Dr. Doaa ElSharkawy Kids Clinic

29/04/2025

فى حاجة اسمها التربية الجنسية للاطفال .. دي قواعد عامة لو الأم اتبعتها بتفرق جدااااا مع الطفل....
لازم تأهلوا أولادكم إزي يتعملوا مع العالم الخارجي.....
١- الطفل من وهو بيبي الأم بس اللي تغيرله....
٢- التغيير في باب مقفول حتي لو مافيش حد....
٣- ممنوع تغير قدام حد او مكان مفتوح ..
٤- لو الأم مش موجودة الجدة اللي تغير اكبر حد سن فالأصغر والأصغر .. وبردك مكان مقفول ..
٥- من سن سنة ونص الطفل يبداء يشطف نفسة الام تعلمة يشطف نفسة وينظف منطقة العورة ازي ..وتقلل وضع يديها علي منطقة العورة في تنظيف الطفل ..
٦- مرحلة البوتي ترينج لازم باب التوالت يبقي مقفول او مردود عليهم مش تحط البوتي في الرسبشن والاوض غلط جداا
٧- تبداء تقول عيب لما يجي الطفل يرفع هدومة او يغير او يستحمي ولازم يتعود يرد الباب عليه ...
٨- ممنوع التقبيل من الفم منعا باتا الام والاب من الخد فقط او وباقي الافراد من اليد او الجبهه فقط ..
٩- مافيش حاجة اسمها طفل يقعد علي رجل حد ..ولو لازم يقعد يبقي يقعد بالجنب ظهرة للهواء مينفعش يقعد ظهرة في وش اللي قاعد غلي رجله ..
١٠- اول ما الطفل يبداء يتكلم ويدرك هنعيد عليه يوميا من السرة للركبة دي منطقة خاصة بيك انت بس مينفعش حد يشوفها ولا حتي ماما وبابا ..الدكتور بس اللي يشوفها لو انت عيان وماما وبابا يكونوا معاك ..ومينفعش خالص نشوفها عند حد نغمض عنينا عيب نشوف اي حد من السرة للركبة ...
١١- نربي عند الطفل ان لو حد بيرفع هدومة او عاوز يلمس المنطقة دي يقوله لاء عيب بصوت عالي جدا ..ولو مسمعش الكلام نصرخ ونقول عيب لاء لاااااء ونزعق جدا .ونقول بسرعة لأي حد كبير موجود ماما بابا المدرسة الدادا ..
١٣- لو الطفل في حضانة دادة وحدة بس المسؤلة عن دخوله التوالت او تغيرله مش كل يوم دادة شكل ..
١٤- يتنبه غلي الحضانة او المدرسة تأكد عليه من السرة للركبة منطقة خاصة بيا مينفعش حد يشوفها او يلمسها مينفعش حد من اصحابي يدخل معايا التوالت مينفعش الاطفال يعملوا قدام بعض او يلبسوا قدام بعض حتي لو نفس النوع ...
١٥- ممنوع منعا باتا الاخوات يستحموا مع بعض من غير مايوه حتي لو نفس النوع...
١٦-مينفعش اسبهم في البانيو من غير مايوه لو الاب والام هيفضلوا داخلين خارجين علي الطفل ..
١٧- مافيش حاجة اسمها اجبر ابني او بنتي يبوس فلان عشان ضيف اواغصبة ان حد يبوسة قدامي .. السلام اساسا بالايد مافيش حاجة اسمها بوس وبالعافية ...
١٨- طبعا التفريق في المضاجع لازم يبقي للطفل سرير من وهو صغير مينمش مع الاب والام... وطبعا مينفعش اخوات يناموا جنب بعض ..ايان كان عمرهم حتي لو نفس النوع ..ولو كان ضيق الحال ولازم يناموا علي نفس السرير يبقي لكل واحد الغطا الخاص به ...
١٩- اهم نقطة اللي هي الاساس اي ام واب بيجبروا اولادهم علي الطاعة العمياء.. ويجبرهم علي انهم يسمعوا الكلام من غير مايفهموا الاسباب او يضربوهم ويجبروهم علي سماع الكلام ولو اعترض الطفل واتكلم بيزودوا الضرب او العقاب ..مع الاسف انتوا كدا بتسلموا ابنكوا او بنتكوا لاي متحرش بتسلبة كرامته وحريته فبيبقي مباح اي حد يتعدي عليه ومش هيقدر يقاوم ولا حتي يشتكي لانه لو اشتكي هيتعاقب زيادة زي ما عودتوه ..دا غير انه اصلا فاقد الثقة فيكم وفاقد الامان منكم فمش هيجي يحكلكم اتعمل فيه ايه ..ادو مساحة ليهم عشان يعترضوا ويدفعوا عن حقهم ادوا مساحة ليهم امان يشتكوا وتنصفوهم .
تعود الطفل من الصغر بيربي حياء وبيعرف الطفل حقوقة وانه مش مباح لاي حد غريب او قريب او حتي الاب والام وانه كيان ليه حرية الاعتراض ..
ابحثوا عن التربية الجنسية للاطفال هتلاقوا معلومات كتيرة مفيدة بسيطة جدا بس بتفرق جداا في التربية ...
يا رب تكون الرسالة وصلت ...

