https://www.facebook.com/192648734835248/

عيادة دكتور ياسر ربيع هلال لأمراض القلب, kerdasa, Giza (2025)

23/10/2025

💔 أمراض القلب… القاتل الأول في العالم! ☠
أكتر من 18 مليون وفاة سنويًا بسبب أمراض القلب 😢
لكن … انت تقدر تقي نفسك! 🙌

👀 الأعراض اللي لازم تاخد بالك منها:
❤️ ألم في الصدر أو ضيق في التنفس
😵 دوخة أو إغماء
😴 تعب أو إرهاق بدون سبب واضح
🦵 تورم في الساقين أو الكاحلين
💓 خفقان أو عدم انتظام في ضربات القلب

🛡 الوقاية سهلة وفعّالة:
🚭 الإقلاع عن التدخين
🥗 أكل صحي متوازن
🏃‍♂️ ممارسة الرياضة بانتظام
⚖️ الحفاظ على وزن مناسب
🩸 متابعة ضغط الدم والكوليسترول والسكر
🩺 فحوصات دورية للاطمئنان على القلب

💬 تذكر:
أمراض القلب ممكن تكون خطيرة،
لكن الوقاية المبكرة والمتابعة المنتظمة ممكن تنقذ حياتك ❤️
........ احجز فحصك الآن .
🩺 رسم القلب والموجات الصوتية على القلب ( الايكو ) متوفر بالعيادة
📞 للحجز والاستفسار: [ 01097274641]
📍 العنوان: [كرداسة - الموقف - أعلى مسجد عيسى - أمام قسم شرطة كرداسة]
مواعيد العيادة: الأحد ـ الإثنين ـ الأربعاء ـ الخميس
من ٧.٣٠ إلى ١٠.٣٠ م

15/10/2025

❤️ لو عندك سكر.. متستهونش بفحص القلب!
مرض السكر ممكن يسبب ضيق أو قصور في الشرايين التاجية اللي بتغذي القلب،
وده ممكن يؤدي لـ ذبحة صدرية أو جلطة قلبية حتى لو مفيش ألم واضح في الصدر!
أوقات مريض السكر بيحس بـ
🔸 تعب أو دوخة
🔸 تعرّق أو غثيان
🔸 صداع أو ضعف عام
ويفتكرها حاجة بسيطة، لكنها ممكن تكون علامة خطر على القلب!
كمان مع الوقت ممكن يحصل ضعف في عضلة القلب وده يسبب:
🔹 نهجان
🔹 صعوبة في التنفس
🔹 تورم القدمين
⚠️ علشان كده، فحص القلب الدوري لمريض السكر ضرورة مش رفاهية.
احمِ قلبك.. وراجع طبيبك بانتظام 🩺

25/09/2025

🫀 أدوية الضغط والسكر والقلب مش لعبة!
كتير بشوف ناس بتوقف العلاج من نفسها وتيجي تشتكي بعد فترة إن الضغط أو السكر رجع عالي جدًا!
👴 - "وقفت العلاج ليه يا حاج؟"
💬 - "أصل لقيته اتظبط!"
👨‍⚕️ - "اتظبط ازاي؟!"
💬 - "قسته لقيته مظبوط فوقفت العلاج!"
🚨 الحقيقة إن الضغط والسكر بيتظبطوا علشان ماشي على العلاج
ولو وقفت العلاج فجأة هيرجعوا يعلى تاني … وممكن تعمل مضاعفات خطيرة 💔
✅ نصيحتي:
استمر على علاجك زي ما الدكتور كاتب.
راجع معاه كل فترة لو محتاج يغيّر الجرعة أو الدوا.
ما توقفش علاجك من نفسك أبدًا.
🩺 صحتك أمانة.. خليك ملتزم

