Dr. Mohammed Safian - د. محمد صفيان

31/08/2025

سيتوقف النشر على هذه الصفحة، ونستكمل النشر على الصفحة الجديدة على الرابط التالي
https://www.facebook.com/DrSafianClinics

د. محمد صفيان
عضو الجمعية الأمريكية لمناظير الجهاز الهضمي والكبد

26/08/2025

أدوية تقليل الحمض زي "البانتوبرازول" أو "الأوميبرازول" آمنة جدًا في العموم، وبتساعد كتير في حالات الارتجاع.
لكن! استخدامها العشوائي، أو على المدى الطويل بدون متابعة، ممكن يسبب مشاكل.

منها مثلًا:
– نقص امتصاص فيتامين B12
– مشاكل في الكالسيوم والماغنيسيوم
– بكتيريا ضارة زي "الكلوستريديوم"

عشان كده لازم العلاج يكون بجرعة محددة، ولمدة يحددها الطبيب، وماتوقفوش فجأة من نفسك.

كل دواء مفيد لما نستخدمه صح... ومضر لو استخدمناه غلط.

✅ د. محمد صفيان – أخصائي الجهاز الهضمي والكبد
📍 عيادة الدقي: 12 شارع الدقي – أعلى مكتبة سمير وعلي – الدور الثامن
📍 عيادة إمبابة: 17 شارع الطيار فكري – بجوار نادي إمبابة الرياضي
📞 للحجز والاستفسار: 01070448585
🟢 واتساب مباشر: https://wa.me/+201070448585

25/08/2025

😴 نومك مش رفاهية... ده علاج مجاني كل يوم!
النوم من ٧ لـ ٩ ساعات يوميًا بيساعد في تحسين الذاكرة، تقوية المناعة، وتنظيم الهرمونات.
قلة النوم مش بس بتتعبك… دي كمان ممكن تزود فرص الإصابة بالأمراض المزمنة والسمنة.
نام بدري، وادي لجسمك فرصته يتعافى ويقوّى!

✅ د. محمد صفيان – أخصائي الجهاز الهضمي والكبد
📍 الدقي: ١٢ شارع الدقي – أعلى مكتبة سمير وعلي – الدور الثامن – الجيزة
📍 إمبابة: ١٧ شارع الطيار فكري – بجوار نادي إمبابة الرياضي – الجيزة
📞 للحجز والاستفسار: 01070448585

24/08/2025

🟥
"وجع المعدة اللي بيروح ويرجع مش دايمًا حموضة!"
لو الألم بيصحّيك من النوم، أو بتحس بغثيان مستمر، أو أو لقيت البراز لونه إسود... ده ممكن يكون قرحة في المعدة، وممكن تكون بتنزف كمان.
ماينفعش تفضل مستحمل أو تكتفي بالحلول المؤقته!
"إشارة حمراء" سلسلة طبية تقدمهالك عيادات د. محمد صفيان
علشان تعرف الأعراض اللي ماينفعش تتجاهلها أبداً

23/08/2025

تحب تاكل وتمدد؟ أو تنام ؟ خلي بالك...
النوم بعد الأكل مباشرة بيخلّي الحمض يطلع لفوق بسهولة.

الجهاز الهضمي محتاج وقت عشان يفرغ المعدة، والعضلة اللي بتفصل المعدة عن المريء بتبقى أضعف وقت النوم. النتيجة؟ حموضة، كحة، شرقة، نوم متقطع!

علشان كده بننصح دايمًا:
– استنى ساعتين بعد الأكل قبل ما تنام
– وجبة العشاء تبقى خفيفة وسهلة الهضم
– ولو عندك ارتجاع مزمن... ارفع السرير شوية

نوم هادئ يبدأ من معدة مرتاحة.

✅ د. محمد صفيان – أخصائي الجهاز الهضمي والكبد
📍 عيادة الدقي: 12 شارع الدقي – أعلى مكتبة سمير وعلي – الدور الثامن
📍 عيادة إمبابة: 17 شارع الطيار فكري – بجوار نادي إمبابة الرياضي
📞 للحجز والاستفسار: 01070448585
🟢 واتساب مباشر: https://wa.me/+201070448585

