دكتور عمر محمود أبو سبيع - أمراض الباطنه و الجهاز الهضمي و الكبد

18/09/2023

هنساعدك تعرف أفضل مكان للإستثمار وشراء أراضي زراعية في جميع أنحاء الجمهورية وعيوب ومميزات كل منطقة

16/03/2022

الصيام لمريض السكر في رمضان

ساعات كتير مريض السكر بيسأل اذا كان ينفع يصوم ولا لا ؟ و فيه منهم اللي بيصوم علي طول من غير ما يسأل و اللي ممكن يكون خطر عليه.

اولا ايه خطوره عدم انضباط السكر وقت الصيام؟
خطورته انه ممكن يعمل للمريض هبوط في السكر (لانه صايم) او مكن يعمل له سكر عالي جدا (لأنه مخدش العلاج) و يبقي عنده اعراض سكر عالي شديده زي انه بيدخل الحمام كل شويه و عطشان و جعان و دا يدخله في جفاف , او ممكن يدخل في غيبوبه سكرDKA او انه يحصل له جلطه في المخ او القلب وقت الصيام.

علشان كدا مريض السكر لازم يبقي عارف هو ينفع يصوم ولا لا , و ميقولش هقدر و يجي علي نفسه جامد لحد ما يحصل له مشكله,
الكلام اللي هنقوله دا هو كلام العلم و الدين, بمعني ان الكلام دا من فتوي متي يجب علي مريض السكر انه يفطر و رأي الأطباء مين من مرضي السكر لازم يفطر.

مريض السكر اللي ممنوع يصوم هو:
_ اللي عنده سكر من النوع الاول (اللي بيجي في سن صغير و بيفضل طول عمره ماشي علي انسولين)
_ مريض السكر اللي السكر التراكمي ( HbA1c ) فوق ال 10
_ مريض السكر اللي اخر 3 شهور كان بيدخل في هبوط سكر (ضربات قلب سريعه مع عرق و احساس بالجوع و الدوخه او اضراب بالوعي بسبب نقص السكر)
_ مريض السكر اللي اخر 3 شهور دخل في غيبوبه سكر (او كان عنده اسيتون في البول)
_ مريض السكر اللي حصل له مرض تاني حاد (زي مريض السكر الي جاله التهاب رئوب مثلا)
_ مريض السكر اللي عنده قصور في القلب او جلطه في المخ او قدم سكري
_ مريض السكر اللي شغله فيه مجهود بدني كبير (زي انه يكون مريض سكر و شيال مثلا )
_ مريض السكر اللي سكره فوق ال 300
_ مريض السكر اللي السكر بتاعه تحت 70
_ مريضه سكر و حامل
_ مريض السكر اللي عنده قصور في وظائف الكلي بالمرحله الثالثه CKD stage 3 ( و دي الطبيب بيعرفها عن طريق حساب وزن العيان و نسبه وظائف الكلي و سن المريض)

المرضي دول عندهم كل الحق انهم يفطروا بل و لا يجوز لهم الصيام (بنص الفتوي)
لو انتا واحد من دول و زعلان انك مينفعش تصوم و هتحاول تيجي علي نفسك احب افكرك :"ان الله يحب ان تؤتي رخصه كما تؤتي فرائضه" و انتا ربنا ادالك رخصه انك تفطر, الهدف من الصيام مش انك تضر نفسك, الهدف من الصيام التقوي.

02/07/2020

ارتداء الماسكات لا يسبب الخوف ولا يؤثر علي نسبه الاكسجين بالدم
من فضلك ارتدي الماسك عند خروجك من المنزل

20/06/2020

علشان الناس اللي مش فاهمين مناعه القطيع و فاكرين اننا هنوصل لها خلاص .
المناعه دي هتحصل لما ٥٠_٦٠% من الشعب يتعدي و يجيله مناعه(كدا واحد من كل اتنين هيتعرض للفيروس هيبقي عنده مناعه فمش هينقله و بالتالي هيقل انتشار الفيروس ) تعالي بقي نحسبها.
لو كل يوم اتعدي ١٠ الاف واحد جديد ( و دا رقم كبير ) يبقي في السنه ٣٦٥× ١٠٠٠٠ = ٣،٥ مليون تقريبا. دا ايه؟ في السنه.

