Dr. Mohammed Safian - د. محمد صفيان

Dr. Mohammed Safian - د. محمد صفيان د. محمد صفيان
عضو الجمعية الأمريكية لمناظير الجهاز الهضمي والكبد

اعتدنا في عالمنا العربي أن نقدم المعلومة الطبية بشكل جامد جاف يبعث كل مشاهد إلى الملل والنفور من هيئة التقديم ،اعتدنا أيضا أن مهمة الطبيب دائما “ انقاذ ما يمكن انقاذه “ لا أنه من الطبيعي أن تزور طبيبك بين فترة وأخرى للإطمئنان على صحتك بوجه عام .

لهذا تحديدا كانت هذه المدونة ، لتعرض جانبا يسميه البعض “ الطب الوقائي “ ، إلا أني أريد أن أعرض عليك هذا الطب من منظور جديد .. طريقة جديدة .. يملؤها التشويق وتحيطها الإثارة .. طريقة تدفعك لمتابعة لذيذة لكل ما يتم عرضه وتناوله من علوم

منتظركم في الصفحة الجديدة
14/08/2025

منتظركم في الصفحة الجديدة

| وجع غامضدخلت العيادة ماشية على مهل، كأن كل خطوة ممكن تصحي وجع نايم.بنت في أواخر العشرين، ملامحها هادية، بس شايلة وجع...
14/08/2025

| وجع غامض
دخلت العيادة ماشية على مهل، كأن كل خطوة ممكن تصحي وجع نايم.
بنت في أواخر العشرين، ملامحها هادية، بس شايلة وجع اكبر من سنها
قعدت وقالت بتنهيدة خفيفة:
"أنا تعبت يادكتور.. بطني بتتقطّع.
المغص بيبدأ من بطني و بينزل لتحت، بيشد في منطقة الحوض، وأوقات وأنا بدخل الحمام بحس إني بتعذّب.
وساعات يسَمّع في ظهري ومفيش سبب!."
راجعت تحاليلها الكتير:
صورة دم طبيعية، تحليل براز سليم، سونار على البطن مفيهوش حاجة…
كله بيقول: مفيش حاجة
بس من طريقة كلامها .. بجد واضح إنها بتتألم ، ألم مش طبيعي !
سألتها .. الوجع ده بيتكرر معاكي ؟ بيحصل امتى ؟
عينيها لمعت .. كإنها افتكرت حاجة اول مرة تلاحظها ! ..
- ايوة فعلا .. بيتكرر كل شهر قبل موعد الدورة بالظبط
قلت في نفسي:
"لو قولون عصبي، ليه الألم بيجي بنفس الدقة كل شهر؟
ولو التهاب… ليه مفيش حرارة، ولا دم، ولا تغيّر في التحاليل؟
وليه الألم بييجي قبل الدورة؟"
اللي حيّرني أكتر، إن الألم بيتركّز في منطقة الشرج وفقا لكلامها… ومرتبط دايما بالدورة الشهرية.
وقتها بدأ احتمال نادر يطل من زاوية التفكير…
بطانة رحم مهاجرة؟ بس على القولون؟
نادر… لكن مش مستحيل.
طلبت لها رنين مغناطيسي على الحوض، النوع اللي بيكشف التغيّرات الطفيفة في الأنسجة…
ولو فيه بطانة رحم خرجت من مكانها .. اكيد هتبان ..
رجعت بالأشعة… واللي قال تقريرها بوضوح
بطانة رحم مهاجرة مستقرة على جدار القولون السفلي.
ساعتها شرحتلها ببساطة:
"بطانة الرحم دي المفروض تبقى جوّه الرحم بس…
لكن في بعض السيدات ، الخلايا دي بتهرب وتزرع نفسها في أماكن تانية… زي المبايض، أو المثانة… أو حتى على جدار الأمعاء.
ولأنها لسه بتشتغل بنفس نظامها الشهري، بتسبب ألم شديد كل مرة في نفس توقيت الدورة الشهرية … بس .. في مكان مش متوقَّع."

