بيها حتى لو لنفسك...
( اللى بيحب حد يقبلوا ب عيوبه )

عرف الدنيا عليها.. و هى دى الشجاعة

سامحها ...
احتوي خوفها

ما تعاتبهاش… افهمها... حاول..جرب

وقتها بس
هتبص لنفسك
وتلاقيك لأول مرة
بتطبطب عليها…
وبتحبها بجد...

*1مش واثق فيها و لا قادر أصدقها هو إزاي عاوز تصدقها… و تثق فيها وإنت أصلاً عمرك ما بصيتلها بجد؟ !!!إزاي تحكم عليها ان هى...
29/05/2025

*1
مش واثق فيها و لا قادر أصدقها

هو إزاي عاوز تصدقها… و تثق فيها وإنت أصلاً عمرك ما بصيتلها بجد؟ !!!
إزاي تحكم عليها ان هى اللى رفضاك…او انها ضعيفة و مش قبلاك و انك مش واثق فيها

وإنت حتى ما اديتهاش فرصة تتكلم!!

اللي بتتمنى تحبها دى..وتطمنلها و تكون سندها… بس مش واثق فيها..

هو إنت فعلاً عارفها؟

انت اصلا ماتعرفهاش
كل اللي بينكم شوية ظنون؟

يمكن عمرك ما قربت منها كفاية…
يمكن فضلت تشوفها من بعيد بس، وتصدق كلام ناس تانية عنها...

صدقنى
"اللي ما يعرفش حد… عمره ما هايقدر يثق فية "

وأنا بتكلم عن..

نفسك

*3طبعاً عارف بتكلم على مين هي مش ضعيفة...هي بس تعبت من كُتر ما فضلت واقفة لوحدها...مش مستنية حد يفهمها.. مستنياك انت الل...
29/05/2025

*3
طبعاً عارف بتكلم على مين

هي مش ضعيفة...
هي بس تعبت من كُتر ما فضلت واقفة لوحدها...

مش مستنية حد يفهمها.. مستنياك انت اللى تفهمها..
ولا حد يقبلها .. محتاجة انت اللى تقبلها...

هى مش بتهرب منك… ذيك
دى ديما بتناديك .. و مستنياك..
انت اللى رافض تسمعها .. و بتسكت صوتها..

مش مُتقلبة… ولا حاجة ، ذي ما انت مصدق!!

انت اللى واقف تبص عليها في مرايات مكسورة.. فبتشوفها بميت وش..

وكل مرة بتروح لها و تقرب منها ..
حد ييجي ويشكك فيها…

حد يقولك: "مش دى حقيقتها" او ( دى مزيفة)
فتسكت… و تقبل كلامهم .. و تصدق.. و انت مش مصدق..

بس مش يمكن لو سمعتها هى بجد .. تصدقها..
لو كلمتها هاتسمعك ..
قلها بس ماتخفيش .. هاتقولك و انت كمان ماتخفش منى ..

صدقني…
نفسك مش محتاجة حكم عليها
محتاجة حضن ليها
محتاج فرصة منك ..مش منهم لنفسك

*4صدقتها دلوقت ؟.. نفسك صدقت انها بس اتحاصرت بين نظرات الناس وكلامهم، وبين صوتها الداخلي اللي بيتكلم ومحدش بيسمعه… تخيل ...
29/05/2025

*4

صدقتها دلوقت ؟.. نفسك
صدقت انها بس اتحاصرت بين نظرات الناس وكلامهم، وبين صوتها الداخلي اللي بيتكلم ومحدش بيسمعه… تخيل ولا انت

هى مش ناوية على وجعك… لما تقربلها

هى بس مش لاقيك تطبطب عليها… و انت مستنى حد يطبطب عليك.. و عايش حياتك مستنى حد و هى مستنياك

كلهم شايفينك بتغرق، بس مافيش حد هيقرر بدالك

هى
أحيانًا بتصرخ، بس بصوت واطي…
بتصرخ من تصرفتك و بتقولك:
"ماتفتكرش ان اللى بتعملو دا بيريحنى او حتى بيبصتنى.. بالعكس.."

كل اللي انت محتاجه مش إنك تشد عليها بالعافية… او تقسوا

انت محتاج بس تقول لها "أنا معاك… من غير شروط"

لما تبص لها وتقول "أنا شايفك، من جوه مش من برا"

وقتها يمكن…
تصدق إن فيه مَخرج
وتفكر لأول مرة
بقبول… بدل ما هروب

*5هى مش عايزة تبقى احسن واحدة فى الكون…هى بس محتاجة ترتاح من المقارنات...نفسك اللىطول الوقت بتحاسبها.. بتجلدها عشان تبقى...
29/05/2025

*5

هى مش عايزة تبقى احسن واحدة فى الكون…
هى بس محتاجة ترتاح من المقارنات...

