O Clinic - Dr. Omar Abou Bakr Youssef - د.عمر أبوبكر يوسف

04/01/2024

https://m.facebook.com/story.php?story_fbid=407075658325932&id=100070705040242&mibextid=Nif5oz

عشان دايما بنحب نختار الافضل لعملائنا😍
نرحب بأنضمام ( د. عمر ابو بكر ) لـ فريق صنــاع الفرحة
✅ استشاري أمراض النساء و علاج تأخر الإنجاب و الحقن المجهري بمراكز الرياض للخصوبة
✅ عضو الكلية الملكية البريطانية
✅ زميل مستشفيات جامعة شيفيلد بإنجلترا
موجود حاليا بفرع المهندسين .. أيام السبت والأثنين والأربعـاء ..

للحجز والاستعلام:
عن طريق رسائل الصفحة أو رقم الواتساب التالي📲 http://wa.me/+201101116503
📍 القاهرة: 50 شارع جزيرة العرب تقاطع وادي النيل، المهندسين.
📌 https://maps.app.goo.gl/m4PFf6mwet6L36F39

04/09/2022

استشاري النساء و التوليد و تأخر الحمل
متابعة الحمل الحرج
الحقن المجهري
للحجز برجاء الاتصال على
15920

05/12/2018

ومن المعلومات المغلوطة أثناء الحمل 👇

تناول الكالسيوم بيتسبب فى كبر حجم رأس الجنين و صعوبة الولادة الطبييعية🤔
وده كلام مش مظبوط 👎

ده بالعكس الكالسيوم مفروض انه بيتاخد مع الحمل و الرضاعة عشان يعوض الجسم 👌

معلومة مغلوطة مكملة معاكوا
لحد ما نعرف المعلومة الصح 👌

25/11/2018

"بمناسبة دخول الشتاء وموقف الحوامل من البرد والآدوية!

يعتبر نزلات البرد خلال فترة الحمل أسوأ حاجة ممكن الحامل تمر بيها بسبب مضاعفة التعب عليها
وأغلبنا بيتجنب الادوية لعلاج نزلات البرد خوفا على الحمل والجنين .
وفى الحقيقة مفيش داعى للقلق ومتجيش على نفسك لان اغلب ادويه البرد والكحه مابتضرش البيبي ف اى حاجه , أطمنى ومتعذبيش نفسك 😊

صحتك وصحة جنينك والتوعية بالانسب والاصح هدفنا 👌

العنوان: 139 شارع التحرير بجوار- محطة الدقى
📞ت/ 01095453599



"

21/11/2018

بنسمع كتير لو الام عندها فقر دم
ده بيأثر على الجنين بطريقة سلبية
و ممكن يتسبب فى أذى للأم وللطفل وحاجات كتير تقلق😔

و علشان المعلومات المغلوطة دايما بتنتشر بسرعة
هوضح الفرق بين إصابة الأم بفقر الدم البسيط و فقر الدم الحاد

● فقر الدم البسيط اللى عند امهات كتير مبيأثرش على البيبى فى حاجة
لأن البيبي بياخد اللى بيفيده من الدم و بالتالى بيكون دم عادى و كامل فمتقلقيش مفيش اى ضرر .

● اما بالنسبة لفقر الدم الحاد ف دا فى قلق على الجنين فى حالة عدم العلاج .

استشيرى دكتورك علشان تطمنى و تكونى مستقرة فى حملك

معلومات مغلوطة مكملة معاكوا لحد ما نعرف المعلومة الصح

19/11/2018

كل عام و انتم بخير

17/11/2018

موضوعنا النهاردة عن " الحقن المجهرى " 👇🏻

مشكلة تأخر الحمل بتخلينا نروح نكشف و نعمل فحوصات و فى حالات بعد المتابعة و الأدوية بتجيب نتيجه وحالات استثنائية بتلجأ " للحقن المجهرى "

أهم حاجة قبل ما تخدي الخطوة دي تبقي متأكدة ١٠٠ ℅ إن ده الحل الصحيح ليكي.

● يعنى ايه " الحقن المجهرى " وايه الخطوات التحضيرية لعملية الحقن المجهرى؟

- قبل اى حاجه لازم نعرف ان في عوامل كتير بتأثر على نسبة نجاح العملية أهمها السن و سبب التأخر في الحمل

- النسبة العامة النجاح بناء على دراسات وأبحاث علمية على مستوى العالم في حدود 45% اما بالنسبة للاماكن اللى بتقولك فيها نسبة النجاح 90% ملهاش اساس من الصحة وده كلام مش مظبوط

☆ خلينا نعرف اكتر عن الحقن المجهرى 👇🏻

- الحقن المجهرى هو تعويض العملية اللى بتحصل بشكل طبيعى فى الانجاب بطريقه علميه فى المعمل

●اما بالنسبة للخطوات التحضيرية ؟
¤ هى عبارة عن 3 خطوات:

1- تنشيط التبويض
2- سحب البويضات و عمل عملية التلقيح بالحيوانات المنوية وبداية تكوين الأجنة
3- زرع الآجنة في الرحم

متقلقيش أغلب حالات تأخر الحمل ليها حل و دايما خللي في أمل 😊

العنوان: 139 شارع التحرير - بجوار محطة الدقى

13/11/2018

"موضوعنا النهاردة معلومة طبية عن وسيلة مختلفة من وسائل منع الحمل 👇

بعضنا بيجرب وسائل منع حمل كتير لكن الجسم مارتحش مع اي وسيلة.. بعضنا استخدم كذا وسيلة و حصل حمل عليها..