بصّتلي وقالت:
– "يعني كل ده مش كان في خيالي؟"
– "لأ… تقرير الأشعة واضح اهو، تشخيص بسيط ولكنه منتظر اللي يسمع له !
شرحتلها إن الحالي دي محتاجة متابعة مع دكتور نسا متخصص، والعلاج ممكن يكون هرموني أو جراحي حسب الحالة.
🎯 الرسالة:
مش كل مغص… قولون.
وساعات الجسم يخبّي الحكاية في مكان مش متوقّع…
بس بيبعتهالك كل شهر… على هيئة ألم منتظم ومستمر.

خدو بالكم بكرة الحر شديد .. وأرقام الحرارة مرتفعة!الحر الشديد بيزود خطر الإجهاد الحراري وضربة الشمس، وده بيحصل لما الجسم...
12/08/2025

خدو بالكم بكرة الحر شديد .. وأرقام الحرارة مرتفعة!

الحر الشديد بيزود خطر الإجهاد الحراري وضربة الشمس، وده بيحصل لما الجسم يعجز يبرد نفسه بالتعرق. النتيجة: فقدان مية وأملاح، انخفاض ضغط، دوخة، صداع، وأحيانًا فقدان وعي… خصوصًا عند مرضى القلب، الضغط، والكبد.

إزاي نحمي نفسنا في الأيام دي؟

قلل الخروج وقت الظهيرة.

اشرب مية بانتظام حتى لو مش عطشان.

البس ملابس قطنية فاتحة.

استخدم غطاء للرأس أو شمسية لو هتمشي في الشمس.

راقب أي أعراض دوخة أو إرهاق… وخدها بجدية.

في الحر الشديد، جسمك محتاج منك تحافظ عليه أكتر من أي وقت. صحتك أمانة… ودايمًا الوقاية أسهل من العلاج.

تحس بتحسن؟توقف العلاج فجأة؟مبروك… انت وقعت في أكبر غلطة في علاج الارتجاع!ناس كتير أول ما يهدأ الحرقان شوية، يقرروا يوق...
12/08/2025


تحس بتحسن؟
توقف العلاج فجأة؟
مبروك… انت وقعت في أكبر غلطة في علاج الارتجاع!

ناس كتير أول ما يهدأ الحرقان شوية، يقرروا يوقفوا الدوا من نفسهم…
وبعد كام يوم، ترجع الحموضة أقوى من الأول!
وده بيحصل بسبب حاجة اسمها "الارتداد الحمضي العكسي" أو Rebound Hyperacidity.

اللي بيحصل إن المعدة كانت متعودة تفرز حمض أقل بفضل العلاج،
فلما توقف الدوا فجأة، الجسم يفرز حمض بزيادة كرد فعل عكسي،
وساعتها الأعراض ترجع أقوى… وتفكر إن العلاج ماكانش نافع من البداية!

الصحيح إن وقف العلاج لازم يتم بشكل تدريجي وتحت إشراف الطبيب،
علشان نقلل الجرعة واحدة واحدة، وندي الجسم فرصة يتأقلم.

العلاج مش بس إنك تاخده صح…
العلاج كمان إنك تبطّله صح.

✅ د. محمد صفيان – أخصائي الجهاز الهضمي والكبد
📍 عيادة الدقي: 12 شارع الدقي – أعلى مكتبة سمير وعلي – الدور الثامن
📍 عيادة إمبابة: 17 شارع الطيار فكري – بجوار نادي إمبابة الرياضي
📞 للحجز والاستفسار: 01070448585
🟢 واتساب مباشر: https://wa.me/+201070448585

"المعدة بيت الداء .. والحمية رأس الدواء"حكمة قديمة منسوبة للحارث بن كلدة، طبيب العرب، ولسه رغم مرور أكتر من ألف سنة .. ا...
12/08/2025

"المعدة بيت الداء .. والحمية رأس الدواء"
حكمة قديمة منسوبة للحارث بن كلدة، طبيب العرب، ولسه رغم مرور أكتر من ألف سنة .. العلم بيأكدها بالحرف.