18/09/2025

الكشف المبكر بيقلل 80% من خطر الجلطات ...🫀....
.......الكوليسترول العالي مالوش اعراض
📌 إزاى يجيلك جلطة وانت لا عندك ضغط ولا سكر ولا بتدخن؟!
🧠 ٧٥٪ من الكوليسترول بيتصنع في الكبد، مش في الأكل!
يعنى حتى لو أكلك كويس ممكن الكبد يصنع كوليسترول زيادة ويسده شرايين القلب.
🍟 الخطر الأكبر:
المقليات (طاسة القلية: بطاطس، طعمية، بانية، سمك)، السمن المهدرج، الزيوت الرخيصة، الأكل المسبك، الحلويات والمشروبات الغازية.
🧬 الجينات الوراثية ليها دور
ممكن تبقى مريض ارتفاع كوليسترول حتى وانت مش بتاكل دهون كتير.
✅ الحل:
تحليل كوليسترول شامل.
تقليل المقليات والحلويات.
رياضة أو مشي ٣٠ دقيقة يومياً.
لو الكوليسترول عالى لازم العلاج – بيقلل خطر الجلطة ويحمي القلب.
❤️ افحص – طمّن قلبك – خليك فى الأمان

16/09/2025

💥 حرقان في الصدر؟ مش دايمًا حموضة! 💥
كتير مننا لما يحس بحرقان في صدره أو معدته يقول:
"دي حموضة!" ويهمل الموضوع...
لكن في الحقيقة أحيانًا الجلطة القلبية بتيجي بنفس الأعراض دي!
💡 عشان كده بننصحك:
لو حسيت بحرقان شديد في صدرك أو معدتك، خصوصًا لو جديد أو مختلف عن اللي متعود عليه ➡️ توجّه فورًا لأقرب طبيب أو مستشفى تعمل رسم قلب وتتطمن.
🔎 الأعراض اللي لازم تخلي بالك منها:
1️⃣ ألم أو تقل أو حرقان في الصدر.
2️⃣ الألم ممكن يمتد للكتف أو الذراع الشمال أو الظهر أو الفك.
3️⃣ نهجان أو ضيق تنفس.
4️⃣ عرق غزير بدون سبب واضح.
5️⃣ غممان نفس أو رغبة في القيء.
🚨 مش لازم كل الأعراض تحصل مع بعض!
⚠️ مريض السكر بالذات: الأعراض ممكن تكون أقل حدة أو حتى بدون ألم واضح… أحيانًا مجرد إحساس بالهبوط.
✅ الخلاصة:
أي عرض من دول لازم تاخده بجدية وتطلب نصيحة طبية فورًا… لأن التدخل المبكر ممكن ينقذ حياتك!

08/08/2025

💔 سمعت قبل كده عن "متلازمة القلب المكسور"؟
الاسم شكله درامي، بس الموضوع علميًا حقيقي ومهم جدًا!

🔬 إيه هي بقى؟
متلازمة القلب المكسور، أو زي ما بنسميها بالإنجليزي:
Takotsubo Cardiomyopathy
وهي نوع من أنواع اعتلال عضلة القلب بيحصل بسبب ضغط نفسي أو صدمة عاطفية شديدة، وده بيأثر على الجزء اللي بيضخ الدم (البُطين الأيسر)، وبيخليه يشتغل بشكل أضعف مؤقتًا.

📚 اسمها العلمي: "اعتلال عضلة القلب الإجهادي"
يعني إن القلب بيتأثر بسبب التوتر أو الانفعال القوي، مش بسبب انسداد في الشرايين زي الجلطة.

😢 إمتى بتحصل؟

• فقدان حد قريب
• انفصال أو وجع عاطفي مفاجئ
• خبر صادم أو موقف صعب
• ضغط نفسي أو جسدي جامد

⚠️ الأعراض بتلخبط لأنها شبه أعراض الجلطة:

• وجع في الصدر
• ضيق في النفس
• ضربات قلب سريعة
• دوخة أو إغماء

💊 العلاج بيكون:

• راحة تامة – نفسية وجسدية
• أدوية بتنظم عمل القلب
• دعم نفسي أو علاج عاطفي مهم جدًا
• ومعظم الناس بيتحسنوا في خلال أسابيع بإذن الله ❤️

🧠 افتكر دايمًا:
قلبك مش آلة، بيتأثر بكل اللي بتحس بيه.
لو مرّيت بموقف صعب، خليك واعي لأي أعراض، واسأل حد متخصص.
واهتم بصحتك النفسية... علشان قلبك يفضل سليم 💪

17/07/2025

✅ نصائح التغذية الصحية للقلب:

1. الإكثار من الخضار والفواكه

مصادر غنية بمضادات الأكسدة والألياف.