أغلبنا سمع عن ربط الأنابيب اللي بيتعمل لو الأب و الأم مش عايزين أطفال تاني بس مايعرفش إنها ممكن تتعمل بالمنظار

"" ربط الانابيب بالمنظار "" أسهل بكتير من العملية التقليدية بفتح البطن.. ٣ فتحات و كل فتحة غرزة واحدة وبتروحى بعد كذا ساعة من العملية بألم أقل بكتير من الفتح

هى عملية فعاليتها عالية جدا و ممكن تبقي الحل الأفضل لستات كتير مش عايزين أي حمل تاني و احتاروا في وسيلة منع الحمل و خايفين من عملية كبيرة للربط

اختيار الوسيلة دي أو غيرها بيكون بعد مناقشة جميع الطرق المتاحة مع دكتورك و بعدها بتختاروا مع بعض الوسيلة اللى تناسب احتياجاتك.

العنوان: 139 شارع التحرير بجوار محطة مترو الدقى
ت/ 01095453599



"

08/11/2018

" تأخر الحمل لسبب مجهول "

● كتير من الأزواج اللي عندهم تأخر حمل بيروحوا من دكتور لدكتور بيحاولوا يوصلوا لإجابة:

☆ ليه الحمل مش بيحصل؟؟

أول حاجة لازم نعرف ان إن شاء الله كل حالة و ليها حل لو شخصناها صح.
- ١٠% من حالات تأخر الحمل للأسف مش بنعرف إيه السبب لكده.
ده مش عشان احنا في مصر او تقصير من الدكاترة، لكن عشان العلم مهما تقدم بيعجز في بعض الحالات عن الكشف عن الحقيقة 😐

● للأسف في بعض الأحيان، المريض مش بيقتنع اننا مش لاقيين السبب فيروح لدكتور تاني و تالت و رابع، و منشطات و حقن و فيتامينات و نعيد الأشعات و خلال الرحلة دي بيفقد نفسية و وقت و أمل و فلوس مع العلم ان الأمل كبير في الحمل بأساليب الحمل المساعدة

☆ عشان نوصل للتشخيص ده "تأخر حمل لسبب مجهول" لازم تحاليل و أشعات معينة و تمر فترة أكتر من سنة و نصف علي الزواج بعدها بننصح الأزواج بتوفير نفسيتهم و وقتهم و فلوسهم و مجهودهم و نوجهم للطريق الصحيح إن شاء الله..💪🏻

استشارتك للدكتور فى الوقت الصح هتوفر عليكى كتير 👌🏻

العنوان: 139 شارع التحرير- بجوار محطة الدقى - أعلى مطعم سيريانا.
📞ت/ 01095453599

06/11/2018

معظمنا بيسأل ازاى البيبى بيتنفس و هو جوا بطنى
طيب هو عايش ازاى او بيوصله الأكسجين منين!

أسئلة كتير بتحير وعايزين نعرف معلومات عنها

●خلينى أوضحلك المعلومة دى ببساطة 👇

الجنين مش بيستخدم الرئة فى التنفس و هو لسة فى بطنك
بمعنى ان البيبى بيبقى جوا كيس مليان بسائل
و بيوصل للبيبي الأكسجين من خلال الدم اللي بيجيله في الحبل السري و دي أهمية المشيمة
و استخدامه للرئة بيكون بعد الولادة مباشرة مع أول عياطه تفتح الرئة و يبدأ يتنفس👌

العنوان: 139 شارع التحرير بجوار- محطة الدقى
📞ت/ 01095453599

30/10/2018

دايما بنحب نسمع معلومات كتير علشان نثقف نفسنا
بس للاسف بنعرفها من الاماكن الغلط

ومن المعلومات المغلوطة 👇

هنعرف ان لو الام نايمة على جنبها و اتقلبت فجأة
مش هيحصل حاجة للبيبى , ولا الحبل السرى هيلف على رقبته ولا حاجة
كل دى معتقدات غلط بتزود من قلقنا وخلاص.
معلومة مغلوطة مكملة معاكوا لحد ما نعرف المعلومة الصح

23/10/2018

أى معلومة بتعدى علينا فى فترة الحمل بتلفت انتبهنا
و بالذات لو معلومة طبية مفيدة👌

● زى مثلا 👇

إنك تمشى نص ساعة فى اليوم أو تلعبى يوجا أو إنك تمارسى أى تمارين رياضية خفيفة أثناء فترة الحمل بتسهلك عملية التنفس و بتقوى عضلات بطنك ..

ده بيقلل جدا حجم البطن بعد الولادة لأن سبب ترهل البطن أغلبه بيبقي تمدد في العضلات مش دهون

☆الرياضة البسيطة مع الطريقة الصح مش هتأذيكى بالعكس 😉

لو جربتى الرياضة فى حملك قوليلنا حصل معاكى ايه ؟!