Dr.Hebatullah Awad -د. هبة الله عوض

05/06/2025

كل سنة وانتوا طيبين 🥰

في أجواء عيد الأضحى المبارك، تزداد الموائد المصرية تنوعًا وغنى، لا سيما بأطباق الفتة والطواجن التي ترتبط بالاحتفال واللمة العائلية، لكن خلف هذا الطعم التقليدي الم....

27/05/2025

ساعدني ان اقبل الصعاب و اجتاز فيها لأصل إلى السلام
ساعدني ان اقبل الناس والعالم كما هم ليس كما اردتهم ان يكونوا
ساعدني ان اتغير انا
صلاة السكينة
كتاب زمالة المدمنين مجهولي الهوية

26/05/2025

Good morning

20/05/2025

لما بنشوف طفل بيتعرف على نفسه في المرايا
بيبص لنفسه في دهشة وفرح
و هو بيشوف نفسه لأول مرة
يحرك ايده يشوف صورته بتتحرك قصاده
يقرب الصورة تقرب
يبعد تبعد ، يطلع لها لسانه تطلع له لسانها
شوية لعب وضحك لحد ما يعرف ان الصورة دي صورته
بيحبها وبيحب نفسه لحد ما يكبر شوية وواحد كده من المقربين
يقول له ايه ده كل دي ودان
بعدها بيبص على المرايا مبيشوفش غير ودان كبيرة
ودانه اللي مكانش يعرف عنها غير انها اداة السمع، طلع لها شكل و بينتقد و مخليه مختلف بشكل غير محبب
يبطل يحب صورته في المرايا و يبطل يقف قصادها
المرايا بنشوف فيها صورتنا اللي مش بالضرورة تكون حقيقتنا دبس هي اللي الناس قالوا لنا عليه انها حقيقتنا

19/05/2025

اكتب كل حاجة بتعملها صح و اي انجاز عشان المخ نصاب
يركز على غلطاتك و يفكرك بيها و ينسى انجازاتك
#هبةالله

18/05/2025

المجموعة الحلوة رزق

خلصنا الجزء الأول من ورشة بناء علاقة صحية بالطعام🤛

اربع اسابيع عدوا هوا🌷
اتعلمنا فيهم حاجات كتير عن نفسنا🧘
مشاعرنا ،افكارنا ، علاقتنا بالاكل 🍉🍞🦞🥗
اربع اسابيع كان فيهم ضحكنا سوا بصوت عالي و كنت خايفة يطردونا من المكان🙈🥳
لعبنا سوا 🤪 و غنينا و اتحركنا بخفة ودلع 💃

شاركنا من القلب 🥰

ممتنة لكل البنات الحلوة اللي شاركت،🥰🥰

ايوة احنا بنات و مكبرناش طالما لسه بنلعب و نغني و نضحك💃❤️🤪
ممتنة لروحكوا الحلوة و صدقكوا مع بعض و مع انفسكم قبل اي حد🌷
ممتنة لاحساس آلامان و الدعم اللي شجع كل واحدة تكون على طبيعتها 🪞
ممتنة لكلمة حاسة اني مش لوحدي اللي اتكررت في نهاية كل جلسة🫂
هتوحشوني 🥲
بس على نتقابل كمان ٣ اسابيع تاني في الجزء التاني و نكمل رحلتنا "بناء علاقة صحية بالطعام"

#هبةالله #تكميم

15/05/2025

اهم حاجة البالطو و الID احسن بتوع الجودة يقولوا علينا حاجة😅

14/05/2025

Call it spring🌳🍀

13/05/2025

رحلة التغيير و التعافي عاملة زي الجو اليومين دول حبة فوق وحبة تحت
متقلقش و كمل🩷🧘

13/05/2025

عن اشياء تفرحك🩷
ممتنة جدا جدا جدا🌷🌷

10/05/2025

قدام مرايتها

قدام مرايتها عادي بتدلع براحتها، اغنية عمرو دياب.
صورة رومانسية جدا لقعدة الست او البنت قدام المرايا و لكن دي مش الحقيقة في كتير من الحالات.