21/08/2025

| ضهري بيتكسر!
أول ما دخل، شد الكرسي وقعد وهو بيعدل ضهره كأنه بيهرب من الوجع.
مهندس في أوائل الأربعينات، مهندم جدا، رياضي، لكن تعبير وشه بيقول إن فيه حاجة جوّه بتكسره.
قاللي وهو بيشاور على مكان محدد في الظهر:
- الوجع هنا يا دكتور… في نص ضهري ، ناحية اليمين شوية، كأنه لسعة كهربا، أو نار بتحرقني من جوّه.
= وبيظهر إمتى؟
- غالبًا بعد الأكل… خصوصًا لو وجبة تقيلة، أو فيها دهون. ساعات بفكر أبطّل أكل!
بصيت في أوراقه، لقيت رحلة طويلة بين تخصصات:
عظام، أعصاب، روماتيزم…
تحاليل دم، أشعات على الفقرات، علاج طبيعي، مسكنات قوية… وكل مرة يرجع الوجع بنفس الشدة، وبنفس الحيرة.
سألته وأنا بفكر بصوت عالي
= عمرك حسّيت بحرقة في المعدة؟ أو حموضة؟
ابتسم وقال:
- مافيش غير اللسعة في الضهر… قلت دي أكيد فقرة، أو عصب مضغوط
فكرت للحظات ..
في حاجة مش مريحة في الحكاية.
لو عضلات، ليه الألم مرتبط بالأكل؟
ولو فقرات… ليه مش بيزيد مع الحركة مثلا؟
ولو كلى… ليه مفيش أعراض بمجرى البول؟
وهنا بدأ شيء مختلف يتكوّن في دماغي ..
هل ممكن يكون ده من المعدة؟ أو الإثني عشر؟
ولو فيه قرحة، هل ممكن توصل للعصب الجداري اللي بيغذي الضهر؟
سألته سؤال مباشر:
= فيه أكل معيّن بيزود الوجع؟
فكر لحظات وقال .. فعلا!!
- الدهون… الكافيين… ولو اتأخرت عن الأكل الوجع بيزيد.
= جربت تاخد حاجة تقلل الحموضة؟
- بصراحة لأ… كنت مفكر وجعي بعيد عن المعدة خالص.
طلبت إجراء منظار على المعدة والاثنى عشر.. وكانت النتيجة واضحة:
"قرحة عميقة في جدار الإثني عشر الخلفي، قريبة جدًا من عصب جداري بيستقبل الإحساس من منطقة الضهر"

ساعتها شرحتله:
"المكان ده في جدار الإثني عشر بيقرّب من أعصاب بتوصل الإحساس للضهر…
ولما بيحصل فيه التهاب أو قرحة، الجسم ساعات يترجم الوجع غلط…
ويفتكر إن الضهر هو اللي بيوجع، مع إن المشكلة جاية من جوّه البطن."
بصّ لي باستغراب وقال:
- يعني المعدة وجعت ضهري؟!
= ده حقيقي، وساعات الجسم يدوّخنا قبل ما يبوح بالسر!
بدأنا العلاج، وراجعني بعد أسبوعين، ولأول مرة يقول:
- نمت من غير ما أصحى على وجع
🎯 الرسالة:
لما الوجع يبقى غريب ومش بيستجيب، لازم نفكر بره الصندوق
أوقات المعدة ممكن تلسعك في الضهر، وتفضل تدور في الفقرات… والمشكلة كانت في المعدة من البداية.

19/08/2025

مش كل مريض ارتجاع يحس بالحموضة!
فيه نوع اسمه "الارتجاع الصامت"، وده أخطر لأنه ما بيظهرش بالأعراض التقليدية.

الحمض بيطلع من المعدة للمريء، لكن بدل ما يعمل إحساس بالحرقان، يوصل للحلق أو الأحبال الصوتية ويسبب:

– بحة مستمرة في الصوت
– شرقة أو كحة مزمنة خصوصًا بعد الأكل أو النوم
– إحساس بحاجة واقفة في الزور
– بلع صعب أو "تنفيض" مستمر للحلق
– أحيانًا التهاب في الجيوب الأنفية أو الأذن الوسطى

كتير من الناس بيتشخصوا غلط على إن عندهم برد مزمن أو حساسية أو ارتجاع أنفي،
لكن في الحقيقة السبب جاي من المعدة!

علشان كده لو عندك أعراض غريبة في الزور أو الصوت ومش لاقية تفسير...
فكّر في الارتجاع الصامت، وساعتها الكشف بمنظار أو علاج تجريبي ممكن يوضح الصورة.

✅ د. محمد صفيان – أخصائي الجهاز الهضمي والكبد
📍 عيادة الدقي: 12 شارع الدقي – أعلى مكتبة سمير وعلي – الدور الثامن
📍 عيادة إمبابة: 17 شارع الطيار فكري – بجوار نادي إمبابة الرياضي
📞 للحجز والاستفسار: 01070448585
🟢 واتساب مباشر: https://wa.me/+201070448585

18/08/2025

🥩 النقانق، السوسيس واللانشون ممكن يفتحوا الشهية... لكن يقفلوا الصحة!
اللحوم المصنعة فيها كميات كبيرة من الصوديوم والمواد الحافظة، وده بيرفع خطر الإصابة بأمراض القلب، وبيزيد من احتمالية بعض أنواع السرطان.
حاول تقلل منها قدر الإمكان، واستبدلها بأكلات طازة وصحية تديك طاقة وتحافظ على صحتك.