12/04/2025

https://www.facebook.com/share/p/19co4xxjrL/

كيف تجعلين ابنك ينفذ أوامرك وهو يظن أنه يفعل ما يريد؟

الأطفال غالبًا يرفضون الأوامر المباشرة لأنهم يريدون الشعور بالاستقلالية والسيطرة على قراراتهم. لكن يمكنك توجيهه بطريقة ذكية تجعله ينفذ ما تريدين بدون مقاومة. إليكِ بعض الأساليب الفعالة:

---

1️⃣ إعطاؤه خيارات وهمية (الخيار بين شيئين مقبولين)

🔹 بدلًا من قول: "ارتدِ ملابسك الآن!"
✔️ قولي: "هل تفضل ارتداء القميص الأزرق أم الأحمر؟"

🔹 بدلًا من قول: "اغسل يديك قبل الأكل!"
✔️ قولي: "هل تريد غسل يديك بالصابون السائل أم الصابون العادي؟"

🎯 الفكرة: عندما يشعر الطفل أن لديه خيارًا، لن يشعر بأنه مجبر، وبالتالي سيتعاون بسهولة.

---

2️⃣ تحويل الأمر إلى تحدٍ أو لعبة

🔹 بدلًا من قول: "اجمع ألعابك فورًا!"
✔️ قولي: "هيا نرى من سيجمع ألعابه أولًا، أنت أم أنا؟"

🔹 بدلًا من قول: "اذهب للنوم الآن!"
✔️ قولي: "هل تستطيع أن تصل إلى سريرك قبل أن أنهي العد إلى 10؟"

🎯 الفكرة: الأطفال يحبون التحديات والألعاب، وعندما تجعلي الأمر ممتعًا، سيفعلونه بسرعة.

---

3️⃣ جعل الأمر يبدو كأنه فكرته هو

🔹 بدلًا من قول: "تناول طعامك كله!"
✔️ قولي: "هل تريد أن تكون قويًا مثل الأبطال؟ الأبطال يأكلون هذا الطعام!"

🔹 بدلًا من قول: "اذهب لحل واجباتك!"
✔️ قولي: "ما رأيك أن تشرح لي درس اليوم بعد أن تنهي واجبك؟ أنا متحمسة لسماع ما تعلمته!"

🎯 الفكرة: عندما يشعر الطفل أنه صاحب القرار، سيتعاون بسهولة.

---

4️⃣ استخدام العواقب الطبيعية بدلًا من الصراخ أو العقاب

🔹 بدلًا من قول: "إذا لم ترتدِ معطفك، ستعاقب!"
✔️ قولي: "إذا خرجت بدون معطف، ستشعر بالبرد جدًا. ماذا تفضل؟"

🔹 بدلًا من قول: "إذا لم تضع ألعابك مكانها، سأرميها!"
✔️ قولي: "إذا لم تضع ألعابك في مكانها، فقد تضيع أو تنكسر. هل تريد الاحتفاظ بها سليمة؟"

🎯 الفكرة: عندما يرى الطفل نتيجة قراراته، سيتعلم الانضباط دون الحاجة للصراخ أو العقاب.

---

5️⃣ تقليل الأوامر المباشرة وزيادة التحفيز

🔹 بدلًا من قول: "اجلس وأكل طعامك!"
✔️ قولي: "أنا واثقة أنك تستطيع إنهاء صحنك مثل الكبار!"