بتحسن من صحة الشرايين وبتقلل الالتهابات.

2. اختيار الحبوب الكاملة بدلًا من المكررة

زي الشوفان، القمح الكامل، الأرز البني.

بتساعد في تنظيم السكر والدهون.

3. تقليل الدهون المشبعة والمتحولة

قلل من الزبدة، السمن، اللحوم الدسمة، والمقليات.

استبدلها بزيوت صحية زي زيت الزيتون وزيت الكانولا.

4. زيادة تناول الدهون الصحية

زي الأوميغا-3 الموجودة في:

السمك (السلمون، السردين، الماكريل)

المكسرات (اللوز، الجوز)

بذور الكتان والشيا

5. التقليل من الملح

قلل من الأطعمة الجاهزة والمعلبة.

استبدل الملح بالأعشاب والليمون.

6. الاعتدال في البروتينات الحيوانية

اختار لحوم خالية من الدهون.

ويفضل الدواجن من غير جلد أو الأسماك.

7. التحكم في السكر

قلل من السكريات المضافة والمشروبات الغازية والحلويات المصنعة.

8. شرب كمية كافية من المياه

الحفاظ على الترطيب بيأثر بشكل غير مباشر على ضغط الدم وصحة الأوعية.

10/07/2025

حاسس بوجع في صدرك؟
بتنهج بسرعة؟
قلبك بيدق بسرعة أو بتحس بدوخة؟ماتطنش روح اكشف واطمن على قلبك....

04/07/2025

رحيل مفاجئ … وأعراض ممكن تكون خادعة!

من يومين كدة توفي الفنان الشاب "أحمد عامر" بعد ما اشتكى من ألم في معدته!

لكن السؤال المهم:
هو وجع البطن ممكن يكون علامة على أزمة قلبية؟
الإجابة: أيوه… وخصوصا عند الشباب!

💔 أزمة القلب مش دايما بتبدأ بألم في الصدر!
في ناس – زي أحمد عامر – بيكون أول عرض يحسوا بيه هو:
▪️ مغص أو تقلصات في المعدة
▪️ غثيان أو ترجيع
▪️ تعب عام أو عرق بارد
▪️ دوخة مفاجئة

ألم المعدة أو البطن العلوي ممكن يكون عرض لـ جلطة القلب السفلية (Inferior STEMI) اللي غالبا بتبقى جلطة في الشريان التاجي الأيمن، بسبب تشابه الإمداد العصبي بين القلب والجهاز الهضمي.
الجلطة بتحفز العصب الحائر فتسبب أعراض زي الغثيان والقئ وألم فم المعدة.
وكل ده ممكن يتفسّر غلط على إنه "برد في المعدة" أو "أكل تقيل"… لكن القلب بيصرخ وبيطلب تدخل فوري!

⚠️ لو حسيت بألم غير مبرر في البطن مع عرق أو دوخة أو خفقان... متتأخرش!
الإنقاذ بيبدأ بدقايق… واللي راح منقدرش نرجعه، لكن نقدر ننقذ اللي بعده.

💬 شارك البوست ده، يمكن توعية بسيطة تنقذ روح.