يبقي علشان نص السكان في مصر اللي هو ٥٠ مليون يتعدوا دا هياخد ١٤ سنه !!!!!!!!. ناهيك طبعا ان عشره آلاف حاله جديده كل يوم دا رقم كارثي و ناس كتير مش هتلاقي مستشفيات !!!
لو كل يوم ٢٠ الف حاله جديده يتعدوا فدا هياخد ٧ سنيييين علشان نوصل للمناعه دي و يقل انتشار الفيروس. متخيلين؟؟

متعتمدوش علي مناعه القطيع دلوقتي و حاولوا تتجنبوا التجمعات و تلبسوا الكمامات أول ما تخرجوا من البيت و التزموا بغسيل الايدي

16/06/2020

شخص عمل مسحة أيجابية لكن بدون أعراض متى يخرج من العزل ؟
مبدئياً هذا الشخص يسمى : حامل للفيرس Asymptomatic carrier و ليس مريضاً
حسب توصيات ال CDC فى الصورة , يخرج هذا الشخص من العزل فى حالتين :
الأولى , و تسمى Time-based strategy فى حالة مرور 10 ايام من تاريخ المسحة الإيجابية
الثانية و تسمى Test-based strategy فى حالة عمل مسحتين متتالتين سلبيتين بفارق 24 ساعة (ممكن وقتها يخرج من العزل قبل ال 10 أيام)
طب لو واحد مر عليه أكثر من عشرة أيام و عمل مسحة جديدة إيجابية ((و هو بدون أعراض)) ؟ يخرج برده من العزل لأن غالبا التحليل إيجابى بسبب أنه لقط بقايا RNA for dead virus . و طبعا يحافظ على التباعد قدر المستطاع بعد الخروج من العزل من باب الإحتياط و شكرا
منقول

12/06/2020

06/06/2020

امتي يحصل انفراجه و تقل حالات كرونا؟
لو حصل حاجه من ٤
١. تم اكتشاف مصل و انتاجه( في احسن الظروف علي آخر ٢٠٢٠ بس غالبا علي أول ٢٠٢١)
٢. لو لقينا دوا مباشر للفيروس ( أي دوا بياخد ابحاث و تجربه و مش هتحصل النقطه دي في ٢٠٢٠ ابدا)
٣. عدد الحالات اللي بتعدي بعض قل ( من التباعد الاجتماعي و الحظر و غلق أماكن التجمعات ) و لكن فعليا العالم كله بيفتح الان يبقي الحالات هتزيد مش هتقل
٤. مناعه القطيع ( اكتر من ٥٠% من الشعب يتعدي و ياخد مناعه و دا بياخد سنوات، احنا ١٠٠ مليون يعني ٥٠ مليون يبقي عندهم مناعه.دا بياخد سنوات لو مفيش تطعيم )

من الاختيارات اللي فاتت دي فأي حد بيقولك هتقل الحالات الفتره الجايه مش فاهم حاجه



#كورونا

02/06/2020

الناس اللي بتسأل امتي الناس هيبقي عندها مناعه من فيروس كورونا او ما هو متداول " مناعه القطيع "
اللي بتبقي محتاج حوالي ٦٠% من الشعب يبقي عنده مناعه
واضح انه لسه كتير للاسف
دي مقاله في Newyork timesبتتكلم عن نسبه الناس اللي عندهم اجسام مضاده او " مناعه" من فيروس كورونا

لندن وصلت ١٧،٥%
برشلونه في اسبانيه ٧،١% فقط

علشان كدا ننصح الناس خليك في بيتك و حاول تقلل خروجك علي اد ما نقدر و لو هتخرج البس كمامه

https://www.nytimes.com/interactive/2020/05/28/upshot/coronavirus-herd-immunity.html