🔹 بدلًا من قول: "لا تصرخ في البيت!"
✔️ قولي: "أنا أحب سماع صوتك الهادئ، يبدو أجمل هكذا!"

🎯 الفكرة: عندما تشجعين الطفل بدلاً من توبيخه، سيشعر أنه مسؤول وسيريد تنفيذ المطلوب منه.

---

💡 الخلاصة

✔️ قدمي له خيارات، حتى يشعر بالاستقلالية.
✔️ اجعلي الأمر ممتعًا عن طريق التحديات أو اللعب.
✔️ استخدمي التحفيز الإيجابي بدلًا من الأوامر المباشرة.
✔️ اجعليه يشعر أن القرار قراره وليس إجبارًا منكِ.
✔️ دعيه يواجه عواقب قراراته ليكتسب الخبرة بنفسه.

بهذه الطرق، ستجعلين ابنك ينفذ المطلوب دون عناد أو مقاومة، بل وهو يظن أنه صاحب القرار!

للتواصل واتساب 010 08409447

20/08/2022

السادة عملاء عيادة
د/ دعاء الشرقاوى. استشاري اطفال وحديثي الولادة
نفيد سيادتكم علما انه اعتبارا من ١٨ اغسطس ٢٠٢٢ قد تم ايقاف الحجز للعيادة على تطبيق ❌❌ فيزيتا❌❌

ويتم الحجز مباشرة علي الرقم 01091718500
وذلك حرصا منا علي عدم رفع قيمة الكشف والوقوف ضد استغلال المريض والطبيب من مثل هذه التطبيقات ❌❌

31/03/2022

نصائح للأم المرضع في رمضان
==============================
الصيام مع الرضاعة يشغل بال العديد من الامهات فإذا كان طفلك تعدي الستة شهور فمن السهل الاستعانة بوجبة او اثنين فترة الصيام. ولكن الأطفال اقل من ستة شهور تكون الرضاعة الطبيعية اساس تغذيتهم... ولكن لا تقلقي يمكنك الصيام مع الرضاعة بإتباع النصائح التالية
💡💡💡💡💡💡💡💡💡💡💡💡💡💡💡
🌞تجنبي الأعمال المنزليةالشاقة فترة الصيام
🌞قللي التعرض للشمس في فترة الظهيرة
🌞حافظي علي برودة الجو حولك في الأيام الحارة باستخدام التكييف او المرواح
🌞اكثري من شرب الماء والحليب والعصائر الطازجة فترة الافطار من 8:12كوب
🌞اهتمي بتنوع طعام الافطار بحيث يحتوي علي الخضار والفواكه الطازجة والشوربه والبروتينات النباتية والحيوانية
🌞ابتعدي عن المخللات والجبنة الرومي ولا تسرفي في الملح فهو يعمل علي سحب الماءمن الجسم
🌞ابتعدي عن الكافيين والمشروبات والحلويات عالية السكر فهي ايضا تسحب الماء من الجسم
🌞لا تنسي تناول الزبادي علي السحور
🌞🌞🌞🌞🌞ولكن اذا 🌞🌞🌞🌞🌞
⚡شعرت بعطش شديد
⚡جفاف شديد في الحلق والشفتين والعنين
⚡دوخة وصداع شديد
⚡جفاف وتشقق الحلمات
⚡بكاء مستمر لطفلك وقلة نومه
⚡وزن الطفل ثابت و بيقل
⚡لون البول غامق ورائحته نفاذه
يمكنك الافطار فللأم المرضع رخصة الافطار اذا كان للصيام ضرر يلحق بها او طفلها
تقبل الله منا ومنكم صيام الشهر الفضيل وكل عام وانتم بخير

15/03/2021

⚠️❗امتى تشكي ابنك عنده كورونا

لو بيعاني بواحد او اكتر من الأعراض دي
💥. اعراض تنفسية حادة زي الكحة او ضيق التنفس
💥. ارتفاع في درجة الحرارة فوق ٣٨
💥. فقدان مفاجئ لحاسة الشم والتذوق
====================================
⚠️❗امتى الاحتمال يكون عالي بالاصابة

لو فيه عرض من الأعراض السابقة مع
💥. مخالطة شخص مؤكد بال pcr
💥. مخالطة شخص توفي بأعراض تنفسية حادة
====================================
⚠️❗امتى ابقى متأكد من الإصابة

