Dr.Hany Sabri. Pediatrics

30/08/2025

🍼 الارتجاع عند الرضع: إمتى يختفي وإمتى يستدعي الكشف؟

الارتجاع من أكتر المشاكل اللي بتقلق الأمهات… تلاقي البيبي بيرجع لبن بعد الرضاعة، وده بيخلي الأم محتارة: هل ده طبيعي ولا خطر؟

✨ الارتجاع الطبيعي:

بيحصل في أول شهور من العمر بسبب عدم اكتمال نمو المعدة.

غالبًا بيبدأ يقل من سن 6 شهور مع بداية الأكل.

بيختفي عند أغلب الأطفال مع سن السنة.

⚠️ إمتى الارتجاع يحتاج كشف عند دكتور الأطفال؟

لو الطفل مش بيزيد في الوزن كويس.

لو بيرجع بشكل شديد ومتكرر.

لو بيرجع مع كحة أو شرقة متكررة.

لو بيرجع أحيانًا لون أخضر أو أصفر.

لو بيبان عليه رفض الرضاعة أو توتر أثناء الأكل.

🩺 الكشف المبكر مهم جدًا عشان نطمن إن الارتجاع مجرد مرحلة طبيعية، أو نحدد العلاج المناسب لو في مشكلة تستدعي التدخل.

📅 لو لاحظتي العلامات دي على ابنك، شرفينا دلوقتي وخليكي مطمنة على صحته ونموه.
للحجز و الاستفسار: 01032631714

29/08/2025

إمتى نأجل التطعيم؟ حالات لازم نستنى قبل ما نطعم الطفل

التطعيمات من أهم وسائل حماية الأطفال من أمراض خطيرة، لكن في مواقف معينة الأفضل نأجل التطعيم لحد ما الطفل يبقى جاهز:

✨ متى نأجل التطعيم؟

لو الطفل عنده سخونية عالية (أكتر من 38 درجة).

لو بيعاني من نزلة شعبية حادة أو التهاب رئوي.

لو فيه إسهال شديد أو قيء متكرر.

بعد أي عملية جراحية أو أثناء فترة نقاهة.

لو الدكتور طلب تأجيل بسبب حساسية قوية أو رد فعل سابق من التطعيم.

✅ التطعيم ممكن يتأجل لكن ما يتلغيش، والأهم إننا نرجع نكمله أول ما الطفل يتحسن علشان يفضل محمي.

👩‍⚕️ في العيادة بنحدد مع كل أم الوقت المناسب لكل تطعيم حسب حالة الطفل الصحية.

📅 لو عندك أي قلق أو محتارة تطعمي ولا تستني، شرفينا فى العيادة وهنحدد مع بعض أفضل وقت لطفلك.
للحجز و الاستفسار: 01032631714

28/08/2025

"ابني كان عنده دور برد بسيط… فقلت أدي له مضاد حيوي عشان يخف بسرعة"

الجملة دي بنسمعها كتير من أمهات في العيادة.
الحقيقة إن ده واحد من أكتر الأخطاء الشائعة في التعامل مع المضاد الحيوي.

✨ تعالي نوضح:

المضاد الحيوي مش بيعالج نزلات البرد والإنفلونزا، لأنها في الغالب سببها فيروس مش بكتيريا.

كمان ممكن يسبب آثار جانبية زي الإسهال أو حساسية جلدية.

⚠️ الخطأ التاني: إيقاف الدواء أول ما الطفل يتحسن.
كتير من الأمهات بيوقفوا الكورس قبل ما يخلص… والنتيجة؟ البكتيريا تفضل موجودة وترجع أقوى.

👩‍⚕️ الحل بسيط:

اسألي دكتور الأطفال قبل أي خطوة.

اتبعي التعليمات بدقة (الجرعة – المدة – المواعيد).

متستخدميش مضاد من وصفة قديمة لطفل تاني.

🩺 المضاد الحيوي سلاح قوي… بس في الوقت الصح ومع الاستخدام الصح.

📅 لو ابنك تعبان ومش عارفة العلاج المناسب، متجازفيش… كشفى على طول.

26/08/2025

التهابات اللوز المتكررة: إمتى تحتاج لعملية لوز؟

التهاب اللوز من أكتر المشاكل اللي بنشوفها عند الأطفال، ومعظم الوقت بيتعالج بالادوية والراحة… لكن في بعض الحالات العملية (استئصال اللوز) بتكون الحل الأفضل.

✨ إمتى نفكر في عملية اللوز؟

لو الطفل بيجيله التهاب لوز أكتر من 7 مرات في السنة.

أو أكتر من 5 مرات في السنة ولسنتين ورا بعض.

أو 3 مرات في السنة ول 3 سنين متتالية.