كتير من الأمراض بتبدأ من الأكل.
الكبد الدهني، مقاومة الإنسولين، ارتجاع المريء، القولون العصبي، وحتى ارتفاع الضغط.

الأبحاث النهارده بتقول إن تعديل النظام الغذائي مش رفاهية، ده خطوة أساسية في طريق الشفاء. قبل ما نفكر في الدواء، لازم نبص كويس على اللي في أطباقنا .. السكريات ، الدهون الضارة، والأكل المصنّع، كلهم بيزودوا المرض ويأخروا التعافي.

وشوفنا أمثلة كتير على ناس كانت التحاليل عندهم سيئة والأعراض مستمرة، ولما بدأوا يضبطوا أكلهم ويتجنبوا العادات الضارة… المؤشرات الصحية اتحسنت والأعراض قلت بوضوح.

الخلاصة: ساعات مفتاح الشفاء بيكون في المطبخ .. قبل الدواء.

مش كل أنيميا تتعالج بنفس الطريقةكتير من المرضى بيسألوني:"الحديد أخده حبوب ولا وريد؟ وإمتى ممكن أحتاج نقل دم؟"الحقيقة إن ...
11/08/2025

مش كل أنيميا تتعالج بنفس الطريقة
كتير من المرضى بيسألوني:
"الحديد أخده حبوب ولا وريد؟ وإمتى ممكن أحتاج نقل دم؟"
الحقيقة إن القرار مش أرقام وبس… هو أرقام + حالة المريض + السبب.
تعالوا نبسطها:

هيموجلوبين 9 أو أعلى: غالبًا نبدأ بعلاج الحديد عن طريق الفم (أقراص أو شراب) لو الجسم بيقدر يمتص كويس، والمريض مستقر.

أقل من 9: ممكن نلجأ للحديد الوريدي، خصوصًا لو فيه أعراض واضحة، أو الجسم مش بيمتص كويس، أو محتاجين نرفع الحديد بسرعة (مثلا قبل عملية أو في الحمل).

أقل من 7 ومعاه أعراض خطيرة: هنا لازم نقل دم لإنقاذ الحالة فورًا، وبعدها نكمل علاج الحديد ونشوف السبب.

في كل الحالات… لازم نعرف ليه حصل النقص: نزيف؟ سوء تغذية؟ مشكلة امتصاص؟
شفت الحالات دي عشرات المرات في العيادة، وكل مرة القرار بيتاخد بناءً على الصورة الكاملة… مش الرقم لوحده.

🥣 الشوفان مش بس أكل صحي... ده وقود ممتاز للجسم!تناول الكربوهيدرات المعقدة زي الشوفان، الحبوب الكاملة، والبقوليات بيساعد...
11/08/2025



🥣 الشوفان مش بس أكل صحي... ده وقود ممتاز للجسم!
تناول الكربوهيدرات المعقدة زي الشوفان، الحبوب الكاملة، والبقوليات بيساعد جسمك يشتغل بكفاءة أطول بدون تقلبات في السكر.
ده بيحسن الهضم، بيدّي طاقة مستمرة، وبيساعد في التحكم في مستوى السكر في الدم.
لو بتدور على إفطار ذكي… جرب الشوفان بطريقة تناسب ذوقك!

✅ د. محمد صفيان – أخصائي الجهاز الهضمي والكبد
📍 الدقي: ١٢ شارع الدقي – أعلى مكتبة سمير وعلي – الدور الثامن – الجيزة
📍 إمبابة: ١٧ شارع الطيار فكري – بجوار نادي إمبابة الرياضي – الجيزة
📞 للحجز والاستفسار: 01070448585

بأكل أقل… ووزني بيزيد! – فطاري؟ شاي بلبن.– غدايا؟ سلطة خفيفة.– العشا؟ غالبًا مفيش.وبرغم كده… كل ما أطلع على الميزان ألاق...
11/08/2025

بأكل أقل… ووزني بيزيد!