نفسك اللى
طول الوقت بتحاسبها.. بتجلدها عشان تبقى شبه "حد تاني"

ناسي إنها بتحاول تخليك انت اللى احسن واحد

مين قال إنها لازم تبقى على مزاج الكل؟

و مين قال انك عشان تكون طبيعى و ناجح يبقى لازم تكون نسخة مكررة من اللى حوليك

هى مش محتاجة تكون شبه حد…
محتاجة تكون حقيقية…
و انت
محتاج تبقى شبها.. شبة نفسك بس حتى لو مش عاجبين حد

لو سِبت نفسك لنفسك تعيشوا على طريقتكم
هتندهش قد إيه كانت جميلة… ومظلومة.. و انها فعلا انت

وانها بس كانت محتاجة تشوف حبك ليها
من غير شروط… ومن غير
"لو".. لو بس حصل .. لو بس حاصل.. لو بس يحصل...

*6لسه لحد دلوقت بتدور حواليك على اللي يفهمك؟ولااا قررت تفهم نفسك الأول…ولا خلاص فهمت اللي جواكاللي كل مرة بتحس إنها مش ك...
29/05/2025

*6

لسه لحد دلوقت بتدور حواليك على اللي يفهمك؟

ولااا قررت تفهم نفسك الأول…
ولا خلاص فهمت

اللي جواك
اللي كل مرة بتحس إنها مش كفاية، أو ناقصة، أو ماتنفعش…

بتدور على أمان في كل حتة…
طب جرب تسألها: "انتي حاسة بالأمان وأنا جنبك؟"

يمكن ترد عليك بصوتها اللي نسيته:
"كنت مستنياك تسأل من بدري"

إنت مش محتاج تثبت حاجة للعالم
إنت محتاج تبقى حاضر لنفسك
من غير استعراض… من غير هروب… من غير تمثيل

لما تقرر تبطل تمثل دور الشخص القوي علطول
وتسمح ليها تبين ضعفها
ساعتها يمكن تلاقي القوة الحقيقية بتطلع منكم إنتوا الاتنين

مش لازم تبقى متماسك عشان تقرب منها
هي مش بتدور على بطل
هي بتدور على راحة، على أمان
على إنك تقول:
"أنا مش كامل، بس موجود… ومش هسيبك"

صدقني…
لو قربت منها
مش هتحتاج تفضل تشرح نفسك للناس
لأنك هتكون أخيرًا… فاهم نفسك..

*8كل ما تحاول تصالحها…تقوم تفتكر حاجة وجعتك زمانفتخاف، وتبعد، وتقول: "لسه مش وقتها". بس هى مش الماضى و مالها علاقة بالذك...
29/05/2025

*8

كل ما تحاول تصالحها…
تقوم تفتكر حاجة وجعتك زمان
فتخاف، وتبعد، وتقول: "لسه مش وقتها". بس هى مش الماضى و مالها علاقة بالذكريات.. دا عقلك

لو طول عمرك مستني ما تفتكرش او لما تفتكر ما تتأثرس و تبقى بخير علشان
يبقى عمرك ما هاترجعلها

هي مش مستنياك تبقى جاهز 100٪
هي مستنياك تبقى صادق بس
حتى لو مرتبك، حتى لو تايه، حتى لو مش عارف تعمل إيه

إنت فاكر إنك لازم توصل عشان تقبل نفسك؟ تنجح عشان ترضي عن نفسك!!!

لأ… إنت تستحق الافض ديما علشان انت نفسك ذي ما انت بدون اضافات

وكل مرة بتهرب من مواجهتها
هي بتزعل… مش منك
من إحساسها إنها مش كفاية

جرب تختارها… حتى لو متردد
وتقرب منها… حتى لو خايف
و تقول لها:
"أنا مش جاي ألومك… أنا جاي أسمعك"

هتندهش
قد إيه صوتها حقيقي… وهادئ… وحنين
لما بتديله أمان

*7فاكر لما كنت بتلوم نفسك إنك "مش عارف تبدأ"؟مش يمكن علشان أنت كل مرة بتحاول تبدأمن برّه… مش من جواك؟ و انت عارف ان البد...
29/05/2025

*7

فاكر لما كنت بتلوم نفسك إنك "مش عارف تبدأ"؟
مش يمكن علشان أنت كل مرة بتحاول تبدأ
من برّه… مش من جواك؟ و انت عارف ان البداية اكيد من عندك

بتجري تنجح… علشان تثبت
وتتغير… علشان ترضي
وتجاهد… علشان تتصلّح
بس عمرك سألتها:
"إنتي عايزة نبدأ منين؟"

يمكن كانت مستنياك تبدأ من عند الجرح… اللى انت ماشى بية و واخدوا معاك فى كل مكان

كل مرة بتفكر تتغير، بترسم صورة جديدة… من برة، و بتنسى صورتك الحقيقية

جرب المرة دي تقول:
"مش قابل نفسي… حتى وهى مش مثالية"
"أنا نفسي… انا و هى"

الحقيقة؟
هي مش عبء، مش حاجة غيرك
هي ماضيك… هي ضعفك… هي صوتك اللي اتكتم
بس كمان… هي البداية الوحيدة اللي ينفع تمشي بيها الطريق بجد

*10هى مش محتاجة نسخة تانية منك…هى محتاجة تشوفك وانت على طبيعتكانت كل مرة تزوّق الكلام…كل مرة تضحك وهى من جوه مش مرتاحةكل...
29/05/2025