لو الالتهابات بتأثر على تنفس الطفل أو نومه (شخير، توقف نفس).

لو فيه خراج حوالين اللوز أو مضاعفات متكررة.

🩺 العملية بتساعد الطفل يعيش براحة أكتر، نومه يتحسن، ومناعته ترجع أقوى من غير التهابات متكررة.

👶 مهم جدًا قرار العملية يتاخد بعد فحص شامل عند دكتور الأطفال مع دكتور الأنف والأذن، علشان نطمن إن العملية هي الاختيار الصح.

📅 لو ابنك بيعاني من التهابات لوز متكررة، احجزي كشف دلوقتي وهنحدد مع بعض أفضل حل لحالته.
للحجز و الاستفسار: 01032631714

24/08/2025

الصفرة عند المواليد: طبيعية ولا محتاجة تدخل فوري؟

كتير من الأمهات بيلاحظوا إن بشرة البيبي في أول أسبوع بتكون مائلة للون الأصفر…
وده ممكن يكون طبيعي جدًا، لكن في حالات لازم نزور دكتور الأطفال فورًا.

✨ إمتى الصفرة تعتبر طبيعية؟

بتظهر بعد يومين–3 أيام من الولادة.

بتختفي تدريجيًا في خلال أسبوعين مع الرضاعة الجيدة.

الطفل بيكون نشيط وبيرضع كويس.

⚠️ إمتى الصفرة تبقى خطيرة وتحتاج كشف فوري؟

لو ظهرت من أول يوم بعد الولادة.

لو درجة الصفرة بتزيد بسرعة أو بتوصل لارقام عالية.

لو الطفل رافض يرضع أو بينام كتير ومش بيتفاعل.

لو الصفرة استمرت أكتر من أسبوعين.

🩺 في الحالات دي لازم فحص عند دكتور الأطفال ، لأن العلاج المبكر بيمنع أي مضاعفات.

👩‍⚕️ متأخريش المتابعة… الكشف المبكر يطمنك.
📅 احجزي معاد دلوقتي واطمني على صحة وسلامة طفلك.
للحجز و الاستفسار: 01032631714

22/08/2025

ابنك بيعرق كتير أثناء النوم؟ اعرفي إمتى ده محتاج كشف على طول.

كتير من الأمهات بيسألوا: "ليه ابني بيعرق وهو نايم حتى لو الجو مش حر أو نايم فى التكيف؟"
العرق الخفيف عادي… لكن لو بيعرق بشكل ملحوظ ممكن يكون علامة لحاجة محتاجة متابعة:

⚠️ إمتى لازم نزور دكتور الأطفال؟

لو العرق بيكون معاه كحة أو صعوبة في التنفس.

لو الطفل مش بينام كويس أو بيصحى تعبان.

لو وزنه مش بيزيد بشكل طبيعي.

🩺 العرق الكتير ساعات بيكون مرتبط بمشاكل في القلب، الغدة الدرقية، أو نقص بعض الفيتامينات… والكشف المبكر بيفرق جدًا.

👩‍⚕️ لو لاحظتي العلامات دي على ابنك، لازم المتابعة و الكشف. الفحص البسيط يطمنك ويحميه من أي مضاعفات.

📅 احجزي معاد دلوقتي واطمني على صحة طفلك.
للحجز و الاستفسار: 01032631714

10/07/2025

فى أم جت بتقوللى:
"أنا مش هطعم البيبي التطعيمات الإضافية، كفاية التطعيمات الاساسية!"

لكن الحقيقة؟
في تطعيمات اضافية ممكن تحمي طفلك من أمراض خطيرة زي الروتا، والالتهابات الرئوية.
وكتير من الأمهات ما يعرفوش عنها.

📌 التطعيمات الإضافية صحيح مش إلزامية، لكن لا تقل اهمية عن الاساسية و ممكن تفرق جدًا في مناعة طفلك وحمايته، خصوصًا قبل دخول الحضانة أو المدرسة.

احجزي دلوقتي واسألي الدكتور عن أنسب التطعيمات لطفلك حسب سنه وحالته الصحية.
للحجزو الاستعلام : 01032631714

05/07/2025

كنت تعرف؟

ان طبيعي جدًا إن وزن البيبي ينزل بعد الولادة بنسبة ممكن توصل لـ 10٪ من وزنه في أول أسبوع!

وده بيحصل بسبب فقدان السوائل بعد الولادة، وقلة الرضاعة أول يومين – ومش معنى كده إن في مشكلة.

متقلقش، الوزن بيرجع تاني خلال الأسبوع التاني أو التالت بإذن الله.
بس لو النزول كان أكتر من الطبيعي أو ما بيرجعش، وقتها لازم نتابع مع دكتور الأطفال.

في عيادة د. هاني صبري بنطمن على نمو طفلك خطوة بخطوة – من أول لحظة.