💥. اي حالة عندها اعراض وطلع تحليل ال pcr إيجابي

الحفاظ على التباعد ولبس الماسك هيحميكي من الإصابة بإذن الله انتي وعيلتك.
❤️.. احرصي تبدأي بنفسك وتكوني قدوة لأولادك.
ربنا يحفظنا جميعا من الأمراض ويديم علينا
الصحةوالعافية ويرفع عنا البلاء
======================================
د/دعاء الشرقاوي
استشاري أطفال وحديثي الولادة
٣ ش احمد النحاس المريوطية اللبيني فيصل
ت 01091718500

د. دعاء ف*ج الشرقاوي
أستشاري أطفال و حديثي الولادة
كلية

11/03/2021

👶طفلك في شهره الثامن 👶

👇👇👇

🎈. يضرب الاشياء ببعض او بالارض ليصدر اصوات مثل المكعبات والاطباق... خلي بالك من الاشياء القابله للكسر او اللي ممكن تنفصل منها اجزاء صغيرة
🎈. يجلس مستقيما بمفرده لعدة دقائق

11/03/2021

👶 طفلك في شهره السابع 👶

طفلك هنا بدأ يميز الاشخاص كويس وهتلاحظي 👇

🎈 يقلق ويبدأ في البكاء اذا اقترب منه شخص غريب
🎈 يحاول الجلوس بمفرده من وضع النوم اذا حاولتي مد يدك اليه دون شده

11/03/2021

👶طفلك في شهره السادس 👶

طفلك في الشهر ده هتلاقي تطور كبير في حركته 👇

🎈 هتلاقيه يلتفت للاصوات المختلفة زي التلفزيون او الشخشيخة
🎈 بيتقلب من علي ظهره الي جانبه... خلي بالك لا تتركيه علي مكان عالي
🎈 يلعب بأي شئ ويحاول اكتشافه ويحاول اصدار اصوات به ويضعه في فمه.... خلي بالك بلاش اللعب اللي فيها اجزاء صغيرة يمكن ابتلاعه
🔔 لو لاحظتي اي تأخر في العلامات السابقة بسرعة استشيري طبيبك

05/03/2021

💕طفلك في شهره الخامس 💕

طفللك في العمر ده هتلاحظي انه يقدر يعمل الآتي

🐣. اذا وضعتي شخشيخه في ايده ينظر إليها ويضعها في فمه ويهزها ويلعب بها
🐣. يهتم الطفل بالاشياء من حوله ويحاول الوصول لها بمد ذراعه تجاهها
🐣. يمكنه الجلوس مستندا الي وسادة او الي ذراع امه

لو لاحظتي اي تأخر في العلامات دي بسرعة استشيري طبيبك

05/03/2021

💕طفلك في شهره الرابع 💕

طفللك دلوقت هتلاحظي فرق كبير في تطوره الحركي هتلاقيه بيعمل الأتي

🐣. يرفع رأسه بثبات لفوق لو رفعتيه من تحت باطه
🐣. يبتسم عند رؤية امه ويهدأ عندما يراها
🐣. عندما ينام على بطنه يرفع صدره عن السرير ويسند على ذراعه

لو لاحظتي اي تأخر في العلامات دي بسرعة استشيري طبيبك

05/03/2021

💕طفلك في شهره الثالث💕

الطفل في العمر ده يقدر يعمل الآتي

🐣. يبتسم وبيناغي بصوت واضح عند الكلام معه أو اصدار أصوات له
🐣. بيكون قادر على النظر حوله في كل الاتجاهات
🐣. يرفع رأسه وتظل ثابته بدون مرجحه اذا الأم حملته على كتفها
لو لاحظتي اي تأخر في العلامات دي وخاصة ثبات الرأس... بسرعة استشيري طبيبك

عيادة د /دعاء الشرقاوي
استشاري أطفال وحديثي الولادة
٢ ش احمد النحاس اللبيني فيصل
ت 01091718500

04/03/2021

💕طفلك في شهره الثاني 💕

الطفل في السن ده بيقدر يعمل
🐣. يسكت او يتخض لما يسمع أصوات عادية زي الكلام أو الشخشيخة
🐣. بيتابع بعينه أمه وهي بتتحرك او يتابع لعبة بتتحرك أدامه
🐣. بيحرك عينه يكتشف المكان اللي حواليه
لو لاحظتي اي تأخر في العلامات دي بسرعة استشيري طبيبك