عيادة الدكتور عمرو محسن بداري

18/03/2025

08/03/2025

رمضان كريم وكل عام وانتم بخير
مواعيد عيادة الدكتور/ عمرو بداري
في شهر رمضان المبارك 📿🌙
يوم السبت والاثنين والأربعاء
من 8:30⏰مساءً إلى 10:30⏰مساءً
طوال شهر رمضان المبارك
أعاده الله علينا وعليكم بالخير واليمن والبركات
===============
للحجز والاستفسارات:
📌303أ شارع الثروة المعدنية - البوابة الأولى - حدائق الأهرام بجوار صيدلية حازم الدور الأول
☎️ 01026530097

31/01/2025

هل فيروس بي Hepatitis B يتم الشفاء منه؟
سؤال متكرر من بعض المرضي... أشمعني فيروس الكبد سي حاليا له ادويه شافيه تماما في حين ان فيروس الكبد بي لازم يتاخدله علاج طويل المدي و غالبا طول العمر علشان يخلي الفيروس في حاله خمول.... في البوست ده هأحاول أوضح الفرق بينهم...
1.المشكله تكمن في التركيب الجيني للفيروس نفسه بمعني ان الحمض النووي لفيروس سي اسمه RNA في حين ان الحمض النووي لفيروس بي اسمه DNA اللي هو نفس الحمض النووي للأنسان (الحمض النووي هو اللي بيحمل الصفات والجينات).
2.بالتالي فيروس بي عنده القدره علي الالتحام بالحمض النووي للخليه الكبديه (Integration) و كمان بيسيب نسخه من حمضه النووي داخل نواه الخليه الكبديه نفسها و اللي هي (cccDNA) و مع كل انقسام للخليه ينقسم و معاها و ممكن يصيب خليه تانيه جنبها في حين ان الحمض النووي لفيروس سي ماعندوش القدره دي.
3. علاجات فيروس سي الحاليه بتشتغل علي ايقاف تكاثر الفيروس و بالتالي مع الوقت مش بيكون في فيروس في الدم و بالتالي المريض بيتم شفاءه.
4. علاجات فيروس بي حاليا اللي هما انتيكافير و تنوفوفير بيشتغلوا علي منع تكاثر الفيروس في الدم بس مالهموش اي تأثير علي وجود و نشاط الفيروس داخل الخليه الكبديه نفسها و ده اسمه شفاء جزئ partial cure.
5. الجيل القادم من علاجات فيروس بي و اللي لسه حاليا في طور التجارب العلميه و اللي غالبا هتكون في الاسواق في غضون سنتين او 3 سنين بتمنع تكاثر الفيروس في الدم و بتقلل كمان من نشاط الفيروس داخل الخليه و من اندماج الحمض النووي الفيروسي مع الحمض النووي للخليه الكبديه بس مش بيمنعه خالص و ده اسمه شفاء وظيفي functional cure.
6. الشفاء التام من فيروس بي مازال حلم للاطباء و العلماء و لكن مفيش حاليا اي تجارب في مراحل متقدمه علي اي ادويه ممكن تؤدي الي الشفاء التام او ما يطلق عليه steralization.
7. علاجات فيروس بي الحاليه تقلل بشكل كبير احتماليه حدوث اوارم كبديه خبيثه بس مش بتلغيها خالص و لذلك المتابعه واجبه للمرضي حتي اللي علي علاج و الفيروس غير متواجد بالدم...

23/10/2024

اللهم اجعل عملنا خالصا لوجهك الكريم

12/03/2024

كل عام وانتم بخير وصحه وعافيه ، رمضان كريم