📍 العنوان: مول سنترادا، مبنى B1، عيادة 213
📞 للحجز أو الاستفسار: 01032631714

03/07/2025

08/06/2025

We’re thrilled to announce the opening of our new clinic at Centrada Plaza – Unit B-213, right in the heart of October!

Starting from 14th June, we’ll be welcoming you and your little ones in our new location, offering the same trusted care, expertise, and warmth you've come to expect from us.

Whether it's a check-up, consultation, or follow-up — we’re here to support your child’s health and well-being every step of the way.
📍 Location: Centrada Plaza, October– Unit B-213
📞 For inquiries and appointments: 01032631714

يسعدنا نعلن عن افتتاح العيادة الجديدة فى قلب أكتوبر فى سنترادا بلازا وحده B-213

ابتداءً من 14 يونيو، هتقدروا تزورونا في مكاننا الجديد وتستمتعوا بنفس مستوى الرعاية والخبرة والاهتمام اللي متعودين عليه مننا.

سواء كشف أو متابعة أو استشارة — إحنا دايمًا موجودين لدعم صحة أولادكم وراحتكم.

📍 العنوان: سنترادا بلازا، أكتوبر – وحدة B-213
📞 للاستفسار والحجز: 01032631714

10/05/2025

كتير من الأهالي بيقلقوا أول ما حرارة الطفل تعلى، وبيبدأوا يدّوا خافض حرارة على طول…
بس خليني أقولك على شوية خرافات بنسمعها دايمًا – والحقيقة وراها:

❌ خرافة: الحرارة العالية بتسبب تشنجات على طول
✅ الحقيقة: التشنجات الحرارية بتحصل في نسبة صغيرة جدًا من الأطفال، وغالبًا بتكون بسبب سرعة ارتفاع الحرارة مش الرقم نفسه.

❌ خرافة: لازم الحرارة توصل 37 علشان أبطل الدوا
✅ الحقيقة: الهدف من خافض الحرارة هو راحة الطفل، مش رقم معين… لو الطفل نشيط وبيأكل، ممكن نسيب الجسم يقاوم لوحده.

❌ خرافة: الكمادات لازم تكون ساقعة جدًا
✅ الحقيقة: الكمادات تكون بمياه عادية من الحنفية، مش ساقعة قوي علشان ما تضرش الطفل.

اعرف إمتى تقلق؟
لو حرارة الطفل فوق 38.5 درجة لأكتر من 3 أيام، أو فيه كحة جديدة، ترجيع مستمر، رفض للأكل، أو الطفل مش بيصحى بسهولة – لازم تتوجه للطبيب فورًا.

اهتم براحة طفلك، وتابع الأعراض… مش الرقم بس هو اللي يهم و افتكر ان مفيش حرارة هتختفلى من أول جرعة دواء.

19/08/2024

"الصيف دخل وأهم سؤال بنتسأله يبدأ يشرب أمتى يادكتور 👶❗

وفقًا لتوصيات منظمة الصحة العالمية وأطباء الأطفال، يمكن للأطفال البدء في شرب الماء بعد بلوغهم سن 6 أشهر 💧

طب ليه مينفعش قبل كده؟!
⭕لإن الجهاز الهضمي بيكون غير ناضج لمعالجة الماء بشكل فعال قبل سن 6 أشهر.
🟢أول 6 شهور بيحصل الطفل على العناصر الغذائية من حليب الأم أو الحليب الصناعي.
🔴تقديم الماء قبل 6 أشهر بيقلل من رغبة الطفل في تناول الحليب، مما يؤثر على نموه وتطوره.

متتسرعيش وتبدئي في خطوة شُرب الماء قبل أوانها وساعديه يحصل على أفضل تغذية وترطيب لجسمه لأول 6 أشهر ✅✨
ــــــــــــــــــــــــــــــــــــــــــــــــــــــــــــــــــــــــــــــــــــ
👨‍⚕️دكتور هاني صبري
إستشاري طب الأطفال
وحديثي الولادة جامعة القاهرة
ــــــــــــــــــــــــــــــــــــــــــــــــــــــــــــــــــــــــــــــــــــ
عناوين العيادات:
📌عيادة حدائق الاهرام: 412 ن شارع الجيش
📲 : 0233737655
⏰المواعيد :
● ( السبت - الأحد - الأربعاء )من 10 ص لــــ 3 مساءاً
● الثلاثاء من 3 م لــــ 6 مساءاً

📌عيادة الشيخ زايد: مبنى أركان الطبي الدور الثامن عيادة Espitalia
📲 : 01282216058
⏰المواعيد : ( الأحد - الثلاثاء ) من 8 لــــ 10 مساءاً

☀قريباً عيادة ميدان جهينة centrada mall ☀
"