– فطاري؟ شاي بلبن.
– غدايا؟ سلطة خفيفة.
– العشا؟ غالبًا مفيش.

وبرغم كده… كل ما أطلع على الميزان ألاقي الرقم زاد!
الإحباط ده مش غريب، وبنشوفه كتير، والسر غالبًا مش في الأكل نفسه
لكن في طريقة حرق جسمك للطاقة.

فيه 3 أسباب هرمونية أو متعلقة بحرق الجسم ممكن توقف الحرق مهما قلّلت الأكل:

1️⃣ كسل الغدة الدرقية (Hypothyroidism)
الغدة مسؤولة عن تنظيم الحرق، ولو نشاطها قل، الحرق ينزل.
علامات ممكن تلاحظها: إحساس دايم بالبرد، جفاف الجلد، تساقط الشعر.

2️⃣ مقاومة الإنسولين (Insulin Resistance)
الجسم يخزن الدهون بسهولة، ويجوع بسرعة بعد الأكل.
علامات شائعة: زيادة الدهون حول البطن، ورغبة مستمرة في السكريات.

3️⃣ أسباب أخرى
قلة النوم، التوتر المزمن، أو أدوية معينة ممكن تبطئ الحرق.

قبل ما تلوم الأكل… اسأل نفسك: هل فيه مشكلة هرمونية أو مشكلة في حرق جسمك للطاقة محتاجة تتعالج؟

📌 عمرك حسيت إنك بتاكل أقل ومع ذلك وزنك بيزيد؟

كتير من النصائح الطبية اللي بتنتشر على السوشيال ميديا شكلها مقنع… كلام قصير، وصورة جذابة، وفيديو فيه ثقة. لكن الحقيقة إن...
11/08/2025

كتير من النصائح الطبية اللي بتنتشر على السوشيال ميديا شكلها مقنع… كلام قصير، وصورة جذابة، وفيديو فيه ثقة. لكن الحقيقة إن مش كل نصيحة صحيحة، ومش كل دواء ينفع لكل الناس.

الطب الحقيقي اسمه "الطب القائم على الدليل" أو Evidence-Based Medicine… يعني كل خطوة في التشخيص أو العلاج مبنية على أبحاث ودراسات علمية اتعملت على آلاف المرضى، وتمت مراجعتها بدقة قبل ما تُعتمد.

المشكلة إن النصائح العشوائية أحيانًا بتأخر التشخيص الصح، أو تسبب مضاعفات من دواء مش مناسب، أو تخلي المريض يسيب علاجه الأساسي علشان يجرب "الوصفة الجديدة" اللي شافها في فيديو.

قبل ما نجرّب أي علاج أو وصفة، حتى لو اتقالت بثقة، لازم نسأل: هل فيه دراسة قوية بتدعم الكلام ده؟ هل اتوافق عليه من جهات علمية موثوقة؟

"دكتور… أنا حاجزة 6، ليه دخلت 6 ونص؟"السؤال ده بيجيلي ساعات في العيادة، وساعتها بحب أوضح النظام اللي شغالين بيه، وليه هو...
10/08/2025

"دكتور… أنا حاجزة 6، ليه دخلت 6 ونص؟"
السؤال ده بيجيلي ساعات في العيادة، وساعتها بحب أوضح النظام اللي شغالين بيه، وليه هو في الأساس معمول علشان راحتك.

📌 أغلب العيادات تعمل بنظام أولوية الحضور… يعني اللي ييجي الأول يكشف الأول، حتى لو جاي قبل معاده بساعتين أو تلاتة.
النتيجة؟ ممكن تقعد مستني 4 أو 5 ساعات.