02/07/2025

في ليله من الليالي المظلمه اللي كانت شديده السواد
تليفون بيرن
السلام عليكم
عليكم السلام حضرتك الدكتور محمد
اتفضل معاك خير
والله زوجتي حامل وتعبانه شويه وحاسه ان هي مش موزونه خالص ومحتاجين نعدي على حضرتك تبص لنا عليها احنا اسفين احنا عارفين الساعه 2:00 بالليل بس مش عارفين نروح فين والدكتور اللي احنا متابعين معاه للاسف مش متواجد احنا متعشمين في حضرتك
تنوروا طبعا في اي وقت تعالى لى العياده وقبل ما توصل العياده اديني رنه وانا هنزل لك على طول . ازيكم اخباركم ايه يا رب تكونوا بخير اتفضلي يا مدام اسفين والله يا دكتور ازعجناك في وقت متاخر بس احنا مش عارفين نعمل ايه ومتعشمين في حضرتك احنا بصراحه متابعين بس الدكتور اللي احنا متابعين معاه مش متواجد النهارده واحنا عارفين ان حضرتك ما تتاخرش عن حد .. اخذت التاريخ المرضي بشكل كويس وبسأل المريضه على اللي تعبها دماغي هي اللي تعبانه حاسه ان في شاكوش جوه دماغي ومش موزونه وكل ما اقوم حسن ان هقع مع اني واكله كويس وتحليل الانيميا بتاعي كان كويس . اتفضلي يا مدام عشان نكشف على حضرتك وكشفنا فعلا واطمنا بشكل كبير جدا ما فيش اي مشاكل ظاهره في السونار الحاله مستقره جدا جدا لكن بقى حاجه واحده لسه ما عملناهاش وهي ان احنا نقيس الضغط للمريضه ونشوف النبض والعلامات الحيويه وان كان ده كان المفروض يتعمل في الاول . تعالي يا مدام نقيس لك الضغط انت امورك كويسه جدا الحمل بتاعك كويس والبيبي حالته مستقره والحمد لله امورك تمام هنطمن على الضغط وهنعمل لك شويه فحوصات وان شاء الله يكون كل خير
نقيس الضغط المريضه من كتر ما الضغط مش مظبوط شكيت في نفسي واضطريت ان انا اقيسه اكثر من مره واضطريت اقيسه في الذراعين مش في دراع واحد .وسالت المريضه سؤال هو حضرتك اشتكيتي من الضغط العالي قبل كده سواء في حمل او في غير حمل ردت المريضه بكل تلقائيه اه انا ساعات كان ضغط بيعلى قبل الحمل وانا بصراحه في الحمل مش متابعه كويس كل فتره من وقت للتاني بروح للدكتور ولما بقيس الضغط بيلاقيه كويس وبيقول لي انت تمام يا مدام . بصراحه يا استاذ انا مش عارف اقول لك ايه انت موضوعك صعب جدا انتى الضغط عندك 220 على 100 وده رقم يخض بالنسبه لضغط الحمل
والمطلوب من حضرتك دلوقتي فورا انك تطلعي على المستشفى طب نروح مستشفى ايه يا دكتور انت كده قلقتنا وخوفتنا وانا كده مش هعرف اركز . حضرتك تطلع من هنا على مستشفى القصر العيني او على مستشفى الجلاء او على مستشفى الدمرداش اي مستشفى من مستشفيات الكبيره اللي تكون مجهزه عشان تستقبل حاله ضغطها عالي بهذا الشكل ووصفتله نوع معين من الادويه ياخده عشان الضغط العالي
الناس بصراحه ما كدبوش خبر وخدوا بعض وطلعوا على المستشفى واخذت منهم رقم تليفونهم عشان اتواصل معاهم
التليفون رن تاني بعد شويه هم بيكلموني ثاني
الحقنا يا دكتور الحاله بتتشنج وجسمها كله مخشب واتزرق نعمل ايه دلوقت
للاسف ما فيش حاجه نقدر نعملها غير ان انت تحاول تمنعها ان هي تعض على لسانها وهي في التشنجات وتسرع على قد ما تقدر عشان توصل للمستشفى عشان الحاله هيتعاملوا معاه بسرعه
وصلت الحاله المستشفى وللاسف حالتها ما كانتش مستقره خالص دخلت تستقبلوها اتعمل لها كل المطلوب وتعمل لها تحليل زلال في البول للاسف الشديد طلع الزلال ايجابي وتشخصت الحاله حاله تسمم في الحمل دي من اخطر الحالات اللي ممكن نقابلها اثناء الحمل
الحلقه اتحجزت في الرعايه اترتب ليها ولاده بعد ما تستقر للاسف الشديد تشنجات اتكررت تاني وثالث ورابع
اتصلت بالزوج عشان اطمن بعد ساعه ايه الاخبار طمني وصلنا لحد فين لقيت صوته مخنوق بالعياط بيقول لي ربنا يستر الدكاتره مش مطمنيني وقالوا لي الحاله مش مستقره
انا جوايا بقيت بقول الحمد لله ان انا حاولتش اتعامل معاها هنا نهائي لان مصلحتها ان هي تسافر وفي نفس الوقت في قمه الحزن والاسى على ان العينات تعبانه وحالتها فعلا غير مستقره
طيب معلش لما يبقى في جديد طمني عليها
انتظرته يرن عليا للاسف ما رنش عليا فانا رحت مكلمه وقلت له ايه الاخبار ما تطمني لقيته بيعيط مش قادر اتمالك نفسه وبيقول لي
راحت
راحت
راحت😥😥😥😥😥،
محدش يستهتر بالضغط العالي لازم يتقاس بانتظام طول فتره الحمل ما تنسوش ان المريضه
راحت😥
منقول من صديقي د محمد غنيم
اخصائي امراض النساء والتوليد