لما بشتغل مع ست او بنت في جلسات الاكل العاطفي غالبا بلاقي علاقة الست او البنت بالمرايا معقدة و مرعبة

بنكتشف ان المرايا غي حياتها حكم وجلاد، الوقفة قدامها من اسباب انفصالها عن نفسها و كراهيتها لجسمها و رفضها ليه.

بتقف قدام المرايا تدور على عيوبها فين و تركز عليها و بعد شوية مبتبقاش شايفة غيرها.

بتشوف نفسها الحباية اللي طلعت في وشها🤕
بتشوف نفسها بطنها اللي مش مسطحة😫
بتشوف نفسها شعرها مش نازل ليس😓
بتشوف نفسها رجليها اللي مش عارف مالها😪

بتنتهي الوقفة قدام المرايا بمشاعر تقيلة🥀
و بتتهز ثقتها في نفسها و يبدأ الحوار الداخلي يبقى انتي مش كفاية 💔
و تدي نفسها تقييم قليل يمكن صفر من عشرة، و التقييم ده بيخليها هشة لأى تعليق من بعيد او من قريب على الشكل.🪾
بيخليها تتنازل و ترضي بالقليل او ترضي الآخرين عشان حاسة انها مش كفاية لأن دي الرسالة اللي وصلتها عن نفسها من وقفتها قدام المرايا رسالة مع الوقت بتترسخ في عقلها الباطن.🍃

بتقعد ساعات طويلة قدام المرايا 🪞
تفحص عيوبها وتقارن نفسها باشكال ناس تانية حقيقية تعرفها او خيالية بتشوفها على مواقع التواصل الاجتماعي.😶‍🌫️🫣

و المقارنة غير العادلة بتزود مشاعر الألم و تأثر على الثقة بالنفس و تتنازل اكتر ، تشيل شغل مش بتاعها، تدخل علاقات سامة و تستحمل، تتبتز ماديا و عاطفيا من صحابها لأن الفكرة الراسخة في دماغها انا مش كفاية و محتاجة اضحي عشان اتقبل.🥶

بنات تانية بتتجنب المرايا و تتجنب الحياة، تنعزل، تلبس واسع اوي و تغطي نفسها عشان محدش يشوفها ، تثبت لون غامق تلبسه ،تحؤم روحها من النشاطات الاجتماعية و البدنية عشان محدش يشوفها عشان هي نفسها مش قادرة تشوف نفسها، وجواها برضه نفس المعتقد انا مش كفاية و مستاهلش الحياة.🫨

المرايا🪞
بتطلع مشاعر وأفكار كتير و بتختلف من كل واحدة للتانية ، والألم ده بيبقى واضح لما بنشتغل سوا تدريبات المرايا للتصالح مع صورة الجسد، و احلى لحظة لما العلاقة بالمرايا تتغير و الألم يقل مش لازم يختفي ممكن يزورنا من وقت للتاني💔

صحيح الأمر مش سهل و مهما كنا واعيين بنقع في لحظات نستنى الحكم علينا من المرايا 😓

حكايتنا مع المرايا طويلة من اول ما شفنا نفسنا فيها لاول مرة و اتعرفنا و اتعرفنا على شكلنا

مش محتاجين نقطع علاقتنا بالمرايا او نستنى منها حكم علينا بس محتاجين نعيد صياغة علاقتنا بيها.🌷

نعرف انها مش حكم و مش مكان تقييم ، صحيح صعب بس بيحصل مع الوقت، مع التمرين على الوقفة قدام المرايا من غير أحكام و الموضوع يستاهل لأنه بيفضل حلم كل واحدة تخرج من الألم ده و تقدر في يوم من الايام تقف قدام مرايتها و تدلع براحتها.🌹🩷

مستوحى من فصل نظرة مطولة في المرآة من كتابي "صورة الجسد".🤛