💡 العيادة تعمل بنظام المواعيد :
– كل مريض ليه ميعاد محدد (مثلا 6:00)، والكشف بياخد من ثلث إلأى نصف لنصف ساعة.
– لو جيت في معادك، غالبًا هتدخل على طول أو تستنى حاجة بسيطة جدًا.

لكن…
⏳ أوقات بيحصل تأخير، وده بيكون بسبب:
– مريض اتأخر ربع ساعة، والمريض اللي بعده لسه ما وصلش، فبيدخل مكانه.
– أو مريض اتأخر ساعة… ساعتها بيستنى أقرب ميعاد فاضي، وأحيانًا بيكون في آخر العيادة لو المواعيد مليانة.

🎯 الهدف من النظام:
– نحترم وقتك.
– نراعي الظروف الطارئة.
– ونمنع الانتظار الطويل اللي بيتعب أكتر من المرض نفسه.

علشان كده، الالتزام بالمواعيد هو اللي بيخلّي النظام يشتغل بكفاءة، ويخلي كلنا نستفيد منه.

سؤال مين أحسن ؟ أولوية الحضور ولا الحجز بموعد مسبق ؟

🟥"تعبان على طول ومش فاهم ليه؟"لو دايمًا مرهق، وعندك ألم في جنبك اليمين أو مشاكل في الهضم، ده ممكن يكون بسبب دهون على ا...
10/08/2025

🟥
"تعبان على طول ومش فاهم ليه؟"
لو دايمًا مرهق، وعندك ألم في جنبك اليمين أو مشاكل في الهضم، ده ممكن يكون بسبب دهون على الكبد...
مش لازم تبقى مريض سكر أو تخين علشان يجيلك، ومالهاش أعراض واضحة في الأول.
"إشارة حمراء" سلسلة طبية تقدمهالك عيادات د. محمد صفيان
علشان تعرف الأعراض اللي ماينفعش تتجاهلها أبداً

ليه مفيش كشف مستعجل في العيادة؟تخيّل حضرتك جاي في ميعادك … لاقيت العيادة زحمة، وفجأة حد دخل قبلك ، فقط علشان دفع أكتر. م...
10/08/2025

ليه مفيش كشف مستعجل في العيادة؟

تخيّل حضرتك جاي في ميعادك … لاقيت العيادة زحمة، وفجأة حد دخل قبلك ، فقط علشان دفع أكتر. مش إحساس حلو، صح؟

الكشف المستعجل يعني المريض يدفع مبلغ زيادة (500 أو 600 بدل 300 مثلا) علشان يدخل قبل دوره. بصراحة، أنا شايف إن ده ظلم للمريض اللي حاجز والتزم بميعاده، ملوش ذنب يستنى علشان حد تاني دفع أكتر.

علشان كده، نظام الحجز بسيط : كل مريض ليه ميعاد محدد، والانتظار بيكون بسيط جدًا (ربع ساعة – نص ساعة حسب الحالة اللي قبلك). وفي أوقات المريض بيدخل فور وصوله من غير ما يستنى دقيقة.

أنا مؤمن إن احترام المريض ووقته أهم من المكسب المادي… ولا يصح أطلب من حد يدفع زيادة لمجرد إنه يتخطى دوره. لو أنا مكانه، أكيد مش هرضى.

وقتك وحقك عندي بالدنيا

Address

Giza

Opening Hours

Monday 6pm - 11pm
Tuesday 6pm - 11pm
Wednesday 6pm - 11pm
Saturday 6pm - 11pm
Sunday 6pm - 11pm

Telephone

+201123318886

Website

Alerts

Be the first to know and let us send you an email when Dr. Mohammed Safian - د. محمد صفيان posts news and promotions. Your email address will not be used for any other purpose, and you can unsubscribe at any time.

Contact The Practice

Send a message to Dr. Mohammed Safian - د. محمد صفيان:

Shortcuts

Share

Share on Facebook Share on Twitter Share on LinkedIn
Share on Pinterest Share on Reddit Share via Email
Share on WhatsApp Share on Instagram Share on Telegram

Category