02/07/2025

🌞 في الصيف والحر الشديد… احذر من انخفاض الضغط! 🩺💧

في الجو الحار زي ده، بيزيد التعرق وفقدان السوائل والأملاح، وده ممكن يؤدي لـ انخفاض ضغط الدم (Hypotension)، وده معناه إن الدم مش بيوصل كويس للأعضاء المهمة زي المخ والقلب.

📉 أعراض الضغط الواطي:

دوخة أو دوار خاصة عند الوقوف فجأة

إحساس بالإرهاق

زغللة في العين

إغماء أو شعور بقرب الإغماء

برودة الأطراف أو شحوب الجلد

🚨 أكتر ناس عُرضة له:

كبار السن

مرضى القلب

الناس اللي بياخدوا أدوية مدرّة للبول أو أدوية للضغط

اللي ما بيشربوش مياه كفاية أو واقفين في الشمس كتير

💡 نصايح مهمة لتجنّب الضغط الواطي في الحر:
✅ اشرب مياه كتير طول اليوم (حتى لو مش عطشان)
✅ قلل الوقوف لفترات طويلة خاصة في الشمس
✅ البس ملابس خفيفة وواسعة
✅ كل وجبات خفيفة ومتكررة على مدار اليوم
✅ لو عندك أي أعراض، اقعد فوراً، وارفع رجلك، واشرب حاجة فيها ملح خفيف أو عصير

🧠 فاكر دايماً: الضغط الواطي مش دايماً مطمئن، خصوصاً لو بيأثر على نشاطك اليومي أو بيجيلك معه دوخة أو إغماء.

17/05/2025

🎯 الموجات الصوتيه على القلب (الإيكو) 🎯

✏ أشعة الإيكو هى اختبار يستخدم الموجات الصوتية عالية التردد لعمل صور للقلب يُسمى الاختبار أيضًا تخطيط صدى القلب أو الموجات فوق الصوتية التشخيصية للقلب.

✏تستخدم أشعة الإيكو لإنشاء صور القلب والصمامات وجدران الأوعية الدموية الرئيسيه المرتبطة بالقلب. يتم تمرير جهاز على الصدر ينتج موجات صوتية ترتد من القلب و يتم تغيير هذه الموجات إلى صور وعرضها على شاشة فيديو.

✏يساعد هذا النوع من الأشعه في الكشف عن:
👈حجم وشكل القلب وحجم وسمك وحركة جدران القلب.
👈كيف يتحرك القلب.
👈قوة ضخ القلب.
👈إذا كانت صمامات القلب تعمل بشكل صحيح.
👈إذا كان الدم يتسرب للخلف عبر صمامات القلب.
👈 إذا كانت صمامات القلب ضيقة للغاية مثل روماتيزم القلب.
👈إذا كان هناك ورم أو نمو معدي حول صمامات القلب.
👈 وجود مشاكل في البطانة الخارجية للقلب (التامور)
👈وجود مشاكل في الأوعية الدموية الكبيرة التي تدخل وتخرج من القلب.
👈جلطات الدم في حجرات القلب.
👈 ثقوب غير طبيعية بين حجرات القلب.

🎯 لحجز موعد فحص الموجات الصوتيه على القلب يمكنك تشريفنا بالعياده او الاتصال تليفونيا.

عيادة دكتور ياسر ربيع هلال لأمراض القلب

23/10/2025

15/10/2025

25/09/2025

18/09/2025

16/09/2025

08/08/2025

17/07/2025

10/07/2025

04/07/2025

02/07/2025

02/07/2025

17/05/2025

Address

Telephone

Website

Alerts

Contact The Practice

Shortcuts

Share

Category