*10

هى مش محتاجة نسخة تانية منك…
هى محتاجة تشوفك وانت على طبيعتك
انت كل مرة تزوّق الكلام…
كل مرة تضحك وهى من جوه مش مرتاحة
كل مرة تقول "أنا تمام" وهى مش مصدقة
بتبعدها أكتر… وانت فاكر إنك بتحميها

جرب مرة واحدة
تتكلم بصراحة قدام المراية
وتقول لها:
"أنا تعبان، وأنا محتاجك… مش عايز أهرب تاني"

هتتفاجأ إنها مش بتلومك
ولا بتحتقرك
هتلاقيها قبلاك

في الآخر…
الحل جواك و البداية عندك
ولا الناس اللي بتصقفلك
ولا الكلام الحلو اللي بتسمعه او مستنية
اللي الحل…
إنك تبطل تهرب منها
وتقعد معاها
وتقول لها:
"أنا شايفك… ومستعد أمشي المشوار معاكي لآخره"

مستعد فعلاً تمشي معاها و تبدأ ؟

*11كل مرة بتقول:"مش دلوقتي… مش جاهز… يمكن بعدين"و كمان ( اخر مرة)بس هو "بعدين" اخر مرة دي امتى؟لما توصل لقاع أعمق؟ولا لم...
29/05/2025

*11

كل مرة بتقول:
"مش دلوقتي… مش جاهز… يمكن بعدين"
و كمان ( اخر مرة)

بس هو "بعدين" اخر مرة دي امتى؟
لما توصل لقاع أعمق؟
ولا لما تكتشف إنك ضيّعت فرص كانت تستاهل تحاول علشانها؟

خلي بالك
كل يوم بتضعف أكتر
كل يوم صوت بيخفت
وإنت بتعمل نفسك مش سامع

بس الحقيقة إنك سامع
وكل حاجة جواك بتوجعك علشان تفوق، مش علشان تسكن الم

الخطوة الأولى؟
مش محتاجة تشرح لنفسك اية هى
مش محتاجة تبقى مثالي
هي بس محتاجة منك قرار.. قول لنفسك تانى:
"أنا مش هسيبك تفضلى كده لوحدك"

مش مهم تبدأ إزاي…
ولا فين…
ولا مع مين

المهم تبدأ

*12"طب وبعدين؟"سؤال بسيط بس وراه حكاية قديمة مستمرةو بعدين؟!لما تصحى من كابوسك وتبص حواليكوتسأل: هى دى حياتي؟ هو دا الطب...
29/05/2025

*12

"طب وبعدين؟"
سؤال بسيط بس وراه حكاية قديمة مستمرة
و بعدين؟!
لما تصحى من كابوسك وتبص حواليك
وتسأل: هى دى حياتي؟ هو دا الطبيعي؟

و نفسك جواك بتسأل السؤال دا من زمان
"هو دا آخري؟ هو دا أنا؟"

كل مرة بتهرب من المواجهة
انت بتهرب منها… بس بتضعف أكتر

مش لازم تكون عارف الطريق كله
اللي محتاج منك خطوة… بس الخطوة الاهم لما تقول:
"أنا مش هاكمل كده… ومش هستنى استعد، أنا جاي أبدأ"

مافيش أصعب من إن حد يسيبك لوحدك
وإنت الوحيد اللي يقدر مايبقاش لوحدة

*13لو فعلاً بتحبها… نفسك طبعاً..ساعدها توقف على رجليهامش بالكلام… ولا بالأمانيبالفعلبالبدايةساعات بنفكر إن العلاج للناس ...
29/05/2025

*13

لو فعلاً بتحبها… نفسك طبعاً..

ساعدها توقف على رجليها
مش بالكلام… ولا بالأماني
بالفعل
بالبداية
ساعات بنفكر إن العلاج للناس اللي وصلت للنهاية
لكن الحقيقة؟
العلاج للناس اللي لسه جواهم أمل صغير…

وإنت فيك الأمل دا
لسه بينده عليك من جواك
ولسه صوت نفسك بيقولك:
"ابدأ اخنا نقدر … قبل ما نغرق أكتر وما تلاقنيش"

إوعى تفكر إن البداية ضعف..
البداية دي أقوى لحظة صدق ممكن توصلها مع نفسك

"أنا قررت أبدأ… مش علشان حد، بس علشان أنا عاوز أعيش"

قرر يبدأ و بالفعل رجع لها..
انت عارف بتكلم على مين...

اول يوم علاج .. الرحلة بدأت...

Address

حدائق الأهرام
Giza
12522

Telephone

01002728803

Website

Alerts

Be the first to know and let us send you an email when Better Change - التغيير للأفضل لعلاج الإدمان posts news and promotions. Your email address will not be used for any other purpose, and you can unsubscribe at any time.

Contact The Practice

Send a message to Better Change - التغيير للأفضل لعلاج الإدمان:

Shortcuts

Share

Share on Facebook Share on Twitter Share on LinkedIn
Share on Pinterest Share on Reddit Share via Email
Share on WhatsApp Share on Instagram Share on Telegram

Category