✅ د. محمد صفيان – أخصائي الجهاز الهضمي والكبد
📍 الدقي: ١٢ شارع الدقي – أعلى مكتبة سمير وعلي – الدور الثامن – الجيزة
📍 إمبابة: ١٧ شارع الطيار فكري – بجوار نادي إمبابة الرياضي – الجيزة
📞 للحجز والاستفسار: 01070448585

17/08/2025

🟥
"كلت لقمة... حسيت بغثيان؟"
لو عندك ألم مستمر في فُم المعدة، فقدان شهية، رائحة غريبه في النفس، ممكن تكون دي مش مجرد حموضة!
جرثومة المعدة من أكتر الأسباب الخفية اللي بتتجاهلها الناس وهي سبب أساسي في مشاكل مزمنة.
"إشارة حمراء" سلسلة طبية تقدمهالك عيادات د. محمد صفيان
علشان تعرف الأعراض اللي ماينفعش تتجاهلها أبداً

16/08/2025

وة من الحاجات اللي بتزود أعراض الارتجاع عند ناس كتير.
بس في ناس حياتها ما تستقيمش من غيرها!

لو حضرتك مريض ارتجاع وبتحب القهوة، مش لازم تمنعها 100%، لكن:
– قلل الكمية لأقصى حد
– خليك في قهوة خفيفة مش مركزة
– اشربها بعيد عن النوم
– خليك دايمًا واقف أو قاعد منتصب بعدها (ماتنامش أو تمدد)

يعني بدل ما تقول "ممنوع تمامًا"، من الآخر"لا تخافوا ولكن احذروا".

✅ د. محمد صفيان – أخصائي الجهاز الهضمي والكبد
📍 عيادة الدقي: 12 شارع الدقي – أعلى مكتبة سمير وعلي – الدور الثامن
📍 عيادة إمبابة: 17 شارع الطيار فكري – بجوار نادي إمبابة الرياضي
📞 للحجز والاستفسار: 01070448585
🟢 واتساب مباشر: https://wa.me/+201070448585

14/08/2025

منتظركم في الصفحة الجديدة

14/08/2025

| وجع غامض
دخلت العيادة ماشية على مهل، كأن كل خطوة ممكن تصحي وجع نايم.
بنت في أواخر العشرين، ملامحها هادية، بس شايلة وجع اكبر من سنها
قعدت وقالت بتنهيدة خفيفة:
"أنا تعبت يادكتور.. بطني بتتقطّع.
المغص بيبدأ من بطني و بينزل لتحت، بيشد في منطقة الحوض، وأوقات وأنا بدخل الحمام بحس إني بتعذّب.
وساعات يسَمّع في ظهري ومفيش سبب!."
راجعت تحاليلها الكتير:
صورة دم طبيعية، تحليل براز سليم، سونار على البطن مفيهوش حاجة…
كله بيقول: مفيش حاجة
بس من طريقة كلامها .. بجد واضح إنها بتتألم ، ألم مش طبيعي !
سألتها .. الوجع ده بيتكرر معاكي ؟ بيحصل امتى ؟
عينيها لمعت .. كإنها افتكرت حاجة اول مرة تلاحظها ! ..
- ايوة فعلا .. بيتكرر كل شهر قبل موعد الدورة بالظبط
قلت في نفسي:
"لو قولون عصبي، ليه الألم بيجي بنفس الدقة كل شهر؟
ولو التهاب… ليه مفيش حرارة، ولا دم، ولا تغيّر في التحاليل؟
وليه الألم بييجي قبل الدورة؟"
اللي حيّرني أكتر، إن الألم بيتركّز في منطقة الشرج وفقا لكلامها… ومرتبط دايما بالدورة الشهرية.
وقتها بدأ احتمال نادر يطل من زاوية التفكير…
بطانة رحم مهاجرة؟ بس على القولون؟
نادر… لكن مش مستحيل.
طلبت لها رنين مغناطيسي على الحوض، النوع اللي بيكشف التغيّرات الطفيفة في الأنسجة…
ولو فيه بطانة رحم خرجت من مكانها .. اكيد هتبان ..
رجعت بالأشعة… واللي قال تقريرها بوضوح
بطانة رحم مهاجرة مستقرة على جدار القولون السفلي.
ساعتها شرحتلها ببساطة:
"بطانة الرحم دي المفروض تبقى جوّه الرحم بس…
لكن في بعض السيدات ، الخلايا دي بتهرب وتزرع نفسها في أماكن تانية… زي المبايض، أو المثانة… أو حتى على جدار الأمعاء.
ولأنها لسه بتشتغل بنفس نظامها الشهري، بتسبب ألم شديد كل مرة في نفس توقيت الدورة الشهرية … بس .. في مكان مش متوقَّع."

بصّتلي وقالت:
– "يعني كل ده مش كان في خيالي؟"
– "لأ… تقرير الأشعة واضح اهو، تشخيص بسيط ولكنه منتظر اللي يسمع له !
شرحتلها إن الحالي دي محتاجة متابعة مع دكتور نسا متخصص، والعلاج ممكن يكون هرموني أو جراحي حسب الحالة.
🎯 الرسالة:
مش كل مغص… قولون.
وساعات الجسم يخبّي الحكاية في مكان مش متوقّع…
بس بيبعتهالك كل شهر… على هيئة ألم منتظم ومستمر.